കൊച്ചി: ആരാധകരെ സിനിമകളിലൂടെ മാത്രമല്ല സോഷ്യല്‍ മീഡിയയില്‍ പങ്കുവയ്ക്കുന്ന ചിത്രങ്ങളിലൂടെ പോലും വളരെ വിസ്മയിപ്പിക്കുന്ന താരമാണ് മെഗാസ്റ്റാര്‍ മമ്മൂട്ടി. അതിന്റെ ഉദാഹരണമായിരുന്നു അടുത്തിടെ പുറത്തുവന്ന ഒരു ലോക്ക് ഡൌണ്‍ വര്‍ക്ക്‌ഔട്ട്‌ ചിത്രവും തുടര്‍ന്നുള്ള ബര്‍ത്ത് ഡേ ഷൂട്ട് ചിത്രവും.

ലോക്ക് ഡൌണ്‍ വര്‍ക്ക്‌ഔട്ട്‌ ചിത്രം ഏറെ വൈറലായി സോഷ്യല്‍ മീഡിയയില്‍ തരം​ഗം സൃഷ്ടിച്ചവയാണ്. സാധാരണ ഇന്‍സ്റ്റഗ്രാമില്‍ അദ്ദേഹം പങ്കുവയ്ക്കുന്ന ചിത്രങ്ങളെല്ലാം ആരാധകര്‍ നെഞ്ചേറ്റാറുണ്ട്. ഇക്കുറിയും അതിന് മാറ്റമൊന്നുമില്ല. ഇത്തവണ മമ്മൂട്ടി പങ്കുവച്ചിരിക്കുന്നത് തന്റെ വീട്ടല്‍ നട്ടു വളര്‍ത്തിയ സണ്‍ഡ്രോപ് പഴങ്ങള്‍ വിളവെടുക്കുന്നതിന്റെ ചിത്രമാണ്.

തന്റെ കോവിഡ് ടെസ്റ്റ് ഫലം നെഗറ്റീവ് ആണെന്ന് വ്യക്തമാക്കി മലയാളം സിനിമ സീരിയല്‍ നടി അര്‍ച്ചന സുശീലന്‍. അര്‍ച്ചന അഭിനയിച്ചു കൊണ്ടിരുന്ന സീരിയലിന്റെ സെറ്റിലുണ്ടായിരുന്ന ചിലര്‍ക്ക് കോവിഡ് 19 വൈറസ് ബാധ സ്ഥിരീകരിച്ചിരുന്നു.

സംഭവത്തിന് പിന്നാലെ സീരിയലിന്റെ അണിയറ പ്രവര്‍ത്തകരും താരങ്ങളും സെല്‍ഫ് ക്വാറന്റീനിലായിരുന്നു. തുടര്‍ന്നാണ് അര്‍ച്ചനയുള്‍പ്പടയുള്ളവര്‍ കോവിഡ് ടെസ്റ്റ് നടത്തിയത്. എന്നാല്‍ തനിക്ക് കോവിഡ് പരിശോധനാഫലം നെഗറ്റീവാണെന്ന് അര്‍ച്ചന ഇന്‍സ്റ്റഗ്രാമില്‍ പങ്കുവെച്ച വീഡിയോയിലൂടെ അറിയിച്ചു.

പേടിക്കാതിരിക്കുക എന്നു പറയുമ്ബോഴും പേടിയുണ്ടാകുമെന്നറിയാം. അത് അനുഭവിച്ചു. ലൊക്കേഷനില്‍ ചിലര്‍ക്ക് കോവിഡ് 19സ്ഥിരീകരിച്ചപ്പോഴേ സെല്‍ഫ് ക്വാറന്റീനിലേക്കു പോയി. ലക്ഷണങ്ങള്‍ ഇല്ലായിരുന്നു. പക്ഷേ, പേടിച്ച്‌ പേടിച്ച്‌ കുറച്ചു പനി വന്നുവെന്ന് താരം പറയുന്നു.

സംശയമുണ്ടെങ്കില്‍ എല്ലാവരും ടെസ്റ്റ് ചെയ്യണം. കൂടുതല്‍ കെയര്‍ഫുള്‍ ആയിരിക്കാം. ടെസ്റ്റിന് വേണ്ടിയാണ് സെല്‍ഫ് ക്വാറന്റീനില്‍ നിന്ന് ആദ്യം പുറത്തിറങ്ങിയത്. ടെസ്റ്റ് കഴിഞ്ഞു തിരിച്ചു വന്നു. റിസള്‍ട്ട് നെഗറ്റീവ് ആണെങ്കിലും കുറച്ചു ദിവസം കൂടി സെല്‍ഫ് ക്വാറന്റീനിന്‍ തുടരാനാണ് തീരുമാനം. ഒന്നു കൂടി ടെസ്റ്റ് ചെയ്യാം. ഒരു സമാധാനത്തിന് എന്ന് നടി വിഡിയോയില്‍ പറഞ്ഞു.

ദൃശം2ന്റെ ഷൂട്ടിം​ഗ് തുടങ്ങിയെന്ന വാർത്ത പ്രേക്ഷകർ ആകാംക്ഷയോടെയാണ് ഏറ്റെടുത്തത്.ചിത്രത്തിലെ ഐജി ഗീത പ്രഭാകർ എന്ന കഥാപാത്രം വളരെ പ്രശംസ പിടിച്ചുപറ്റിയതായിരുന്നു.ഇപ്പോളിതാ കോവിഡ് നെഗറ്റീവായതിന്റെ സന്തോഷം പങ്കുവച്ച്‌ നടി ആശ ശരത് രം​ഗത്തെത്തി.ദൃശ്യം 2വിൽ ഐജി ഗീത പ്രഭാകർ ആയി അഭിനയിക്കാൻ ഒരുങ്ങുകയാണ് താരം.തിങ്കളാഴ്ചയാണ് ദൃശ്യം 2വിന്റെ ഷൂട്ടിംഗ് ആരംഭിച്ചത്.കോവിഡ് പ്രതിസന്ധികൾ തുടരുന്ന സാഹചര്യത്തിൽ അണിയറപ്രവർത്തകർക്കെല്ലാം ടെസ്റ്റ് നടത്തിയ ശേഷമാണ് ഷൂട്ടിംഗ് ആരംഭിക്കുന്നത്.

കോവിഡ് നെഗറ്റീവ് റിപ്പോർട്ട് കിട്ടി.ഇനി ദൃശ്യം 2വുമൊത്തുള്ള യാത്രയ്ക്ക് തുടക്കം.ഐജി ഗീത പ്രഭാകർ ആയി വീണ്ടുമെത്തുന്നതിന്റെ സന്തോഷത്തിലാണ് ഞാൻ.ജീവിതത്തിലെ തന്നെ ഏറ്റവും പ്രിയപ്പെട്ട കഥാപാത്രം.നിങ്ങളുടെ പ്രാർഥനയും അനുഗ്രവും വേണം എന്നാണ് ആശ ശരത് ഫെയ്‌സ്ബുക്കിൽ കുറിച്ചിരിക്കുന്നത്.

മോഹൻലാലിന്റെ ജൻമദിനത്തിലാണ് സൂപ്പർ ഹിറ്റ് ചിത്രമായ ദൃശ്യത്തിന്റെ രണ്ടാം ഭാഗമായി ദൃശ്യം 2പ്രഖ്യാപിച്ചത്.പാലക്കാട് ആയുർവേദ കേന്ദ്രത്തിലെ ചികിത്സ പൂർത്തിയാക്കിയ ശേഷം സെപ്റ്റംബർ 26ന് ആണ് മോഹൻലാൽ ലൊക്കേഷനിലെത്തുക.ദൃശ്യം ആദ്യ ഭാഗത്തിലെ എല്ലാ താരങ്ങളും രണ്ടാം ഭാഗത്തിലും എത്തുന്നുണ്ട്.മീന,അൻസിബ,എസ്തർ,സിദ്ദിഖ്,ആശാ ശരത്ത്,സായ്കുമാർ,മുരളി ഗോപി,ഗണേഷ് കുമാർ,സുമേഷ്,ആദം അയൂബ്,അഞ്ജലി നായർ,അജിത് കൂത്താട്ടുകുളം എന്നിവരും ചിത്രത്തിൽ പ്രധാന വേഷങ്ങളിലെത്തുന്നു.കോവിഡ് മാനദണ്ഡങ്ങൾ കർശനമായി പാലിച്ചുകൊണ്ടാണ് ചിത്രീകരണം.ആദ്യ പത്ത് ദിവസം ഇൻഡോർ ഷൂട്ടിംഗും തുടർന്ന് തൊടുപുഴയിലേക്ക് ഷിഫ്റ്റ് ചെയ്യും.

മലയാളി അല്ലെങ്കിലും മലയാളികളുടെ പ്രിയതാരമാണ് ബാല.നിരവധി ആരാധകരുള്ള താരം സോഷ്യൽ മീഡിയയിൽ സജീവമാണ്.അമൃതയും ബാലയുമായുള്ള വിവാഹവും വിവാഹ മോചനവുമെല്ലാം പ്രേക്ഷകർ ആഘോഷമാക്കി മാറ്റിയിരുന്നു.സഹോദരി അഭിരാമിക്ക് ഒപ്പം ചേർന്ന് അമൃതംഗമയ എന്ന പേരിൽ ഒരു മ്യൂസിക് ബാൻഡ് അമൃത രൂപീകരിച്ചു.ജീവിതത്തിലെ പ്രധാന വിഷയങ്ങളെല്ലാം സോഷ്യൽ മീഡിയയിലൂടെ ബാല പങ്കുവെക്കാറുണ്ട്.അമൃതയുമായുള്ള ബന്ധത്തിൽ ഒരു പെൺകുട്ടിയുമുണ്ട്.അവന്തിക എന്നാണ് കുട്ടിയുടെ പേര്.

മകളുടെ ജന്മദിനത്തിൽ ഹൃ0യസ്പർശിയായ കുറുപ്പുമായെത്തിയിരിക്കുകയാണ് താരം.പാപ്പു എന്ന് വിളിക്കുന്ന മകൾക്കൊപ്പമുള്ള ചിത്രങ്ങൾ കോർത്തിണക്കിയ വീഡിയോയാണ് ബാല പങ്കുവച്ചിരിക്കുന്നത്. പാപ്പുവിനെ ജീവന് തുല്യം സ്‌നേഹിക്കുന്നുവെന്നും ഒരാൾക്കും നമ്മളെ പിരിക്കാനാവില്ലെന്നും ബാല വീഡിയോയിൽ പറയുന്നു.

സെപ്റ്റംബർ 21,വർഷങ്ങൾക്ക് മുമ്പ് പേടി വന്നാൽ എന്തു പറയണം എന്ന് ചോദിച്ചു ഡാഡി ഉണ്ട്,പാപ്പു ഹാപ്പി ബർത്ത് ഡേ ടു യു.ഞാൻ എന്റെ എല്ലാ വാഗ്ദാനങ്ങളും പാലിച്ചു.ജീവിതത്തിൽ എല്ലാ സത്യങ്ങളും പാലിച്ചിട്ടുണ്ട്.അപ്പ എപ്പോഴും അടുത്തു തന്നെയുണ്ട്.പിറന്നാളിന് നിനക്ക് എന്നെ കാണാൻ പറ്റില്ല.എന്നാൽ ഞാൻ നിന്നെ കണ്ടിരിക്കും എന്നാണ് ബാല പറയുന്നത്.