തമിഴ്നാട്ടിലെ ശങ്കരൻകോവിലിലെ വാല്മീകനാഥൻ എന്ന ശിവൻ.. തമിഴ് നാട്ടിൽ തിരുനെൽവേലി ജില്ലയിൽ ചെങ്കോട്ട നിന്ന് അമ്പതു കിലോമീറ്റർ അകലെയാണ് 18 ഭാവങ്ങളിൽ ശിവഭഗവാൻ കുടികൊള്ളുന്ന ശങ്കരൻകോവിൽ. ഉദ്ദേശം പതിനൊന്നാം നൂറ്റാണ്ടിൽ ഉഗ്രപാണ്ഡ്യ മഹാരാജാവിന്റെ ഭരണത്തിൻ കീഴിലായിരുന്നു ഈ പ്രദേശം. അന്ന് പുന്നമരങ്ങൾ നിറഞ്ഞ കാടായിരുന്നു. ഒരിക്കൽ പുന്നയ്ക്ക പെറുക്കാൻ പോയ മണിക്കിരുവർ എന്ന ഒരു ശിവഭക്തൻ ഈ കാടിനുള്ളിൽ ഒരു ചിതൽപ്പുറ്റ് കാണുകയും ആ ചിതൽപ്പുറ്റിൽ ശിവനെ ദർശിക്കുകയും ചെയ്തു. വിവരം ഉഗ്രപാണ്ഡ്യ മഹാരാജാവിന്റെ അരികിലെത്തി. ഉഗ്രപാണ്ഡ്യ മഹാരാജാവ് പരിവാരങ്ങളുമായി ചെന്ന് ആ ചിതൽപ്പുറ്റ് പൊട്ടിച്ചു.അപ്പോൾ അതിനകത്ത് ശിവലിംഗം കണ്ടു. ആ ശിവലിംഗ പ്രതിഷ്ഠയാണ് ഇപ്പോഴും ശങ്കരൻകോവിലിൽ ഉള്ളത്. ഇന്നും പുന്നമരങ്ങൾ ക്ഷേത്രപരിസരങ്ങളിലുണ്ട്. ക്ഷേത്രത്തിലെ പുണ്യവൃക്ഷവും പുന്നമരമാണ്. മധുര മീനാക്ഷി ദേവീ ഭക്തനായിരുന്നു പാണ്ഡ്യ രാജാവ്.അദ്ദേഹത്തിന്റെ സ്ഥിരം മീനാക്ഷി ക്ഷേത്ര തീർത്ഥാടനം ഒരുപാടു ദിവസം നീണ്ടുനിൽക്കുന്നതും ദുർഘടമായ കാട്ട് വഴികളിലൂടെയുള്ളതും ആയിരുന്നു. പ്രായാധിക്യത്താൽ തീർത്ഥാടനം ഒഴിവാക്കാനും കൂടിയാണ് രാജാവ് ശങ്കരൻകോവിൽ നിർമിച്ചതെന്നും കരുതുന്നു.ഇതിന് പരിഹാരമായാണ് ഉമാപതിശിവം എന്ന ഉപദേശകന്റെ നിർദ്ദേശ പ്രകാരം ക്ഷേത്ര നിർമ്മാണം വേഗത്തിലാക്കിയത്. വാല്മീക നാഥൻ ചിതൽപ്പുറ്റിൽ നിന്നു ലഭിച്ച വിഗ്രഹം പ്രതിഷ്ഠിച്ച് ക്ഷേത്രം പണിതപ്പോൾ സംഭവിച്ച മറ്റൊരു അദ്ഭുതമാണ്. ശിവലിംഗത്തിന്റെ ആകൃതിയിൽ വീണ്ടും വീണ്ടും പുറ്റുകൾ ഉണ്ടായിക്കൊണ്ടിരിക്കുന്നു എന്നത്. ഇങ്ങനെ പൊടിഞ്ഞു വീഴുന്ന ചിതൽപ്പുറ്റായിരുന്നു ക്ഷേത്രത്തിൽ നിന്ന് പ്രസാദമായി കൊടുത്തിരുന്നത്. പിന്നീട് ചിതൽപ്പുറ്റിന്റെ തന്നെ ആകൃതിയിൽ മണ്ണു കൊണ്ട് ശിവലിംഗമുണ്ടായി. അങ്ങനെ മൺപുറ്റിന്റെ ആകൃതിയിൽ തന്നെയുള്ള വിശേഷപ്പെട്ട ഒരു ശിവലിംഗവും ശങ്കരൻകോവിലിൽ ഇപ്പോഴുണ്ട്. ചിതൽപ്പുറ്റിൽ നിന്നു പിറവിയെടുത്ത ഇവിടെയുള്ള ശിവന് ഒരു പേരുണ്ട് വാല്മീക നാഥൻ. ശങ്കരനാരായണ പ്രതിഷ്ഠയുള്ള പ്രമുഖ ക്ഷേത്രങ്ങളിൽ ഒന്നാണിത്. ഒരേ വിഗ്രഹത്തിന്റെ പകുതി ശിവനും പകുതി വിഷ്ണുവുമാണ്. വിഗ്രഹങ്ങൾക്ക് രണ്ടുതരം ചാർ‌ത്തും അലങ്കാരവുമാണ്.ശൈവ – വൈഷ്ണവ മന്ത്രങ്ങൾ മുറപോലെ ഉൾപ്പെടുത്തിയാണ് ഇവിടെ പൂജ നടത്തുന്നത്. ക്ഷേത്രത്തിൽ ഒരു സ്വർണ്ണ കൊടിമരമുണ്ട്. പഞ്ചലോഹങ്ങളിലുള്ള കൊടിമരങ്ങൾ വേറെയുമുണ്ട്.ഓരോ വിശേഷദിവസങ്ങൾക്കും പ്രത്യേകം പ്രത്യേകം കൊടിയേറ്റുമുണ്ട്. രാജഗോപുരത്തിന്റെ തൊട്ടടുത്ത് ഒരു കൂവളമരമുണ്ട്. ഒരു നൂറ്റാണ്ടെങ്കിലും പഴക്കമുണ്ടാകും ആ കൂവളത്തിന് ഇവിടുത്തെ ശിവപൂജയ്ക്ക് ഈ മരത്തിലെ കൂവളത്തില നിർബന്ധമാണ്.

മകന് പിറന്നാളാശംസകൾ നേർന്ന് കിഷോർ സത്യ. മകന് കേക്ക് മുറിക്കുന്നതുൾപ്പടെയുള്ള ചിത്രങ്ങൾ താരം പങ്കുവച്ചിട്ടുണ്ട്. ഷൂട്ടിംഗ് തിരക്കുകൾ കഴിഞ്ഞ് സെൽഫ് ക്വാറന്റൈൻ ആയതിനാൽ പിറന്നാളിന് പങ്കെടുക്കാൻ പറ്റാത്ത വിഷമവും താരം പങ്കുവെക്കുന്നുണ്ട്.

കുറിപ്പ് വായിക്കാം:

ഇന്ന് എന്റെ മോന്റെ ജന്മദിനം ആയിരുന്നു…..
പക്ഷെ ഒരു അന്യനെപോലെ അകലെ നിന്ന് അവൻ കേക്ക് മുറിക്കുന്നത് ഞാൻ കണ്ടു…..
കുറെ ദിവസമായി കൊച്ചിയിൽ ഷൂട്ടിങ്ങിൽ ആയിരുന്നു ഞാൻ. ഇന്നലെയാണ് തിരിച്ചെത്തിയത്….
ഒരുപാട് പേരുമായി ഇട പഴകിയത് കൊണ്ട് കുറച്ച് ദിവസം സ്വയം നിയന്ത്രിത റൂം ക്വാറന്റൈൻ തീരുമാനിച്ചു ഞാൻ.
യാത്ര കഴിഞ്ഞുള്ള എന്റെ മടങ്ങി വരവുകൾ മോന് ആഘോഷമാണ്. കെട്ടിപ്പിടുത്തവും ഉമ്മകളും കെട്ടിമറിയലുകളും…. അങ്ങനെ അങ്ങനെ….
ഇത് ആദ്യമായാണ് അരികിൽ ഉണ്ടായിട്ടും ഈ അകലം…..
മനസ്സ് കൊണ്ട് കെട്ടിപ്പിടിച്ച്, ഉമ്മവച്ച് ഞാൻ അവനോടൊപ്പം ചേർന്നു….. ദൂരെ മാറിനിന്ന്….
മാറിയ കാലം നൽകിയ അകൽച്ചയുടെ പുതിയ ശീലങ്ങൾ…..
ഈ birthday ക്ക് ജനൽ തുറക്കുമ്പോൾ മലനിരകൾ കാണുന്ന ഇടത്തു പോണമെന്നാരുന്നു അവന്റെ ആഗ്രഹം. അതൊക്കെ പ്ലാൻ ചെയ്ത് സെറ്റ് ചെയ്തിരുന്നു. കൊറോണയുടെ പുതിയ തേർവ്വാഴ്ചയിൽ അതൊക്കെ ചവിട്ടി അരയ്ക്കപ്പെട്ടു.
കഴിഞ്ഞ ഒരു വർഷത്തിൽ അധികമായി വീടുകളിൽ തളയ്ക്കപ്പെട്ട എന്റെ മകനെ പോലെ നിരവധി കുറഞ്ഞുങ്ങളുടെ ശാരീരിക മാനസിക ആരോഗ്യത്തിൽ ഞാൻ ഏറെ ഖിന്നനാണ്….
ജീവനും ജീവിതവും തിരിച്ചു പിടിക്കാനുള്ള ഓട്ടത്തിൽ അവരെ നാം ഗൗനിക്കാതെ ഇരിക്കരുത്…..
അവർക്കായും നാം സമയം കണ്ടെത്തണം, ഒപ്പം മനസും…

ഇൻസ്റ്റാഗ്രാമിലൂടെ പെൺകുട്ടിയെ അധിക്ഷേപിക്കുകയും പെൺകുട്ടിയുടെ ലൈവിൽ അസഭ്യം പറയുകയും ചെയ്തതിനെ തുടർന്ന് പെൺകുട്ടി ചടയമംഗലം പോലീസിൽ പരാതി നൽകിയിരുന്നു. എന്നാല് ലിജോ ഒളിവിൽ പോവുകയായിരുന്നു. വൈകാതെ ഹോസ്സൂരിൽ നിന്ന് യുവാവിനെ പോലീസ് കസ്റ്റഡിയിൽ എടുത്തു. കേരള പോലീസിൻ്റേ ഫേസ്ബുക്ക് പേജിലൂടെയാണ് ലിജോയുടെ അറസ്റ്റ് ജനങ്ങൾ അറിയുന്നത്. “ഹൊസ്സൂരല്ല, നീ എങ്ക പോയ് ഒളിഞ്ചാലും ഉന്നൈ വിടമാട്ടേ കണ്ണാ..” എന്ന തലക്കെട്ടോടെയാണ് കേരള പൊലീസ് വീഡിയോ പോസ്റ്റ് ചെയ്തിരിക്കുന്നത്.

മമ്മൂട്ടിയുടെ കൊച്ചുമക്കളും ദുൽഖർ സൽമാൻ്റേ മകളുമായ മറിയം അമീറ സൽമാൻ എന്ന മറിയത്തിൻ്റെ നാലാം പിറന്നാളാണ് ഇന്ന്. താരപുത്രിക്ക് പിറന്നാൾ ആശംസകളുമായി നിരവധി താരങ്ങൾ എത്തിയിരുന്നു. ഇസഹാക്കിനൊപ്പമുള്ള ചിത്രത്തോടൊപ്പം മനോഹരമായ ഒരു അടികുറുപ്പോടുകൂടിയാണ് താരം കുഞ്ഞു മറിയത്തിനു ആശംസകൾ നേർന്നത്.

കുറിപ്പ് വായിക്കാം:

പ്രിയ മറിയം, ഇന്ന് നിനക്ക് നാല് വയസ്സ് തികയുകയാണ്. ഞങ്ങൾക്കെല്ലാവർകും നീ ഏറെ വിലപ്പെട്ടതാണ്. ഞങളുടെയെല്ലാം ജീവിതത്തെ നീ സ്പർശിച്ചു. അടുത്ത പിറന്നാളിന് നിൻ്റെ മുറി നിറയെ കളിപ്പാട്ടങ്ങളും ചീസ് കേക്കുകളും നിൻ്റെ സുഹൃത്തുക്കളെയും കൊണ്ട് നിറയ്ക്കുമെന്നാണ് നിൻ്റെ കുസൃതികാരനായ കസിൽ ഇസു പറഞ്ഞിരിക്കുന്നത്. ഞങളുടെ കുഞ്ഞു രാജകുമാരി ഏറെ സ്നേഹവും പ്രത്യാശയും നിറഞ്ഞ പിറന്നാള് ആശംസിക്കുന്നു.

മാലിയിലാണ് 25കാരിയായ ഹലീമ സിസ്സെ എന്ന സ്ത്രീ ഒമ്പത് കുഞ്ഞുങ്ങൾക്ക് ജന്മം നൽകിയത്.അഞ്ച് പെൺകുട്ടികളും നാല് ആൺകുട്ടികളും.സിസേറിയനിലൂടെയായിരുന്നു അവർ ജനിച്ചത്, അവർ ആരോഗ്യത്തോടെ ഇരിക്കുന്നു എന്ന് മാലിയുടെ ആരോഗ്യമന്ത്രി പറഞ്ഞു.
ഒമ്പത് കുഞ്ഞുങ്ങൾക്ക് ജനിക്കുന്നത് വളരെ അപൂർവമാണ് – മാത്രമല്ല ജനന സമയത്തും ശേഷവുമുള്ള സങ്കീർണതകൾ‌ മൂലം ചില കുഞ്ഞുങ്ങൾ‌ ജീവനോടെയിരികാറില്ല. മാലിയുടെ ആരോഗ്യമന്ത്രി ഫാന്റ സിബി ഇരു രാജ്യങ്ങളിലെയും മെഡിക്കൽ ടീമുകളെയും അഭിനന്ദിക്കുകയുണ്ടായി.
സിസ്സെയുടെ ഗർഭധാരണം മാലിയിൽ കൗതുകമുണർത്തി – അവൾ ഏഴ് കുഞ്ഞുങ്ങളേ മാത്രമാണ് കരുതിയിരുന്നതെന്ന് റോയിട്ടേഴ്സ് വാർത്താ ഏജൻസി റിപ്പോർട്ട് ചെയ്യുന്നു.
പശ്ചിമാഫ്രിക്കൻ രാജ്യത്തെ ഡോക്ടർമാർ അവളുടെ ക്ഷേമത്തിലും കുഞ്ഞുങ്ങളുടെ നിലനിൽപ്പിനുള്ള സാധ്യതയിലും ശ്രദ്ധാലുവായിരുന്നു .മാലിയുടെ തലസ്ഥാനമായ ബമാകോയിലെ ഒരു ആശുപത്രിയിൽ രണ്ടാഴ്ച താമസിച്ചതിന് ശേഷം മാർച്ച് 30 ന് സിസ്സെയെ മൊറോക്കോയിലേക്ക് മാറ്റാൻ തീരുമാനിച്ചതായി ഡോ. സിബി പറഞ്ഞു.
മൊറോക്കൻ ക്ലിനിക്കിൽ അഞ്ച് ആഴ്ചകൾക്കുശേഷം ചൊവ്വാഴ്ച അവർ പ്രസവിച്ചുവെന്ന് മന്ത്രി പറഞ്ഞു.
അമ്മയും പുതിയ കുഞ്ഞുങ്ങളും ആഴ്ചകൾക്കുള്ളിൽ നാട്ടിലേക്ക് മടങ്ങുമെന്ന് പ്രതീക്ഷിക്കുന്നു.