നടൻ കൃഷ്ണകുമാറിന്റെ മകളും മലയാളികളുടെ പ്രിയപ്പെട്ട യൂട്യൂബ് വ്ലോഗറും സംരംഭകയുമായ ദിയ കൃഷ്ണകുമാറിന്റെ സ്ഥാപനത്തിൽ മൂന്ന് ജീവനക്കാരികൾ ചേർന്ന് നടത്തിയ തട്ടിപ്പിന്റെ ചുരുളുകൾ പോലീസ് പുറത്തുകൊണ്ടുവന്നുകൊണ്ടിരിക്കുകയാണ്. പുറത്തുവന്ന കണക്കുകൾ പ്രകാരം ഏകദേശം 65 ലക്ഷത്തിലധികം ദിയയുടെ സ്ഥാപനത്തിൽ നിന്നും ജീവനക്കാരികൾ സ്വന്തം അക്കൗണ്ടുകളിലേക്ക് തട്ടിച്ചിട്ടുണ്ടെന്നാണ് പോലീസിന്റെ കണ്ടെത്തൽ.
ഇതിനിടെ ആരോപണ വിധേയരായ ജീവനക്കാരികൾ നടൻ കൃഷ്ണകുമാറിനും ദിയയ്ക്കും കുടുംബത്തിനുമെതിരെ ഉന്നയിച്ച തട്ടിക്കൊണ്ടു പോകൽ ആരോപണവും ജാതി അധിക്ഷേപവുമെല്ലാം പൊതുജനം ചർച്ച ആക്കി കൊണ്ടിരിക്കുകയാണ്. ഇപ്പോഴിതാ വിഷയത്തിൽ പ്രതികരിച്ച് രംഗത്ത് എത്തിയിരിക്കുകയാണ് യൂട്യൂബ് സീരിയൽ നടിയുമായ ഡിംപിള്‍ റോസും. ദിയയെപ്പോലെ തന്നെ ഓൺലൈൻ ബിസിനസ് നടത്തുന്നയാളാണ് ഡിംപിളും. സാരിയും ആഭരണങ്ങളുമാണ് ഡിംപിൾ വിൽക്കുന്നത്.
നടിയുടെ വാക്കുകൾ..
ഞങ്ങളെല്ലാവരും ഒരുമിച്ചിരുന്നാണ് കാര്യങ്ങളെല്ലാം ചെയ്യുന്നത്. പുറമെ നിന്നും ആരേയും ഇതിനായി എടുത്തിട്ടില്ല. സമയവും സൗകര്യവും അനുസരിച്ച് ഞങ്ങളാണ് എല്ലാം ചെയ്യുന്നത്. എല്ലാം സെറ്റാക്കുക എന്നത് നല്ല പാടുള്ള കാര്യമാണ്. ഒറ്റ ഇരിപ്പ് ഇരിക്കേണ്ട അവസ്ഥയാണ്. എന്നാലും കുഴപ്പമില്ല, ഇതൊക്കെ ചെയ്ത് കഴിയുമ്പോള്‍ സമാധാനം കിട്ടും
തുടക്കകാലത്ത് ബിസിനസുമായി ബന്ധപ്പെട്ട് തങ്ങളും ചെറിയ പ്രശ്നങ്ങളൊക്കെ നേരിട്ടിരുന്നു. അന്ന് സോഷ്യൽ മീഡിയ ഇല്ലാതിരുന്നതുകൊണ്ട് ഞങ്ങൾക്ക് പറയാൻ ഒരു പ്ലാറ്റ്ഫോം ഉണ്ടായിരുന്നില്ല. നമുക്ക് ചെയ്യാന്‍ പറ്റുന്നത് ചെയ്യുക, പുറമെ നിന്ന് ഒരാളെയും ഇതിലേക്ക് എടുക്കണ്ടെന്ന് ഡാഡി അന്നു മുതലേ പറയുമായിരുന്നു
