ന്യൂഡൽഹി : യുദ്ധത്തിൽ കൊല്ലപ്പെട്ട ഐഎസ് ഭീകരരുടെ വിധവകളായ 4 മലയാളി യുവതികളെയും മടക്കി കൊണ്ടുവരുന്നതിൽ കേന്ദ്ര ഏജൻസികൾ എതിർപ്പ് പ്രകടിപ്പിച്ചു.

തിരികെ കൊണ്ടുപോകാൻ അഫ്ഗാൻ സർക്കാർ ആവശ്യപ്പെട്ടെങ്കിലും അനുകൂല തീരുമാനം ഉണ്ടാകില്ല എന്നാണ് സൂചനകൾ.ദേശീയ അന്വേഷണ ഏജൻസി,തടവിൽ കഴിയുന്ന യുവതികളെ നേരിൽ കണ്ടിരുന്നു. തീവ്ര ആശയങ്ങൾ അവർ ഇപ്പോഴും തുടരുന്നുവെന്ന ബോധ്യമാണ് തിരികെ കൊണ്ടുവരാതിരിക്കാൻ കാരണമെ ന്നാണ് റിപ്പോർട്ടുകൾ. ഇതോടെ ഇവരുടെ മടങ്ങിവരവ് അനിശ്ചിതത്വത്തിലായിരിക്കുകയാണ്.
ഐഎസ് ഭീകരരെ വിവാഹം ചെയ്ത സ്ത്രീകളെയും അവരുടെ കുട്ടികളെയും തിരികെ നാടുകളിലേക്ക് എത്തിക്കേണ്ട എന്ന നിലപാട് നേരത്തെ ബ്രിട്ടനും, ഫ്രാൻസും സ്വീകരിച്ചിരുന്നു.ഇതേ നിലപാട് തന്നെ ഇന്ത്യയും പിന്തുടരുമെന്നാണ് സൂചനകൾ.ഈ വിഷയത്തിൽ കേന്ദ്രസർക്കാർ ഇതുവരെ ഔദ്യോഗികമായി പ്രതികരിച്ചിട്ടില്ല.

സോണിയ സെബാസ്റ്റ്യൻ എന്ന ആയിഷ,റാഫീല,മെറിൻ ജേക്കബ് എന്ന മറിയം,നിമിഷ എന്ന ഫാത്തിമ ഇസാ എന്നിവരാണ് അഫ്ഗാൻ ജയിലിൽ കഴിയുന്നത്.ഭീകരസംഘടനയായ ഐഎസ്കെപിയിൽ ചേരാൻ നാലുപേരുടെയും ഭർത്താക്കന്മാർ
അഫ്ഗാനിസ്ഥാനിലേക്ക് കടന്നപ്പോൾ കൂടെ ഇവരും കൂടുകയായിരുന്നു.

എന്നാൽ,ഇവർ 2019 നവംബറിൽ അഫ്ഗാൻ അധികൃതർക്ക് മുൻപാകെ കീഴടങ്ങുകയായിരുന്നു. 2013 നും 2018 നും ഇടയിൽ ഐഎസിൽ
ചേരാനായി സിറിയയിലേക്കും,ഇറാഖിലേക്കും പോയവരിൽ മറ്റു രാജ്യങ്ങളുടെ 55,808 പുരുഷന്മാരുണ്ടായിരുന്നു എന്നാണ് ബിബിസി റിപ്പോർട്ട്.ഇവരിൽ പലരും യുദ്ധത്തിൽ കൊല്ലപ്പെട്ടു.ഇവരുടെ വിധവകളായ ഭാര്യമാർ ജയിലിലും. ഇവരെ തിരികെ സ്വീകരിക്കാൻ ഒരു രാജ്യങ്ങളും തയ്യാറായിട്ടില്ല.

മക്ക : ലോകത്ത് കോവിഡ് ഭീതി തുടരുന്ന സാഹചര്യത്തിൽ ഈ വർഷവും സ്വദേശികൾക്കും.

രാജ്യത്ത് താമസിക്കുന്ന പ്രവാസികൾക്കും മാത്രമായി ഹജ്ജ് തീർത്ഥാടനം പരിമിതപ്പെടുത്താൻ തീരുമാനിച്ച് സൗദി അറേബ്യ.ജൂലൈ പകുതിയോടെ നടത്താൻ നിശ്ചയിച്ചിരുന്ന തീർത്തടനത്തിന് ലോകാരോഗ്യ സംഘടനയുടെ കോവിഡ് ചട്ടങ്ങൾ പ്രകാരം,അറുപതിനായിരം പേർക്കാണ് ഇക്കുറി അനുമതി ലഭിച്ചിരിക്കുന്നത്. കോവിഡിന് മുൻപുള്ള വർഷങ്ങളിൽ വിവിധ രാജ്യങ്ങളിൽ നിന്നായി 25 ലക്ഷത്തിലേറെ തീർഥാടകരാണ് ഹജ്ജിലെത്തിയിരുന്നത്. ഇതാണ് കോവിഡ് സാഹചര്യത്തിൽ ഇപ്പോൾ 60,000 ലേക്ക് ചുരുങ്ങിയിരിക്കുന്നത്.

കൊറോണ വൈറസിന്റെ തുടർച്ചയായ ആഘാതങ്ങൾക്ക് ലോകം മുഴുവൻ സാക്ഷ്യം വഹിക്കുന്ന പശ്ചാത്തലത്തിൽ,ലോകാരോഗ്യ സംഘടനയുടെ നിർദേശങ്ങളുമായി സഹകരിച്ചുള്ള തീരുമാനമാനത്തിന്റെ ഭാഗമാണിതെന്ന് അധികൃതർ വ്യക്തമാക്കി.അംഗീകാരമുള്ള കോവിഡ് വാക്സിൻ എടുത്ത18നും 65നും ഇടയിൽ പ്രായമുള്ളവർക്കാണ് അപേക്ഷിക്കാനാവുക. വിട്ടുമാറാത്ത മറ്റു രോഗങ്ങൾ ഉള്ളവർക്ക് അനുമതിയില്ല. രണ്ടു ഡോസ് വാക്സിനും എടുത്തവർ, ഒന്നാം ഡോസെടുത്തു 14 ദിവസം കഴിഞ്ഞവർ,കോവിഡ് മുക്തരായ ശേഷം വാക്സിനേഷൻ നടത്തിയവർ എന്നിവർക്കാണ് അവസരം.മനുഷ്യൻറെ ആരോഗ്യത്തിനും സുരക്ഷക്കും മുൻഗണന നൽകേണ്ടതിനാലും,ആരോഗ്യ മുൻകരുതലുകൾ സ്വീകരിക്കേണ്ടതിനാലു മാണ് ശക്തമായ നിയന്ത്രണം എന്ന് ഹജ്ജ് മന്ത്രാലയം വ്യക്തമാക്കി.

തിരുവനന്തപുരം: സംസ്ഥാനത്ത് കോവിഡ് ടെസ്റ്റ് പോസിറ്റീവ് നിരക്ക് (ടിപിആർ) കുറയുന്നതായി കണക്കുകൾ.

ടിപിആർ ഈ ആഴ്ച 10 ശതമാനത്തിൽ എത്തുമെന്നും, ലോക്ഡൗണിൽ കൂടുതൽ ഇളവുകൾ നൽകാൻ ആകുമെന്നുമാണ് സർക്കാർ വിലയിരുത്തൽ. നിലവിൽ സംസ്ഥാനത്ത് 16 വരെയാണ് ലോക്ഡൗൺ.ഓട്ടോറിക്ഷ,ടാക്സി സർവീസുകൾ അനുവദിച്ചും,വർക്ക് ഷോപ്പുകളും ബാർബർ ഷോപ്പുകളും തുറക്കാൻ അനുവദിച്ചും ഇളവുകൾ നൽകാനാണ് സർക്കാർ തീരുമാനം. കടുത്ത നിയന്ത്രണങ്ങളോടെ ലോക്ഡൗൺ തുടരുന്നത് നിത്യജീവിതത്തിലെ പ്രശ്നങ്ങളും, വരുമാനമില്ലായ്മയും ജനങ്ങളിൽ വർധിപ്പിക്കുന്നുവെന്നആരോഗ്യവകുപ്പിന്റെ നിരീക്ഷണത്തെ തുടർന്നാണ് പുതിയ തീരുമാനം.

ലോക്ഡോൺ ജനങ്ങൾക്കിടയിൽ സാമ്പത്തിക,സാമൂഹിക പ്രത്യാഘാതങ്ങൾ സൃഷ്ടിക്കുമെന്നാണ് ഉന്നത ഉദ്യോഗസ്ഥരുടെ വിലയിരുത്തൽ. ഒന്നാം തരംഗത്തിൽ ഒരാളിൽ നിന്ന് പരമാവധി മൂന്ന് പേർക്ക് വൈറസ് വ്യാപിച്ചിരുന്നുവെങ്കിൽ ഇപ്പോൾ അഞ്ച് മുതൽ പത്ത് പേരിലേക്കാണ് പടരുന്നത്. ഇപ്പോൾ അത് അഞ്ചിൽ താഴെ ആയിട്ടുണ്ട്.ജൂലൈ ആദ്യ വാരത്തോടെ ഇത് 5 പേരിലേക്ക് കുറയു ജൂലൈ ആദ്യ വാരത്തോടെ ഇത് 5 പേരിലേക്ക് കുറയുമെണെന്ന് ആരോഗ്യ വകുപ്പിന്റെ കണക്കുകൂട്ടൽ. സാധാരണക്കാരുടെ ജീവിതത്തെ ബാധിക്കുന്ന നിർമാണമേഖലയെ ഉൾപ്പെടെ ലോക്ഡൗണിൽ നിന്നും ഇളവു ചെയ്യുന്നതിനെ കുറിച്ചും ചർച്ച ചെയ്യുകയാണ്.

2017ലെ സംസ്ഥാന സർക്കാരിന്റെ അധ്യാപക പുരസ്കാരവും 2020 ലെ മികച്ച എൻഎസ്എസ് പ്രോഗ്രാം കോർഡിനേറ്റർ പുരസ്കാരവും നേടിയ അധ്യാപകനാണ് ഡോ. ജേക്കബ് ജോൺ.

ഹയർ സെക്കൻഡറി എൻഎസ്എസ് വിഭാഗത്തിന്റെ സംസ്ഥാന കോർഡിനേറ്ററുമാണ് . കോവിഡ് കാലത്ത് ജനോപകാരപ്രദമായ പ്രവർത്തനങ്ങൾക്ക് സർക്കാരിനെ ആവുംവിധം പിന്തുണയ്ക്കാൻ തീരുമാനിച്ചതിന്റെ ഭാഗമായാണ് ഡോ. ജേക്കബ് ജോൺ ചിത്രങ്ങൾ വരച്ചു വിൽക്കാമെന്ന തീരുമാനത്തിലെത്തിയത്.

50 ചിത്രങ്ങളാണ് ഈ ആവശ്യത്തിനായി ഡോ.ജേക്കബ് ജോൺ വരയ്ക്കുന്നത്. ശരാശരി 3,000 രൂപ ഓരോ ചിത്രത്തിനും ലഭിക്കുമെന്നാണ് ഇദ്ദേഹം കണക്കാക്കുന്നത്. ഇതുമായി ബന്ധപ്പെട്ട് 35 ചിത്രങ്ങൾ ഡോ.ജേക്കബ് ജോൺ വരച്ചു കഴിഞ്ഞു. 15 ചിത്രങ്ങൾ ഒരു മാസം കൊണ്ട് വരച്ചു തീർക്കാം എന്നാണ് ഡോ.ജേക്കബ് ജോൺ കരുതുന്നത്. വരച്ചു തീർന്നാൽ ഓൺലൈൻ പ്രദർശനം നടത്തി ചിത്രങ്ങൾ വിൽക്കും. സഹപ്രവർത്തകരും മറ്റ് അധ്യാപകരും ഡോ. ജേക്കബ് ജോണിന്റെ ഉദ്യമത്തിന് പിന്തുണയുമായി ഉണ്ട്. ജേക്കബ് ജോണിന്റെ ഉദ്യമത്തിന് എല്ലാ വിധ ആശംസകളും നേരുന്നു.

ഐ.സി.യു.വില്‍ ഉള്‍പ്പെടെ നീണ്ട 11 ദിവസത്തെ ചികിത്സയ്ക്ക് ശേഷമാണ് ജാനകിയമ്മ ആശുപത്രി വിടുന്നത്.

കോവിഡിനെ പൊരുതി തോല്‍പ്പിച്ച ജാനകിയമ്മയ്ക്ക് എല്ലാ ഭാവുകങ്ങളും നേര്‍ന്നു. ഈ പ്രായത്തിലും ജാനകിയമ്മയുടെ ആത്മവിശ്വാസം എല്ലാവര്‍ക്കും പ്രചോദനമാണ്. മേയ് 31നാണ് തളിപ്പറമ്പ് കോവിഡ് കെയര്‍ സെന്ററില്‍ നിന്നും ഓക്‌സിജന്‍ കുറഞ്ഞ അവസ്ഥയില്‍ ജാനകിയമ്മയെ കണ്ണൂര്‍ മെഡിക്കല്‍ കോളേജില്‍ പ്രവേശിപ്പിക്കുന്നത്. ഗുരുതരാവസ്ഥയിലായിരുന്ന ജാനകിയമ്മയെ ഐ.സി.യു.വില്‍ പ്രവേശിപ്പിച്ച് വിദഗ്ധ ചികിത്സ നല്‍കി. കോവിഡ് നോഡല്‍ ഓഫീസര്‍ ഡോ. പ്രമോദിന്റെ നേതൃത്വത്തില്‍ മെഡിസിന്‍, അനസ്‌തേഷ്യ, പള്‍മണറി മെഡിസിന്‍, തുടങ്ങിയ വിഭാഗങ്ങളിലെ ഡോക്ടര്‍മാരാണ് ചികിത്സ ഏകോപിപ്പിച്ചത്.

65 വയസിന് മുകളിലുള്ളവര്‍ ഹൈ റിസ്‌ക് വിഭാഗത്തില്‍ പെടുമ്പോഴാണ് 104 വയസുകാരിയെ ജീവിതത്തിലേക്ക് തിരികെ കൊണ്ടു വന്നത്. മഞ്ചേരി മെഡിക്കല്‍ കോളേജില്‍ നിന്നും 110 വയസുകാരിയും, കൊല്ലം മെഡിക്കല്‍ കോളേജില്‍ നിന്നും 105 വയസുകാരിയും നേരത്തെ കോവിഡ് മുക്തരായിരുന്നു.