തെന്നിന്ത്യൻ സിനിമയുടെ എക്കാലത്തെയും താരറാണിയാണ് തൃഷ കൃഷ്ണൻ. അധികം ഗോസിപ്പുകളിൽ ഇടംപിടിക്കാത്ത താരം കൂടിയാണ് നടി. ഇപ്പോഴിതാ തൃഷ ഇൻസ്റ്റാഗ്രാമിൽ പങ്കുവച്ച ഒരു ഫോട്ടോ ശ്രദ്ധനേടുകയാണ്. ‘സ്‌നേഹം എപ്പോഴും വിജയിക്കും’ – എന്ന അടിക്കുറിപ്പോടെ പങ്കുവച്ചിരിക്കുന്ന ചിത്രമാണ് ശ്രദ്ധനേടുന്നത്. പച്ച നിറത്തിലെ പട്ടുസാരിയിൽ പരമ്പരാഗത ആഭരണങ്ങളും അണിഞ്ഞ് വധുവിനെ പോലെ അതിസുന്ദരി ആയാണ് തൃഷ ചിത്രത്തിലുള്ളത്.’കല്യാണമായോ’ എന്ന കമന്റുകളാണ് ചിത്രത്തിന് കൂടുതലായും ലഭിക്കുന്നത്. ‘ അപ്പോൾ അഭ്യൂഹങ്ങൾ ശരിയായിരുന്നു, തൃഷ ഒടുവിൽ വിവാഹിതയാകുന്നു’ – എന്നുള്ള കമന്റുകളും ചിത്രത്തിൽ നിറയുന്നുണ്ട്. ‘ഇനി അറിയേണ്ടത് വിജയ് തന്നെയാണോ വരൻ’ എന്നും ചിലർ സംശയമായി ചോദിക്കുന്നു. മഞ്ജിമ മോഹൻ, കീർത്തി സുരേഷ് അടക്കം നിരവധി സിനിമാ താരങ്ങൾ ചിത്രത്തിന് ലൈക്കും കമന്റും ചെയ്തിട്ടുണ്ട്.
തന്റെ സ്വകാര്യ ജീവിതത്തിലെ വിശേഷങ്ങളും തൃഷ സമൂഹമാദ്ധ്യത്തിലൂടെ ആരാധകരോട് പങ്കുവയ്ക്കാറുണ്ട്. അടുത്തിടെ ഇസി എന്ന് പേര് നൽകിയിരിക്കുന്ന നായ്‌ക്കുട്ടിയെ സ്വന്തമാക്കിയ വിവരം താരം പങ്കുവച്ചിരുന്നു. നായ്‌ക്കുട്ടിയുടെ ചിത്രങ്ങളും വീഡിയോകളും ഇൻസ്റ്റാഗ്രാമിൽ പങ്കുവച്ചിട്ടുണ്ട്. സോറോ’ എന്ന തന്റെ വളർത്തുനായ വിടപറഞ്ഞതും താരം ആരാധകരോട് വെളിപ്പെടുത്തിയിരുന്നു.
അതേസമയം തെന്നിന്ത്യയിൽ കുറെ കാലമായി പ്രചരിക്കുന്ന വാർത്തയാണ് നടൻ വിജയം കൃഷിയും തമ്മിൽ പ്രണയത്തിൽ ആണെന്നുള്ളത്. നടൻ ഭാര്യയുമായി അകൽച്ചയിൽ ആണെന്നും ഇതിനു കാരണം തൃഷയാണെന്നും പലരും പലപ്പോഴും കുറ്റപ്പെടുത്തിയിരുന്നു. ഇത് ശരി വയ്ക്കുന്ന തരത്തിൽ അടുത്ത സുഹൃത്തുക്കളെ പോലെയുള്ള ഫോട്ടോകളും പലപ്പോഴും നടി സോഷ്യൽ മീഡിയയിൽ പങ്കുവെച്ചിരുന്നു.
