‘ദളപതി 65’ ഒരുങ്ങുകയാണ്. വിജയും നെല്സണ് ദിലീപ് കുമാറും ഒന്നിക്കുമ്ബോള് പുതിയ പ്രതീക്ഷകളാണ് ആരാധകര്ക്ക്. സണ് പിക്ചേഴ്സ് നിര്മിക്കുന്ന ചിത്രം അടുത്തിടെയാണ് പ്രഖ്യാപിച്ചത്. ഫെബ്രുവരിയില് ഷൂട്ടിംഗ് ആരംഭിക്കാനിരിക്കുന്ന ചിത്രത്തിന്റെ പുതിയ അപ്ഡേറ്റ് പുറത്തുവന്നു.
നടി പൂജ ഹെഗ്ഡെ വിജയുടെ നായികയായി എത്തുമെന്നാണ് വിവരം. അരുണ് വിജയും ഈ പ്രൊജക്ടില് ഒപ്പുവെച്ചു എന്നാണ് റിപ്പോര്ട്ടുകള്. ഔദ്യോഗിക സ്ഥിരീകരണം ഇതുവരെ പുറത്തുവന്നിട്ടില്ല. പൂജ നായികയായി എത്തുമ്ബോള് അരുണ് വിജയ് വില്ലന് കഥാപാത്രത്തെ അവതരിപ്പിക്കുന്നു. 2022 പൊങ്കലിന് റീലീസ് ചെയ്യാനാണ് നിര്മാതാക്കള് പദ്ധതിയിടുന്നത്. ഡാര്ക്ക് കോമഡി വിഭാഗത്തില് പെടുന്ന ചിത്രമായിരിക്കുമിത്.
വിജയുടെ ‘മാസ്റ്റര്’ വിജയകരമായി പ്രദര്ശനം തുടരുകയാണ്. ഇതിനകം 200 കോടി കളക്ഷന് നേടി എന്നാണ് റിപ്പോര്ട്ടുകള്. ശിവകാര്ത്തികേയന് നായകനായെത്തുന്ന തമിഴ് ആക്ഷന് കോമഡിയായ ഡോക്ടര് എന്ന ചിത്രത്തിന്റെ റിലീസിനായി കാത്തിരിക്കുകയാണ് നെല്സണ് ദിലീപ് കുമാര്.