മലയാളികൾക്ക് പ്രിയപ്പെട്ട താരങ്ങളിൽ ഒരാളാണ് നടൻ ഇന്ദ്രൻസ്. നിരവധി സിനിമകളിലൂടെ ശ്രദ്ധേയമായ കഥാപാത്രങ്ങൾ അവതരിപ്പിക്കാൻ താരത്തിന് ഇതിനോടകം തന്നെ സാധിച്ചിട്ടുണ്ട്. സാധിക്കുകയും ചെയ്തു. എന്നാൽ ഇപ്പോൾ ജോലിയും വരുമാനവുമുണ്ടെങ്കിൽ എന്നും ഓണം തന്നെയാണ് എന്ന് തുറന്ന് പറയുകയാണ് ഇന്ദ്രൻസ്. കോവിഡ് വ്യാപനം തടയാനായി തിരുവനന്തപുരം സെൻട്രൽ ജയിലിലെ തടവുകാർക്കൊപ്പം മാസ്‌ക്ക് നിർമാണത്തിൽ പങ്കാളിയാകുന്നതുൾപ്പടെ തനിക്കാകുന്ന സന്നദ്ധ പ്രവർത്തനങ്ങൾ ഇന്ദ്രൻസ് എന്ന ഈ ചെറിയ വലിയ മനുഷ്യൻ ചെയ്തിരുന്നു. കടന്നുവന്ന വഴികളെ മറക്കാത്ത , അതേക്കുറിച്ച്‌ അഭിമാനത്തോടെ മാത്രം പറയുന്ന ഒരു പച്ച മനുഷ്യൻ…

ഇന്ദ്രൻസിന്റെ വാക്കുകൾ:

‘കുട്ടിക്കാലത്ത് ഓണം വരാൻ കാത്തിരിക്കുമായിരുന്നു, പുത്തനുടുപ്പിടാനും ഓണക്കളികൾ കളിക്കാനും സദ്യ കഴിക്കാനുമൊക്കെയുള്ള കാത്തിരിപ്പ്, എന്നാൽ മുതിർന്നപ്പോൾ ആഘോഷങ്ങളേക്കാൾ പ്രാധാന്യം ജോലിക്കായി. ഓണസമയത്തായിരിക്കും തന്റെ ടെയ്‌ലറിങ് ഷോപ്പിൽ കൂടുതൽ വർക്ക് ഉണ്ടാവുക. തന്റെ കസ്റ്റമേഴ്‌സിന്റെ ഓണത്തിന് മാറ്റ് കൂട്ടണമെങ്കിൽ അവരുടെ ഓണപ്പുടവകൾ കൃത്യ സമയത്തു ചെയ്തു കൊടുക്കണം, അപ്പോൾ പിന്നെ സ്വന്തം ആഘോഷങ്ങൾക്ക് അവിടെ സ്ഥാനമില്ലാതാകും.’
‘സിനിമയിൽ അഭിനയിച്ചു തുടങ്ങിയപ്പോഴും അത് തന്നെ സ്ഥിതി, ജോലി ഉണ്ടെങ്കിൽ അതിനു തന്നെ പ്രഥമ സ്ഥാനം, ആഘോഷങ്ങളൊക്കെ രണ്ടാമത്തെ ഉള്ളൂ, കോവിഡ് കാലമായതിനാൽ ഓണത്തിന് മകൾ എത്താനും സാധ്യതയില്ല. അല്ലെങ്കിലും എല്ലാരും രോഗവും ദുരിതവും അനുഭവിച്ചിരുന്ന ഈ കാലത്ത് ആർക്കാണ് ഓണം ആഘോഷിക്കാൻ സാധിക്കുക. കോവിഡ് എല്ലാം തകർത്തുകളഞ്ഞില്ലേ, എല്ലാവരും അങ്കലാപ്പിലാണ്, സ്ഥിരവരുമാനം ഉള്ളവർക്ക് മാത്രമാണ് ചെറിയ ആശ്വാസമുള്ളതു. പൊതുജനങ്ങളെ മാത്രം ആശ്രയിച്ചു ജീവിക്കുന്ന ഒരുപാട് ആളുകൾ ഉണ്ട്.’
‘ചെറിയ കലാകാരന്മാർ, പാട്ടുകാർ, നാടൻ കലാകാരന്മാർ,. മേളക്കാർ, അവർക്കൊക്കെ ഇതുപോലെയുള്ള ഉത്സവ സീസണിലാണ് പണി ഉണ്ടാവുക. പക്ഷെ എല്ലാറ്റിനും മുകളിലേക്ക് കോവിഡ് എന്ന മഹാരോഗം വന്നു പതിച്ചു, ഓണം കൊറോണമായി. പലരും ഉള്ളിൽ കരയുകയാണ് ചിരിയുടെ മാസ്‌ക് അണിഞ്ഞിരിക്കുന്നെന്നേ ഉള്ളൂ. തന്റെ ടൈലറിംഗ് ഷോപ്പിലും അധികം പണി ഒന്നും ഇല്ല, ജോലിക്കാർക്കൊന്നും പണി കൊടുക്കാൻ ഇല്ല. ഇനി എല്ലാരും അപകടമൊന്നുമില്ലാതെ വീട്ടിലിരിക്കാൻ നോക്കുകയാണ് വേണ്ടത്, ഓണം എന്ന് പറഞ്ഞു തിക്കി തിരക്കി ഇറങ്ങി നടന്നാൽ അസുഖം വരാനുള്ള സാധ്യത കൂടും. അതുകൊണ്ടു ഇത്തവണത്തെ ഓണാഘോഷങ്ങൾ മിതമാക്കാം, സന്തോഷമില്ലെങ്കിലും ഒരു ആചാരത്തിന്റെ പേരിൽ സന്തോഷം അഭിനയിക്കാം, നമുക്ക് മനസ്സ് തുറന്നു ചിരിക്കാനും, സ്‌നേഹം കൈമാറാനും ഒന്ന് തൊട്ടുരുമ്മി ഇരിക്കാനും ഒക്കെ കഴിയുന്ന ഒരോണം പെട്ടെന്നുണ്ടാകട്ടെ എന്ന് പ്രാർത്ഥിക്കാം.’

ബോളിവുഡ് യുവതാരം സുശാന്ത് സിംഗ് രജ്പുത്തിന്റെ മരണവുമായി ബന്ധപ്പെട്ട് ഏറ്റവും കൂടുതല്‍ ആരോപണങ്ങള്‍ നേരിടുന്നത് താരത്തിന്റെ കാമുകിയായ റിയ ചക്രബര്‍ത്തിയാണ്. ഇതിനിടെ റിയ സുശാന്തിന്റെ മരണവുമായി ബന്ധപ്പെട്ട ആരോപണങ്ങള്‍ക്ക് മറുപടിയുമായി രംഗത്ത് എത്തിയിരുന്നു. രാജ്ദീപ്‌സര്‍ ദേശായിക്ക് നല്‍കിയ അഭിമുഖത്തിലാണ് റിയ തന്റെ ഭാഗം വ്യക്തമാക്കിയത്. ഈ അഭിമുഖം വലിയ ചര്‍ച്ചയായി മാറുകയും നാനാകോണുകളില്‍ നിന്ന് റിയക്ക് പിന്തുണ ലഭിക്കുകയും ചെയ്തിരുന്നു.

ഇപ്പോഴിതാ റിയയ്ക്ക് പിന്തുണയുമായി രംഗത്ത് എത്തിയിരിക്കുകയാണ് നടിയും നിര്‍മ്മാതാവുമായ ലക്ഷ്മി മാഞ്ചു. വാസ്തവം അറിയാതെ റിയയെയും കുടുംബത്തെയും ആക്രമിക്കുന്നത് ക്രൂരതയാണെന്നാണ് അവര്‍ സോഷ്യല്‍ മീഡിയയില്‍ കുറിച്ചത്.

‘രാജ്യത്തെ നിയമവ്യവസ്ഥയിലും അന്വേഷണ ഏജന്‍സികളിലും തനിക്ക് വിശ്വാസമുണ്ട്. വാസ്തവം എന്താണെന്നറിയാതെ റിയെയെയും കുടുംബത്തെയും ആക്രമിക്കുന്നത് ക്രൂരതയാണ്. അത് അവസാനിപ്പിക്കണം’ എന്നാണ് അവര്‍ ട്വിറ്ററില്‍ കുറിച്ചത്.