തിരുവനന്തപുരം: കെപിസിസി പ്രസിഡന്റ് കെ സുധാകരനെതിരായ അനധികൃത സ്വത്ത് സമ്പാദന പരാതിയില്‍ വിശദമായ അന്വേഷണം വേണമെന്ന് ശുപാർശ. പ്രാഥമിക അന്വേഷണത്തില്‍ സുധാകരനെതിരേ നിര്‍ണായകമായ തെളിവുകൾ ലഭിച്ചിട്ടുണ്ട്. മുന്‍ ഡ്രൈവര്‍ പ്രശാന്ത് ബാബു നല്‍കിയ പരാതിയുടെ അടിസ്ഥാനത്തിലാണ് കഴിഞ്ഞ ജൂലൈയിൽ പ്രാഥമിക അന്വേഷണം തുടങ്ങിയത്.
ആറ് കോടിയോളം ചെലവഴിച്ച് സുധാകരന്‍ നിര്‍മിച്ച വീടിന്റെ സാമ്പത്തിക സ്രോതസ് അന്വേഷിക്കണമെന്ന് പരാതിയിലുണ്ട്. കണ്ണൂര്‍ എഡ്യൂ പാര്‍ക്കിന്റെ പേരിലും, കെ കരുണാകരന്‍ സ്മാരക ട്രസ്റ്റ് ചിറക്കല്‍ രാജാസ് ഹൈസ്‌ക്കൂള്‍ ഏറ്റെടുക്കുന്നതിനായും പിരിച്ച കോടിക്കണക്കിന്‌ രൂപ സുധാകരന്‍ സ്വന്തം അക്കൗണ്ടിലേക്കു മാറ്റി എന്നും പരാതിയിലുണ്ട്.
