ബോളിവുഡിലും തെന്നിന്ത്യയിലും ഒരേ പോലെ ആരാധക പിന്തുണയുള്ള മറ്റൊരു നടിയുണ്ടോ എന്ന കാര്യം സംശയമാണ്. അത്രയ്ക്ക് പ്രേക്ഷകർ നെഞ്ചേറ്റിയ നടിയാണ് കജോൾ. എക്കാലത്തെയും ഹിറ്റായ ഒട്ടനവധി ചിത്രങ്ങളിലെ പ്രധാന കഥാപാത്രമായി വെള്ളിത്തിരയിൽ എത്തിയ താരത്തെയും താരത്തിന്റെ ഹൃദയഹാരിയായ ചിരിയേയും പ്രശംസിച്ച് രംഗത്ത് എത്തിയിരിക്കുകയാണ് നട ദുൽഖർ സൽമാൻ.
‘കാജോളിനൊപ്പം അഭിനയിക്കാന്‍ എനിക്ക് ആഗ്രഹമുണ്ട്. ഓരോ സിനിമയിലെയും കഥാപാത്രത്തെ അവര്‍ അവതരിപ്പിക്കുന്ന രീതി വളരെ മനോഹരമാണ്. അവര്‍ തന്റെ കഥാപത്രങ്ങള്‍ക്ക് ജീവന്‍ കൊടുക്കുന്ന രീതിയും മനോഹരമാണ്. അവരുടെ എല്ലാ ഇമോഷനുകളും നമുക്ക് ശരിക്കും മനസിലാക്കാന്‍ സാധിക്കും. അവര്‍ ചിരിക്കുന്നത് ഹൃദയത്തില്‍ നിന്നാണെന്ന് തോന്നിയിട്ടുണ്ട്. അവരുടെ സിനിമ കാണുമ്പോള്‍ ആ കഥാപാത്രം കരയുന്നത് കണ്ടാല്‍ ശരിക്കും ആ കണ്ണുനീര്‍ ഒറിജിനലാണെന്ന് തോന്നി പോവും. അവര്‍ സിനിമയ്ക്കും അഭിനയത്തിനും അത്ര മാത്രം ആത്മാര്‍ത്ഥത നല്‍കുന്നുണ്ട്,’ ദുല്‍ഖര്‍ സല്‍മാന്‍ പറഞ്ഞു.
