മലയാളസിനിമയില്‍ മുന്‍പന്തിയില്‍ നില്‍ക്കുന്ന യുവതാരങ്ങളില്‍ ഒരാളാണ് ടൊവിനോ തോമസ്. നായകനായും വില്ലനായുമൊക്കെ ആരാധകരുടെ മനസ്സ് കീഴടക്കിയ താരം സോഷ്യല്‍ മീഡിയയിലിലും സജീവമാണ്. സാമൂഹ്യ പ്രവര്‍ത്തനങ്ങളിലും താരം മുന്നിലാണ്. ദിവസങ്ങള്‍ക്ക് മുമ്ബ് തനിക്കു ഒരു ആണ് കുഞ്ഞ് ജനിച്ച സന്തോഷം പങ്കുവച്ച്‌ ടോവിനോ എത്തിയിരുന്നു. ലോക്ഡൗണിലും വര്‍ക്കൗട്ട് മുടക്കിയിരുന്നില്ല. നിരന്തരമായി വര്‍ക്കൗട്ട് ചെയ്യുന്ന വീഡിയോകളും ടൊവിനോ പങ്കുവയ്ക്കാറുണ്ട്. ഇപ്പോഴിതാ തന്റെ അച്ഛന്‍ അഡ്വ: ഇല്ലിക്കല്‍ തോമസിനെ ചിത്രങ്ങള്‍ പങ്കുവച്ച്‌ എത്തിയിരിക്കയാണ് ടൊവിനോ. ചിത്രം കണ്ട് അമ്ബരക്കുകയാണ് ആരാധകര്‍. കാരണം മറ്റൊന്നുമല്ല വൃദ്ധനായെങ്കിലും നല്ല ജിമ്മനാണ് ടൊവിനോയുടെ അച്ഛന്‍ എന്നതാണ് അതിന് കാരണം.
ടൊവീനോ തന്നെ ഇന്‍സ്റ്റാഗ്രാമില്‍ പോസ്റ്റ് ചെയ്ത ഒരു ചിത്രമാണ് സോഷ്യല്‍ മീഡിയയുടെ കണ്ണുതള്ളിക്കുന്നത്. ജിമ്മിലെ തന്റെ വര്‍ക് ഔട്ട് പാര്‍ട്ണര്‍ എന്ന നിലയ്ക്കാണ് ടൊവി അച്ഛനെ പരിചയപ്പെടുത്തുന്നത്. മസിലൊക്കെ പെരുപ്പിച്ച്‌ അച്ഛനും മോനും നില്‍ക്കുന്ന ചിത്രമാണ് ഇത്. ‘എന്റെ ജീവിതത്തിലെ ഡിസിഷന്‍ മേക്കര്‍, എന്നെ പ്രചോദിപ്പിച്ച മനുഷ്യന്‍… എന്റെ വഴികാട്ടി എന്റെ അച്ഛന്‍…’ അച്ഛനെക്കുറിച്ച്‌ അഭിമാനത്തോടെ അദ്ദേഹം കുറിക്കുന്നു. നെഞ്ചിന്റെ ഇടതു ഭാഗത്ത് കാണുന്ന മസില്‍ 2016ല്‍ ഘടിപ്പിച്ച പേസ് മേക്കറാണെന്നും. ശാരീരിക അവശതകള്‍ക്കിടയിലും അദ്ദേഹം ഫിറ്റ്നസില്‍ വിട്ടുവീഴ്ച ചെയ്തിട്ടില്ലെന്നും ടൊവിനോ കുറിക്കുന്നു. ഫാദര്‍ ഗോള്‍സ്, ഫാദര്‍ സ്‌കോര്‍സ് എന്നീ ഹാഷ് ടാഗുകളും താരം നല്‍കിയിട്ടുണ്ട്.
മസില്‍ പെരുക്കി സ്‌റ്റൈാലായി നില്‍ക്കുന്ന ടോവിനോയുടെ അടുത്തു തന്നെയാണ് കക്ഷിയുടേയും നില്‍പ്പ്. ബോഡിയില്‍ അച്ഛന്‍ മകനെ തോല്‍പ്പിച്ചു കളഞ്ഞു എന്നാണ് പലരും സോഷ്യല്‍ മീഡിയയില്‍ കമന്റായി രേഖപ്പെടുത്തുന്നത്. പ്രായത്തെ വെല്ലുന്ന ഫിറ്റ്നസ് കാത്തു സൂക്ഷിക്കുന്ന ടൊവീയുടെ അച്ഛനെ അഭിനന്ദിക്കാനും ആരും മറന്നില്ല. അപ്പന്‍ വന്‍ പൊളി മാന്‍ എന്നായിരുന്നു അമ്ബരന്നുപോയ പൃഥ്വിരാജിന്റെ മറുപടി. അപ്പൂപ്പന്‍മാരായിട്ടും മമ്മൂട്ടിയും തോമസിനെയും പോലുള്ള കിടുക്കന്‍ ജിമ്മന്‍മാരെ കണ്ട് ന്യുജെനറേഷന്‍ പിള്ളേര്‍ക്ക് ജീവിക്കാന്‍ വയ്യാതായെന്നും കമന്റുകള്‍ എത്തുന്നു.
