ദില്ലി :പഞ്ചാബിൽ വ്യോമസേനയുടെ മിഗ് 21 വിമാനം തകർന്ന് പൈലറ്റ് സ്ക്വാഡ്രൻ ലീഡർ അഭിനവ് ചൗധരി മരിച്ചു. പരിശീലന പാറക്കലിനിടെ ആയിരുന്നു അപകടം.പഞ്ചാബിലെ മോഗയ്ക്കടുത്തു ബാഗപുരന എന്ന സ്ഥലത്താണ് വിമാനം തകർന്ന് വീണത്. ഇന്നു പുലർച്ചെ ഒരു മണിയോടെ ആയിരുന്നു സംഭവം.

രാജ്യത്ത് ഈ വർഷം നടക്കുന്ന മൂന്നാമത്തെ മിഗ് 21 വിമാന അപകട മാണിത്. മാർച്ചിൽ നടന്ന അപകടത്തിൽ ഗ്രൂപ്പ് ക്യാപ്റ്റനായിരുന്ന ഗുപ്ത മരണപ്പെട്ടിരുന്നു. ഈ സംഭവത്തിലും എയർഫോഴ്സ് അന്വേഷണത്തിന് ഉത്തരവിട്ടിരുന്നു. ഇതിനുമുൻപ് ജനുവരിയിലും രാജസ്ഥാനിലെ സുറത്ത്ഗഡിൽ മിഗ് 21 വിമാനം തകർന്നുവീണിരുന്നു എങ്കിലും പൈലറ്റ് രക്ഷപ്പെട്ടിരുന്നു. സംഭവത്തിൽ വ്യോമസേന അന്വേഷണത്തിന് ഉത്തരവിട്ടിട്ടുണ്ട്.

ദില്ലി : ഇനി കോവിഡ് പരിശോധന വീട്ടിലിരുന്നും നടത്താം. വീട്ടിൽ തന്നെ പരിശോധന നടത്താൻ കഴിയുന്ന റാപ്പിഡ് ആൻറിജൻ ടെസ്റ്റിംഗ് കിറ്റുകൾ ഉടൻ വിപണിയിലെത്തുന്ന ഐസിഎംആർ പുറത്തിറക്കിയ വാർത്താ കുറിപ്പിൽ പറയുന്നു.

ടെസ്റ്റിംഗ് കിറ്റിന് ഐസിഎംആറിന്റെ ഔദ്യോഗിക അനുമതി ഇതിനോടകം തന്നെ ലഭിച്ചുകഴിഞ്ഞു. കോവിഡ് രണ്ടാം തരംഗം ഗ്രാമങ്ങളിൽ കൂടുതൽ പടരുന്ന സാഹചര്യത്തിൽ, ടെസ്റ്റിംഗ് കിറ്റുകൾ ഗ്രാമീണ മേഖലയിലേക്ക് കൂടുതലായി എത്തിക്കാൻ സാധിക്കും എന്ന് കരുതുന്നതായി ഐസിഎംആർ പറഞ്ഞു.

മൈലാബ് ഡിസ്കവറി സൊല്യൂഷൻസ് എന്ന കമ്പനിയാണ് ഈ ആന്റിജൻ കിറ്റുകൾ വികസിപ്പിച്ചത്. എങ്ങനെ പരിശോധന നടത്താം എന്ന വിശദമായ മാന്വൽ കിറ്റിന്റെ കവറിൽ ഉണ്ടാകും. വീട്ടിൽ ടെസ്റ്റ് നടത്തുന്ന എല്ലാവരും ഹോം ടെസ്റ്റിംഗ് ആപ്പ് ഡൗൺലോഡ് ചെയ്യണം.ശേഷം,ടെസ്റ്റ് നടത്തിയ ശേഷമുഉള്ള സ്ട്രിപ്പിന്റെ ചിത്രം ഈ ആപ്പ് വഴി അപ്‌ലോഡ് ചെയ്യുകയും വേണം. ഈ വിവരങ്ങൾ സെൻട്രൽ സെർവriൽ സൂക്ഷിക്കപ്പെടും. ടെസ്റ്റ്‌ കിറ്റ്, സ്വാബ്, മറ്റു വസ്തുക്കളുടെ ഉപയോഗം എന്നിവ മാന്വൽ പ്രകാരം ചെയ്യാം.

ടെസ്റ്റിൽ പോസിറ്റീവ് ആയവരെ ലാബ് പരിശോധനയിൽ പോസിറ്റീവ് അവരെപ്പോലെ തന്നെ കണക്കാക്കുമെന്നും, കൃത്യമായി ക്വാറന്റീൻ അടക്കം പാലിക്കണമെന്നും ഐസിഎംആർ നിർദ്ദേശിച്ചു.രാജ്യത്ത് കോവിഡ് വ്യാപനം രൂക്ഷമായി പടരുന്ന സാഹചര്യത്തിൽ ഈ ടെസ്റ്റിംഗ് സംവിധാനം കോവിഡ് വ്യാപന തോത് കുറക്കുന്നതിനും, രോഗം വേഗത്തിൽ കണ്ടെത്തുന്നതിനും, കൃത്യമായ ചികിത്സ
ലഭ്യമാക്കുന്നതിനും സഹായകമാകുമെന്നും ഐസിഎംആർ വ്യക്തമാക്കി.

തിരുവനന്തപുരം :സംസ്ഥാനത്തിന് കേന്ദ്രസർക്കാർ നൽകിയ വാക്സീതീർണെന്ന് മുഖ്യമന്ത്രി പിണറായി വിജയൻ.ഇക്കാര്യം ഇന്ന് രാവിലെ പ്രധാനമന്ത്രി നടക്കുന്ന യോഗത്തിൽ ചീഫ് സെക്രട്ടറി അറിയിക്കുമെന്നും മുഖ്യമന്ത്രി വ്യക്തമാക്കി. കോവിഡ്വ്യാപനവും, മരണ നിറയ്ക്കും ഉയരുന്ന സംസ്ഥാനത്ത് വാക്‌സീൻ ലഭ്യത ഉറപ്പാക്കേണ്ടത് അനിവാര്യമാണ്. ഇത് കേന്ദ്ര സർക്കാരിൻറെ ശ്രദ്ധയിൽ പ്പെടുത്തുമെന്ന് മുഖ്യമന്ത്രി അറിയിച്ചു.

മത്സ്യബന്ധന നിരോധനം നിലനിൽക്കുന്ന സാഹചര്യത്തിൽ മത്സ്യത്തൊഴിലാളികൾക്ക് ഭക്ഷ്യക്കിറ്റ് വിതരണം ചെയ്യും. പൈനാപ്പിൾ ശേഖരിക്കുന്ന അതിഥി തൊഴിലാളികൾക്ക് നിയന്ത്രണങ്ങളോടെ പൈനാപ്പിൾ തോട്ടത്തിൽ പോകാൻ ജില്ലാ ഭരണാധികാരികൾക്ക് അനുമതി നൽകാം. തുണിക്കടകളിൽ നിന്ന് ഓൺലൈനായി വസ്ത്രങ്ങൾ വാങ്ങാം, തുടങ്ങിയ അറിയിപ്പുകളും വാർത്താസമ്മേളനത്തിൽ മുഖ്യമന്ത്രി പിണറായി വിജയൻ വ്യക്തമാക്കി.

തിരുവനന്തപുരം : തുടർഭരണം എന്ന ചരിത്ര നേട്ടത്തോടെ 17 പുതുമുഖങ്ങൾ അടക്കം 21 അംഗങ്ങളുമായി പിണറായി വിജയൻറെ നേതൃത്വത്തിലുള്ള രണ്ടാം പിണറായി മന്ത്രിസഭ ഇന്ന് മൂന്നരയ്ക്ക് സത്യപ്രതിജ്ഞ ചൊല്ലി അധികാരമേൽക്കും. പിന്നീട് ചേരുന്ന ആദ്യ മന്ത്രിസഭാ യോഗത്തിൽ നിർണായക തീരുമാനങ്ങൾ ഉണ്ടാകുമെന്നാണ് പ്രതീക്ഷിക്കുന്നത്.

സെക്രട്ടറിയേറ്റിന് പിന്നിലെ സെൻട്രൽ സ്റ്റേഡിയത്തിൽ വെച്ച് നടക്കുന്ന ചടങ്ങിൽ ഗവർണർ ആരിഫ് മുഹമ്മദ് ഖാൻ സത്യപ്രതിജ്ഞ ചൊല്ലിക്കൊടുക്കും. രാവിലെ ഒമ്പതരയ്ക്ക് മുഖ്യമന്ത്രിയും,സിപിഎം, സിപിഐ നിയുക്ത മന്ത്രിമാരും ആലപ്പുഴ പുന്നപ്ര- വയലാർ രക്തസാക്ഷി മണ്ഡപത്തിലും, സ്മാരഗത്തിലും പുഷ്പാർച്ചന നടത്തിയശേഷമാകും സത്യപ്രതിജ്ഞയ്ക്കായി എത്തുക.ചടങ്ങിൽ തമിഴ്നാട് സർക്കാരിൻറെ പ്രതിനിധിയായി വ്യവസായ മന്ത്രി തങ്കം തേനരശ് എത്തും. ബംഗാളും പ്രതിനിതിയെ അയച്ചിട്ടുണ്ട്.ബിജെപി ഇതര സംസ്ഥാനങ്ങളിലെ മുഖ്യമന്ത്രിമാർക്ക് ചടങ്ങിൽ ക്ഷണം ഉണ്ടായിരുന്നുവെങ്കിലും കോവിഡ് സാഹചര്യത്തിൽ പങ്കെടുക്കില്ലെന്ന് അറിയിച്ചിട്ടുണ്ട്.

സിപിഎം ജനറൽ സെക്രട്ടറി സീതാറാം യെച്ചൂരിയും മറ്റ് പ്രമുഖ നേതാക്കളും, എംഎൽഎമാരും അടക്കം 500 താഴെ പേർക്കാണ് ചടങ്ങിൽ ക്ഷണം. യുഡിഎഫ് നേതാക്കൾ ഓൺലൈനായി ചടങ്ങിൽ പങ്കെടുക്കും. സ്റ്റേഡിയത്തിൽ പ്രവേശിക്കാൻ കോവിഡ് നെഗറ്റീവ് സർട്ടിഫിക്കറ്റോ രണ്ട് ഡോസ് വാക്‌സിനും എടുത്ത സർട്ടിഫിക്കറ്റോ നിർബന്ധമാണ്.

ചടങ്ങിന് മുമ്പ് 52 ഗായകരും, സംഗീതജ്ഞരും അണിചേരുന്ന നവകേരള ഗീതാഞ്ജലി സംഗീത ആവിഷ്ക്കാരവും പ്രദർശിപ്പിക്കും.അതേസമയം സത്യപ്രതിജ്ഞാ ചടങ്ങുകൾ ലോക്ഡോൺ മാനദണ്ഡങ്ങൾ കർശനമായി പാലിച്ചിരിക്കണം നടത്തെണ്ടത് എന്ന് ഹൈക്കോടതിയുടെ നിർദ്ദേശവും ഉണ്ട്.

ന്യൂഡൽഹി :കോവിഡ് ബാധിച്ച് മരിച്ചവരുടെ കുടുംബങ്ങൾക്ക് ധനസഹായം പ്രഖ്യാപിച്ച് ഡൽഹി സർക്കാർ. 50,000 രൂപ വീതമാണ് കുടുംബങ്ങൾക്ക് സഹായമായി നൽകുക എന്ന് ഡൽഹി മുഖ്യമന്ത്രി അരവിന്ദ് കേജരിവാൾ അറിയിച്ചു. കോവിഡ് മൂലം മരണപ്പെട്ടവരുടെ കുടുംബങ്ങൾ മാനസികമായി തകർന്നിരിക്കുന്ന ഈ സാഹചര്യത്തിൽ സാമ്പത്തിക സഹായ വാഗ്ദാനവുമായി രംഗത്തെത്തിയിരിക്കുകയാണ് ഡൽഹി സർക്കാർ.

കുടുംബം പുലർത്തിയിരുന്ന ആളാണ് മരണപ്പെട്ട തെങ്കിൽ മാസം 2,500 രൂപ വീതം നൽകും. മരണങ്ങൾ അനാഥരാക്കിയ കുട്ടികളുടെ വിദ്യാഭ്യാസ ചെലവ് ഏറ്റെടുക്കുന്നതിനോടൊപ്പം 25 വയസ്സുവരെ മാസം 2,500 രൂപ വീതം നൽകുകയും ചെയ്യും. റേഷൻ കാർഡ് ഇല്ലാത്ത പാവപ്പെട്ടവർക്ക് സൗജന്യ റേഷൻ നൽകും. കൂടാതെ 72 ലക്ഷത്തോളം റേഷൻ കാർഡ് ഉടമകൾക്ക് 10 കിലോ ഭക്ഷ്യ ധാന്യങ്ങൾ സൗജന്യമായി നൽകുമെന്നും ഡൽഹി മുഖ്യമന്ത്രി അരവിന്ദ് കേജ്‌രിവാൾ അറിയിച്ചു.