വിടപറഞ്ഞ അമ്മയുടെ ഓര്‍മ്മകളില്‍ മലയാളത്തിന്റെ പ്രിയ താരം ഇടവേള ബാബു. ആഗസ്റ്റ് 26 ന് ആയിരുന്നു ആകസ്മികമായി താരത്തിന്റെ അമ്മയുടെ വിയോഗവാര്‍ത്ത പുറത്തുവന്നിരുന്നത്.

അന്ന് അവിവാഹിതനായി താന്‍ ജീവിക്കുന്നു എന്നതായിരുന്നു അമ്മയുടെ ഏറ്റവും വലിയ വിഷമം എന്നും താരം പറയുന്നു. അമ്മജീവിച്ചിരിക്കുന്ന കാലത്ത് ആശങ്കപ്പെട്ടതും താന്‍ അവിവാഹിതനായി ജീവിക്കുന്നു എന്നതിനെക്കുറിച്ച്‌ ആയിരുന്നു.

എന്നാല്‍ തലേദിവസം പേരക്കുട്ടികള്‍ക്കും മക്കള്‍ക്കുമൊപ്പം കേക്ക് മുറിച്ച്‌ ആഘോഷിച്ച ശേഷമാണ് അമ്മ കിടന്നുറങ്ങിയത്. പുലര്‍ച്ചെ ഒരു മണിയോടെ ടോയ്ലറ്റില്‍ പോയി തിരിച്ചുവരുമ്ബോള്‍ കട്ടിലില്‍ കുഴഞ്ഞുവീഴുകയായിരുന്നു ശബ്ദം കേട്ട് സഹോദരങ്ങള്‍ ഓടിയെത്തി, 10 മിനിറ്റിനുള്ളില്‍ ആശുപത്രിയില്‍ എത്തിച്ചെങ്കിലും രക്ഷിക്കാന്‍ സാധിച്ചില്ല. ഹൃദയാഘാതത്തെ തുടര്‍ന്നാണ് മരണം സംഭവിച്ചത് എന്നും താരം പറഞ്ഞു.

പുത്തന്‍ മേക്കോവറിലെത്തിയ നടന്‍ ജയറാമിന്റെ ചിത്രങ്ങള്‍ ആരാധകരെ ഞെട്ടിച്ചിരുന്നു. അല്ലു അര്‍ജുന്‍ ചിത്രം അല വൈകുണ്ഠപുരംലോക്ക് ആയാണ് കിടിലന്‍ മേക്കോവറില്‍ ജയറാം എത്തിയത്. ജയറാമിന്റെ പുതിയ വര്‍ക്കൗട്ട് ചിത്രമാണ് മകനും നടനുമായ കാളിദാസ് ഇപ്പോള്‍ പങ്കുവച്ചിരിക്കുന്നത്. രാവിലെ അഞ്ചു മണിക്ക് തന്നെ എഴുന്നേറ്റ് ജയറാം വര്‍ക്കൗട്ട് തുടങ്ങും എന്നാണ് കാളിദാസ് പറയുന്നത്.

“നിങ്ങളുടെ ഒഴിവുകഴിവുകളേക്കാള്‍ ശക്തനായിരിക്കുക. ഈ മനുഷ്യന്‍ ഇപ്പോഴും എല്ലാ ദിവസവും രാവിലെ 5 മണിക്ക് എഴുന്നേറ്റ് വര്‍ക്ക് ഔട്ട് ചെയ്യുന്നു, അദ്ദേഹത്തിന്റെ പ്രായത്തില്‍ അദ്ദേഹം നില്‍ക്കുന്നതിന്റെ പകുതിയെങ്കിലും എത്താനായാല്‍ ഞാന്‍ സ്വയം ഭാഗ്യവാനായി കരുതും” എന്നാണ് ചിത്രം പങ്കുവച്ച്‌ കാളിദാസ് കുറിച്ചിരിക്കുന്നത്. ചിത്രം സോഷ്യല്‍ മീഡിയയില്‍ വൈറലായിരിക്കുകയാണ്.

ആരാധകര്‍ക്കൊപ്പം നിരവധി താരങ്ങളും ചിത്രത്തിന് കമന്റുമായി എത്തി. “അദ്ദേഹം എന്താണ് എന്നത് അദ്ദേഹത്തിന്റെ കഠിനാധ്വാനത്തിന്റെ ഫലമാണ്. അദ്ദേഹം എന്താണെന്നോ എവിടെ നില്‍ക്കുന്നുവെന്നോ താരതമ്യപ്പെടുത്തേണ്ടതില്ല, നീ സ്വയം പരിശ്രമിച്ച്‌ സ്വന്തമായ പാതയില്‍ മുന്നേറുക, നിന്നെ സംതൃപ്തനാക്കുന്ന കാര്യങ്ങള്‍ ചെയ്യുക” എന്നാണ് വിജയ് യേശുദാസിന്റെ കമന്റ്.

അഞ്ച് മണിക്ക് ജിമ്മില്‍ വച്ച്‌ കാണാറുണ്ടെന്നും കുറച്ചു പേര്‍ക്ക് മാത്രമാണ് ഫിറ്റ്‌നസിനെക്കുറിച്ച്‌ ആത്മാര്‍ത്ഥതയുള്ളൂ എന്നുമായിരുന്നു നടി മമ്ത മോഹന്‍ദാസിന്റെ കമന്റ് ചെയ്തത്. ടൊവിനോ തോമസ്, രമേഷ് പിഷാരടി എന്നിവരും ചിത്രത്തിന് കമന്റുമായി എത്തിയിട്ടുണ്ട്. സംസ്‌കൃത ഭാഷയിലുള്ള നമോ, മണിരത്‌നത്തിന്റെ പൊന്നിയിന്‍ സെല്‍വന്‍ എന്നിവയാണ് ജയറാമിന്റെതായി ഒരുങ്ങുന്ന പുതിയ സിനിമകള്‍.