പലപ്പോഴും താരങ്ങൾ സിനിമകളിൽ ശ്രദ്ധിക്കപ്പെട്ടു കഴിയുമ്പോൾ പഴയ ബന്ധങ്ങളും സൗഹൃദങ്ങളും മറക്കുന്നവർ ആണെന്ന ആരോപണം പൊതുവെയുണ്ട്.എന്നാൽ പ്രിയ നടി അനു സിത്താര ആ വിഭഗത്തിൽ പെടുന്നയാളല്ല.ഇപ്പോളും കുട്ടിക്കാലത്തെ സൗഹൃദങ്ങളും മറ്റും കാത്ത് സൂക്ഷിക്കുന്ന നടിയാണ് അനു സിത്താര.ഇപ്പോൾ കുട്ടിക്കാലത്തെ തന്റെ ഏറ്റവും പ്രിയപ്പെട്ട രണ്ട് സുഹൃത്തുക്കളെ കുറിച്ച് പറയുകായണ് നടി.മണിക്കുട്ടിയും അപ്പുവും ബാല്യകാലത്തെ തന്റെ ഉറ്റ കൂട്ടുകാർ ആയിരുന്നുവെന്നും അവരിൽ നിന്ന് പിരിഞ്ഞു പോയപ്പോഴുണ്ടായ വേദനയെക്കുറിച്ചും അനു സിത്താര പങ്കുവയ്ക്കുന്നു.

‘കുട്ടിക്കാലത്തെ ഏറ്റവുമടുത്ത സുഹൃത്തുക്കൾ മണിക്കുട്ടിയും അപ്പുവുമായിരുന്നു.മണിക്കുട്ടി എന്നെക്കാൾ ഒരു വയസ്സ് മുതിർന്നവളും.അപ്പുവും ഞാനും ഒരേ ക്ലാസിലുമായിരുന്നു.മൂന്നംഗ സംഘത്തിൽ ഞാനും അപ്പുവുമായിരുന്നു പോക്കിരികൾ.അപ്പവുമായി തല്ല് കൂടുന്നതും വഴക്കിടുന്നതുമെല്ലാം ഇന്നും ഓർമ്മയിലുണ്ട്.മണിക്കുട്ടിയുടെ കുടുംബം കുറച്ചു കാലം കഴിഞ്ഞപ്പോൾ തമിഴ് നാട്ടിലേക്ക് പോയി.ഒരുമിച്ച് കളിച്ചു നടന്നവരിൽ ഒരാൾ പെട്ടെന്ന് വേർ പിരിഞ്ഞു പോകുന്നത് സങ്കടമായിരുന്നു.കൺമറയുവോളം അവൾ കൈവീശി. യാത്ര പറയുമ്പോൾ അപ്പുവിനെ അവിടെയൊന്നും കണ്ടില്ല.നോക്കിയപ്പോൾ അപ്പു എന്റെ വീടിന്റെ മുറ്റത്തിരുന്ന് കരയുകയായിരുന്നു.

അന്നേ എന്റെ സംശയമായിരുന്നു അപ്പുവിന് മണിക്കുട്ടിയോട് ഒരു പ്രത്യേക ഇഷ്ടമുണ്ടായിരുന്നില്ലേ എന്ന്.വർഷങ്ങൾക്ക് ശേഷം ആ സംശയം അപ്പുവിനോട് തന്നെ ചോദിച്ചു.അടുത്തകാലത്ത് മണിക്കുട്ടിയുടെ നാട്ടിൽ ഒരു സിനിമയുടെ ചിത്രീകരണത്തിനായി ചെന്നപ്പോൾ ഞാൻ അവളെ സെറ്റിലേക്ക് ക്ഷണിച്ചു.അപ്പു ഇന്നും വയനാട്ടിൽ തന്നെയുണ്ട്’.ഒരു മാഗസിന് നൽകിയ അഭിമുഖത്തിൽ അനു സിത്താര പറയുന്നു.

വിടപറഞ്ഞ അമ്മയുടെ ഓര്‍മ്മകളില്‍ മലയാളത്തിന്റെ പ്രിയ താരം ഇടവേള ബാബു. ആഗസ്റ്റ് 26 ന് ആയിരുന്നു ആകസ്മികമായി താരത്തിന്റെ അമ്മയുടെ വിയോഗവാര്‍ത്ത പുറത്തുവന്നിരുന്നത്.

അന്ന് അവിവാഹിതനായി താന്‍ ജീവിക്കുന്നു എന്നതായിരുന്നു അമ്മയുടെ ഏറ്റവും വലിയ വിഷമം എന്നും താരം പറയുന്നു. അമ്മജീവിച്ചിരിക്കുന്ന കാലത്ത് ആശങ്കപ്പെട്ടതും താന്‍ അവിവാഹിതനായി ജീവിക്കുന്നു എന്നതിനെക്കുറിച്ച്‌ ആയിരുന്നു.

എന്നാല്‍ തലേദിവസം പേരക്കുട്ടികള്‍ക്കും മക്കള്‍ക്കുമൊപ്പം കേക്ക് മുറിച്ച്‌ ആഘോഷിച്ച ശേഷമാണ് അമ്മ കിടന്നുറങ്ങിയത്. പുലര്‍ച്ചെ ഒരു മണിയോടെ ടോയ്ലറ്റില്‍ പോയി തിരിച്ചുവരുമ്ബോള്‍ കട്ടിലില്‍ കുഴഞ്ഞുവീഴുകയായിരുന്നു ശബ്ദം കേട്ട് സഹോദരങ്ങള്‍ ഓടിയെത്തി, 10 മിനിറ്റിനുള്ളില്‍ ആശുപത്രിയില്‍ എത്തിച്ചെങ്കിലും രക്ഷിക്കാന്‍ സാധിച്ചില്ല. ഹൃദയാഘാതത്തെ തുടര്‍ന്നാണ് മരണം സംഭവിച്ചത് എന്നും താരം പറഞ്ഞു.