സുരേഷ് ഗോപി നായകനായെത്തുന്ന ജാനകി vs സ്റ്റേറ്റ് ഓഫ് കേരള എന്ന ചിത്രത്തിലെ സെൻസർ ബോർഡ് അനുമതി നിഷേധിച്ചതും പിന്നീട് നിർമ്മാതാക്കൾ നടത്തുന്ന നിയമ യുദ്ധവുമാണ് മലയാളം ഫിലിം ഇൻഡസ്ട്രീയെ സംബന്ധിക്കുന്ന ഏറ്റവും പുതിയ ചൂടൻ ചർച്ച. ചിത്രത്തിലെ കേന്ദ്ര കഥാപാത്രത്തിന് നൽകിയിരിക്കുന്ന ജാനകി എന്ന പേര് സീതയുടെ പര്യായമാണെന്നും അത് മാറ്റാതെ ചിത്രത്തിന് സെന്‍സര്‍ സര്‍ട്ടിഫിക്കറ്റ് നല്‍കില്ലെന്നുമാണ് സെന്‍സര്‍ ബോര്‍ഡ് അറിയിച്ചത്. പിന്നാലെ ഇതിന് വിസമ്മതിച്ച നിർമ്മാതാക്കൾ കോടതിയെ സമീപിക്കുകയായിരുന്നു. നിർമ്മാതാക്കളുടെ നിലപാടിനെ പിന്തുണച്ചും ആവിഷ്കാര സ്വാതന്ത്ര്യത്തിനെ വിലക്കുന്ന സെൻസർ ബോർഡിന്റെ പ്രവർത്തികളെ വിമർശിച്ചും ഫെഫ്ക്ക അടക്കമുള്ള സിനിമാ സംഘടനകളും പ്രതിഷേധ സമരങ്ങളുമായി രംഗത്തെത്തിയിരുന്നു. ഇപ്പോഴിതാ വിഷയത്തിൽ നിലപാട് വ്യക്തമാക്കി രംഗത്തെത്തിയിരിക്കുകയാണ് നടൻ വിനു മോഹനും. നടനും സമരപരിപാടിയുടെ ഭാഗമായിരുന്നു.

വിനു മോഹന്റെ വാക്കുകൾ

‘നിവേദ്യം എന്ന സിനിമ ഇന്നായിരുന്നു റിലീസെങ്കില്‍ അതിനെ എങ്ങനെ വ്യാഖ്യാനിക്കുമെന്ന് ആലോചിച്ച് പേടിയുണ്ട്. കാരണം, അതില്‍ കാണിച്ചിരിക്കുന്ന രംഗങ്ങളെ മറ്റൊരു തരത്തില്‍ വായിക്കുന്ന ഒരുകൂട്ടം ആളുകള്‍ ഇന്നുണ്ട്. സമരത്തിനിടയില്‍ ഞാനിത് മറ്റുള്ളവരോട് സംസാരിച്ചിരുന്നു. എന്റെ സിനിമക്ക് മാത്രമല്ല, പല സിനിമകള്‍ക്കും ഇതുപോലെ പ്രശ്‌നം വന്നേനെ.

നിര്‍മാല്യം എന്ന സിനിമയുടെ ക്ലൈമാക്‌സില്‍ വിഗ്രഹത്തിലേക്ക് തുപ്പുന്ന സീനിനെ ഇന്നത്തെ കാലത്ത് പല രീതിയില്‍ വിമര്‍ശിക്കുന്നുണ്ട്. സിനിമയെ സിനിമയായി കാണാന്‍ സാധിക്കാത്തവര്‍ക്കാണ് പ്രശ്‌നം. ക്രിയേറ്റിവിറ്റിയിലേക്ക് അനാവശ്യമായിട്ട് നടത്തുന്ന കൈകടത്തലുകളാണ് ഇതൊക്കെ. അതെല്ലാം എതിര്‍ക്കപ്പെടേണ്ടതാണ്.

കാലം ചെല്ലുന്തോറും നമ്മുടെ സമൂഹം നന്നാകുമെന്ന് വിചാരിക്കുമ്പോള്‍ ഒരുപാട് വര്‍ഷം പിറകിലേക്കാണ് പോയിക്കൊണ്ടിരിക്കുന്നത്. അത് ഭയപ്പെടുത്തുന്ന കാര്യമാണ്. ഇപ്പോഴത്തെ യുവാക്കള്‍ നാടുവിട്ട് മറ്റ് രാജ്യങ്ങളിലേക്ക് പോകുന്നതിന് ഇതുമൊരു കാരണമാണ്. അവര്‍ നോക്കുമ്പോള്‍ ഇവിടെ നടക്കുന്നത് ഇത്തരം കാര്യങ്ങളാണ്. അതില്‍ അവരെ കുറ്റം പറയാന്‍ സാധിക്കില്ല,’ വിനു മോഹന്‍ പറയുന്നു

‘ചര്‍മം കണ്ടാല്‍ പ്രായം തോന്നില്ല’ ഈ വാക്കുകളില്‍ വീണ് പോകാത്ത എത്ര ആളുകളുണ്ട്? എല്ലാവര്‍ക്കും പ്രായം കുറഞ്ഞിരിക്കാനാണ് എപ്പോഴും ആഗ്രഹം. എന്നാല്‍ അതിനുള്ള ചില വഴികള്‍ നോക്കിയാലോ? മരുന്നുകളോ, ചികിത്സയോ ഒന്നുമില്ലാതെ ജീവിതചര്യയിൽ മാറ്റം വരുത്തിക്കൊണ്ട് പ്രായം കുറയ്ക്കാം

ജീവിതശൈലിയിലെ ചില മാറ്റങ്ങള്‍ ചാർമത്തിൽ പ്രായക്കുറവ് തോന്നാൻ സഹായിക്കുമെന്ന് ചില പഠനങ്ങള്‍ വ്യക്തമാക്കുന്നു. ശരീരത്തിലെ അനാവശ്യമായ കൊഴുപ്പുകള്‍ ഇല്ലാതാക്കുകയും, ഹോര്‍മോണ്‍ പ്രവര്‍ത്തനങ്ങള്‍ സന്തുലിതമായി നിലനിര്‍ത്തുകയും, രോഗപ്രതിരോധശേഷി വര്‍ധിപ്പിക്കുകയും, മാനസിക സന്തോഷം നിലനിര്‍ത്തുകയും ചെയ്താല്‍ തന്നെ ചര്‍മ്മത്തിനുണ്ടാക്കുന്ന മാറ്റങ്ങള്‍ ഒരു പരിധി വരെ നിയന്ത്രിക്കാമെന്ന് പഠനങ്ങള്‍ വ്യക്തമാക്കുന്നു.

സമ്മര്‍ദം നിയന്ത്രിക്കുക

സമ്മര്‍ദം അനുഭവിക്കുന്നവരെ കാണുമ്പോള്‍ ഒരുപാട് പ്രായമായത് പോലെ തോന്നാറില്ലെ. ഇത് തിരിച്ചും പ്രവര്‍ത്തിക്കും. സമ്മര്‍ദം കുറയുമ്പോള്‍ ചര്‍മ്മത്തിന് വ്യത്യാസമുണ്ടാവുകയും പ്രായം കുറഞ്ഞതായി തോന്നുകയും ചെയ്യുമെന്ന് പഠനങ്ങള്‍ പറയുന്നു. ധ്യാനം, യോഗ, വ്യായാമം തുടങ്ങിയവ എല്ലാം ഇതിനെ പിന്തുണയ്ക്കുന്ന കാര്യങ്ങളാണ്.

ശരിയായ ഭക്ഷണക്രമം

ആരോഗ്യകരമായ ഭക്ഷണക്രമം പിന്തുടരുക. ജങ്ക് ഫുഡ്, അനാവശ്യമായ കൊഴുപ്പുകള്‍ തുടങ്ങിയവ പതിവായി കഴിക്കുന്നത് ഒഴിവാക്കുക. ശരീരത്തിന്റെ ആരോഗ്യം നിലനിര്‍ത്തുന്നത് എപ്പോഴും യൗവ്വന പ്രതീതി നിലനിര്‍ത്താന്‍ സഹായിക്കുന്നു. പഴങ്ങള്‍, പച്ചക്കറി, ധാന്യങ്ങള്‍ തുടങ്ങിയവ ധാരാളമായി ഭക്ഷണത്തില്‍ ഉള്‍പ്പെടുത്തുന്നത് ആരോഗ്യത്തെ സംരക്ഷിക്കുകയും, യൗവ്വനം നിലനിര്‍ത്താന്‍ സഹായിക്കുകയും ചെയ്യുന്നു.

വ്യായാമം

കൃത്യമായ വ്യായാമ ശീലങ്ങള്‍ ശരീരത്തിലുണ്ടാകുന്ന മാറ്റങ്ങളെ ഒരു പരിധി വരെ കുറയ്ക്കുന്നു. ശരീര അവയവങ്ങളുടെ കൃത്യമായ പ്രവര്‍ത്തനത്തിനും, ദഹനപ്രക്രിയയ്ക്കുമെല്ലാം പിന്തുണ നല്‍കുന്ന ഒന്നാണ് വ്യായാമം. ദൈനംദിന ജീവിതത്തില്‍ വ്യായാമം ശീലമാക്കുന്നത് യുവത്വം നിലനിര്‍ത്താന്‍ സഹായിക്കുന്നു.

ജലാംശം നിലിര്‍ത്തുക

വെള്ളം ധാരാളം കുടിക്കുന്നത് ചര്‍മത്തില്‍ ചുളിവുകള്‍ വീഴാതിരിക്കാന്‍ സഹായിക്കുമെന്ന് റിപ്പോര്‍ട്ടുകള്‍ വ്യക്തമാക്കുന്നു. പ്രായമാകുമ്പോള്‍ മനുഷ്യരില്‍ ഉണ്ടാകുന്ന ഒരു പ്രധാന മാറ്റമാണ് ചര്‍മത്തില്‍ ചുളിവ് വീഴുന്നത് ഇത് ഇല്ലാതെ ആവുമ്പോള്‍ തന്നെ പ്രായം തോന്നിക്കുന്നത് കുറയ്ക്കുന്നു. കൂടാതെ ശരീരത്തിലെ ജലാംശം കോശങ്ങളും പ്രവര്‍ത്തനം ത്വരിതപ്പെടുത്തി ഊര്‍ജോല്‍പാദനം വേഗത്തിലാക്കുകയും, ആരോഗ്യത്തിന് പിന്തുണ നല്‍കുകയും ചെയ്യുന്നു

മതിയായ ഉറക്കം

ഒരു മനുഷ്യന്‍ ശരാശരി 7 മുതല്‍ 8 മണിക്കൂര്‍ വരെ ഉറങ്ങേണ്ടതുണ്ട്. തലച്ചോറിന്റെ പ്രവര്‍ത്തനങ്ങള്‍ ത്വരിതപ്പെടുത്താനും, അവയവങ്ങളുടെ ഉന്മേഷത്തിനും ഉറക്കം അത്യന്താപേക്ഷിതമാണ്. ഹോര്‍മോണുകളുടെ സന്തുലിതാവസ്ഥ നിലനിര്‍ത്തുന്നതില്‍ പ്രധാനപങ്കുവഹിക്കുന്ന ഘടകമാണ് ഉറക്കം. അതുകൊണ്ട് തന്നെ ദിവസത്തില്‍ എട്ട് മണിക്കൂര്‍ ഉറക്കം അത്യാവശ്യമാണ്

തെന്നിന്ത്യൻ അഭിനേതാക്കൾക്കിടയിൽ ഏറ്റവും കൂടുതൽ ആരാധകരുള്ള നടിയാണ് സാമന്ത റൂത്ത് പ്രഭു. നീണ്ട ഇടവേളയ്ക്ക് ശേഷം നടി ഇപ്പോൾ തിരിച്ച് അഭിനയത്തിൽ സജീവമായിരിക്കുകയാണ്. തന്റെ ശരീരത്തെ പരിഹസിക്കുന്നവർക്കുള്ള ചുട്ട മറുപടി നൽകിയിരിക്കുകയാണ് സാമന്ത ഇപ്പോൾ. സോഷ്യൽ മീഡിയാ പേജിൽ കഠിനമായി വർക്കൗട്ട് ചെയ്യുന്ന വീഡിയോ പങ്കുവെച്ചുകൊണ്ടാണ് പരിഹാസങ്ങളോട് അവർ പ്രതികരിച്ചത്. തന്റെ ശരീരത്തെ കളിയാക്കാൻ നിങ്ങൾക്ക് അവകാശമില്ലെന്നാണ് സാമന്ത പറയുന്നത്

‘കാര്യം ഇതാണ്. എന്നെ മെലിഞ്ഞവൾ, രോഗി എന്നൊന്നും വിളിക്കാൻ നിങ്ങൾക്ക് അവകാശമില്ല. നിങ്ങൾക്ക് ഇതിൽ മൂന്നെണ്ണമെങ്കിലും ചെയ്യാൻ കഴിയില്ലെങ്കിൽ… ആ വരികൾക്കിടയിൽ വായിക്കുക’, സാമന്ത ഇന്‍സ്റ്റഗ്രാം സ്റ്റോറിയില്‍ കുറിച്ചു.

ശരീരഭാരത്തെക്കുറിച്ചോ രൂപത്തെക്കുറിച്ചോ ഉള്ള അഭിപ്രായങ്ങൾക്ക് സാമന്ത മറുപടി പറയുന്നത് ഇത് ആദ്യമായിട്ടല്ല. ശരീരഭാരം വർധിപ്പിക്കണമെന്ന് ഒരു ആരാധകൻ ആവശ്യപ്പെട്ടതിനെ തുടർന്ന് തന്റെ അവസ്ഥയ്ക്ക് ആവശ്യമായ കർശനമായ ആൻ്റി-ഇൻഫ്ലമേറ്ററി ഡയറ്റിലാണ് ഇപ്പോഴുള്ളത് എന്ന് സാമന്ത മറുപടി നൽകിയിരുന്നു.

സുരേഷ് ഗോപി നായകനായ ‘ജാനകി vs സ്റ്റേറ്റ് ഓഫ് കേരള’ എന്ന ചിത്രത്തിലെ പ്രധാനകഥാപാത്രത്തിന്റേയും ടൈറ്റിലിലേയും ജാനകി എന്ന പേര് മാറ്റണമെന്ന സെന്‍സര്‍ ബോര്‍ഡ് നിര്‍ദേശത്തിനെതിരെ തിരുവനന്തപുരത്ത് സിനിമാസംഘടനകളുടെ പ്രതിഷേധം. സിനിമാപ്രവര്‍ത്തകരുടെ ട്രേഡ് യൂണിയന്‍ സംഘടനയായ ഫെഫ്ക, താരസംഘടനയായ അമ്മ, നിര്‍മാതാക്കളുടെ സംഘടന കേരള ഫിലിം പ്രൊഡ്യൂസേഴ്‌സ് അസോസിയേഷന്‍ എന്നിവര്‍ സംയുക്തമായാണ്‌ പ്രതിഷേധം നടത്തുന്നത്. തിരുവനന്തപുരം ചിത്രാഞ്ജലി സ്റ്റുഡിയോ കോംപ്ലെക്‌സിലെ റീജിയണല്‍ സെന്‍സര്‍ ബോര്‍ഡ് ആസ്ഥാനത്തിന് മുന്നിലാണ് സമരം.

സിനിമാ താരങ്ങളും നിര്‍മാതാക്കളും സംവിധായകരും അണിയറ പ്രവര്‍ത്തകരും പ്രതിഷേധത്തില്‍ പങ്കുചേര്‍ന്നു. പ്രതിഷേധക്കാര്‍ പ്രതീകാത്മകമായി കത്രികകള്‍ കുപ്പത്തൊട്ടിയില്‍ നിക്ഷേപിച്ചു. കലാകാരന്റെ സ്വാതന്ത്ര്യത്തെ മാനിക്കാത്ത എല്ലാ കത്രികകളും ചെന്നെത്താന്‍ പോകുന്ന സ്ഥലം കുപ്പത്തൊട്ടിയാണെന്ന് ഫെഫ്ക ജനറല്‍ സെക്രട്ടറി ബി. ഉണ്ണികൃഷ്ണന്‍ പ്രഖ്യാപിച്ചു. ബി. ഉണ്ണികൃഷ്ണന്‍ ‘സ്റ്റാര്‍ട്ട്, ആക്ഷന്‍, നോ കട്ട്’ എന്ന് പറഞ്ഞപ്പോള്‍, കത്രികകള്‍ കുപ്പത്തൊട്ടിയിലിട്ടു.

പ്രതിഷേധക്കാര്‍ പ്രകടനവും നടത്തി. ‘സെന്‍സര്‍ ബോര്‍ഡിന്റെ നീതി നിഷേധത്തിനെതിരേ പോരാടുക, അഭിപ്രായസ്വാതന്ത്ര്യം സംരക്ഷിക്കുക’, എന്നീ പ്ലക്കാര്‍ഡുകള്‍ ഉയര്‍ത്തിയായിരുന്നു പ്രകടനം. ‘ആവിഷ്‌കാരസ്വാതന്ത്ര്യത്തെ കത്രികവെക്കും കാട്ടാളന്മാര്‍ ഓര്‍ത്തുകളിച്ചോ സൂക്ഷിച്ചോ, അവകാശങ്ങള്‍ നേടിയെടുത്ത്, അവ സംരക്ഷിക്കാന്‍ പോരാട്ടം’, തുടങ്ങി മുദ്രാവാക്യങ്ങളും പ്രതിഷേധക്കാര്‍ ഉയര്‍ത്തി.

ഒരു യൂട്യൂബ് ചാനലിന് അനുവദിച്ച അഭിമുഖത്തിൽ മുതിർന്ന നടി സീനത്ത് തനിക്ക് സിനിമയിൽ വേഷങ്ങൾ കുറഞ്ഞതിനെപ്പറ്റിയും മമ്മൂട്ടിയും മോഹൻലാലും ആയുള്ള സൗഹൃദത്തെ പറ്റിയും തുറന്നു പറഞ്ഞതാണ് സോഷ്യൽ മീഡിയയിൽ ശ്രദ്ധേയമാകുന്നത്. സിനിമയിൽ വേണ്ടവിധത്തിൽ സൗഹൃദങ്ങൾ കാത്തുസൂക്ഷിക്കാത്തതിനാൽ ആവാം വേഷങ്ങൾ കുറഞ്ഞതെന്നും സിനിമയിൽ നല്ലൊരു വേഷം ലഭിക്കാത്തതിൽ ഇപ്പോഴും വിഷമമുണ്ടെന്നും ആണ് സീനത്ത് വ്യക്തമാക്കിയത്.

ധനം എന്ന സിനിമയിൽ അഭിനയിക്കുന്ന സമയത്താണ് മോഹൻലാലുമായി പരിചയത്തിലാകുന്നത്. ആ സൗഹൃദത്തിലാണ് കിലുക്കം സിനിമയിൽ അഭിനയിക്കാൻ അവസരം കിട്ടുന്നത്. മഹാനഗരം എന്ന ചിത്രത്തിൽ മമ്മൂക്കയോടൊപ്പം അഭിനയിച്ചിരുന്നു. ഒരു ദിവസം ഷൂട്ടിംഗിനായി എന്നെ മേക്കപ്പ് ചെയ്യുകയായിരുന്നു. അപ്പോൾ കുറച്ച് അടുത്തുതന്നെ മമ്മൂക്ക ഇരിക്കുന്നുണ്ടായിരുന്നു. എല്ലാവരും മമ്മൂക്കയോട് സംസാരിക്കുകയും നമസ്‌കാരം പറയുകയും ചെയ്യുന്നത് ഞാൻ കണ്ടു. എനിക്ക് അതിനെക്കുറിച്ച് അറിയില്ലായിരുന്നു. മമ്മൂക്കയോട് എല്ലാവർക്കും ആരാധനയും ബഹുമാനവും ഉളളതുകൊണ്ടാണ് അത്തരത്തിൽ ചെയ്തത്

എനിക്കും അങ്ങനെ തന്നെയായിരുന്നു. പക്ഷെ അത് പ്രകടിപ്പിക്കാൻ അറിയില്ലായിരുന്നു. അദ്ദേഹം എന്നെ ഇടയ്ക്ക് നോക്കുന്നുണ്ടായിരുന്നു. വൈകുന്നേരമായപ്പോൾ ഷൂട്ടിംഗ് കഴിഞ്ഞു. ഞാൻ മേക്കപ്പ് മാ​റ്റുകയായിരുന്നു.മമ്മൂക്ക നേരെ എന്റെ അടുത്ത് വന്നിട്ട് നമസ്‌കാരം പറഞ്ഞു. ഞാൻ വല്ലാതെയായി പോയി. അദ്ദേഹത്തോട് സംസാരിക്കണമായിരുന്നു. അത് ഞാൻ ഒരിക്കലും മറക്കില്ല. അദ്ദേഹത്തിന് എല്ലാവരോടും ഭയങ്കര സ്‌നേഹമാണ്. പക്ഷെ സ്‌നേഹം അധികം പ്രകടിപ്പിക്കില്ല. പക്ഷെ അന്ന് മമ്മൂക്ക എന്നോട് അങ്ങനെ പറഞ്ഞത് വലിയ സങ്കടമായി. ഞാനൊരിക്കലും പ്രതീക്ഷിച്ചിരുന്നില്ല. വീട്ടിൽ പോയിട്ടും ആ സങ്കടം മാറിയില്ല.

ഇത്തവണ അമ്മയുടെ യോഗത്തിൽ മമ്മൂക്ക ഇല്ലാത്തത് വലിയ സങ്കടമായിരുന്നു. ഒരുപാട് സിനിമകളിൽ അഭിനയിച്ചിട്ടുണ്ട്. പക്ഷെ ശക്തമായ ഒരു വേഷം ചെയ്യാൻ കഴിഞ്ഞിട്ടില്ല. അതിനൊരു അവസരവും ലഭിച്ചിട്ടില്ല. അത് ഇപ്പോഴും സങ്കടമുളള കാര്യമാണ്. ചിലപ്പോൾ ആരുമായിട്ട് സൗഹൃദം കാത്തുസൂക്ഷിക്കാത്തുകൊണ്ടായിരിക്കാം. ചില സിനിമ കിട്ടാത്തത് എന്റെ കുഴപ്പം കൊണ്ടായിരിക്കാം’- സീനത്ത് പറഞ്ഞു

അപകടത്തിലേറ്റ പരുക്കുമായി പിതാവിന്റെ സംസ്‌കാര ചടങ്ങുകളിൽ സങ്കടം കടിച്ചമർത്തി നിൽക്കുന്ന നടൻ ഷൈൻ ടോം ചാക്കോയുടെ മുഖം മലയാളികൾ വിങ്ങലോടെയാണ് ഓർക്കുന്നത്. ജൂൺ 6 ന്, കുടുംബത്തോടൊപ്പമുള്ള യാത്രയ്ക്കിടെ തമിഴ്‌നാട്ടിലെ സേലം, ധർമപുരിയിലുണ്ടായ വാഹനാപകടത്തിലായിരുന്നു ഷൈന്റെ പിതാവ് സി.പി ചാക്കോ മരണപ്പെട്ടത്.അച്ഛന്റെ വിയോഗത്തെ കുറിച്ചും അപ്രതീക്ഷിത ദുരന്തം എങ്ങനെ നേരിടുന്നുവെന്നും ആദ്യമായി തുറന്നുപറയുകയാണ് ഷൈൻ. ഒരു സ്വകാര്യ യൂട്യൂബ് ചാനലിൽ നൽകിയ അഭിമുഖത്തിലായിരുന്നു ഷൈന്‍ മനസുതുറന്നത്. അതുവരെ തനിക്ക് അപകടവും പ്രിയപ്പെട്ടവരുടെ മരണവുമെല്ലാം ഒരു കാഴ്ചമാത്രവും ടിവിയിൽ കാണുന്ന വാർത്തയുമായിരുന്നു എന്നും അതിലൂടെ കടന്നുപോയപ്പോൾ കരഞ്ഞുപോയെന്നും ഷൈൻ പറഞ്ഞു

“സിഗരറ്റ് വലിക്കുന്നതിനു പകരമായി ഞാൻ ബിസ്കറ്റ് കഴിക്കാൻ ശീലമാക്കിയിരുന്നു. ഞാൻ പുറകിലെ സീറ്റിലായിരുന്നു കിടന്നിരുന്നത്. ഉറക്കത്തില്‍ എണീറ്റ് ഇടിയ്ക്ക് ഡാഡിയോട് ബിസ്‌കറ്റ് ചോദിക്കും. ഡാഡി രണ്ടുമൂന്ന് തവണ ബിസ്‌ക്കറ്റ് തന്നു. പിന്നെ ഞാന്‍ കണ്ണ് തുറന്നുനോക്കുമ്പോള്‍ വണ്ടി ഇടിച്ചുകിടക്കുകയാണ്. അതിന് ശേഷം ഡാഡി ഞങ്ങള്‍ ആരുമായും കമ്യൂണിക്കേറ്റ് ചെയ്തിട്ടില്ല.

മമ്മി ചോദിക്കുന്നുണ്ട്, എന്തിനാ നമ്മള്‍ ഈ റോഡില്‍ കിടക്കണേ, എങ്ങോട്ടാണ് നമ്മള്‍ പോയിക്കൊണ്ടിരിക്കുന്നേ. എനിക്ക് അതുവരെ ആക്സിഡന്റ് വെറും കാഴ്ചയായിരുന്നു. മറ്റുള്ളവരുടെ അച്ഛന്‍, അല്ലെങ്കില്‍ അമ്മ മരിക്കുക എന്ന് പറയുന്നത് എനിക്ക് വെറും വാര്‍ത്തയായിരുന്നു. ടിവിയില്‍ കാണുന്ന ന്യൂസ് മാത്രമായിരുന്നു. അതിലൂടെ കടന്നുപോകുമ്പോള്‍, ഞാന്‍ റോഡില്‍നിന്ന് കരഞ്ഞുപോയി. ആരെങ്കിലും വന്ന് സഹായിക്കണേ, ആരെങ്കിലും ഒന്ന് ആശുപത്രിയില്‍ എത്തിക്കെണേ എന്ന്

അനിയന്‍ മുന്നിലാണ് ഇരുന്നിരുന്നത്. ഞാന്‍ റീഹാബിന്റെ മരുന്നുകള്‍ കഴിക്കുന്നതിനാല്‍ നേരത്തെ കിടന്നുറങ്ങുന്ന ശീലമുണ്ട്. ഞാന്‍ ഉറങ്ങാന്‍ വേണ്ടി ഡാഡി വേറെ ആളെ കൊണ്ട് വണ്ടി ഓടിക്കും. എന്നോട് വണ്ടിയോടിക്കാന്‍ പറയാറില്ല. അനിയന്‍ ജോ കുട്ടന് ഒരു പോറലു പോലും പറ്റിയിട്ടില്ല. എന്താണ് ഇവനിങ്ങനെ നടക്കുന്നത് എന്ന് ഞാന്‍ വിചാരിച്ചു. ഇനി നടന്നു പോകുന്ന വഴി കുഴഞ്ഞു വീഴുമോ അങ്ങനെ എന്തെങ്കിലും സംഭവിക്കുമോ എന്ന് പേടിച്ചു. കാരണം വണ്ടി അതുപോലെ തകര്‍ന്നു കിടക്കുകയാണ്. ഞാന്‍ ഡാഡിയെ വിളിച്ചിട്ട് ഡാഡി റെസ്‌പോണ്ട് ചെയ്യുന്നില്ല. ജോയും പാച്ചുവും കൂടി ഞങ്ങളെ വാരിക്കെട്ടി ഹോസ്പിറ്റലില്‍ എത്തിച്ചു. പിന്നെ നിങ്ങള്‍ക്ക് അറിയാവുന്ന കാര്യങ്ങളാണ്,” ഷൈൻ ടോം ചാക്കോ പറഞ്ഞു.

ഷൈനിന്റെ ചികിത്സയ്ക്കായി ബെംഗളൂരുവിലേക്കുള്ള യാത്രയ്ക്കിടെയായിരുന്നു വാഹനം അപകടത്തിൽപെട്ടത്. ഷൈനും കുടുംബവും സഞ്ചരിച്ച കാർ, ലോറിയുമായി കൂട്ടിയിടിച്ചായിരുന്നു അപകടം. ഷൈനിനൊപ്പം പിതാവ് ചാക്കോ, അമ്മ മരിയ, സഹോദരൻ ജോ ജോൺ, ഡ്രൈവർ അനീഷ് എന്നിവരായിരുന്നു വാഹനത്തിലുണ്ടായിരുന്നത്.