ഐശ്വര്യാ റായിയും അഭിഷേക് ബച്ചനും ഒന്നിച്ച്‌ 2007 ൽ പുറത്തിറങ്ങിയ ചിത്രമാണ് ‘ഗുരു’. മണിരത്‌നത്തിന്റെ സംവിധാനത്തിൽ പിറന്ന ഈ ചിത്രത്തിന് ശേഷമാണ് ഇരുവരും ജീവിതത്തിലും ഒന്നിക്കുന്നത്. ഗുരുവിന്റെ പ്രീമിയറിനായി ന്യൂയോർക്കിലെത്തിയ നിമിഷങ്ങൾ സമൂഹ മാധ്യമങ്ങളിലൂടെ പങ്കുവച്ചിരിക്കുകയാണ് ഇപ്പോൾ ഐശ്വര്യ. ‘അന്ന് ഈ ദിവസം. 14 വർഷം. എന്നന്നേക്കും ഗുരു..’ താരം കുറിച്ചു.

സംവിധായകൻ മണിരത്നത്തിന്റെ ഫോട്ടോയും പങ്കുവച്ചിട്ടുണ്ട്. ഇപ്പോൾ മണിരത്നം സംവിധാനം ചെയ്യുന്ന പൊന്നിയിൻ സെൽവന്റെ ചിത്രീകരണത്തിരക്കിലാണ് ഐശ്വര്യ. ഹൈദരാബാദിലാണ് ചിത്രത്തിന്റെ ഷൂട്ടിംഗ് പുനരാരംഭിച്ചിരിക്കുന്നത്. വിക്രം നായകനാകുന്ന ചിത്രത്തിൽ കാർത്തി, ജയം രവി, ജയറാം, റഹ്മാൻ, തൃഷ എന്നിവരും പ്രധാന വേഷത്തിലെത്തുന്നുണ്ട്.

വിരാട് കോഹ്ലിയ്ക്കും ബോളിവുഡ് താരസുന്ദരി അനുഷ്ക ശര്‍മ്മയ്ക്കും ആദ്യത്തെ കണ്‍മണി ജനിച്ചത് തിങ്കളാഴ്ചയാണ്. സോഷ്യല്‍ മീഡിയയിലൂടെ നിരവധി പേരാണ് ഇരുവര്‍ക്കും ആശംസകളുമായി എത്തിയത്. തങ്ങളുടെ പ്രിയ താരങ്ങളുടെ മകളെ കാണാനായും അവളുടെ പേര് അറിയാനുമായി ആരാധകര്‍ കാത്തിരിക്കുകയാണ്. ഇതിനിടെ ഇപ്പോഴിതാ മാധ്യമങ്ങള്‍ക്കൊരു മുന്നറിയിപ്പും അറിയിപ്പുമായി എത്തിയിരിക്കുകയാണ്

തങ്ങളുടെ മകളുടെ ചിത്രങ്ങള്‍ പകര്‍ത്തരുതെന്നാണ് വിരാടും അനുഷ്കയും അഭ്യര്‍ത്ഥിക്കുന്നത്. ഞങ്ങള്‍ക്ക് ഇതുവരെ നല്‍കിയ സ്നേഹത്തിന് നന്ദി. ഈ സന്തോഷ നിമിഷം നിങ്ങള്‍ക്കൊപ്പം ആഘോഷിക്കാന്‍ ഞങ്ങള്‍ക്ക് സന്തോഷമുണ്ട്. എന്നാല്‍ രക്ഷിതാക്കള്‍ എന്ന നിലയില്‍ ഞങ്ങള്‍ക്ക് നിങ്ങളോടൊരു അഭ്യര്‍ത്ഥനയുണ്ട്. ഞങ്ങളുടെ കുട്ടിയുടെ സ്വകാര്യത സംരക്ഷിക്കണം.

അതിന് നിങ്ങളുടെ സഹായം വേണം എന്നായിരുന്നു ഇരുവരും പ്രസ്താവനയിലൂടെ അറിയിച്ചത്. മുംബെെയിലെ മാധ്യമങ്ങളോടാണ് വിരാടും അനുഷ്കയും അഭ്യര്‍ത്ഥന നടത്തിയത്. ഞങ്ങളെ കുറിച്ച്‌ പ്രസിദ്ധീകരിക്കാനുള്ള കണ്ടന്റ് നിങ്ങള്‍ക്ക് എപ്പോഴും ലഭിക്കുമെന്ന് ഉറപ്പ് തരുന്നു. എങ്കിലും ഞങ്ങളുടെ കുട്ടിയുടെ ചിത്രങ്ങള്‍ പകര്‍ത്തരുത്. എന്നായിരുന്നു വിരാടും അനുഷ്കയും അഭ്യര്‍ത്ഥിച്ചത്. എന്തുകൊണ്ടാണ് തങ്ങളിത് പറയുന്നതെന്ന് നിങ്ങള്‍ക്ക് മനസിലാകുമെന്നാണ് കരുതുന്നതെന്നും ഇരുവരും പത്രക്കുറിപ്പില്‍ പറയുന്നു.

തിരുവനന്തപുരം: സാംസ്‌കാരിക മന്ത്രിക്ക് കത്തെഴുതിയതില്‍ ജാഗ്രതക്കുറവുണ്ടായെന്ന് ചലച്ചിത്ര അക്കാദമി ചെയര്‍മാന്‍ കമല്‍. ‘അക്കാദമിയുടെ ഇടത് സ്വഭാവം’ എന്നെഴുതിയത് ശരിയായില്ലെന്നും കത്ത് വ്യക്തിപരമാണെന്നും കമല്‍ പറഞ്ഞു. ഇടതുപക്ഷ അനുഭാവികളെ സ്ഥിരപ്പെടുത്തണമെന്ന് ആവശ്യപ്പെട്ട് കമല്‍ എഴുതിയ കത്തിനെ സംബന്ധിച്ചാണ് ഇപ്പോള്‍ വിശദീകരണവുമായി അദ്ദേഹം തന്നെ രംഗത്തു വന്നിരിക്കുന്നത്.

ചലച്ചിത്ര അക്കാദമിയില്‍ കരാര്‍ അടിസ്ഥാനത്തില്‍ ജോലി ചെയ്യുന്ന നാലുപേരെ സ്ഥിരപ്പെടുത്തണമെന്ന് ആവശ്യപ്പെട്ടുകൊണ്ടായിരുന്നു കത്ത്. ചൊവ്വാഴ്ച നടന്ന നിയമസഭാ സമ്മേളനത്തില്‍ പ്രതിപക്ഷ നേതാവ് രമേശ് ചെന്നിത്തല കമലിനെതിരെ വിമര്‍ശനവുമായി രംഗത്തെത്തിയിരുന്നു. പിന്നീട് വാര്‍ത്താ സമ്മേളനം നടത്തി അദ്ദേഹം കമലെഴുതിയ കത്ത് വായിക്കുകയും ചെയ്തിരുന്നു.

ഇടതുപക്ഷ അനുഭാവികളും ഇടതുപക്ഷ പുരോഗമന മൂല്യങ്ങളിലൂന്നി സാംസ്‌കാരിക രംഗത്ത് നിലകൊള്ളുന്ന ജീവനക്കാരെ സ്ഥിരപ്പെടുത്തുന്നത് കേരളത്തിലെ സാംസ്‌കാരിക സ്ഥാപനങ്ങളില്‍ സമുന്നതമായ സ്ഥാനമുള്ള ചലച്ചിത്ര അക്കാദമിയുടെ ഇടതുപക്ഷ സ്വഭാവം നിലനിര്‍ത്തുന്നതിന് സഹായകമാണ് എന്നാണ് കത്തില്‍ പറയുന്നത്

ബിഗ്‌ബോസ് മലയാളം മൂന്നാം സീസണ്‍ പ്രഖ്യാപനത്തിന് പിന്നാലെ ആരൊക്കെയാവും മത്സരാര്‍ത്ഥികള്‍ എന്ന ചര്‍ച്ച സോഷ്യല്‍ ലോകത്ത് സജീവമാണ്. നടന്‍ കൃഷ്ണകുമാറിന്‍രെ മകള്‍ ദിയ കൃഷ്ണയും ഇഷാനിയും പരിപാടിയില്‍ പങ്കെടുക്കുമെന്ന വിധത്തില്‍ വാര്‍ത്തകള്‍ പ്രചരിക്കുന്നുണ്ട്. ഇതിന് മറുപടി നല്‍കി രംഗത്ത് എത്തിയിരിക്കുകയാണ് ദിയ.

പ്രചരിക്കുന്നതെല്ലാം റൂമറുകള്‍ മാത്രമാണെന്നും താനോ അനിയത്തി ഇഷാനിയോ ഷോയുടെ ഭാഗമായിരിക്കില്ലെന്നും ദിയ പറഞ്ഞു. പലരും ഈ ചോദ്യവുമായി തന്നെ സമീപിച്ചെന്നും അതിനാലാണ് വ്യക്തത വരുത്തുന്നതെന്നുമാണ് വിഡിയോയില്‍ ദിയ പറയുന്നത്.

ഏറെ വിജയകരമായ ബിഗ് ബോസ് ആദ്യ സീസണുശേഷം രണ്ടാം സീസണ്‍ നടത്തിയിരുന്നെങ്കിലും കോവിഡ് കാരണം ഇത് പൂര്‍ത്തിയാക്കാന്‍ കഴിഞ്ഞില്ല. 100 ദിവസത്തെ ഷോ ഏകദേശം 60 ദിനങ്ങള്‍ പിന്നിട്ടപ്പോഴേക്കും അവസാനിപ്പിക്കുകയായിരുന്നു.

നടി രജനി ചാണ്ടിയുടെ മേക്കോവര്‍ ഫോട്ടോഷൂട്ടുകള്‍ സോഷ്യല്‍ മീഡിയയില്‍ വൈറലായിരുന്നു. പിന്നാലെ കടുത്ത സൈബര്‍ ആക്രമണവും താരത്തിന് നേരെ എത്തിയിരുന്നു. എന്നാല്‍ അറുപത് വയസ് കഴിഞ്ഞപ്പോഴല്ല പണ്ടേ താന്‍ സ്വിം സ്യൂട്ടും ബിക്കിനിയുമൊക്കെ അണിഞ്ഞ് സീന്‍ വിട്ടതാണെന്ന് വ്യക്തമാക്കിയിരിക്കുകയാണ് രജനി.

സ്വിം സ്യൂട്ടിലുള്ള പഴയ കാലത്തെ ചിത്രങ്ങളാണ് രജനി ഇന്‍സ്റ്റഗ്രാം സ്റ്റോറിയായി പങ്കുവെച്ചിരിക്കുന്നത്. 1970 മുതല്‍ ഈ വേഷങ്ങള്‍ ധരിച്ചിരുന്ന ആളാണ് താന്‍. തന്റെ മേക്കോവര്‍ ചിത്രങ്ങള്‍ എന്നു പറയുന്നത് ചട്ടയും മുണ്ടുമാണ് എന്നാണ് രജനി ചിത്രങ്ങള്‍ക്കൊപ്പം കുറിച്ചിരിക്കുന്നത്. ‘കുഴിയിലേക്ക് കാലും നീട്ടി ഓരോരോ അഭ്യാസങ്ങള്‍…’ എന്നിങ്ങനെയുള്ള കമന്റുകളാണ് രജനിയുടെ പുതിയ ഫോട്ടോഷൂട്ട് ചിത്രങ്ങള്‍ക്ക് നേരെയെത്തിയത്.

പ്രേക്ഷകര്‍ തന്നെ കാണുന്നത് അറുപത് വയസ് കഴിഞ്ഞ് ചട്ടയും മുണ്ടും ധരിച്ച്‌ സിനിമയിലേക്ക് വന്ന ആന്റി എന്ന നിലയിലാണ്. എന്നാല്‍ 1970ല്‍ വിവാഹം കഴിഞ്ഞപ്പോള്‍ മുതല്‍ ഭര്‍ത്താവിനൊപ്പം ഔദ്യോഗിക മീറ്റിങ്ങുകളിലും പാര്‍ട്ടികളിലും പോയിരുന്നു. അവിടുത്തെ ലൈഫ്‌സ്‌റ്റൈല്‍ അനുസരിച്ച്‌ വേഷം ധരിച്ചിരുന്നതായും രജനി ഒരു അഭിമുഖത്തിനിടെ വ്യക്തമാക്കി.

ഫോർമൽ മീറ്റിങ്ങിനു പോകുമ്പോൾ സാരി ധരിക്കും. എന്നാൽ കാഷ്വൽ മീറ്റിങ്ങിനും പാർട്ടിക്കും പോകുമ്പോ ജീൻസ് ടോപ്, മറ്റു മോഡേൺ വസ്ത്രങ്ങൾ ധരിച്ചിരുന്നു. അതുപോലെ സ്വിം സ്യൂട്ട്, ബിക്കിനി ഒക്കെ ഇടേണ്ട അവസരത്തിൽ അതും ധരിക്കുമായിരുന്നു. വൈകുന്നേരങ്ങളിൽ താജിലും ഒബ്റോയ് ഹോട്ടലിലും ഒക്കെ കോക്ക്‌ടെയ്ൽ ഡിന്നറും മറ്റും ഉണ്ടായിരുന്നു. ഇപ്പോഴും താൻ ജീൻസ് ടോപ്പ് ഒക്കെ ധരിക്കാറുണ്ട് എന്നും രജനി പറഞ്ഞു.