കാടിന് നടുവിൽ കറുത്ത ഗൗണിൽ അതിസുന്ദരിയായി ബോളിവുഡ് താരം വിദ്യാ ബാലൻ.

പ്രശസ്ത ഫാഷൻ ഫോട്ടോഗ്രാഫർ ദാബു രത്നാനി പകർത്തിയ ചിത്രങ്ങളാണ് വൈറലായിരിക്കുന്നത്. വനത്തിനുള്ളിൽ വൈഫൈ കണക്ഷൻ ഇല്ലെങ്കിലും പ്രകൃതിയുമായി നല്ല കണക്ഷൻ ഉണ്ടാക്കാം എന്ന കുറിപ്പോടെയാണ് വിദ്യാബാലൻ ചിത്രം ഇൻസ്റ്റഗ്രാമിൽ പോസ്റ്റ് ചെയ്തത്. വിദ്യയുടെ ചിത്രം നിരവധി പേരാണ് ഷെയർ ചെയ്തത്. അതിമനോഹരമായ ചിത്രം എന്ന് ആരാധകർ ഒരേ സ്വരത്തിൽ പറയുന്നു.

വിദ്യബാലൻ ഫോറസ്റ്റ് സർവീസിലെ ഉദ്യോഗസ്ഥയായി എത്തുന്ന ഷെർണി എന്ന ചിത്രം റിലീസ് ചെയ്യാനിരിക്കെ ആണ് കാട്ടിനുള്ളിലെ ഫോട്ടോ ആരാധകർ ഏറ്റെടുത്തിരിക്കുന്നത്. ജൂൺ 18ന് ആമസോൺ പ്രൈമിലൂടെയാണ് ഷെർണി റിലീസ് ചെയ്യുന്നത്. കാട്ടിൽ നിന്നും നിയന്ത്രണം വിട്ട കടുവ ജനവാസമേഖലയിൽ എത്തുന്നതും തുടർന്നുണ്ടാകുന്ന പ്രശ്നങ്ങളുമാണ് സിനിമയുടെ കഥ.

അമിത് മസൂർക്കർ സംവിധാനം ചെയ്ത ഷെർണിയുടെ ട്രെയിലർ കഴിഞ്ഞ ആഴ്ചയാണ് പുറത്തിറങ്ങിയത്. ടി സീരീസും
അബുണ്ടാൻറിയ എൻറർടൈൻമെൻറ്സും ചേർന്ന് നിർമിക്കുന്ന ചിത്രത്തിൽ
ശരദ് സക്‌സേന, നീരജ് കാബി, വിജയ് റാസ്‌, ഇള അരുൺ എന്നിവരും അഭിനയിക്കുന്നു.

സ്ത്രീ കേന്ദ്രീകൃതമായ സിനിമകൾ ചെയ്യാനാണ് വിദ്യാബാലൻ ഇപ്പോൾ പ്രധാനമായും തയ്യാറാകുന്നത്. പ്രശസ്ത ഗണിതശാസ്ത്രജ്ഞ
ശകുന്തളാ ദേവിയായി വിദ്യാബാലൻ അഭിനയിച്ചതും ഏറെ ശ്രദ്ധിക്കപ്പെട്ടിരുന്നു.

കോവിഡ് പ്രതിരോധ കുത്തിവെപ്പ് എടുത്ത ശേഷം പനി, തലവേദന, ക്ഷീണം, ശരീരവേദന എന്നിങ്ങനെയുള്ള വിവിധ പാര്‍ശ്വഫലങ്ങള്‍ പലര്‍ക്കും അനുഭവപ്പെടുന്നുണ്ട്. മറ്റ് ചിലര്‍ക്കാകട്ടെ വാക്സിന്‍ സ്വീകരിച്ചതിന് ശേഷം അത്തരം ലക്ഷണങ്ങളില്‍ ഒന്നുപോലും പ്രകടമാകാറുമില്ല. അതിന് പിന്നിലെ കാരണങ്ങള്‍ എന്താണെന്നറിയണ്ടേ..?

കുത്തിവെപ്പ് എടുത്തതിന് പിന്നാലെ വരുന്ന ഇത്തരം അസ്വസ്ഥതകള്‍‍ ഉള്ളവര്‍ ഭയപ്പെടേണ്ട കാര്യമില്ല.

കാരണം കോവിഡ് വാക്സിന്‍ സ്വീകരിച്ച ശേഷമുള്ള പാര്‍ശ്വഫലങ്ങള്‍ സാധാരണമാണെന്നാണ് പഠനങ്ങള്‍ വ്യക്തമാക്കുന്നത്.

ശരീരത്തിന്‍റെ സംരക്ഷണത്തിന് വേണ്ടി രോഗപ്രതിരോധ ശേഷി പുനരുജ്ജീവിപ്പിക്കുന്നതിന്‍റെ ഭാഗമായാണ് ഇത്തരം ലക്ഷണങ്ങള്‍ ഉണ്ടാകുന്നതെന്നും ഇത് താല്‍ക്കാലികം മാത്രമാണെന്നും പഠനങ്ങള്‍ തെളിയിക്കുന്നു.

എല്ലാ തരം വാക്സിനുകള്‍ സ്വീകരിക്കുമ്ബോഴും ഇത്തരം ലക്ഷണങ്ങള്‍ പ്രകടമാകാന്‍ സാധ്യതയുണ്ട്. യുഎസിലെ സെന്‍റര്‍ ഫോര്‍ ഡിസീസ് കണ്‍ട്രോള്‍ ആന്‍ഡ് പ്രിവന്‍ഷന്‍ (സിഡിസി) വ്യക്തമാക്കുന്ന റിപ്പോര്‍ട്ടനുസരിച്ച്‌ വാക്സിന്‍ സ്വീകരിച്ചയാളുകള്‍ക്ക്
കുത്തിവെപ്പെടുത്ത ഭാഗത്ത് വേദന, ചുവപ്പ്, തടിപ്പ് എന്നിവങ്ങനെയുള്ള ലക്ഷണങ്ങള്‍ അനുഭവപ്പെടാം.

ക്ഷീണം, തലവേദന, പേശി വേദന, ഛര്‍ദ്ദി, പനി, ഓക്കാനം എന്നിവയാണ് മറ്റ് പാര്‍ശ്വഫലങ്ങള്‍. രോഗപ്രതിരോധ ശേഷി സജീവമാകുന്നതിന്‍റെ ഭാഗമായാണ് ഇത്തരം ലക്ഷണങ്ങള്‍ പ്രകടമാകുന്നത്.

⭕വാക്സിന്‍ എടുക്കുമ്പോള്‍ എന്താണ് ശരീരത്തില്‍ സംഭവിക്കുന്നത്???

മനുഷ്യശരീരത്തിലേക്ക് ആദ്യമായി ഒരു ആന്‍റിജന്‍ പ്രവേശിക്കുമ്ബോള്‍, രോഗപ്രതിരോധ സംവിധാനത്തിന് പ്രതികരിക്കാനും ആ ആന്‍റിജന് വേണ്ടിയുള്ള പ്രത്യേക ആന്‍റിബോഡികള്‍ നിര്‍മ്മിക്കാനും സമയമെടുക്കും.

ആസമയത്തിനിടയില്‍ വാക്സിന്‍ സ്വീകരിച്ച വ്യക്തി രോഗബാധിതനാകാന്‍ സാധ്യതയുണ്ട്.

ലോകാരോഗ്യ സംഘടന (ഡബ്ല്യു.എച്ച്‌.ഒ) ആന്‍റിജനെ നിര്‍വചിക്കുന്നത് ആന്‍റിബോഡികളുടെ രൂപീകരണത്തിന് കാരണമാകുന്ന ഒരു രോഗാണുവായാണ്.

കഴിഞ്ഞ മൂന്നാഴ്ചയ്ക്കിടെ ബ്ലാക്ക് ഫംഗസ് കേസുകളില്‍ 150 ശതമാനം വര്‍ധനയുണ്ടെന്നാണ് കണക്ക്.

രാജ്യത്ത് ഇതുവരെ 31,216 ബ്ലാക്ക് ഫംഗസ് ബാധയും അതുമായി ബന്ധപ്പെട്ട് 2109 മരണങ്ങളുമാണ് റിപ്പോര്‍ട്ട് ചെയ്യപ്പെട്ടത്.

ഏറ്റവും കൂടുതല്‍ രോഗബാധയും,മരണവും റിപ്പോര്‍ട്ട് ചെയ്തിരിക്കുന്നത് മഹാരാഷ്ട്രയിലാണ്.
ഇതുവരെ ഉണ്ടായിരിക്കുന്ന 7057 കേസുകളും, 609 മരണവുമാണ് ഇവിടെയുണ്ടായത്.

ഏറ്റവും കുറവ് രോഗബാധ റിപ്പോര്‍ട്ട് ചെയ്യപ്പെട്ടിരിക്കുന്നത് ജാര്‍ഖണ്ഡിലാണ്. 96 കേസുകള്‍ ആണ് ഇവിടെ രജിസ്റ്റര്‍ ചെയ്തിരിക്കുന്നത്.
ഏറ്റവും കുറവ് മരണം സ്ഥി.

രാജ്യത്ത് ഇന്ധനവില ഇന്നും വര്‍ധിപ്പിച്ചു. പെട്രോള്‍ ലിറ്ററിന് 27 പൈസയും ഡീസലിന് 24 പൈസയുമാണ് ഇന്ന് കൂട്ടിയത്.

ഇതോടെ കൊച്ചിയിലെ ഇന്നത്തെ പെട്രോള്‍ വില ലിറ്ററിന് 96 രൂപ 22 പൈസയായി. ഡീസലിന് കൊച്ചിയില്‍ 92 രൂപ 66 പൈസയാണ്. തിരുവനന്തപുരത്ത് പെട്രോള്‍ വില 98 രൂപ 10 പൈസയും ഡീസലിന് 93 രൂപ 42 പൈസയുമാണ്. 12 ദിവസത്തിനിടെ ഇന്ധനവില വര്‍ധിക്കുന്നത് ഏഴാം തവണയാണ്.

ബിജെപി ദേശീയ ഉപാധ്യക്ഷനും മുന്‍കേന്ദ്രമന്ത്രിയുമായ മുകുള്‍ റോയ് തൃണമൂല്‍ കോണ്‍ഗ്രസിലേയ്ക്ക് മടങ്ങിയെത്തി.

ബംഗാളില്‍ ഭരണം പിടിക്കാമെന്ന കണക്കുകൂട്ടല്‍ തെറ്റയതിന് പിന്നാലെയാണ് ബിജെപിക്ക് വന്‍ പ്രഹരമേല്‍പ്പിച്ച് മുകുള്‍ റോയിയുടെ മടക്കം. കൊല്‍ക്കത്തയിലെ ടിഎംസി ആസ്ഥാനത്ത് ബംഗാള്‍ മുഖ്യമന്ത്രി മമത ബാനര്‍ജിയും പാര്‍ട്ടി ജനറല്‍ സെക്രട്ടറി അഭിഷേക് ബാനര്‍ജിയും പങ്കെടുത്ത ചടങ്ങില്‍ മുകുള്‍ റോയിയും മകന്‍ സുഭ്‍റാന്‍ഷു റോയിയും വീണ്ടും അംഗത്വമെടുത്തു.

മമതയുമായുള്ള ഭിന്നതയെത്തുടര്‍ന്ന് 2017ലാണ് മുകുള്‍ റോയ് ടിഎംസി വിട്ടത്. 2019 ലോക്സഭാ തിരഞ്ഞെടുപ്പില്‍ ബിജെപിക്ക് ബംഗാളില്‍ വന്‍ മുന്നേറ്റമുണ്ടാക്കുന്നതില്‍ നിര്‍ണായക പങ്കുവഹിച്ചു. എന്നാല്‍ നിയമസഭാ തിരഞ്ഞെടുപ്പില്‍ അര്‍ഹമായ പരിഗണന ലഭിച്ചില്ല. നന്ദിഗ്രാം എംഎല്‍എ സുവേന്ദു അധികാരിയെയാണ് പ്രതിപക്ഷ നേതാവായി ബിജെപി നിശ്ചയിച്ചത്. ഈ പടലപ്പിണക്കമാണ് പഴയ ക്യാംപിലേയ്ക്ക് മടങ്ങിയെത്താന്‍ മുകുള്‍ റോയിയെ പ്രേരിപ്പിച്ചത്.

ഫോണിലൂടെ പരിചയപ്പെട്ട പ്രായപൂർത്തിയാവാത്ത പെൺ കുട്ടിയെ പീഡിപ്പിച്ചു ഗർഭിണിയാക്കിയതിന് ടിക്ടോക്ക് താരം അമ്പിളി എന്ന വടക്കാഞ്ചേരി കുമ്പളങ്ങാട്ട് പള്ളിയത്ത്പറമ്പിൽ വിഘ്നേഷ്കൃഷ്ണ (19) ആണ് അറസ്റ്റിലായത്.

വിവാഹ വാഗ്ദാനം നൽ കി പ്രതി പെൺകുട്ടിയെ ബൈക്കിൽ കൊണ്ടുപോയി പീഡിപ്പിക്കുകയായിരുന്നു.

മനാമ :ബഹ്റൈനിലുള്ള മുഴുവൻ ഇന്ത്യക്കാരും കോവിഡ് വാക്‌സീൻ ക്യാംപെയിനുമായി ഇന്ത്യൻ എംബസി.

സിപിആർ കാർഡ്, സാധുതയുള്ള പാസ്പോർട്ട്,വീസ എന്നിവ ഇല്ലെങ്കിലും വാക്‌സീൻ ഉറപ്പാക്കാനാണ് തീരുമാനം. ബഹ്റൈൻ കേരളീയ സമാജം, ഇന്ത്യൻ ക്ലബ്, ഐസിആർഎഫ്, വേൾഡ് എൻആർഐ കൗൺസിൽ തുടങ്ങിയവയുമായി സഹകരിച്ചാണ് ക്യാംപെയിൻ സംഘടിപ്പിക്കുന്നത്.

18 ന് മീതെ പ്രായമുള്ളവർക്ക് ബഹ്റൈൻ കേരളീയ സമാജത്തിലോ,ഇന്ത്യൻ ക്ലബ്ബിലോ എത്തി വാക്സിൻ സ്വീകരിക്കാവുന്നതാണ്. ബഹ്റൈൻ കേരളീയ സമാജം മുഖേന രജിസ്ട്രേഷന് പേര്, മൊബൈൽ നമ്പർ എന്നിവ സഹിതം അപേക്ഷിക്കാം. വിശദ വിവരങ്ങൾക്ക് കെ.ടി സലീം
(33750 999)ഉണ്ണി (32258697),രാജേഷ് ചേരാവള്ളി (35320667), സഞ്ജിത് (36129714).
ലിങ്ക് : https://forms.gle/pMT3v1g3o4yVgnES8.

ന്യൂഡൽഹി :അക്രഡിറ്റഡ് കേന്ദ്രങ്ങളിൽ ഡ്രൈവിങ് പരിശീലിച്ചവർക്ക്‌ ഇനി റോഡ് ടെസ്റ്റ് ഇല്ലാതെ ലൈസൻസ് സ്വന്തമാക്കാം.

ഇതുസംബന്ധിച്ച് മോട്ടോർ വാഹന നിയമ ഭേദഗതി ജൂലൈ ഒന്നുമുതൽ നടപ്പാക്കുമെന്ന് അധികൃതർ. രാജ്യത്ത് കൂടുതൽ അക്രഡിറ്റഡ് ഡ്രൈവിങ് പരിശീലന കേന്ദ്രങ്ങൾക്ക് അനുമതി നൽകുന്ന നിയമഭേദഗതി വിജ്ഞാപനം കേന്ദ്ര സർക്കാർ പുറപ്പെടുവിച്ചിരുന്നു.ഇതുംപ്രകാരം, താൽപര്യമുള്ളവർക്ക് ഇത്തരം സ്ഥാപനങ്ങൾ തുടങ്ങാം. എന്നാൽ ഇതുവരെ സർക്കാരാണ് ഇത്തരം സ്ഥാപനങ്ങൾ നടത്തിയിരുന്നത്.
അക്രഡിറ്റഡ് ഡ്രൈവിങ് പരിശീലന കേന്ദ്രങ്ങൾ വളരെ അപൂർവമാണ്.

ഒരു സംസ്ഥാനത്ത് ഒന്ന് എന്ന നിലയിൽ മാതൃകാ ഇൻസ്റ്റിറ്റ്യൂട്ടുകളാണ് നിലവിലുള്ളത്. കേരളത്തിലെ കേന്ദ്രം മലപ്പുറം ജില്ലയിലെ എടപ്പാളിൽ. അഞ്ച് വർഷത്തേക്കായിരിക്കും അക്രഡിറ്റേഷൻ. കുറഞ്ഞത് മൂന്ന് ഏക്കർ സ്ഥലവും, വാഹന ഭാഗങ്ങളെക്കുറിച്ച് പഠിപ്പിക്കാനുള്ള വർക്ക്ഷോപ്പ്,ഡ്രൈവിങ് സിമുലേറ്റർ,ടെസ്റ്റ് ട്രാക്ക് തുടങ്ങിയതും ഇതിന് ആവശ്യമാണ്.ഇത്തരം കേന്ദ്രങ്ങൾ കൂടുതൽ അനുവദിക്കാനാണ് കേന്ദ്ര തീരുമാനം.

തിരുവനന്തപുരം: കോവിഡ് സാഹചര്യത്തിൽ സംസ്ഥാനത്ത് ഏർപ്പെടുത്തിയിരിക്കുന്ന ലോക്ഡൗണിനു പുറമേ കോവിഡ് സ്ഥിരീകരണ നിരക്ക്( ടിപിആർ) കുറയ്ക്കുന്നതിന്റെ ഭാഗമായി ഇന്നും നാളെയും സംസ്ഥാനത്ത് സമ്പൂർണ ലോക്ഡൗൺ.

ട്രിപ്പിൾ ലോക്ഡൗണിന് സമാനമായ കർശന നിയന്ത്രണങ്ങളായിരിക്കും ഏർപ്പെടുത്തുക.പൊലീസ് പരിശോധന കർശനമാക്കും. വാഹന ഗതാഗതവും, പൊതുജന സഞ്ചാരവും കർശനമായി നിയന്ത്രിക്കും.പ്രധാന പാതകളെല്ലാം ചെക്ക്പോസ്റ്റ് പരിശോധന ഉണ്ടാകും. കൂട്ടം കൂടുന്നവരെയും,അനാവശ്യമായി പുറത്തിറങ്ങുന്നവർക്കുമെതിരെ അറസ്റ്റ് ഉൾപ്പെടെ ഉള്ള കർശന നിയമനടപടികൾ സ്വീകരിക്കുമെന്നും അധികൃതർ വ്യക്തമാക്കി.

കൂടുതൽ കേസുകളുള്ള മേഖലകളെ വിവിധ സോണുങ്ങളായി തിരിച്ച് നിയന്ത്രണം ഏർപ്പെടുത്താനാണ് തീരുമാനം. ഇതിന്റെ ചുമതല സീനിയർ ഉദ്യോഗസ്ഥന്റെ നേതൃത്വത്തിലുള്ള സംഘത്തിനായിരിക്കും.ജനങ്ങൾ വീടുകളിൽ തന്നെയാണെന്ന് ഉറപ്പു വരുത്താൻ ആവശ്യമെങ്കിൽ ഡ്രോൺ നിരീക്ഷണം ഏർപ്പെടുത്തും. അവശ്യസാധനങ്ങൾ എത്തിക്കാൻ പോലീസ് സംവിധാനം പ്രയോജനപ്പെടുത്താം.

ക്വാറന്റീൻ ലംഘിച്ചാൽ കോവിഡ് കെയർ സെന്ററിലാക്കുന്നതോടൊപ്പം, ക്രിമിനൽ കേസെടുക്കുമെന്നും അധകൃതർ
വ്യക്തമാക്കി.

കൊവിഡ് രണ്ടാം തരംഗത്തിൽ വലിയ പ്രതിസന്ധി നേരിടുകയാണ് സിനിമാ മേഖല. സാന്പത്തിക പ്രതിസന്ധി രൂക്ഷമായതിനാൽ പല സിനിമകളും ഓടിടി റിലീസിന് ഒരുങ്ങുകയാണ്. ഫഹദ് ഫാസിലിന്റെ ബിഗ് ബജറ്റ് ചിത്രം മാലിക്, പൃഥ്വിരാജ് ചിത്രം കോൾഡ് കോസ് എന്നിവ ഓടിടിയിൽ റിലീസ് ചെയ്യാൻ
നിർമാതാവ് ആന്റോ ജോസഫ് തീരുമാനിച്ചിരുന്നു. ഇതിന് പിന്നാലെ ആരാധകരെല്ലാം ആകാംക്ഷയോടെ ചോദിച്ച ചോദ്യം മോഹൻലാൽ ചിത്രം മരയ്ക്കാർ ഓടിടിയിൽ എത്തുമോ എന്നാണ്?

സംവിധായകൻ പ്രിയദർശൻ തന്നെ ഇതിന് മറുപടി നൽകിക്കഴിഞ്ഞു. മരയ്ക്കാർ പോലൊരു ബിഗ് ബജറ്റ് ചിത്രം ഓടിടിയിൽ റിലീസ് ചെയ്യാൻ കഴിയില്ലെന്ന് പ്രിയദർശൻ പറയുന്നു. ബിഗ് സ്ക്രീനിൽ തന്നെ ആസ്വദിക്കേണ്ട
സിനിമയാണ് മരയ്ക്കാർ. ആറ് മാസം കൂടി കാത്തിരിക്കേണ്ടി വന്നാലും മരയ്ക്കാർ തീയറ്ററിൽ തന്നെ റിലീസ് ചെയ്യും. ഡിജിറ്റൽ പ്ലാറ്റ്ഫോമിൽ എത്തും മുന്നേ തിയറ്ററിൽ തന്നെ റിലീസ് ചെയ്യണമെന്നാണ് താനും മോഹൻലാലും
ആന്റണി പെരുന്പാവൂരും ആഗ്രഹിക്കുന്നതെന്നും പ്രിയദർശൻ ഒരു സ്വകാര്യ പോർട്ടലിനോട് പ്രതികരിച്ചു.

മോഹൻലാൽ കുഞ്ഞാലി മരയ്ക്കാർ ആയി എത്തുന്ന സിനിമ മലയാളത്തിലെ ആദ്യ 100 കോടി ബജറ്റ് ചിത്രമാണ്. മികച്ച ചിത്രത്തിന് അടക്കമുള്ള മൂന്ന് ദേശീയ പുരസ്കാരങ്ങളും മൂന്ന് സംസ്ഥാന പുരസ്കാരങ്ങളും മരയ്ക്കാറിന് ലഭിച്ചിരുന്നു.
കഴിഞ്ഞ മാർച്ചിൽ ചിത്രം തിയറ്റർ റിലീസിന് തയ്യാറെടുത്തു. എന്നാൽ കൊവിഡ് സാഹചര്യങ്ങളിൽ നീണ്ടു പോയി. പ്രണവ് മോഹന്‍ലാല്‍, അര്‍ജുന്‍, സുനില്‍ ഷെട്ടി, പ്രഭു, മഞ്ജു വാര്യര്‍, സുഹാസിനി, കീര്‍ത്തി സുരേഷ്, കല്യാണി പ്രിയദർശൻ
,ഫാസിൽ, സിദ്ധിഖ്, നെടുമുടി വേണു, ഇന്നസെന്റ് തുടങ്ങിയവരും പ്രധാന വേഷത്തിൽ എത്തുന്നു.

സാബു സിറിള്‍ ആണ് പ്രൊഡക്ഷന്‍ ഡിസൈന്‍. ഛായാഗ്രഹണം തിരു.
പ്രിയദര്‍ശനും അനി ഐ വി ശശിയും ചേര്‍ന്നാണ് തിരക്കഥ തയ്യാറാക്കിയത്.
എഡിറ്റിംഗ് അയ്യപ്പന്‍ നായര്‍ എം എസ്, സംഘട്ടനം ത്യാഗരാജന്‍, കസു നെഡ, ചമയം പട്ടണം റഷീദ്. ഓടിടി റിലീസ് ഇല്ലെന്ന് ഏറെക്കുറെ ഉറപ്പായതോടെ കൊവിഡ് നിയന്ത്രണങ്ങൾ നീങ്ങി, തീയറ്റർ തുറക്കുമ്പോൾ ആദ്യ റിലീസ് മരയ്ക്കാർ ആകുമോ എന്നാണ് ആരാധകർ ഉറ്റുനോക്കുന്നത്.