ചെന്നൈ: തമിഴ് സീരിയല് താരവും അവതാരകയുമായ വി.ജെ. ചിത്രയുടെ മരണം ആത്മഹത്യയാണെന്ന് പോസ്റ്റ്മോര്ട്ടം റിപ്പോര്ട്ട്. ലോവര് സര്ക്കാര് ആശുപത്രിയിലാണ് പോസ്റ്റുമോര്ട്ടം നടത്തിയത്. വിജയ് ടിവി സംപ്രേക്ഷണം ചെയ്യുന്ന പാണ്ഡ്യന് സ്റ്റോര്സ് എന്ന സീരിയലിലൂടെ ശ്രദ്ധേയയായ താരത്തെ ചെന്നൈയിലെ ഹോട്ടല് റൂമില് ബുധനാഴ്ചയാണ് ജീവനൊടുക്കിയ നിലയില് കണ്ടെത്തിയത്.
28 വയസ്സുള്ള ചിത്ര ഭാവിവരനായ ഹേമന്ദിനൊപ്പമായിരുന്നു താമസം. കുളിക്കാന് പോകുന്നുവെന്ന് പറഞ്ഞ് റൂമില് കയറിയ ചിത്രയെ ഏറെ നേരം കാണാഞ്ഞിട്ടും സംശയം തോന്നിയപ്പോള് ഹോട്ടല് ജീവനക്കാരെ വിളിക്കുകയായിരുന്നുവെന്ന് ഹേമന്ദ് പറയുന്നു. ഡ്യൂപ്ലിക്കേറ്റ് താക്കോല് ഉപയോഗിച്ച് റൂം തുറന്നപ്പോള് കണ്ടത് ഫാനില് തൂങ്ങി നില്ക്കുന്ന ചിത്രയെയാണ്. ചിത്രയുടെ മരണത്തില് അസ്വഭാവികത ഉണ്ടെന്ന് കുടുംബം ആരോപിച്ച പശ്ചാത്തലത്തിലാണ് പോസ്റ്റ്മോര്ട്ടം റിപ്പോര്ട്ടില് ആത്മഹത്യയാണെന്ന് തെളിഞ്ഞിരിക്കുന്നത്.