വിവാഹ വേദിയിലെ ഡാൻസിലൂടെ വൈറലായ ആറ് വയസ്സുകാരി വൃദ്ധി വിശാൽ സിനിമയിലേക്ക്. പൃഥ്വിരാജിനെ നായകനാക്കി ഷാജി കൈലാസ് സംവിധാനം ചെയ്യുന്ന കടുവ എന്ന സിനിമയിൽ താരത്തിന്റെ മകളെയാണ് വൃദ്ധി എത്തുന്നത്. വൃദ്ധിയുടെ പിതാവ് വിശാൽ കണ്ണനാണ് വിശേഷം സമൂഹ മാധ്യമങ്ങളിലൂടെ പങ്കുവെച്ചത്.
ദൈവത്തിനു നന്ദി. എന്റെ മോളുടെ വീഡിയോ ഷെയർ ചെയ്തമാധ്യമങ്ങൾക്കും ഓരോരുത്തർക്കും നന്ദി. രാജുവേട്ടന്റെ മോളായി വൃദ്ധി വിശാൽ ബിഗ് സ്ക്രീനിലേക്ക്. എല്ലാവരും അനുഗ്രഹിക്കണം പ്രാർത്ഥിക്കണം. മോളുടെ മൂന്നാമത്തെ സിനിമയാണ്.
കഴിഞ്ഞ ദിവസം സീരിയൽ താരം അഖിൽ ആനന്ദിന്റെ വിവാഹവേദിയിലായിരുന്നു വൃദ്ധിയുടെ ഡാൻസ്. മാസ്റ്ററിലെ വാത്തി കമിങ്ങ് എന്ന ഗാനത്തിനൊപ്പമായിരുന്നു വൃദ്ധി ചുവടു വെച്ചത്.
