ഒന്നായിചേരാൻ വിധിക്കപ്പെട്ടവർ എന്ന് നമുക്ക് ചുറ്റുമുള്ളവരിൽ എത്ര ജോഡികൾക്ക് മറ്റുള്ളവരിൽ നിന്ന് കമെന്റുകൾ കിട്ടാറുണ്ട്? സ്നേഹത്തിനും ബന്ധങ്ങൾക്കുമൊക്കെ നിമിഷനേരത്തെ ആയുസുമാത്രമുള്ള ആധുനിക സമൂഹത്തിൽ ഇത്തരം കമെന്റുകൾ തേടിയെത്തുക എന്നത് തന്നെ അത്ഭുതമാണ്. ഇത്തരത്തിൽ മലയാളികളിൽ നിന്നും ഹൃദയസ്പർശിയായ വിശേഷണങ്ങൾ ഏറ്റുവാങ്ങുകയാണ് സോഷ്യൽ മീഡിയ താരവും സിനിമ നടൻ കൃഷ്ണകുമാറിന്റെ മകളുമായ ദിയയും ഭാവി വരൻ അശ്വിനും.
മലയാളികളുടെ യുട്യൂബ് ലൈഫിന്റെ വലിയൊരു പങ്കും കൃഷ്ണകുമാർ കുടുംബത്തിന്റെ വീഡിയോകൾ കാണാതെ കടന്നു പോകാറില്ല എന്നതാണ് സത്യം. ഭാര്യ സിന്ധുവും, മക്കളായ ദിയയും, ഇഷാനിയും, ഹൻസികയും നടി കൂടിയായ അഹാനയുമൊക്കെ മലയാളികളുടെ ഫേവറൈറ്റ് വ്ലോഗേഴ്‌സുമാണ്. ഇവരുടെയൊക്കെ വ്‌ളോഗിലൂടെ കൃഷ്ണകുമാർ കുടുംബത്തിന്റെ ഒട്ടുമിക്ക വിശേഷങ്ങളും മലയാളിക്കറിയാം. ഇക്കൂട്ടത്തിൽ ഏറ്റവും ഒടുവിലത്തെയാണ് രണ്ടാമത്തെ മകൾ ദിയയുടെ കല്യാണക്കാര്യങ്ങൾ.
വിവാഹത്തിന് മുന്‍പേ ഇരുവരും ഹിറ്റ് ജോഡി എന്ന പട്ടം വാങ്ങിയിട്ടുണ്ട്. ദിയ കൃഷ്ണകുമാറും അശ്വിന്‍ ഗണേഷും ഔദ്യോഗികമായി പങ്കാളികളാകും മുൻപ് ഒരുമിച്ച് യാത്ര ചെയ്യുന്നതിലും താമസിക്കുന്നതിലുമൊക്കെ വലിയ വിമർശനം തന്നെ ഉണ്ടായിരുന്നു. എന്നിരിക്കിലും ഇതിലൊക്കെ എന്ത് തെറ്റ് ? പരസ്പരം അറിഞ്ഞതിനുശേഷം അല്ലേ വിവാഹം ചെയ്യേണ്ടത് എന്ന് പറയുന്ന വലിയ ഒരു വിഭാഗം ഫോളോവെർസ് ദിയയ്ക്ക് ഉറച്ച പിന്തുണയുമായുണ്ട്.
തന്റെ സ്വകാര്യ ജീവിതത്തിലെ വിശേഷങ്ങള്‍ ഒട്ടുമിക്കതും ദിയ പങ്കുവയ്ക്കാറുണ്ട്. അക്കൂട്ടത്തിൽ തന്റെ മുൻപ്രണയവും തുടർന്നുള്ള ബ്രേക്ക് അപ്പും എല്ലാം പ്രേക്ഷർക്ക് നന്നായി അറിയാം. ഏറ്റവുമൊടുവിൽ അശ്വിനുമായി അടുപ്പത്തിലാവുന്നതോടെ അശ്വിനും ദിയയിലൂടെ മലയാളികൾക്ക് പ്രിയങ്കരനാവുകയായിരുന്നു. ഇപ്പോൾ ഇവരുടെ വിവാഹത്തിനായുള്ള കാത്തിരിപ്പിലാണ് മലയാളികൾ. ഇതുമായി ബന്ധപ്പെട്ട് ക്യുആന്‍ഡ് എ വീഡിയോയിൽ കല്യാണ ഡേറ്റ് ആരാധകർ ചോദിച്ചപ്പോൾ നൽകിയ മരുവുപടിയാണിപ്പോൾ വൈറൽ ആയിരിക്കുന്നത്.കല്യാണം തീരുമാനിച്ചതും, ഒരുക്കങ്ങളെക്കുറിച്ചുമെല്ലാം പറയുന്നുണ്ടെങ്കിലും എന്നാണ് വിവാഹം എന്ന് ഇരുവരും ഇതുവരെ പറഞ്ഞിട്ടില്ല. വിവാഹത്തീയതി രഹസ്യമാക്കി വെക്കുന്നതിനെക്കുറിച്ചാണ് ദിയ സംസാരിച്ചത്.
അത് തികച്ചും സ്വകാര്യമായൊരു ചടങ്ങാണ്. അവിടെ ഞങ്ങള്‍ക്ക് സ്വകാര്യത വേണം. അടുത്ത സുഹൃത്തുക്കളും ബന്ധുക്കളും മാത്രമാണ് പങ്കെടുക്കുന്നത്. ആരും ഡേറ്റ് ഏതാണെന്നത് പുറത്തുവിട്ടിട്ടില്ല. എന്തായാലും ഓണം കഴിഞ്ഞാണ് കല്യാണം എന്നുമായിരുന്നു ദിയ പറഞ്ഞത്.
