ബോചെയെന്ന് ആരാധകര്‍ വിളിപ്പേരിട്ട ബോബി ചെമ്മണ്ണൂരിനെ കുറിച്ച് മലയാളികൾക്ക് യാതൊരു മുഖവുരയും ആവശ്യമില്ല. അത്രയ്ക്ക് സുപരിചിതനാണ് ബോചെ മലയാളികൾക്ക്. തോന്നുന്നതെല്ലാം ചെയ്യുന്ന, പറയുന്ന പ്രകൃതം മൂലം സ്ഥിരമായി വിമർശനം ഏറ്റുവാങ്ങുന്നതാണ് രീതി. ഏറ്റവുമൊടുവിലിതാ നടി നടി ഹണി റോസിനെ കുറിച്ച് നടത്തിയ പരാമർശമാണ് വിവാദമായിരിക്കുന്നത്.
ബോബി ചെമ്മണ്ണൂരിന്റെ തന്നെ ബിസിനസ് സംരംഭത്തിന്റെ പരിപാടിയിൽ അതിഥിയായി എത്തിയതായിരുന്നു ഹണി റോസ്. ബോബി ചെമ്മണ്ണൂരിനൊപ്പം പൊതു വേദിയിൽ നിൽക്കുമ്പോഴാണ് വിവാദ പരാമർശം നടിക്കെതിരെ നടത്തിയത്. നടിയെ കാണുമ്പോൾ പുരാണത്തിലെ ഒരു കഥാപാത്രമായ കുന്തി ദേവിയെ ഓർമ്മ വരുന്നു എന്നായിരുന്നു ബോചെയുടെ കമന്റ്.
പരിപാടിയുടെ ഭാഗമായി കണ്ണൂരിലെ ചെമ്മണ്ണൂർ ജ്വല്ലറിയുടെ ഷോറൂമും സന്ദർശിച്ച നടിയെ ബോചെ നെക്ക്ലെസ്സ് അണിയിക്കുന്ന വീഡിയോയും സാമൂഹ്യ മാധ്യമങ്ങളിൽ വൈറൽ ആയിട്ടുണ്ട്. മാല അണിയിച്ചതിനു ശേഷം നടിയെ ഒന്ന് കറക്കിയ ശേഷം ‘നേര നിന്നാൽ മാലയുടെ മുൻഭാഗമെ കാണൂ. മാലയുടെ പിൻഭാഗം കാണാൻ വേണ്ടിയാണ് കറക്കിയത്’ തമാശ എന്ന രീതിയിലുള്ള ബോചെയുടെ ഈ അശ്ലീല ചുവയുള്ള കമന്റും ആളുകൾ കാര്യമായി ഏറ്റെടുത്തിട്ടുണ്ട്.
എന്നാൽ ഈ രണ്ടു കാര്യങ്ങളും ചൂണ്ടിക്കാട്ടിയ നെറ്റി സൺസ് ബോചെയുടെ വാക്കുകൾ അതിരുകടക്കുന്നു എന്ന് ചൂണ്ടിക്കാട്ടി. പലപ്പോഴും സ്ത്രീത്വത്തെ അപമാനിക്കുന്ന രീതിയിലാണ് പെരുമാറ്റം ബോചെയുടെ എന്നും കുറ്റപ്പെടുത്തുന്നു. പൊതു സ്ഥലത്ത് അശ്ലീല ചുവയുള്ള കമന്റുകൾ തമാശ എന്ന തരത്തിൽ പറയുന്നതാണോ പുരോഗമനം എന്നും ചില വിമർശിക്കുന്നു.
