അച്ഛനും നടനും സംവിധായകനും തിരക്കഥാകൃത്തുമായ ശ്രീനിവാസന്റെ പേരിൽ ചലച്ചിത്ര നിർമ്മാണ കമ്പനിയുമായി വിനീത് ശ്രീനിവാസനും ധ്യാൻ ശ്രീനിവാസനും. ശ്രീനിവാസൻ പ്രൊഡക്ഷൻസ് എന്നാണ് പേര്. ചിങ്ങം1 ന് ഔദ്യോഗിക പ്രഖ്യാപനം ഉണ്ടാകും.
ശ്രീനിവാസൻ പ്രൊഡക്ഷൻസിന്റെ ആദ്യ സിനിമ വിനീത് ശ്രീനിവാസൻ സംവിധാനം ചെയ്യുമെന്നാണ് റിപ്പോർട്ട്‌. പ്രണവ് മോഹൻലാൽ ആയിരിക്കും നായകൻ. ധ്യാൻ ശ്രീനിവാസൻ സംവിധാനം ചെയ്യുന്ന സിനിമയും ആലോചനയിലുണ്ട്. മറ്റു സംവിധായകർക്കും നവാഗതർക്കും ശ്രീനിവാസൻ പ്രൊഡക്ഷൻസ് അവസരം നൽകാനാണ് തീരുമാനം.
അതേസമയം ആരോഗ്യ കാരണത്താൽ അഭിനയരംഗത്തുനിന്ന് ഇടവേളയിലാണ് ശ്രീനിവാസൻ. ശ്രീനിവാസന്റെ പേരിൽ ചലച്ചിത്ര നിർമ്മാണ കമ്പനി ആരംഭിക്കണമെന്നാഗ്രഹം ഏറെ നാളായി വിനീതിനും ധ്യാനിനും ഉണ്ടായിരുന്നു.
