മുൻ ഭാര്യമാരുമായുള്ള നടൻ ബാലയുടെ പോര് മുറുകുകയാണ്. സോഷ്യൽ മീഡിയയിലൂടെ അങ്ങോട്ടുമിങ്ങോട്ടുമുള്ള ആരോപണങ്ങൾ നിമിഷനേരം കൊണ്ടാണ് ഓൺലൈൻ ചാനലുകൾ വാർത്തകളാക്കി ആഘോഷിക്കുന്നത്. വേർപിരിയലുമായി ബന്ധപ്പെട്ട കേസിലെ രേഖകളിൽ വ്യാജ ഒപ്പു വെച്ചു എന്നും തന്റെ മകൾക്കായി ബാല ആകെ നൽകിയ ഇൻഷുറൻസ് തന്നെ അറിയിക്കാതെ പിൻവലിച്ചു എന്നും ചൂണ്ടിക്കാട്ടി ആദ്യ ഭാര്യ അമൃത സുരേഷ് ആയിരുന്നു ആദ്യം രംഗത്തെത്തിയത്. പിന്നാലെ വിവാഹിതയായിരുന്ന സമയത്ത് താൻ നേരിട്ട കൊടിയ പീഡനങ്ങളെ കുറിച്ചും ബാലയുടെ സംശയാസ്പദമായ സ്വഭാവത്തെക്കുറിച്ചും വെളിപ്പെടുത്തി രണ്ടാം ഭാര്യ എലിസബത്ത് ഉദയനും രംഗത്തെത്തിയിരുന്നു.
പ്രായമായ സ്‌ത്രീകളെ വീട്ടിലെ ബെഡ്‌റൂമിൽ വിളിച്ചുകയറ്റുമായിരുന്നുവെന്നും ഇത് ചോദ്യം ചെയ്താൽ അമ്മയെ പോയെലാണ്, ചേച്ചിയെ പോലെയാണ് എന്നെല്ലാം പറയുമായിരുന്നുവെന്നും എലിസബത്ത് വെളിപ്പെടുത്തിയിരുന്നു. ഇപ്പോഴിതാ ബാലയ്ക്കെതിരെ ഗുരുതര ആരോപണങ്ങൾ ഉന്നയിച്ച എലിസബത്തിനെതിരെ രംഗത്തെത്തിയിരിക്കുകയാണ് ബാലറ്റ് കരൾ ദാനം ചെയ്ത ജോസഫ് എന്ന യുവാവ്. ജോസഫിന്റെ പ്രതികരണം ഉൾപ്പെടുന്ന വീഡിയോ ബാല ഇൻസ്റ്റഗ്രാം പേജിൽ ഷെയർ ചെയ്തിട്ടുണ്ട്.
ബാലയും എലിസമ്പത്തും തമ്മിലുള്ള പ്രശ്നങ്ങളിൽ ഇടപെടാനോ പക്ഷം പിടിക്കാനോ താല്പര്യമില്ലെന്നും എന്നാൽ തന്റെ പേരിൽ പറഞ്ഞ ചില കാര്യങ്ങളിൽ വ്യക്തത വരുത്താൻ വേണ്ടി മാത്രമാണ് ശ്രമിക്കുന്നതെന്നും വീഡിയോയിൽ ജോസഫ് പറയുന്നു. ‘ തന്നെക്കുറിച്ച് വാസ്തവമല്ലാത്ത കാര്യങ്ങൾ വിളിച്ചു പറയരുത്. താൻ സ്വന്തം ഇഷ്ടപ്രകാരമാണ് അവയവദാനത്തിന് തയ്യാറായത്, ആ തന്നെ പറ്റി പറയാൻ എലിസബത്തിന് യാതൊരു അർഹതയുമില്ല. അവയവദാന ശാസ്ത്രക്രിയയുടെ ഭാഗമായി താൻ ആശുപത്രിയിൽ ഉണ്ടായിരുന്നപ്പോൾ എലിസബത്തും അവിടെ ഉണ്ടായിരുന്നു എന്നും എന്നാൽ അവർ അവയവദാനം ചെയ്യാമെന്ന തരത്തിൽ സംസാരിച്ചതായി തനിക്ക് അറിയില്ലെന്നും ജോസഫ് പറയുന്നു. കൂടാതെ അവയവദാനത്തിനായി ലക്ഷങ്ങൾ വാങ്ങിയെന്ന എലിസബത്തിന്റെ ആരോപണത്തിലും ജോസഫ് പ്രതികരിച്ചു. ഇത്തരത്തിൽ ബാലയുടെ കയ്യിൽ നിന്ന് പണം കൈ പറ്റിയിട്ടുണ്ടെങ്കിൽ അതിന് തെളിവ് കാണിക്കണമെന്നും ജോസഫ് എലിസബത്തിനെ വെല്ലുവിളിക്കുന്നുണ്ട്. മാത്രമല്ല അവയവദാനം എന്നത് അത്ര പെട്ടെന്ന് ചെയ്യാൻ പറ്റുന്ന കാര്യമല്ല എന്നും ധാരാളം ടെസ്റ്റുകളും ചർച്ചകളും മുന്നോടിയായി വേണമെന്നും ജോസഫ് പറയുന്നു.
അവയവദാനം എന്ത് ലോകത്ത് തന്നെ ഏറ്റവും മഹത്തായ കർമ്മമാണ് അത് നന്നായി അറിയാവുന്ന ഡോക്ടറാവുന്ന ഒരാൾ അതിനെക്കുറിച്ച് മോശം കാര്യങ്ങൾ പ്രചരിപ്പിക്കുന്നത് ശരിയല്ലെന്നും ജോസഫിന്റെ വീഡിയോ പങ്കുവെച്ചുകൊണ്ട് ബാലയും പറയുന്നു.
