ഇപ്പോൾ തന്റെ ഹോം ലൈബ്രറിയിലെ പുസ്തകങ്ങൾ വായനക്കാർക്കെല്ലാം എത്തിച്ചു കൊടുക്കുകയാണ് അദ്ദേഹം.

ലോക്ക് ഡൗൺ ആരംഭിച്ചതു മുതൽ എല്ലാ ദിവസവും തന്റെ മാരുതി ആൾട്ടോ കാറിൽ പുസ്തകങ്ങൾ നിറച്ചുകൊണ്ട് വീട്ടിൽനിന്നും ഇറങ്ങും. കേരള-തമിഴ്‌നാട് അതിർത്തി പ്രദേശമായ പാറശാല നിയോജക മണ്ഡലത്തിലെയിലെ ഒമ്പത് പഞ്ചായത്തുകളിൽ ചെറുപ്പക്കാരും പ്രായമുള്ളവരുമായ ഒട്ടേറെ വായനക്കാരാണ് ബിജു ബാലകൃഷ്ണൻ്റെ മൊബൈൽ ലൈബ്രറി അവരുടെ വീട്ടുവാതിൽക്കൽ എത്തുന്നതിനായി ആകാംക്ഷയോടെ കാത്തിരിക്കുന്നത്. കവിയും സാംസ്കാരിക പ്രഭാഷകനുമായ ഇദ്ദേഹന്റെ ഗ്രന്ഥശേഖരത്തിൽ ഏഴായിരത്തിലധികം പുസ്തകങ്ങളുണ്ട്. അദ്ധ്യാപകനും ഗ്രന്ഥശാലാ പ്രവർത്തകനുമായ പിതാവ് ആദ്യകാലത്ത് വാങ്ങിയ വൈഞ്ജാനിക ഗ്രന്ഥങ്ങളും അക്കൂട്ടത്തിൽപ്പെടും.

“ഞങ്ങളുടെ വീട് നെയ്യാറ്റിൻകര താലൂക്കിൽ കാരക്കോണത്തെ ഹൈ സ്കൂളിന് സമീപത്തായതിനാൽ, അവധിക്കാലത്ത് കുട്ടികൾ വായിക്കുന്നതിനായി പുസ്തകങ്ങൾ വീട്ടിൽ വന്ന് വാങ്ങാറുണ്ടായിരുന്നു. എന്നാൽ ഇപ്പോൾ, കൊറോണ കാലമായതിനാൽ അവർക്ക് അതിന്ന് കഴിയുന്നില്ല. തുടക്കത്തിൽ, ചില മാതാപിതാക്കൾ ഞങ്ങളെഫോണിൽ വിളിച്ച് പുസ്തകങ്ങൾ ആവശ്യപ്പെട്ടു തുടങ്ങി. കോവിഡ് കാലമായതിനാൽ ആർക്കും തന്നെ വീട്ടിനു പുറത്തിറങ്ങി വന്ന് പുസ്തകം വാങ്ങാൻ കഴിയുമായിരുന്നില്ല. Covid volunter കൂടിയായ എനിക്ക് അപ്പോഴാണ് കാറിൽ പുസ്തകങ്ങൾ നിറച്ച് ആവശ്യക്കാർക്ക് നേരിട്ട് വിതരണം ചെയ്യാനുള്ള ആശയം തോന്നിയത്. എല്ലാ ദിവസവും വൈകുന്നേരം 3.30 ഓടെ ഞാൻ വീട്ടിൽ നിന്ന് പുറപ്പെടും. നൂറുകണക്കിന് പുസ്തകങ്ങൾ വിതരണം ചെയ്യുന്നതിനായി ഏകദേശം 2 മണിക്കൂർ യാത്രചെയ്യും. പിന്നീട് നാട്ടിലെ ഗ്രന്ഥശാലകൾ ഈ മാതൃക സ്വീകരിച്ചപ്പോൾ ഇത്തിരി ഇടവേള ഞാൻ കൊടുത്തെങ്കിലും ആവശ്യക്കാർ വിളി തുടരുകയായിരുന്നു. വീണ്ടും പഴയതുപോലെഈ പ്രവർത്തനം തുടരുകയാണ്. എൻ്റെ ഗ്രന്ഥശേഖരത്തിലെ നാലായിരത്തോളം പുസ്തകങ്ങൾ ഇപ്പോൾ വായനക്കാരുടെ കൈവശമാണുള്ളത്…” -ഗുരുവായൂരിലെ ശ്രീകൃഷ്ണ കോളേജിൽ മലയാളം അധ്യാപകനായ ഡോ.ബിജു ബാലകൃഷ്ണൻ പറയുന്നു.

കേരള ഭാഷാ ഇൻസ്റ്റിറ്റ്യൂട്ടിലെ മുൻ റിസർച്ച് ഓഫീസറായ ഇദ്ദേഹം നിരവധി പുസ്തകങ്ങൾ രചിച്ചിട്ടുണ്ട്. മാത്രമല്ല സ്ഥാപനം പ്രസിദ്ധീകരിച്ച നിരവധി ഗവേഷണ പുസ്തകങ്ങളും ഇദ്ദേഹത്തിന്റെ ശേഖരത്തിൽ ഉണ്ട്. വിവിധ ഹയർ സെക്കൻ്ററി സ്കൂളുകളിലും കോളേജുകളിലും മുമ്പ് അധ്യാപകനായിരുന്ന ഇദ്ദേഹത്തിൻ്റെ പുസ്തക ശേഖരത്തിൽ തമിഴ് കൃതികളുമുണ്ട്. അതിനാൽ അതിർത്തി ഗ്രാമങ്ങളിൽ തമിഴ് കൃതികൾക്കും ആവശ്യക്കാർ ഏറെയാണ്‌.
ഓരോ സ്ഥലത്തെയും പ്രാദേശിക ലൈബ്രറികളിലെ സുഹൃത്തുക്കൾ പുസ്തകം കൈപ്പറ്റിയവരുടെ വിവരങ്ങൾ സൂക്ഷിക്കുന്നുണ്ട്. പുസ്തകങ്ങൾ തിരിച്ചു കിട്ടുന്നതിന് അത് സഹായകമാകുമെന്നാണ് പ്രതീക്ഷിക്കുന്നത്. പുതിയ പുസ്തകങ്ങൾക്കൊപ്പം പഴയ കാലത്തെ നിരവധി പുസ്തകങ്ങളും വായനക്കാർ ചോദിച്ചു വാങ്ങുന്നുണ്ട്. ഈ അടച്ചുപൂട്ടൽ കാലത്ത് ജനങ്ങളുടെ ആശങ്കയകറ്റാനും മാനസികോല്ലാസം നല്കാനും വിദ്യാർത്ഥികളുടെ വായനയെ പരിപോഷിപ്പിക്കാനും ഈ സന്നദ്ധ പ്രവർത്തനത്തിലൂടെ കഴിയുന്നതിൽ എനിക്ക്അങ്ങേയറ്റം ചാരിതാർത്ഥ്യമുണ്ട്.” – ഡോ.ബിജു ബാലകൃഷ്ണൻ പറയുന്നു.

“കെ വൈ സി (വ്യക്തിഗത വിവരം) ഇല്ലാത്തതിനാൽ നിങ്ങളുടെ സിം കാർഡ് ഇന്ന് സസ്പെൻഡ് ആകും. ആക്ടിവേഷൻ ചെയ്യാൻ 24 മണിക്കൂറിനുള്ളിൽ ഈ കസ്റ്റമർ കെയർ നമ്പറിൽ (****) ബന്ധപ്പെടുക”, ഇത്തരത്തിൽ സന്ദേശങ്ങൾ നിങ്ങളുടെ മൈബൈലിൽ വന്നിട്ടുണ്ടോ? ഇത്തരം സന്ദേശം വന്നവർ ആരെങ്കിലും തന്നിരിക്കുന്ന കസ്റ്റർമർ കെയർ നമ്പറിലേക്ക് വിളിച്ചു നോക്കിയിട്ടുണ്ടോ? ബിഎസ്എൻഎല്‍ നമ്പറുകൾ കേന്ദ്രീകരിച്ച് നടക്കുന്ന പുതിയ തട്ടിപ്പ് ആണിത്. ഈ മെസേജിൽ വിശ്വസിച്ച് തിരികെ വിളിക്കുന്നവരുടെ ബാങ്ക് അക്കൗണ്ടുകളിൽ നിന്ന് പണം തട്ടുന്നതാണ് പുതിയ രീതി.
കേരളത്തിൽ പലയിടത്തും ഇത്തരം തട്ടിപ്പ് നടന്നുകഴിഞ്ഞു.

പണം നഷ്ടമായവർ ബിഎസ്എൻഎൽ കസ്റ്റമർ കെയർ സെന്ററുകളിൽ ബന്ധപ്പെടുമ്പോഴാണ് പലരും തട്ടിപ്പാണെന്ന് മനസ്സിലാക്കുന്നത്. വിവിധ നമ്പറുകളിൽനിന്നാണ് തട്ടിപ്പ് മെസേജ് വരുന്നത്. പല നമ്പറുകളാണ് കസ്റ്റമർ കെയർ നമ്പര്‍ എന്ന നിലയിൽ നൽകുന്നത്. ഈ നമ്പറിൽ വിളിക്കുമ്പോൾ ഹിന്ദി കലർന്ന ഇംഗ്ലിഷിൽ ആകും സംസാരം.

തട്ടിപ്പിന്റെ രീതി ഇങ്ങനെ
മൊബൈൽ നമ്പറിലേക്ക് സിം കാർഡ് ബ്ലോക്ക് ആകും. വ്യക്തിഗത വിവരങ്ങൾ നൽകണമെന്ന സന്ദേശം എത്തുന്നു. ഇതിൽ ഒരു കസ്റ്റമർ കെയർ നമ്പർ ഉണ്ടാകും.

ഈ നമ്പറിൽ വിളിച്ചാൽ നിങ്ങളുടെ മൊബൈല്‍ നമ്പർ ഇപ്പോൾ ഡീ ആക്ടിവേറ്റ് ആകുമെന്നും ആധാർ അടക്കമുള്ള വിവരങ്ങൾ നൽകണമെന്നും ആവശ്യപ്പെടും.

നേരില്‍ വരേണ്ടതില്ലെന്നും ഒരു ലിങ്ക് അയക്കാം അതിൽ വ്യക്തിഗത വിവരങ്ങൾ നൽകിയാൽ മതിയെന്നും അറിയിപ്പ് എത്തും.

ലിങ്കിൽ ക്ലിക്ക് ചെയ്താൽ നിങ്ങളുടെ ഫോണിൽ ഇൻസ്റ്റാൾ ആകുന്നതു ഫോൺ മറ്റ് സ്ഥലങ്ങളിൽ നിന്നു നിയന്ത്രിക്കാൻ സാധിക്കുന്ന റിമോട്ട് ആപ്ലിക്കേഷനുകൾ ആകും. ഇതിന്റെ ആക്സസ് നൽകുന്നതു വഴി മൊബൈൽ ഫോണിലെ ആക്ടിവിറ്റികൾ തട്ടിപ്പുകാര്‍ക്ക് തൽസമയം കാണാൻ സാധിക്കും.

അടുത്തതായി 10 രൂപയ്ക്ക് ബിഎസ്എൻഎൽ നമ്പർ റീചാർജ് ചെയ്യാൻ ആവശ്യപ്പെടും.
ഇങ്ങനെ റീചാർജ് ചെയ്യുമ്പോൾ റിമോട്ട് ആക്സസ് ആപ്പ് വഴി കാർഡ് നമ്പർ, ഒടിപി തുടങ്ങിയ വിവരങ്ങൾ ശേഖരിച്ച് ബാങ്കിൽനിന്ന് തുക തട്ടിയെടുക്കും.

ഫോണിന്റെ പ്ലാന്‍ അവസാനിക്കും എന്നു പറ‍ഞ്ഞും ഇതേ രീതിയിൽ തട്ടിപ്പ് നടക്കുന്നുണ്ട്.

തട്ടിപ്പിന് ഇരയാകാതെ ശ്രദ്ധിക്കണം

ബിഎസ്എന്‍എൽ ഒരു കാരണവശാലും വ്യക്തിഗത വിവരങ്ങൾ ഫോണ്‍ വഴിയോ എസ്എംഎസ് വഴിയോ ആപ്പുകൾ വഴിയോ അന്വേഷിക്കില്ല. ആധാർ അടക്കമുള്ള വ്യക്തിഗത വിവരങ്ങൾ നൽകിയാണ് ഇപ്പോൾ നമ്മൾ സിം കാർഡ് എടുക്കുന്നത്. അതിനാല്‍ വീണ്ടും വേരിഫിക്കേഷന്റെ ആവശ്യമില്ല.

വരുന്ന മെസേജുകൾ എല്ലാം ശരിയാകണമെന്നില്ല. വ്യക്തമായി വായിച്ച് മനസ്സിലാക്കുക.

വ്യക്തിഗത വിവരങ്ങൾ ഫോൺ വഴി പങ്കുവയ്ക്കരുത്.

മറ്റുള്ളവരുടെ നിർദേശം അനുസരിച്ച് ഒരു ആപ്പുകളും ഫോണിൽ ഇന്‍സ്റ്റാൾ ചെയ്യരുത്.

റിമോട്ട് ആപ്പുകൾ വല്ലതും ഫോണില്‍ പ്രവർത്തിക്കുന്നുണ്ടോ എന്ന് ഇടയ്ക്ക് പരിശോധിക്കുക.

സിം വാലിഡിറ്റി മനസ്സിലാക്കാന്‍ *123# എന്നു ടൈപ്പ് ചെയ്ത് ഡയൽ ചെയ്യുക. അപ്പോൾ നിങ്ങളുടെ പ്രീപെയ്ഡ് സിമ്മിലെ ബാലന്‍സ് എന്ന് സിം കാലാവധി തീരും സിം ആക്ടീവ് ആണോ തുടങ്ങിയ കാര്യങ്ങൾ അറിയാൻ സാധിക്കും.

ട്വിറ്റർ പോലുള്ള സമൂഹ മാധ്യമങ്ങൾ വഴി മൊബൈൽ നമ്പറുമായി ബന്ധപ്പെട്ട പ്രശ്നങ്ങൾ ഓപറേറ്ററുമായി പങ്കു വയ്ക്കുമ്പോൾ അവർക്ക് നമ്പർ മെസേജ് ആയി (ഡയറക്ട് മെസേജ്) നൽകുക. പൊതു ഇടത്തിൽ നമ്പർ പങ്കുവയ്ക്കരുത്. ഇത് തട്ടിപ്പുകാർക്ക് നമ്പർ മനസ്സിലാക്കാൻ സഹായിക്കുകയും പ്രശ്നം തീർക്കാൻ എന്ന പേരിൽ വിളിക്കാൻ സഹായമാകുകയും ചെയ്യും.

1503 ആണ് ബിഎസ്എന്‍എല്ലിന്റെ ഔദ്യോഗിക കസ്റ്റമർ കെയര്‍ നമ്പർ.

ഫോൺ ഓൺലൈനായി റീചാർജ് ചെയ്യുമ്പോൾ portal.bsnl.co.in എന്ന സൈറ്റ് മാത്രം ഉപയോഗിക്കുക.

കവരത്തി: ലക്ഷദ്വീപില്‍ ദ്വീപുകാരല്ലാത്തവര്‍ മടങ്ങാന്‍ ഉത്തരവ്. ഡെപ്യൂട്ടി കലക്ടറോ ബ്ലോക്ക്‌ഡെവലപ്‌മെന്റ് ഓഫീസറോ ഒരാഴ്ചത്തേക്ക് പെര്‍മിറ്റ് പുതുക്കി നല്‍കും. അതിന് ശേഷം ദ്വീപുകാരല്ലാത്തവര്‍ മടങ്ങണമെന്നും വീണ്ടും ദ്വീപിലെത്തണമെങ്കില്‍ എ.ഡി.എമ്മിന്റെ അനുമതി വേണമെന്നും ഭരണകൂടം വ്യക്തമാക്കുന്നു.

കഴിഞ്ഞ 29 നാണ് ഒരാഴ്ച സമയം അനുവദിച്ച്‌ ഉത്തരവിറക്കിയത്. ഉത്തരവ് സംബന്ധിച്ച്‌ പൊലിസ് നടപടി ആരംഭിച്ചു. ലക്ഷദ്വീപിലേക്ക് ഇപ്പോള്‍ യാത്രകള്‍ക്ക് അനുമതി ഇല്ല. പെര്‍മിറ്റ് ലഭിക്കണമെങ്കില്‍ എഡിഎമ്മിന്റെ പ്രത്യേക അനുമതി വേണം. അതോടൊപ്പം തന്നെയാണ് നിലവില്‍ പെര്‍മിറ്റ് ഉള്ളവരുടേത് പുതുക്കുന്നതുമായി ബന്ധപ്പെട്ട ഉത്തരവും നടപ്പിലാക്കുന്നത്.

കേരളത്തില്‍ നിന്നും തമിഴ്നാട്ടില്‍ നിന്നുമായി നിരവധി പേരാണ് ലക്ഷദ്വീപില്‍ ജോലി ചെയ്യുന്നത്. ഇവരെ ഉത്തരവ് കാര്യമായി ബാധിക്കും.

കൊവിഡ് രൂക്ഷമാകുന്ന സാഹചര്യത്തിലാണ് ഇത്തരത്തിലൊരു നടപടിയെന്നാണ് ഭരണകൂടം പറയുന്നത്.

കാസർകോട് :നിയമസഭാ തെരഞ്ഞെടുപ്പിൽ മഞ്ചേശ്വരത്ത് ബിജെപി സംസ്ഥാന പ്രസിഡണ്ട് കെ. സുരേന്ദ്രന്റെ പേരിനു സാമ്യമുള്ള സ്ഥാനാർഥി പിന്മാറാൻ രണ്ട് ലക്ഷം രൂപയും,സ്മാർട്ഫോണും കോഴ നൽകിയതായി വെളിപ്പെടുത്തൽ.

ബിഎസ്പി സ്ഥാനാർഥിയായി പത്രിക നൽകി പിന്നീട് പിൻമ്മാറിയ കെ.സുന്ദരയാണ്, ബിജെപി നേതാക്കൾ വീട്ടിലെത്തി രണ്ട് ലക്ഷം രൂപയും, സ്മാർട്ട്ഫോണും നൽകിയതായി ആരോപണം ഉന്നയിച്ചത്.തുടർന്ന് പത്രിക പിൻവലിക്കാനുള്ള അവസാന ദിവസത്തിൻറെ തലേന്ന് അപ്രത്യക്ഷനായ സുനന്ദ തിരിച്ചെത്തി പിൻമാറ്റം പ്രഖ്യാപിക്കുകയായിരുന്നു.
” 15 ലക്ഷം രൂപയാണ് ഞാൻ ആവശ്യപ്പെട്ടത്. ബിജെപി നേതാക്കൾ വീട്ടിലെത്തി അര ലക്ഷം രൂപ എന്റെ കൈയിലും 2 ലക്ഷം രൂപ അമ്മയുടെ കയ്യിലും തന്നു. സുരേന്ദ്രൻ ജയിച്ചാൽ കർണാടകയിൽ വൈൻ പാർലർ,വീട് എന്നിവയും വാഗ്ദാനം ചെയ്തു.

എന്നാൽ ഭീഷണിയോ,ഉപദ്രവമോ ഉണ്ടായിട്ടില്ല. ജയിച്ചാൽ എല്ലാ ഉറപ്പും പാലിക്കുമെന്ന് സുരേന്ദ്രൻ ഫോൺ വിളിച്ചു പറഞ്ഞു.പോലീസ് ചോദ്യം ഇക്കാര്യങ്ങൾ പറയാൻ തയ്യാറാണ്. ” -സുനന്ദ വ്യക്തമാക്കി.എന്നാൽ പിൻമാറാൻ പണം നൽകിയിട്ടില്ലെന്നും, ഗൂഢാലോചന അന്വേഷിക്കണമെന്നും ബിജെപി കാസർഗോഡ് ജില്ലാ പ്രസിഡൻറ് കെ ശ്രീകാന്ത് പറഞ്ഞു. ഇതോടെ ബിജെപി സംസ്ഥാന നേതൃത്വം വെട്ടിലായിരിക്കുകയാണ്.സംഭവത്തിൽ പോലീസ് അന്വേഷണം ആരംഭിച്ചു.

ന്യൂഡൽഹി :ഇന്ത്യയ്ക്ക് ലഭ്യമാകാനിരിക്കുന്ന ഏറ്റവും ചെലവ് കുറഞ്ഞ വാക്സീനുകളിൽ ഒന്നായ ബയോളജിക്കൽ ഇയുടെ ‘കോർ ബെവാക്‌സീൻ ‘ നിൽ പ്രതീക്ഷയർപ്പിച്ച് ഇന്ത്യ.

കഴിഞ്ഞ പത്ത് വർഷമായി നടക്കുന്ന ഗവേഷണങ്ങളുടെ തുടർച്ചയാണിത്.പൂർണമായി ഇന്ത്യയിൽ വികസിപ്പിച്ചതാണെങ്കിലും ഇതിൻറെ സാങ്കേതികവിദ്യ രൂപപ്പെടുത്തിയത് ഹൂസ്റ്റണിലെ റബയ്ലോർ കോളേജ് ഓഫ് മെഡിസിനിലെ (ബിസിഎം)ഗവേക്ഷകരാണ്.വാക്സിൻ ഘടന പരമ്പരാഗതമായതിനാൽ അനുമതി വേഗത്തിൽ ലഭിക്കും എന്ന് ബിസിഎമ്മിലെ അസോസിയേറ്റ് ഡീൻ ഡോ. മരിയ എല്ലൊൻ ബോട്ടെസെ പറഞ്ഞു.

ഇന്ത്യയിലെ മറ്റു വാക്‌സീനുകളിൽ നിന്ന് വ്യത്യസ്തമായി പ്രോട്ടീൻ അധിഷ്ഠിത വാക്സിനാണ് കോർബെവാക്‌സിൻ എന്നതാണ് ഇതിന്റെ പ്രത്യേക. കൊറോണ വൈറസിനെ മനുഷ്യ കോശങ്ങളിലേക്ക് തുളച്ചു കയറാൻ സഹായിക്കുന്ന മുള്ളുകൾ പോലുള്ള സ്പൈക് പ്രോട്ടീനുകളാണ് വാക്സീനായി ഉപയോഗിക്കുന്നത്. വൈറസിന്റെ മറ്റു ഭാഗങ്ങൾ ഇല്ലാത്തതിനാൽ ഇത് അപകടകാരിയല്ല.അതേസമയം, സ്പൈക് പ്രോട്ടീൻ എത്തുന്നതോടെ പ്രതിരോധശേഷി വർധിക്കുകയും ചെയ്യും. ഡോസ് ഒന്നിന് 250 രൂപയിൽ താഴെയാണ് വില പ്രതീക്ഷിക്കുന്നത്.30 കോടി ഡോസുകൾക്കാണ് ഇന്ത്യ ഓർഡർ നൽകിയിരിക്കുന്നത്.

ന്യൂഡൽഹി :രാജ്യത്തെ പുതിയ ഐടി നയം നടപ്പാക്കുന്ന കാര്യത്തിൽ ട്വിറ്ററിന് അന്ത്യശാസനവുമായി കേന്ദ്ര സർക്കാർ.

ഇതിൻറെ ഭാഗമായി പുതിയ നിർദേശങ്ങൾ നടപ്പാക്കാൻ സമൂഹമാധ്യമ കമ്പനിക്ക് ഒരു അവസരം കൂടി നൽകിയിരിക്കുകയാണ് എന്നും, ചട്ടങ്ങൾ പാലിച്ചില്ലെങ്കിൽ അനന്തരഫലങ്ങൾ നേരിടേണ്ടിവരുമെന്നും കത്തിലൂടെ മുന്നറിയിപ്പ് നൽകിയിരിക്കുകയാണ് കേന്ദ്ര ഐടി മന്ത്രാലയം.
എന്നാൽ പുതിയ വിവാദത്തിൽ പെട്ടിരിക്കുകയാണ് ഇപ്പോൾ ട്വിറ്റർ. ഉപരാഷ്‌ട്രപതി വെങ്കയ്യ നായിഡു, ആർഎസ്എസ് അധ്യക്ഷൻ മോഹൻ,ഭാഗവത് തുടങ്ങിയവരുടെ ട്വിറ്റർ അക്കൗണ്ടിന്റെ വെരിഫിക്കേഷൻ ബാഡ്ജ് (ബ്ലൂ ടിക് )ഇന്നലെ രാവിലെ ട്വിറ്റർ പിൻവലിച്ചിരുന്നു.യഥാർത്ഥ അക്കൗണ്ട് ആണെന്ന് സ്ഥിതീകരിക്കുന്നതാണ് ബ്ലൂ ടിക്.എന്നാൽ സംഭവം വിവാദമാവുകയും ഉപരാഷ്ട്രപതിയുടെ ഓഫീസ് ഇടപെടുകയും ചെയ്തതോടെ മണിക്കൂറുകൾകകം ട്വിറ്റർ ഇവ പുനഃസ്ഥാപിക്കുകയും ചെയ്തു.‌

തിരുവനന്തപുരം :സംസ്ഥാനത്ത് 40 വയസ്സിനു മുകളിൽ പ്രായമുള്ള എല്ലാവർക്കും ജൂലൈ 15ന് ഉള്ളിൽ ആദ്യ ഡോസ് വാക്സിൻ നൽകാൻ തീരുമാനിച്ച് കോവിഡ് അവലോകന യോഗം.

മുഖ്യമന്ത്രി പിണറായി വിജയൻ മുന്നോട്ടുവെച്ച നിർദേശം യോഗം അംഗീകരിക്കുകയായിരുന്നു. കഴിഞ്ഞ ദിവസങ്ങളിലെ കണക്കനുസരിച്ച് 45 വയസ്സിന് മുകളിലുള്ള 50,29,830 പേർക്ക് ഇനിയും വാക്സിൻ ലഭിക്കാനുണ്ട്. ഈ മാസം സംസ്ഥാനത്തിന് 38 ലക്ഷം ഡോസ് വാക്സീൻ ലഭിക്കും. ഇതിൽ 8.26 ഡോസ് സംസ്ഥാനം വില കൊടുത്തു വാങ്ങുന്നവായാണ്. വാക്സിൻ ലഭ്യമാക്കിയാൽ നിശ്ചിത ദിവസത്തിനകം വിതരണം ചെയ്യണമെന്ന കേന്ദ്ര സർക്കാരിൻറെ കർശന നിർദേശം നിലനിൽക്കുന്നുണ്ട്. വേഗത്തിൽ തീർക്കുന്നവർക്ക്‌ വാക്സീൻ അനുവദിക്കുന്നതിൽ മുൻഗണന നൽകുമെന്ന കേന്ദ്ര ആരോഗ്യ മന്ത്രാലയത്തിന്റെ പ്രസ്താവനയെ തുടർന്നാണ് സംസ്ഥാനത്ത് വാക്‌സിനേഷൻ വേഗത്തിലാക്കാനുള്ള നീക്കങ്ങൾ തുടങ്ങിയത്.

അബുദാബി: വധശിക്ഷയിൽ നിന്ന് മോചിതനായ തൃശ്ശൂർ പുത്തൻച്ചിറ ചെരവട്ട സ്വദേശി ബേക്സ് കൃഷ്ണന് നാട്ടിലേക്കു വരാനുള്ള ഔട്ട്പാസ് ലഭിച്ചു.

അബുദാബിയിൽ വാഹനാപകടത്തെ തുടർന്ന് കോടതി വധശിക്ഷയ്ക്ക് വിധിച്ച ബെക്സനെ വധശിക്ഷയിൽ നിന്ന് മോചനം നേടാൻ സഹായിച്ചത് ലുലു ഗ്രൂപ്പ് ചെയർമാൻ എം. എ യൂസഫലിയുടെ ഇടപെടലായിരുന്നു. 2012 സെപ്റ്റംബർ 7ന് ജോലി സംബന്ധമായി മുസഫയിലേക്ക് പോവുകയായിരുന്ന ബേക്സൻ ഓടിച്ച കാറിടിച്ച് നുഡാൻ പൗരനായ കുട്ടി മരണപ്പെട്ട കേസിലായിരുന്നു മാസങ്ങൾ നീണ്ട വിചാരണക്ക് ശേഷം യുഎഇ സുപ്രീംകോടതി 2013 ൽ ബേക്സനെ വധശിക്ഷയ്ക്ക് വിധിച്ചത്. തകർന്നു പോയ കുടുംബം ബന്ധു ടി.സി സേതുമാധവൻ നേതൃത്വത്തിൽ യൂസഫലിയുമായി ബന്ധപ്പെടുകയും മോചനത്തിനായി ഇടപെടണമെന്ന് അപേക്ഷിക്കുകയും ചെയ്യുകയായിരുന്നു.

മരിച്ച കുട്ടിയുടെ കുടുംബവുമായി യൂസഫലി നടത്തിയ നിരന്തര ചർച്ചയുടെയും, നഷ്ടപരിഹാരമായി 5 ലക്ഷം ദിർഹം( ഒരു കോടി) നൽകിയതിന്റെയും അടിസ്ഥാനത്തിൽ വധശിക്ഷ റദ്ദാക്കിയതായി കോടതി ഉത്തരവിടുകയായിരുന്നു. ബേക്സന്റെ യാത്രാരേഖകൾ ലഭ്യമാക്കുന്നതുമായി ബന്ധപ്പെട്ട് അബുദാബി ഇന്ത്യൻ എംബസി ഉദ്യോഗസ്ഥർ കഴിഞ്ഞ ദിവസം ബേക്സനുമായി ബന്ധപ്പെട്ടിരുന്നു.മറ്റു നടപടി ക്രമങ്ങൾ വേഗത്തിൽ പൂർത്തിയാക്കി പെട്ടെന്ന് തന്നെ ബേക്സന് നാട്ടിലേക്ക് തിരിക്കാനാകുമെന്ന് ലുലു ഗ്രൂപ്പ് കമ്മ്യൂണിക്കേഷൻസ് ഡയറക്ടർ നന്ദകുമാർ വ്യക്തമാക്കി.

കുവൈത്ത് സിറ്റി : ഉപേക്ഷിക്കപ്പെട്ട കപ്പലിലെ ഇന്ത്യക്കാരായ 16 ജീവനക്കാരെ നാട്ടിലെത്തിക്കുന്നതിന് കുവൈറ്റ് പൊതുമരാമത്ത് വാർത്താ വിനിമയ വിവര സാങ്കേതിക മന്ത്രി ഡോ.റനാ അൻ ഫാരിസ് നടത്തിയ ഇടപെടൽ ഉന്നതമെന്ന് ഇന്ത്യൻ സ്ഥാനപതി സിജി ജോർജ്.

മാനുഷിക പരിഗണനക്ക്‌ പ്രാധാന്യം നൽകി, കഴിഞ്ഞ മൂന്നു മാസമായുള്ള മന്ത്രിയുടെ പരിശ്രമങ്ങളാണ് കാര്യങ്ങൾ കൂടുതൽ എളുപ്പമാക്കിയത്. ഇതോടെ ഒരു വർഷത്തോളമായി പരിഹരിക്കപ്പെടാതെ ഇരുന്ന പ്രശ്നമാണ് മന്ത്രിയുടെ ഇടപെടലിലൂടെ പരിഹരിക്കപ്പെട്ടത്. വാർത്താവിനിമയ ചുമതലയുള്ള മന്ത്രി എന്ന നിലയിൽ പ്രശ്നവുമായി ബന്ധപ്പെട്ട ഫയലിൻറെ കാര്യത്തിൽ മന്ത്രി സ്വീകരിച്ച വ്യക്തിപരമായ താൽപര്യവും,ഇന്ത്യൻ എംബസിയുടെ തുടർച്ചയായ ഇടപെടലുകളുടെയും ഫലമായാണ് ഇന്ത്യക്കാരായ 16 ജീവനക്കാരെ കഴിഞ്ഞദിവസം വിമാനമാർഗം ഇന്ത്യയിലെത്തിക്കാൻ സാധിച്ചതിനു പിന്നിലെന്നും സിജി ജോർജ് പറഞ്ഞു. ടിക്കറ്റ്, മെഡിക്കൽ പരിശോധന, പിസിആർ പരിശോധനകളും എംബസിയുടെ ചെലവിലായിരുന്നു പ്രശ്നപരിഹാരത്തിനായി സഹായിച്ച കുവൈറ്റ് വിദേശമന്ത്രാലയം, വാർത്താ വിനിമയ മന്ത്രാലയം,ആഭ്യന്തരമന്ത്രാലയം, പോർട്ട്, കസ്റ്റംസ് എന്നീ അതോരിറ്റികളോട് ഇന്ത്യൻ സ്ഥാനാപതി ജിജി ജോർജ് നന്ദി അറിയിച്ചു.

കാസര്‍കോട് | മഞ്ചേശ്വരം നിയോജക മണ്ഡലത്തിൽ ബി ജെ പി സംസ്ഥാന അധ്യക്ഷന്‍ കെ സുരേന്ദ്രന്റെ അപരനായി പത്രിക നല്‍കിയ സുന്ദരക്ക് പിന്മാറാന്‍ പണം ലഭിച്ചു. 15 ലക്ഷം രൂപ ആദ്യം വാഗ്ദാനം നല്‍കിയെങ്കിലും രണ്ടര ലക്ഷം രൂപ കിട്ടിയെന്ന് അപരൻ കെ സുന്ദര തന്നെ വെളിപ്പെടുത്തി. മഞ്ചേശ്വരത്ത് താൻ ജയിച്ചാല്‍ ബാക്കി നോക്കാമെന്ന് സുരേന്ദ്രന്‍ ഉറപ്പു നല്‍കിയതായും സുന്ദര വെളിപ്പെടുത്തി.

2016-ല്‍ സ്വതന്ത്ര സ്ഥാനാര്‍ഥിയായി മത്സരിച്ച സുന്ദര 467 വോട്ടുകള്‍ നേടിയിരുന്നു. അന്ന് 89 വോട്ടിനാണ് സുരേന്ദ്രന്‍ മഞ്ചേശ്വരത്ത് പരാജയപ്പെട്ടത്. പ്രാദേശിക ബി ജെ പി നേതാക്കളാണ് വീട്ടില്‍ പണം എത്തിച്ചത്. കെ സുരേന്ദ്രന്‍ ഫോണില്‍ ബന്ധപ്പെട്ടിരുന്നുവെന്നും സുന്ദര പറഞ്ഞു.

ബിഎസ്പി സ്ഥാനാര്‍ഥിയായി നാമനിര്‍ദേശ പത്രിക നല്‍കിയ സുന്ദര പിന്നീട് പത്രിക പിന്‍വലിക്കുകയായിരുന്നു.