രണ്ടാം പിണറായി മന്ത്രിസഭയിലെ ഐടി ആഭ്യന്തരം പൊതുഭരണവകുപ്പ് തുടങ്ങിയവ പിണറായി വിജയന്. കണ്ണൂർ പിണറായി സ്വദേശിയായ അദ്ദേഹം ധർമടത് നിന്നാണ് മത്സരിച്ചത്. നിയമസഭയിൽ അഞ്ചാം തവണയാണ് അദ്ധേഹം എത്തുന്നത്. മുൻ മുഖ്യമന്ത്രി, സിപിഎം പോളറ്റ്ബ്യൂറോ അംഗം എന്നിവയാണ്

രണ്ടാം തവണയും ചരിത്ര വിജയം നേടി പിണറായി വിജയന്റെ നേതൃത്വത്തിലുള്ള എല്‍.ഡി.എഫ് സര്‍ക്കാര്‍ സത്യപ്രതിജ്ഞ ചെയ്ത് അധികാരത്തിലേറി. തിരുവനന്തപുരം സെന്‍ട്രല്‍ സ്റ്റേഡിയത്തില്‍ നടന്ന ചടങ്ങില്‍ ഗവര്‍ണര്‍ ആരിഫ് മുഹമ്മദ് ഖാന്‍ മുഖ്യമന്ത്രി പിണറായി വിജയന് സത്യവാചകം ചൊല്ലിക്കൊടുത്തു. പിണറായി വിജയന് പുറമെ മറ്റു മന്ത്രിമാരുടെ സത്യപ്രതിജ്ഞ പുരോഗമിക്കുകയാണ്. കര്‍ശന കോവിഡ് നിയന്ത്രണങ്ങള്‍ പാലിച്ചാണ് ചടങ്ങ് നടത്തുന്നത്.വൈകീട്ട് 3.35-ഓടെ സത്യപ്രതിജ്ഞാ ചടങ്ങ് ആരംഭിച്ചു. ഗവര്‍ണര്‍ ആരിഫ് മുഹമ്മദ് ഖാന് മുമ്പാകെ ആദ്യം മുഖ്യമന്ത്രി പിണറായി വിജയന്‍ സത്യവാചകം ചൊല്ലി അധികാരമേറ്റു. ശേഷം ഘടകകക്ഷി മന്ത്രിമാരായ കെ. രാജന്‍, റോഷി അഗസ്റ്റിന്‍, കെ. കൃഷ്ണന്‍കുട്ടി എന്നിവര്‍ സത്യപ്രതിജ്ഞ ചെയ്തു.

കോവിഡ് പോസിറ്റീവ് ആയി വീട്ടിൽ ഹോം ക്വാറൻ്റൈനിൽ ആയിരുന്ന മകനെയും ക്യാൻസർ ബാധിതയായ അമ്മയെയും കിടപ്പുരോഗി ആയ അച്ഛനെയും ആശുപത്രിയിൽ കൊണ്ടു പോവാൻ ആരോഗ്യ സംഘവും പഞ്ചായത്ത് അംഗങ്ങളും വീട്ടിൽ എത്തി എങ്കിലും മകൻ കൊണ്ടുപോവാൻ തയ്യാറായില്ല. അച്ഛൻ രാഘവൻ്റെ ഓക്സിജൻ വളരെ താഴ്ന്ന നിലയിൽ ആയിരുന്നു എങ്കിലും മകൻ അജി ആശുപത്രിയിലേക്ക് കൊണ്ട് പോകാൻ തയ്യാറായില്ല. ഞങ്ങൾക്ക് കുഴപ്പമൊന്നും ഇല്ല എന്നാണ് അജി അറിയിച്ചത്. ആരോഗ്യ പ്രവർത്തകരും പഞ്ചായത്ത് അധികൃതരും ഒരുപാട് ശ്രമിച്ചെങ്കിലും മകൻ സമ്മതിച്ചില്ല. പിറ്റേന്ന് രാഘവൻ മരണത്തിന് കീഴടങ്ങി.മകൻ്റെ പിടിവാശിയിൽ പൊലിഞ്ഞത് അച്ഛൻ്റെ ജീവനാണ്.

ബ്ലാക്ക് ഫംഗസ് പിടിപെട്ട് ചികിത്സയിലായിരുന്ന സ്വകാര്യ സ്കൂള്‍ അധ്യാപിക തിരുവനന്തപുരം മെഡിക്കൽ കോളേജിൽവെച്ച് മരിച്ചു. മല്ലപ്പള്ളി മുക്കൂര്‍ പുന്നമണ്ണില്‍ പ്രദീപ് കുമാറി​ന്‍റെ ഭാര്യയാണ്. കന്യാകുമാരി സി. എം. ഐ ക്രൈസ്റ്റ് സെന്‍ട്രല്‍ സ്കൂള്‍ അധ്യാപികയായ അനീഷാ പ്രദീപ് കുമാര്‍ (32) ആണ് മരിച്ചത്. മേയ്​ ഏഴിന്​ അനീഷക്ക്​ ശ്വാസംമുട്ടല്‍ അനുഭവപ്പെട്ടതിനെ തുടര്‍ന്ന് നടത്തിയ പരിശോധനയില്‍ ഇവർക്ക് കോവിഡ് സ്ഥിരീകരിച്ചിരുന്നു. ആരോഗ്യ പ്രവര്‍ത്തകരുടെ നിര്‍ദേശം അനുസരിച്ച്‌ ഹോം ക്വാറ​ന്‍റൈനില്‍ കഴിഞ്ഞ് . രണ്ടു ദിവസം കഴിഞ്ഞ് ശ്വാസംമുട്ടല്‍ കൂടിയതിനെ തുടർന്ന് നാഗര്‍കോവില്‍ മെഡിക്കല്‍ കോളജ്​ ആശുപത്രിയിലേക്കു മാറ്റി. പ്രദീപിന് രോഗലക്ഷണമില്ലാത്തതിനാല്‍ സമീപത്തെ ആയുര്‍വേദ ആശുപത്രിയില്‍ നിരീക്ഷണത്തിൽ തുടരുകായാണ് ഉണ്ടായത്.മെയ് 12ന് കോവിഡ് നെഗറ്റീവായതിനെ തുടർന്ന് അനീഷയെ ഡിസ്ചാർജ് ചെയ്തു. വീട്ടിലേക്ക്​ വരും വഴി അനീഷക്ക്​ ചെറിയ അസ്വസ്ഥത അനുഭവപ്പെട്ടു. രാത്രിയോടെ രണ്ടു കണ്ണുകള്‍ക്കും വേദന രൂക്ഷമായതിനെ തുടർന്ന് വീണ്ടും നാഗര്‍കോവില്‍ മെഡിക്കല്‍ കോളജ്​ ആശുപത്രിയില്‍ പ്രവേശിപ്പിക്കുകയായിരുന്നു. രക്തസമ്മർദ്ദം ഉയരുകയും ഇരു വൃക്കകളിലും സോഡിയം അടിയുകയും ചെയ്തതായി കണ്ടെത്തിയെങ്കിലും ബ്ലാക്ക് ഫംഗസ് ആണെന്ന് തിരിച്ചറിയാൻ ഡോക്ടർമാർക്ക് സാധിച്ചില്ല. മെയ് 16നാണ് ബ്ലാക്ക് ഫംഗസ് ബാധ ആണെന്ന് സ്ഥിരീകരിച്ചത്. ഇതോടെ അനീഷയെ തിരുവനന്തപുരം മെഡിക്കൽ കോളേജിലേക്കു മാറ്റുകയായിരുന്നു. 18ന് വൈകീട്ട് തിരുവനന്തപുരത്ത്​ മെഡിക്കൽ കോളജിൽ എത്തിച്ചു എങ്കിലും ആരോഗ്യനില കൂടുതൽ വഷളാകുകയായിരുന്നു. ബുധനാഴ്ച വൈകീട്ട്​ മരണം സംഭവിക്കുകയായിരുന്നു. മൃതദേഹം തിരുവനന്തപുരം മെഡിക്കല്‍ കോളജ് ആശുപത്രി മോര്‍ച്ചറിയില്‍. സംസ്കാരം വ്യാഴാഴ്ച കോവിഡ് പ്രോട്ടോകോൾ പാലിച്ചു നടത്തും.