പ്രമുഖ വ്യവസായിയും സിനിമാ നിർമാതാവുമായ ഗോകുലം ഗോപാലന്റെ ഓഫിസിൽ എൻഫോഴ്‌സ്മെന്റ് ഡയറക്ടറേറ്റ് (ഇ.ഡി) പരിശോധന. ഇന്നു രാവിലെയാണ് ചെന്നൈ കോടമ്പാക്കത്തുള്ള ധനകാര്യ സ്ഥാപനത്തിന്റെ ഓഫിസിൽ ഉദ്യോഗസ്ഥർ റെയ്ഡ് ആരംഭിച്ചത്. കേരളത്തിൽ നിന്നുള്ള ഇ.ഡി സംഘമാണ് റെയ്ഡ് നടത്തുന്നതെന്നാണ് വിവരം

റെയ്ഡിന്റെ വിശദാംശങ്ങൾ പറത്തുവന്നിട്ടില്ല. എമ്പുരാൻ ചിത്രത്തിന്റെ നിർമാതാവ് കൂടിയാണ് ഗോകുലം ഗോപാലൻ. ചിത്രം റിലീസായതിനു പിന്നാലെ ഏറെ വിവാദങ്ങൾ ഉയർന്നിരുന്നു.

അതേസമയം വിവാദങ്ങൾക്ക് പിന്നാലെ ഉണ്ടായ ഇ.ഡി റെയ്ഡിനെ വിമർശനാത്മകമായാണ് സോഷ്യൽ മീഡിയ കാണുന്നത്. വിവാദങ്ങൾക്ക് പിന്നാലെയുള്ള ഈ പരിശോധനയെ അത്ര നിസ്സാരമായി കാണാൻ കഴിയില്ലെന്നും സോഷ്യൽ മീഡിയ ചൂണ്ടിക്കാണിക്കുന്നു.

പാൻ ഇന്ത്യൻ ലെവലിൽ തന്നെ സിനിമ ആരാധകർ വളരെയധികം ആകാംക്ഷയോടെ കാത്തിരുന്ന പടമായിരുന്നു എമ്പുരാൻ. പൃഥ്വിരാജ് സംവിധാനത്തിൽ മോഹൻ ലാല്‍ നായകനായി ചിത്രം പ്രദര്‍ശനത്തിനെത്തിയപ്പോള്‍ പ്രതീക്ഷിച്ചതിലും വലിയ വരവേൽപ്പാണ് പ്രേക്ഷകർ നൽകിയത്. ചിത്രം വൈകാതെ 200 കോടി ക്ലബിലും ഇടംനേടി. 120 മണിക്കൂറിലുള്ളില്‍ 30 ലക്ഷം ടിക്കറ്റുകളാണ് ബുക്ക് മൈ ഷോയില്‍ എമ്പുരാന്റേതായി വിറ്റത്. ഇന്ത്യയില്‍ കേരളത്തിനു പുറത്ത് 30 കോടി രൂപയും എമ്പുരാൻ നേടിയെന്നാണ് റിപ്പോര്‍ട്ട്. ചിത്രം ഓപ്പണിംഗ് വീക്കെൻഡ് 60 കോടി രൂപയിലധികമാണ് പ്രീ സെയിലായി നേടിയിരിക്കുന്നത് എന്ന് നേരത്തെ മോഹൻലാല്‍ തന്നെ വ്യക്തമാക്കിയിരുന്നു.

ഇപ്പോഴിതാ മലയാളത്തിന്റെ ഇൻഡസ്ട്രി ഹിറ്റ് ആയിരുന്ന മഞ്ഞുമ്മല്‍ ബോയ്‍സിനെ വീഴ്‍ത്തി എമ്പുരാൻ വിദേശത്ത് ഒന്നാമതെത്തി എന്ന വാർത്തയാണ് പുറത്തുവരുന്നത് . മഞ്ഞുമ്മല്‍ ബോയ്‍സ് ആഗോളതലത്തില്‍ 242 കോടി രൂപയോളമാണ് നേടിയത്. ഇനിയിപ്പോള്‍ എമ്പുരാൻ മലയാള സിനിമയുടെ ഇൻഡസ്‍ട്രി ഹിറ്റായി മാറുമോ എന്നാണ് കണ്ടറിയേണ്ടത്.

മാസപ്പടി കേസിൽ പ്രോസിക്യൂഷൻ അനുമതി ലഭിച്ചതോടെ മുഖ്യമന്ത്രിയുടെ മകളെ അറസ്റ്റ് ചെയ്യുമോ എന്നതാണ് വലിയ ആകാംക്ഷ. വീണ അടക്കമുള്ളവർക്ക് ഉടൻ എസ്എഫ്ഐഒ സമൻസ് അയക്കും. അതേസമയം കുറ്റപത്രം റദ്ദാക്കാൻ വീണയടക്കമുള്ള പ്രതികൾ കോടതിയെ സമീപിക്കാനും സാധ്യതകളേറെയാണ്.

മാസപ്പടി അടിവരയിട്ടാണ് പ്രോസിക്യൂഷൻ അനുമതി. ഇൻട്രിം സെറ്റിൽമെൻ്റ് ബോർഡ് ഉത്തരവും ആർഒസി കണ്ടെത്തലും കഴിഞ്ഞ് എസ്എഫ്ഐഒയും മുഖ്യമന്ത്രിയുടെ മകൾക്ക് കിട്ടിയത് ചെയ്യാത്ത സേവനത്തിനുള്ള പണമാണെന്ന് വ്യക്തമാക്കുന്നു. കമ്പനികാര്യ ചട്ടങ്ങളുടെ ഗുരുതര ലംഘനം കണ്ടെത്തിയതിന് പിന്നാലെ തന്നെ, എസ്എഫ്ഐഒയ്ക്ക് മുഖ്യമന്ത്രിയുടെ മകൾ ഉൾപ്പടെയുള്ള പ്രതികളെ അറസ്റ്റ് ചെയ്യാമായിരുന്നു. എന്നാൽ കരുതലോടെയായിരുന്നു അന്വേഷണ സംഘത്തിന്റെ നീക്കം. അന്വേഷണ റിപ്പോർട്ട് മന്ത്രാലയത്തിന് മുമ്പാകെ സമർപ്പിച്ച്, പ്രോസിക്യൂഷൻ അനുമതിക്കായി കാത്തിരുന്നു. തുടർനടപടികൾക്ക് തടസ്സമില്ലെന്ന ദില്ലി കോടതിയുടെ തീരുമാനം കൂടി വന്നതോടെ, പ്രോസിക്യൂഷൻ നടപടികൾ എസ്എഫ്ഐഒ വേഗത്തിലാക്കി.

കോടതിയിലെ വിചാരണ നടപടികൾക്ക് കാത്തിരിക്കുമ്പോഴും, വേണമെങ്കിൽ പ്രതികളെ അറസ്റ്റ് ചെയ്യാം. എന്നാൽ രാഷ്ട്രീയ പ്രാധാന്യമുള്ള കേസിൽ, എസ്എഫ്ഐഒ അതിന് മുതിരുമോ എന്നുള്ളതാണ് നിർണ്ണായകം. നേരത്തെ 1.72 കോടി രൂപയായിരുന്നു എക്സാലോജിക്ക് – സിഎംആർഎൽ കേസിലെ ഇടപാട് തുകയെങ്കിൽ, എസ്എഫ്ഐഒ അന്വേഷണ റിപ്പോട്ടോടെ, ഇനി 2 കോടി 70 ലക്ഷം രൂപയ്ക്ക് വീണ ടിയും സിഎംആർഎല്ലും മറുപടി നൽകണം. സിഎംആർഎല്ലിന്റെ സഹോദര സ്ഥാപനമാണ് എംപവർ ഇന്ത്യ ക്യാപിറ്റ‌ൽ ഇൻവെസ്റ്റ്മെന്റ് ലിമിറ്റഡ്. ഈ സ്ഥാപനത്തിൽ നിന്ന് വായ്പയായാണ് പണം വാങ്ങിയതെന്നായിരുന്നു വീണയുടെ വാദം. എസ്എഫ്ഐഒ അന്വേഷണത്തിൽ അതും പൊളിയുകയാണ്. നൽകിയ സേവനത്തിനാണ് പണം കൈപ്പറ്റിയതെന്ന് ആവർത്തിച്ചിരുന്ന വീണയ്ക്ക് എസ്എഫ്ഐഒ അന്വേഷണത്തിലും തെളിവൊന്നും ഹാജരാക്കാനായില്ല.

സിഎംആർഎല്ലിനെ കാത്തിരിക്കുന്നത് അതിലും വലിയ കുരുക്കാണ്. സിഎംആർഎല്ലിന്റെ ഡയറക്ടർ ബോർഡ് അംഗങ്ങളും, സിഎഫ്ഒയും സിജിഎമ്മും അടക്കമുള്ള ഉന്നത ഉദ്യോഗസ്ഥരും വിചാരണ നേരിടണം. കമ്പനികാര്യ ചട്ടം 447 പ്രകാരം, കോടതിയിൽ ഇത് തെളിയിക്കാനായാൽ, മൂന്നിരട്ടി പിഴ വരെ ചുമത്താം. അങ്ങനെ വന്നാൽ പൊതുമേഖല സ്ഥാപനമായ സിഎംആർഎൽ കടുത്ത ബാധ്യതയിലേക്ക് പോകും. ഇല്ലാത്ത ചെലവുകൾ കാട്ടി, 182 കോടി രൂപയാണ് സിഎംആർഎല്ലിൽ നിന്ന് പുറത്തേക്ക് ഒഴുകിയത്. ഈ പണം രാഷ്ട്രീയ നേതാക്കൾക്ക് കൈമാറിയെന്നായിരുന്നു ഇൻട്രിം സെറ്റിൽമെൻ്റ് ബോർഡ് കണ്ടെത്തൽ. അവരുടെ കൂടുതൽ പേര് വിവരങ്ങൾ കൂടി പുറത്തുവരുമ്പോൾ കേസിന്‍റെ നിലമാറും.

മാസങ്ങൾക്ക് മുമ്പാണ് നടൻ ബാല വീണ്ടും വിവാഹിതനായത്. അതിനുശേഷം ഭാര്യ കോകിലയ്‌‌‌ക്കൊപ്പമുള്ള വീഡിയോകളൊക്കെ താരം സോഷ്യൽ മീഡിയയിൽ പങ്കുവയ്‌ക്കാറുണ്ട്. ഒരു മാധ്യമത്തിന് നൽകിയ അഭിമുഖത്തിൽ അമേരിക്കയിൽ നിന്ന് തന്നെ പ്രപ്പോസ് ചെയ്യാൻ ഒരു പെൺകുട്ടി വന്നിരുന്നെന്ന് വെളിപ്പെടുത്തിയിരിക്കുകയാണ് ബാല ഇപ്പോൾ.

‘അമേരിക്കയിൽ നിന്ന് എന്നെ പ്രപ്പോസ് ചെയ്യാൻ ഒരു പെണ്ണ് വന്നു. തൃഷയെപ്പോലെയുണ്ട് കാണാൻ. എനിക്ക് വേറൊരു വീടുണ്ട്. അവിടെയാണ് വന്നത്. ആദ്യം ദൂരെയിരുന്നവൾ എന്റെ അടുത്തോട്ട് വന്നിരുന്നു. ബാലച്ചേട്ടാ എന്ന് പറഞ്ഞു മേൽ കൈവച്ചു. ഞാൻ ചിരിക്കാൻ തുടങ്ങി. അപ്പോഴേക്ക് കോകില മുറിയിൽ നിന്ന് വന്നു. അപ്പോൾ ഇതാരാണെന്ന് ആ പെൺകുട്ടി ചോദിച്ചു. മാമന്റെ മകളാണെന്ന് ഞാൻ പറഞ്ഞു. നേരത്തെ വന്നതാണോയെന്ന് ചോദിച്ചപ്പോൾ കുറേ മാസമായി ഇവിടെയുണ്ടെന്ന് കോകില പറഞ്ഞു. അപ്പോഴേക്ക് അവളുടെ മുഖമൊക്കെ വാടി. അതിനുശേഷം എന്നെ ഒറ്റയ്ക്ക് വിളിച്ച് മാറ്റിനിർത്തി സംസാരിച്ചു, എന്തെങ്കിലും ചാൻസുണ്ടോയെന്നായിരുന്നു ആ പെൺകുട്ടി ചോദിച്ചത്’- ബാല പറഞ്ഞു.

എന്റെ ഭാര്യ വലിയ സിനിമാ താരമൊന്നുമല്ല. പാട്ടുപാടുന്നയാളല്ല, വലിയ ഹൈറ്റ് ഇല്ല, തടിച്ചിട്ടാണ്. എന്നാൽ എന്നെ സംബന്ധിച്ച് എന്റെ ഭാര്യയാണ് ലോകത്തിലെ ഏറ്റവും സുന്ദരി. ഇത് ഞാൻ കൂടെ ജീവിച്ചപ്പോൾ പഠിച്ച പാഠമാണ്. ഇവളെ ഞാൻ കുട്ടിക്കാലം മുതലേ കാണുന്നതാണ്. ഭാര്യയായിട്ട് സങ്കൽപിച്ചിട്ട് പോലുമുണ്ടായിരുന്നില്ല. ഞാൻ തനിച്ചായപ്പോൾ എന്റെ അമ്മയാണ് കോകിലയുടെ കാര്യം പറഞ്ഞത്.

കരൾ ശസ്ത്രക്രിയ ചെയ്തയാണ്. മരണത്തെ മുഖാമുഖം കണ്ട് തിരിച്ചുവന്നതാണ്. ആ അവസ്ഥയിലും അവൾ മാമ മതിയെന്ന് പറഞ്ഞ് ഉറച്ചുനിന്നു. എന്നാൽ എനിക്കങ്ങനെ കാണാനായില്ലായിരുന്നു.

നിന്റെ അച്ഛനെ ഞാൻ സ്‌നേഹിച്ചിട്ടാണോ വിവാഹം കഴിച്ചത്, മൂന്ന് കുട്ടികളുണ്ടായില്ലേയെന്ന് അമ്മ പറഞ്ഞു. കോകിലയുമായി ഇടപഴകി നോക്കെന്ന് അമ്മ പറഞ്ഞു. കോകില നാല് മാസം ഇവിടെ നിന്നപ്പോൾ പ്രേമം, കാമം, സൗഹൃദം, ഭാര്യ ഇതൊക്കെ എന്താണെന്ന് എനിക്ക് മനസിലായി. ഇതെല്ലാം ഒരിടത്തുനിന്ന് കിട്ടുമ്പോൾ ആ വീട് സ്വർഗമാകും.

മാർച്ച് 27ന് ആയിരുന്നു മലയാളികൾ ഒന്നടങ്കം കാത്തിരുന്ന എമ്പുരാൻ റിലീസ് ചെയ്തത്. പൃഥ്വിരാജ്- മോഹൻലാൽ കോമ്പോയിലെത്തിയ ചിത്രം ഏറ്റവും വേ​ഗത്തിൽ 200 കോടി ക്ലബ്ബിലെത്തുന്ന ആദ്യ മലയാള സിനിമ കൂടി ആയിരിക്കുകയാണ്. ഇതിനിടയിൽ ചില രം​ഗങ്ങളുടെ പേരിൽ വിവാദങ്ങളിലും എമ്പുരാൻ അകപ്പെട്ടിരുന്നു. ഒടുവില്‍ റീ എഡിറ്റിങ്ങിന് വിട്ട ചിത്രത്തിൽ 24 മാറ്റങ്ങളാണ് വന്നത്. കഴിഞ്ഞ ദിവസം ഈ പതിപ്പ് തിയറ്ററുകളിൽ എത്തുകയും ചെയ്തിരുന്നു.

എഡിറ്റിന് പിന്നാലെ ചിത്രത്തിത്തിന്റെ ഓൺലൈൻ ബുക്കിങ്ങിൽ നേരിയ കുറവ് ഉണ്ടായെങ്കിലും റീ എഡിറ്റിംഗ് ബാധിച്ചിട്ടില്ലെന്നാണ് തിയേറ്റർ ഉടമകൾ കഴിഞ്ഞ ദിവസം പറഞ്ഞത്. ഈ അവസരത്തിൽ കഴിഞ്ഞ ദിവസം അതായത് ഏപ്രിൽ രണ്ടാം തിയതിയിലെ ബുക്ക് മൈ ഷോയിലെ ബുക്കിം​ഗ് വിവരങ്ങൾ പുറത്തുവരികയാണ്. ലിസ്റ്റിൽ എമ്പുരാൻ ആണ് ഒന്നാമത്. 1,14,000 ടിക്കറ്റുകളാണ് കഴിഞ്ഞ ദിവസം മാത്രം ബുക്ക് മൈ ഷോയിൽ നിന്നും എമ്പുരാന്റേതായി വിറ്റഴിഞ്ഞതെന്ന് സൗത്ത് ഇന്ത്യൻ ബോക്സ് ഓഫീസ് റിപ്പോർട്ട് ചെയ്യുന്നു.

എമ്പുരാന് തൊട്ട് താഴെ സൽമാൻ ഖാൻ ചിത്രം സിക്കന്ദർ ആണ്. എൺപത്തി നാലായിരം ടിക്കറ്റുകളാണ് കഴിഞ്ഞ ദിവസം സിക്കന്ദറിന്റേതായി വിറ്റു പോയത്. മൂന്നാം സ്ഥാനത്ത് പക്ഷേ ഒരു റി റിലീസ് ചിത്രമാണ്. അല്ലു അർജുൻ നായകനായി 2009ൽ റിലീസ് ചെയ്ത ആര്യ 2 ആണിത്. പ്രീ സെയിൽ ബുക്കിങ്ങിലൂടെ ഇരുപത്തി ഏഴായിരം ആണ് ആര്യ 2 നേടിയിരിക്കുന്നത്.

സംസ്ഥാനത്ത് മധ്യവേനലവധിക്കാലത്ത് ക്ലാസുകൾ നടത്തുന്നത് വിലക്കി പുറപ്പെടുവിച്ചിട്ടുള്ള ഉത്തരവുകൾ 2024 -25 അധ്യായന വർഷവും കർശനമായി നടപ്പാക്കണമെന്ന് ബാലാവകാശ കമ്മിഷൻ ഉത്തരവിട്ടു. കമ്മിഷൻ ചെയർപേഴ്സൺ കെ.വി.മനോജ് കുമാർ അംഗം ഡോ.വിൽസൺ എന്നിവരുടെ ഡിവിഷൻ ബെഞ്ചാണ് ഉത്തരവ് പുറപ്പെടുവിച്ചത്.

ഉത്തരവ് നടപ്പാക്കുന്നുണ്ടോ എന്ന് വിദ്യാഭ്യാസ വകുപ്പ് ഡയറക്ടർ കൃത്യമായി പരിശോധിക്കണമെന്നും ലംഘിക്കുന്നവർക്കെതിരെ കർശന നടപടി സ്വീകരിക്കണമെന്നും ഉത്തരവിൽ പറയുന്നു. സിബിഎസ്ഇ, ഐസിഎസ്ഇ സ്കൂളുകൾ ഹൈക്കോടതി വിധി നടപ്പാക്കുന്നു എന്ന് ബന്ധപ്പെട്ട റീജണൽ ഓഫീസർമാരും ചെയർമാനും ഉറപ്പുവരുത്തണമെന്നും ഉത്തരവിലുണ്ട്.

ബാലാവകാശ കമ്മീഷന്റെ ഉത്തരവു പ്രകാരം സ്വകാര്യ ട്യൂഷൻ സെന്ററുകളുടെ സമയക്രമം രാവിലെ 7. 30 മുതൽ 10. 30 വരെ എന്നത് ലംഘിക്കുന്നവർക്കെതിരെ നടപടി സ്വീകരിക്കാൻ സംസ്ഥാന പോലീസ് മേധാവിക്കും കമ്മീഷൻ നിർദ്ദേശം നൽകി. ബന്ധപ്പെട്ട ഉദ്യോഗസ്ഥർ ഉത്തരവ് നടപ്പാക്കി 15 ദിവസത്തിനകം കമ്മിഷന് റിപ്പോർട്ടു നൽകണമെന്നാണ് നിർദേശം.

നടനും സംഗീത സംവിധായകനും ഗായകനുമായ ജി വി പ്രകാശും ഗായിക സൈന്ധവിയും വേർപിരിയുന്നു എന്ന വാർത്ത സമീപകാലത്ത് തമിഴകത്ത് വലിയ രീതിയിലുള്ള ചർച്ചകൾക്ക് തിരികൊളുത്തിയിരുന്നു. കുട്ടിക്കാലം മുതൽ സൗഹൃദവും അടുപ്പവും പ്രണയവും കാത്തുസൂക്ഷിച്ച ദമ്പതികളുടെ വേർപിരിയൽ ആരാധകരെയും സങ്കടത്തിലാക്കിയിരുന്നു. അതിനിടയിൽ, നടി ദിവ്യ ഭാരതിയാണ് ജിവി പ്രകാശും സൈന്ധവിയും പിരിയാൻ കാരണമെന്ന രീതിയിലുള്ള ഗോസിപ്പുകളും ശക്തമായി. ജിവി പ്രകാശും ദിവ്യ ഭാരതിയും ഒന്നിച്ച് സിനിമകള്‍ ചെയ്തതിനു പിന്നാലെ ഇരുവരും പ്രണയത്തിലായി എന്നും അതാണ് ജിവിയുടെ ദാമ്പത്യജീവിതം തകരാൻ കാരണമെന്നുമായിരുന്നു ഗോസിപ്പ് കഥകൾ. തനിക്കെതിരെ ഉയരുന്ന വ്യാജപ്രചാരണങ്ങൾക്ക് മറുപടി നൽകുകയാണ് ദിവ്യ ഭാരതി ഇപ്പോൾ.

“എനിക്ക് ഒരു ബന്ധവുമില്ലാത്ത, ഒരു കുടുംബപ്രശ്നത്തിലേക്ക് എന്റെ പേര് വലിച്ചിഴച്ചിരിക്കുന്നു. ജി വിയുടെ (ജി വി പ്രകാശ്) കുടുംബ പ്രശ്നങ്ങളുമായി എനിക്ക് യാതൊരു ബന്ധവുമില്ല. തുറന്നു പറഞ്ഞാൽ, ഞാൻ ഒരിക്കലും ഒരു നടനുമായി ഡേറ്റ് ചെയ്യില്ല, വിവാഹിതനായ പുരുഷനുമായി ഒരിക്കലും ഡേറ്റ് ചെയ്യില്ല.” “അടിസ്ഥാനരഹിതമായ കിംവദന്തികൾ എന്റെ ശ്രദ്ധ അർഹിക്കുന്നില്ലെന്ന് വിശ്വസിച്ചുകൊണ്ട് ഞാൻ ഇതുവരെ മൗനം പാലിച്ചു. എന്നിരുന്നാലും, ഇതിപ്പോൾ അതിന്റെ പരിധി ലംഘിച്ചു. അടിസ്ഥാനരഹിതമായ ആരോപണങ്ങൾ കൊണ്ട് എന്റെ പ്രശസ്തിക്ക് കളങ്കം വരുത്താൻ ഞാൻ അനുവദിക്കില്ല. ഞാൻ ശക്തയും സ്വതന്ത്രയുമായ ഒരു സ്ത്രീയാണ്, ഗോസിപ്പുകളല്ല എന്നെ നിർവചിക്കേണ്ടത്. നെഗറ്റിവിറ്റി പ്രചരിപ്പിക്കുന്നതിനുപകരം മെച്ചപ്പെട്ട ഒരു ലോകം കെട്ടിപ്പടുക്കുന്നതിൽ ശ്രദ്ധ കേന്ദ്രീകരിക്കാം. എന്റെ അതിരുകളെ ബഹുമാനിക്കുക. ഈ വിഷയത്തിൽ എന്റെ ആദ്യത്തേതും അവസാനത്തേതുമായ പ്രസ്താവനയാണിത്. നന്ദി,” ഇൻസ്റ്റഗ്രാം സ്റ്റോറിയിൽ പങ്കുവച്ച കുറിപ്പിലാണ് ദിവ്യ ഭാരതി തന്റെ ഭാഗം വ്യക്തമാക്കിയത്.

കറപിടിച്ച പല്ലുകൾ തുറന്ന ചിരിയെ പിടിച്ചുകെട്ടാറുണ്ട്. ആത്മവിശ്വാസത്തോടെ ചിരിക്കാൻ വെട്ടിത്തിളങ്ങുന്ന പല്ലുകൾ അനിവാര്യമാണ്. പല്ലിലെ മഞ്ഞനിറവും കറയും അകറ്റി മുല്ലമൊട്ടുപോലെ തിളങ്ങാൻ മികച്ച മാർ​​ഗങ്ങളിലൊന്നാണ് ചില ഭക്ഷണങ്ങൾ പതിവായി കഴിക്കുക എന്നുള്ളത്. ഈ ആഹാരങ്ങൾ ശീലമാക്കിയാൽ ശരീരത്തിന് ആരോ​ഗ്യവും ലഭിക്കും തിളങ്ങുന്ന പല്ലുകളും സ്വന്തമാക്കാം. കഴിക്കേണ്ട ഭക്ഷണങ്ങളിതാ..

സ്ട്രോബെറി:

ഇതിലെ മാലിക് ആസിഡ് പല്ലുകളിലെ കറ ഇളക്കി കളയും. മഞ്ഞനിറം മാറ്റുന്നതിനൊപ്പം പല്ലുകൾ വെളുപ്പിക്കാനും ഈ ആസിഡ് സഹായിക്കുന്നു. വെളുത്തതും ആരോഗ്യകരവുമായ പല്ലുകൾ നിലനിർത്താനും പുഞ്ചിരി തിളക്കമുള്ളതാക്കാനും സ്ട്രോബെറി കഴിക്കുന്നത് മികച്ച മാർഗമാണ്.

തണ്ണിമത്തൻ:

ജലത്തിന്റെയും വിറ്റാമിൻ സിയുടെയും ഉറവിടമാണിത്. തണ്ണിമത്തൻ കഴിക്കുമ്പോൾ വായിൽ ഉമിനീർ ഉൽപാദിപ്പിക്കപ്പെടും. ഇത് ദന്തക്ഷയത്തെ ചെറുക്കാൻ സഹായിക്കുന്നു. കൂടാതെ, തണ്ണിമത്തനിൽ അടങ്ങിയിരിക്കുന്ന സിട്രിക് ആസിഡും മാലിക് ആസിഡും പല്ലിലെ കറകളും നീക്കം ചെയ്യും.

പാൽ:

പല്ലുകൾക്കും എല്ലുകൾക്കും ബലം ലഭിക്കാൻ സ്ഥിരമായി പാൽ കുടിക്കണമെന്ന് നാം കുട്ടിക്കാലം മുതൽ കേട്ടിരിക്കും. ഈ വാദം ശരിയുമാണ്. കാരണം കാൽസ്യത്താൽ സമ്പന്നമാണ് പാൽ. ദിവസേന പാൽ കുടിക്കുന്നതിലൂടെ പല്ലുകൾ ബലപ്പെടുകയും സ്വാഭാവികമായ നിറം മാറി മഞ്ഞനിറമാകാനുള്ള സാധ്യത കുറയ്‌ക്കുകയും ചെയ്യുന്നു. പാലിലെ പോഷകങ്ങൾ പല്ലുകളെ ശക്തമാക്കാനും സഹായിക്കും.

ആപ്പിൾ:

ആപ്പിളിന് ക്രഞ്ചി ടെക്‌സ്ചറാണുള്ളത്. അതിനാൽ ആപ്പിൾ കഴിക്കുമ്പോൾ പല്ലുകളുടെ സ്‌ക്രബ്ബറായി പ്രവർത്തിക്കുന്നു. കൂടാതെ, ആപ്പിളിൽ മാലിക് ആസിഡ് അടങ്ങിയിട്ടുണ്ട്. ഇത് പല്ലിലെ മഞ്ഞക്കറ കുറയ്‌ക്കും.

പൈനാപ്പിൾ:

ബ്രോമെലൈൻ എന്ന എൻസൈം പൈനാപ്പിളിൽ അടങ്ങിയിട്ടുണ്ട്. ഇത് പല്ലിലെ മഞ്ഞ പാടുകൾ നീക്കം ചെയ്യുകയും പ്രകൃതിദത്ത ബ്ലീച്ചിംഗ് ഏജൻ്റായി പ്രവർത്തിക്കുകയും ചെയ്യുന്നു. കൂടാതെ, പൈനാപ്പിളിലെ സ്വാഭാവിക അസിഡിറ്റി പല്ലിലുണ്ടാകുന്ന പ്ലേക്കുകളെ ഇല്ലാതാക്കാൻ സഹായിക്കും.

വിവാദങ്ങളും വിമർശനങ്ങളുമെല്ലാം താണ്ടി കനത്ത പ്രേക്ഷക പിന്തുണയോടെ തിയേറ്ററിലും ജനഹൃദയങ്ങളിലും മുന്നേറുകയാണ് പൃഥ്വിരാജ് സംവിധാനത്തിൽ മാർച്ച് അവസാനം തിയറ്ററിൽ എത്തിയ എമ്പുരാൻ. നിലവിൽ ഇന്ത്യൻ സിനിമയിലെ തന്നെ റെക്കോർഡുകൾ തകർത്തൊരു മോഹൻലാൽ സിനിമയാണ് എമ്പുരാൻ. റിലീസ് ചെയ്ത ആദ്യദിനം 50 കോടി ക്ലബ്ബിലെത്തിയ ഈ ലൂസിഫർ ഫ്രാഞ്ചൈസി അഞ്ചാം നാൾ 200 കോടി ക്ലബ്ബിലും ഇടം നേടി.

മോഹൻലാൽ, പൃഥ്വിരാജ്, ടോവിനോ, തോമസ്, മഞ്ജു വാര്യർ, സുരാജ് വെഞ്ഞാറമൂട്, മണിക്കുട്ടൻ, സാനിയ അയ്യപ്പൻ തുടങ്ങിയവർ അണിനിരന്ന ചിത്രത്തിന്റെ തിരക്കഥ ഒരുക്കിയത് മുരളി ഗോപിയാണ്. സുജിത്ത് വാസുദേവൻ ഛായാഗ്രഹണം നിർവഹിച്ച ചിത്രത്തിന് സംഗീതം ഒരുക്കിയത് ദീപക് ദേവുമായിരുന്നു. ഇപ്പോഴിതാ എമ്പുരാനിലെ ദീപക് ദേവിന്റെ സംഗീതത്തെ വിമർശിച്ച വ്യക്തിക്ക് സുഹൃത്തും സംഗീത സംവിധായകനുമായ ഗോപി സുന്ദർ നൽകിയ മറുപടിയാണ് ചർച്ചയാകുന്നത്.

താൻ ഈണമിട്ട ചില ഹിറ്റ് സിനിമകളിലെ പശ്ചാത്തല സംഗീതത്തിന്റെ യൂട്യൂബ് ലിങ്കുകൾ ഗോപി സുന്ദർ സമൂഹമാധ്യമങ്ങളിൽ പങ്കുവച്ചിരുന്നു. ഇതിനു താഴെ ദീപക് ദേവിന്റെയും ഗോപി സുന്ദറിന്റെയും പശ്ചാത്തലസംഗീതങ്ങൾ തമ്മിൽ താരതമ്യം ചെയ്ത് നിരവധി പേർ കമന്റുകളുമായി എത്തിയതോടെ കഥ മാറുകയായിരുന്നു. ‘ദീപക് ദേവ്, ഇങ്ങനെ വേണം സാധനം ഇറക്കി വിടാൻ. അല്ലാതെ കുറേ അലറിച്ച മാത്രം പോര’ എന്നാണ് ഒരാൾ കുറിച്ചത്. പിന്നാലെ ഗോപി സുന്ദറിന്റെ മറുപടി എത്തി. ‘സുഹൃത്തേ, എന്റെ സഹോദരൻ ദീപക് അതിഗംഭീര സംഗീതജ്ഞനാണ്. അദ്ദേഹത്തേപ്പോലൊരു പ്രതിഭയെ ഇങ്ങനെ വിലയിരുത്തരുത്’, എന്നാണ് ഗോപി സുന്ദറിന്റെ പ്രതികരണം.

അതേസമയം ഗോപി സുന്ദറിന്റെ മലയാള സിനിമയിലെ അഭാവം ചൂണ്ടിക്കാട്ടിയ ആരാധകനും താരം മറുപടി നൽകിയിട്ടുണ്ട്. മലയാളത്തിലെ മുഖ്യധാരാ സംവിധായകർ തന്നെ പരിഗണിക്കും എന്നാണ് വിശ്വാസം എന്നും ഇത്രയും നാൾ അന്യഭാഷാ ചിത്രങ്ങളിൽ തിരക്കായി പോയതാണെന്നും ഇനി താൻ മലയാളത്തിൽ സജീവമാകും എന്നുമാണ് ഗോപി സുന്ദർ പറഞ്ഞത്.

വെള്ളിയാഴ്ചകൾ തിയേറ്ററുകൾക്കു മാത്രമല്ല ഒടിടി പ്ലാറ്റ്‌ഫോമുകൾക്കും ഏറെ പ്രിയപ്പെട്ട ദിവസമാണ്. വെള്ളിയാഴ്ചകളിലാണ് പലപ്പോഴും ഒടിടി പ്ലാറ്റ്‌ഫോമുകളിൽ ഏറ്റവും പുതിയ സിനിമകൾ റിലീസിനെത്തുന്നത്. ഈ ആഴ്ചയും വ്യത്യസ്തമല്ല. മലയാളത്തിലും തമിഴിലുമായി മൂന്നു ചിത്രങ്ങളാണ് ഈ വെള്ളിയാഴ്ച ഒടിടിയിലൂടെ റിലീസിനെത്തുന്നത്.

Machante Maalakha Ott Release: മച്ചാന്റ മാലാഖ

സൗബിൻ ഷാഹിർ, ധ്യാൻ ശ്രീനിവാസൻ, ദിലീഷ് പോത്തൻ, നമിത പ്രമോദ് എന്നിവരെ പ്രധാന കഥാപാത്രങ്ങളാക്കി ബോബൻ സാമുവൽ സംവിധാനം ചെയ്ത ‘മച്ചാൻ്റെ മാലാഖ’ ഇന്ന് അർദ്ധരാത്രിയോടെ ഒടിടിയിലെത്തും. മഞ്ഞുമ്മൽ ബോയ്സ്, പ്രാവിൻകൂട് ഷാപ്പ് എന്നീ ചിത്രങ്ങൾക്ക് ശേഷം സൗബിൻ നായകനായ ഈ ചിത്രം നിർമ്മിച്ചിരിക്കുന്നത് അബാം മൂവീസിൻ്റെ ബാനറിൽ എബ്രഹാം മാത്യുവാണ്.

ധ്യാൻ ശ്രീനിവാസനെ നായകനാക്കി സക്കീര്‍ മഠത്തില്‍ സംവിധാനം ചെയ്ത ജയിലറും ഇന്ന് അർദ്ധരാത്രിയോടെ ഒടിടിയിലെത്തും. 2023 ഓഗസ്റ്റ് 18നു തിയേറ്ററുകളിലെത്തിയ ചിത്രം ഏതാണ്ട് ഒന്നര വർഷങ്ങൾക്കിപ്പുറമാണ് ഒടിടിയിലെത്തുന്നത്. സക്കീര്‍ മഠത്തില്‍ സംവിധാനം ചെയ്ത ജയിലര്‍ ഒരു പിരീഡ് ത്രില്ലറാണ്. 1956-57 കാലഘട്ടത്തിൽ നടന്ന സംഭവകഥയാണ് ചിത്രം പറയുന്നത്. വ്യത്യസ്ത കുറ്റകൃത്യങ്ങളിൽ പ്രതികളായ അഞ്ച് കുറ്റവാളികളുമായി ഗാന്ധിഗ്രാം എന്ന ഗ്രാമത്തിലെ ഒരു ബംഗ്ലാവിൽ താമസിക്കുന്ന ഒരു ജയിൽ ഉദ്യോഗസ്ഥന്റെ കഥയാണ് പ്രമേയം. ചിത്രത്തിൽ ജയിലറുടെ വേഷമാണ് ധ്യാന്‍ ശ്രീനിവാസന്. ദിവ്യ പിള്ള ആണ് നായിക.

മനോജ് കെ.യു, വിനീത് തട്ടിൽ, ശാന്തി കൃഷ്ണ, ലാൽ ജോസ്, രാജേഷ് പറവൂർ, ആൽഫി പഞ്ഞിക്കാരൻ, ആര്യ, ശ്രുതി ജയൻ, ബേബി ആവണി, ബേബി ശ്രേയ ഷൈൻ, അഞ്ജന അപ്പുകുട്ടൻ, നിത പ്രോമി, സിനി വർഗീസ് തുടങ്ങിയവരാണ് ചിത്രത്തിലെ മറ്റു പ്രധാന താരങ്ങൾ. ജക്സൺ ആൻ്റണിയുടെ കഥക്ക് അജീഷ് പി. തോമസ് തിരക്കഥ ഒരുക്കിയിരിക്കുന്നു. ഇന്ന് അർദ്ധരാത്രിയോടെ മനോരമ മാക്സിൽ ചിത്രം സ്ട്രീമിംഗ് ആരംഭിക്കും.

Jailer OTT: ജയിലർ

ധ്യാൻ ശ്രീനിവാസനെ നായകനാക്കി സക്കീര്‍ മഠത്തില്‍ സംവിധാനം ചെയ്ത ജയിലറും ഇന്ന് അർദ്ധരാത്രിയോടെ ഒടിടിയിലെത്തും. 2023 ഓഗസ്റ്റ് 18നു തിയേറ്ററുകളിലെത്തിയ ചിത്രം ഏതാണ്ട് ഒന്നര വർഷങ്ങൾക്കിപ്പുറമാണ് ഒടിടിയിലെത്തുന്നത്. സക്കീര്‍ മഠത്തില്‍ സംവിധാനം ചെയ്ത ജയിലര്‍ ഒരു പിരീഡ് ത്രില്ലറാണ്. 1956-57 കാലഘട്ടത്തിൽ നടന്ന സംഭവകഥയാണ് ചിത്രം പറയുന്നത്. വ്യത്യസ്ത കുറ്റകൃത്യങ്ങളിൽ പ്രതികളായ അഞ്ച് കുറ്റവാളികളുമായി ഗാന്ധിഗ്രാം എന്ന ഗ്രാമത്തിലെ ഒരു ബംഗ്ലാവിൽ താമസിക്കുന്ന ഒരു ജയിൽ ഉദ്യോഗസ്ഥന്റെ കഥയാണ് പ്രമേയം. ചിത്രത്തിൽ ജയിലറുടെ വേഷമാണ് ധ്യാന്‍ ശ്രീനിവാസന്. ദിവ്യ പിള്ള ആണ് നായിക.

മനോജ് കെ. ജയൻ, ശ്രീജിത്ത് രവി, ബിനു അടിമാലി, നവാസ് വള്ളിക്കുന്ന്, ഉണ്ണി രാജ എന്നിവരാണ് മറ്റു പ്രധാന അഭിനേതാക്കൾ. നി.ധീഷ് നടേരിയുടെ വരികൾക്ക് റിയാസ് പയ്യോളി ആണ് സംഗീതം പകർന്നത്. മനോരമ മാക്സ് ആണ് ചിത്രത്തിന്റെ സ്ട്രീമിംഗ് അവകാശം സ്വന്തമാക്കിയിരിക്കുന്നത്. ഇന്ന് അർദ്ധരാത്രിയോടെ ചിത്രം മനോരമ മാക്സിൽ സ്ട്രീമിംഗ് ആരംഭിക്കും.

TEST OTT: ടെസ്റ്റ്

നയൻതാര- മാധവൻ ടീമിന്റെ ‘ടെസ്റ്റ്’ തിയേറ്റർ റിലീസിനു കാക്കാതെ നേരിട്ടു ഒടിടിയിലേക്ക് എത്തുകയാണ്. ക്രിക്കറ്റ് ലോകത്തിന്റെ പശ്ചാത്തലത്തിലുള്ള കഥയാണ് ചിത്രം പറയുന്നത്. ഒരു ക്രിക്കറ്റ് കളിക്കാരനായി സിദ്ധാർത്ഥും പരിശീലകനായി മാധവനും എത്തുന്നു. ക്രിക്കറ്റ് മൈതാനത്തും അതിനപ്പുറവുമായി പരസ്പരം ബന്ധപെട്ടു കിടക്കുന്ന മൂന്നു ജീവിതങ്ങളും, അവർ തിരഞ്ഞെടുത്ത നിർബന്ധിതമായ തീരുമാനങ്ങളിലൂടെ അവർക്കു ചുറ്റുമുള്ള എല്ലാം എന്നന്നേക്കുമായി മാറുന്നതുമാണ് ചിത്രത്തിന്റെ പ്രമേയം.

തമിഴ് പടം’, ‘വിക്രം വേദ,’ ‘ഇരുധി സൂത്രു’, ‘ജഗമേ തന്ധിരം’ എന്നീ ജനപ്രിയ തമിഴ് സിനിമകൾ നിർമ്മിച്ച ശശികാന്ത് ആദ്യമായി സംവിധായകനായി അരങ്ങേറ്റം കുറിക്കുന്ന ചിത്രമാണ് ടെസ്റ്റ്. നയൻതാര, മാധവൻ, സിദ്ധാർത്ഥ് എന്നിവർക്കൊപ്പം മീര ജാസ്മിനും ചിത്രത്തിൽ ശ്രദ്ധേയമായൊരു വേഷം അവതരിപ്പിക്കുന്നുണ്ട്. പ്രശസ്ത പിന്നണി ഗായിക ശക്തി ശ്രീ ഗോപാലൻ സംഗീതസംവിധായകനായി അരങ്ങേറ്റം കുറിക്കുന്ന ചിത്രം കൂടിയാണ് ‘ടെസ്റ്റ്’. വൈ നോട്ട് സ്റ്റുഡിയോസിന്‍റെ ബാനറില്‍ ചക്രവര്‍ത്തി രാമചന്ദ്രയും ശശികാന്തും ചേര്‍ന്നാണ് ചിത്രം നിര്‍മിക്കുന്നത്. നെറ്റ്ഫ്ളിക്സ് ആണ് ചിത്രത്തിന്റെ സ്ട്രീമിംഗ് പാർട്ണർ. ഇന്ന് അർദ്ധരാത്രിയോടെ ചിത്രം നെറ്റ്ഫ്ളിക്സിൽ സ്ട്രീമിംഗ് ആരംഭിക്കും