തന്റെ കുടുംബം തന്റെ സ്വത്താണെന്ന് തോന്നിപ്പിക്കുന്ന ചുരുക്കം ചില മലയാള താരങ്ങളാണ് മമ്മൂക്കയും സുരേഷ് ഗോപിയും ജയറാമും ബിജുമേനോനും മോഹൻലാലുമൊക്കെ. ഇതിൽ തന്നെ സിനിമാക്കാര്യങ്ങളും വീട്ടിലെ കല്യാണ വിശേഷങ്ങളും വിവാദങ്ങളും കുടുംബത്തിലെ കുഞ്ഞു കുഞ്ഞു സന്തോഷങ്ങളുമൊക്കെയായി മലയാളികൾ ഇടയ്ക്കിടെ കാണാറുള്ള മുഖങ്ങളാണ് നടൻ സുരേഷ് ഗോപിയുടെയും കുടുംബത്തിന്റെയും.
സുരേഷ് ഗോപിക്കും ഭാര്യ രാധികയ്ക്കും രണ്ട് ആൺകുട്ടികളും രണ്ട് പെൺകുട്ടികളും ആണുള്ളത്. ഇതിൽ മൂത്ത മകളുടെ വിവാഹം ഈയടുത്ത് താര കുടുംബത്തോടൊപ്പം തന്നെ ആരാധകരും സോഷ്യൽ മീഡിയയും വലിയ ആഘോഷമാക്കിയിരുന്നു. എന്നാൽ പലപ്പോഴും മറന്നു പോകുന്ന ഒരു കാര്യമാണ് അകാലത്തിൽ നടനെയും കുടുംബത്തെയും വിട്ടന്ന ലക്ഷ്മി എന്ന താരത്തിന്റെ മകളെ കുറിച്ച്. വർഷങ്ങൾക്കു മുമ്പ് നടന്ന ഒരു കാർ അപകടത്തിൽ മകളെ നഷ്ടപ്പെടുകയായിരുന്നു. ഇപ്പോഴിതാ ഇന്നും വേദനിപ്പിക്കുന്ന ആ ഓർമ്മകളെക്കുറിച്ച് സുരേഷ് ഗോപി ഒരു പരിപാടിയിൽ സംസാരിച്ചതാണ് വൈറലാകുന്നത്.
എന്റെ ജീവിതത്തിൽ ഒരു വലിയ ദുരന്തം സംഭവിച്ചപ്പോൾ താങ്ങായത് സംവിധായകൻ സിബി മലയിലാണ്. ഭാര്യ അപ്പോൾ തിരുവനന്തപുരത്തെ ആശുപത്രിയിലും അനുജൻ ചെന്നൈയിലെ ആശുപത്രിയിലും ഗുരുതരാവസ്ഥയിൽ ചികിത്സയിലായിരുന്നു. ഏകദേശം ഒന്നര മാസം ഞങ്ങൾക്ക് ഭക്ഷണം കൊണ്ടുവന്നത് സിബി മലയിലും ഭാര്യയുമാണ്. അത് ഞാൻ ജീവിതത്തിൽ എപ്പോഴും ഓർക്കുന്നതാണ്. എന്റെ സഹോദരനെപോലെയാണ് അദ്ദേഹം
.ഞങ്ങളുടെ ആദ്യമകൾ ലക്ഷ്മി സിബി മലയിലിന്റെ സാന്ത്വനം എന്ന ചിത്രത്തിലെ ഉണ്ണി വാവാവോ എന്ന ഗാനം കേട്ടാണ് ഉറങ്ങിയിരുന്നത്. അത് ഞാൻ ഒരിക്കൽ സിബിയോട് പറഞ്ഞിരുന്നു. അതുകഴിഞ്ഞ് ഒരാഴ്ച കഴിഞ്ഞപ്പോഴാണ് മകൾ ഞങ്ങളെ വിട്ടുപോയത്. അവൾ മരിക്കുന്നുവരെ ആ പാട്ടാണ് കേട്ടിരുന്നത്. ഞങ്ങളുടെ ജീവിതത്തിൽ ഒരിക്കലും മറക്കാൻ സാധിക്കാത്ത ഒരു സംഭവമായിരുന്നു. എന്റെ ഉത്തരവാദിത്തങ്ങൾ നിറവേറ്റാൻ വേണ്ടി പല ഇഷ്ടങ്ങളും മാറ്റിവയ്ക്കേണ്ടി വന്നിട്ടുണ്ട്. അതിനുമുമ്പുവരെ രാവിലെ മേക്കപ്പിടാൻ വേണ്ടിയായിരുന്നു ഉണർന്നിരുന്നത്. കഴിഞ്ഞ വർഷം മുതൽ ഞാൻ അങ്ങനെയായിരുന്നില്ല. ഇപ്പോൾ ഞാൻ രണ്ടും ചെയ്യുന്നുണ്ട്’- സുരേഷ് ഗോപി പറഞ്ഞു.
