ഹീമോഫീലിയയെയും മറ്റ് പാരമ്പര്യ രക്തസ്രാവ വൈകല്യങ്ങളെയും കുറിച്ച് അവബോധം വളര്‍ത്തുന്നതിനായി എല്ലാ വര്‍ഷവും ഏപ്രില്‍ 17 ന് ലോക ഹീമോഫീലിയ ദിനമായി ആചരിക്കുന്നു. ‘എല്ലാവര്‍ക്കും പ്രവേശനം’ എന്നതാണ് ഇക്കൊല്ലത്തെ ദിനാചരണ സന്ദേശം. ഒരു രക്തസ്രാവ രോഗമാണ് ഹീമോഫീലിയ. ഇതൊരു ഗുരുതരമായ അവസ്ഥയാണ്. ഈ രക്ത സംബന്ധമായ അസുഖത്തില്‍ രക്തം കട്ടപിടിക്കുന്നില്ല. രണ്ട് തരം ഹോമോഫീലിയ ഉണ്ട്. ഹീമോഫീലിയ എ, ഹീമോഫീലിയ ബി. ഏറ്റവും സാധാരണമായ ഹീമോഫീലിയ എ ആണ്. രക്തം കട്ട പിടിക്കാന്‍ സഹായിക്കുന്ന ഘടകങ്ങള്‍ കുത്തിവച്ചുകൊണ്ടാണ് ഇതിന് പ്രധാനമായും ചികിത്സ നടത്തുന്നത്. ഹീമോഫീലിയയെ കുറിച്ച് ശാസ്ത്രീയമായ പല പഠനങ്ങളും വന്നതിന്റെ അടിസ്ഥാനത്തില്‍ ഇതിനുള്ള ചികിത്സാരീതികളിലും ഗണ്യമായ പുരോഗതിയുണ്ടായിട്ടുണ്ട്
