ചിരഞ്ജീവി ചിത്രത്തിൽ വില്ലനാവാൻ നവാസുദ്ദീൻ സിദ്ധിഖി?

തെലുങ്കിൽ വില്ലൻ വേഷത്തിൽ തിളങ്ങാൻ ഒരുങ്ങി ബോളിവുഡിലെ ജനപ്രിയ താരം
നവാസുദ്ദീൻ സിദ്ധിഖി. സൂപ്പർസ്റ്റാർ ചിരഞ്ജീവിയുടെ 154ആമത് ചിത്രത്തിലായിരിക്കും
പ്രതിനായക വേഷത്തിൽ സിദ്ധിഖി എത്തുക. ആക്ഷന് പ്രാധാന്യം നൽകുന്നതാണ്
ചിത്രമെന്നാണ് സൂചന.

ബോബി എന്നറിയപ്പെടുന്ന മുൻ നിര സംവിധായകൻ കെ.എസ്.രവീന്ദ്ര ആണ് ചിത്രം സംവിധാനം ചെയ്യുന്നത്.
ഫോണിൽ കഥ പറഞ്ഞപ്പോൾ തന്നെ നവാസുദ്ദീൻ സിദ്ധിഖി വില്ലൻ റോൾ ചെയ്യാമെന്ന് സമ്മതിക്കുകയായിരുന്നു.
സൊനാക്ഷി സിൻഹയായിരിക്കും നായികയെന്നും റിപ്പോർട്ടുകളുണ്ട്. ഔദ്യോഗിക പ്രഖ്യാപനം ഉടൻ
ഉണ്ടാവും. മൈത്രി മൂവി മേക്കേഴ്സ് ആണ് നിർമാണം. ഈ വർഷം പകുതിയോടെ ഷൂട്ടിങ് തുടങ്ങും.

കൊവിഡ് പ്രതിസന്ധിക്ക് ശേഷം നിരവധി ചിത്രങ്ങളിലാണ് ചിരഞ്ജീവി
അഭിനയിക്കാൻ ഒരുങ്ങുന്നത്. മോഹൻലാൽ ചിത്രം ലൂസിഫറിന്‍റെ റീമേക്ക് ആണ്
അതിൽ പ്രധാനപ്പെട്ടത്. കോട്ടാല ശിവയുടെ ‘ആചാര്യ’ ആണ് ഉടൻ റിലീസ് ചെയ്യാനിരിക്കുന്ന ചിത്രം.
മകൻ രാം ചരൺ തേജയ്ക്കൊപ്പം ചിരു എത്തുന്നു എന്ന പ്രത്യേകതയും ഉണ്ട്. കാജൽ അഗർവാൾ,
പൂജ ഹെഗ്ഡേ, സോനു സൂദ്, ജിഷു സെൻഗുപ്ത എന്നിവരും പ്രധാന വേഷത്തിൽ എത്തുന്നു.

തെന്നിന്ത്യയിൽ രജനീകാന്ത് ചിത്രം പേട്ടയിലാണ് നവാസുദ്ധിൻ സിദ്ധിഖി ഇതിന് മുൻപ് അഭിനയിച്ചത്.
ഷമാസ് സിദ്ധിഖി സംവിധാനം ചെയ്യുന്ന റൊമാന്റിക് ചിത്രം ‘ബോലെ ചുഡിയാ’ ആണ്
സിദ്ധിഖിയുടെ ഉടൻ പുറത്തിറങ്ങാനിരിക്കുന്ന സിനിമ. തമന്ന ഭാട്ടിയ ആണ് ഇതിൽ നായിക.
കുഷൻ നന്ദി സംവിധാനം ചെയ്ത ജോഗിര സര രാ രാ ആണ് മറ്റൊരു ചിത്രം. ഇന്തോ അമേരിക്കൻ ചിത്രം
നോ ലാൻഡ്സ് മാനിലും സിദ്ധിഖി പ്രധാന വേഷത്തിൽ എത്തുന്നു.

‘വിക്ര’മിൽ നരേനും ;കമൽ ഹാസനൊപ്പം പ്രധാന വേഷം

തമിഴിൽ നിന്നും സ്വപ്നസമാനമായ വേഷം തേടിയെത്തിയതിന്‍റെ സന്തോഷത്തിലാണ്
മലയാളികളുടെ പ്രിയപ്പെട്ട താരം നരേൻ. കമൽഹാസനെ നായകനാക്കി ലോകേഷ്
കനകരാജ് സംവിധാനം ചെയ്യുന്ന ചിത്രത്തിലാണ് നരേൻ അഭിനയിക്കുന്നത്.
ചിത്രത്തിൽ ഏറെ പ്രാധാന്യമുള്ള റോളാണ് നരേന്‍റേത്.

വിക്രമിന്‍റെ ട്രെയ്‍ലർ കണ്ട് അഭിനന്ദനം അറിയിക്കാൻ നരേൻ ലോകേഷിനെ വിളിച്ചപ്പോഴാണ്
സിനിമയിൽ അഭിനയിക്കാൻ ക്ഷണം ലഭിച്ചതെന്ന് നരേൻ പറയുന്നു. ദുബായിൽ മറ്റൊരു
ചിത്രത്തിന്‍റെ ഷൂട്ടിങ്ങിനിടെ ആയിരുന്നു ഇത്. നാട്ടിൽ വന്ന് തിരക്കഥ വായിച്ചപ്പോൾ
എക്സൈറ്റഡ് ആയെന്നും നരേൻ പറയുന്നു.

‘ചെറുപ്പം മുതൽ കമൽഹാസൻ എന്ന മഹാനടന്‍റെ ആരാധകനാണ്. അദ്ദേഹത്തോടൊപ്പം
ഒരു സിനിമ ചെയ്യുക എന്നത് സ്വപ്നവും. ആ സ്വപ്നമാണ് സാക്ഷാത്ക്കരിക്കപ്പെടുന്നത്.
കമൽഹാസന്‍റെ കടുത്ത ആരാധകനും പ്രതിഭാധനനായ സംവിധായകനുമായ
ലോകേഷിന്‍റെ ചിത്രത്തിൽ ആകുമ്പോൾ ഇരട്ടി സന്തോഷവും ഉണ്ട്’ -നരേൻ പറയുന്നു.

യുഎൻ ഫിലിം ഹൗസ്, ജുവിസ് പ്രൊഡക്ഷൻസ്, എഎഎആര്‍ പ്രൊഡക്ഷൻസ് എന്നീ ബാനറുകൾ
സംയുക്തമായി നിർമിക്കുന്ന രണ്ട് ചിത്രങ്ങളിലാണ് നരേൻ അഭിനയിക്കുന്നത്. ജോജു ജോർജ്,
ഷറഫുദ്ദീൻ എന്നിവർക്കൊപ്പമാണ് മലയാളത്തിലെ ചിത്രം. പരിയേറും പരിമാളിലെ ഹിറ്റ് ജോഡി
കതിർ-ആനന്ദി എന്നിവർക്കൊപ്പം തമിഴ് ചിത്രമാണ് മറ്റേത്. ഔദ്യോഗിക പ്രഖ്യാപനം ഉടനുണ്ടാകും.

രജനീകാന്തിന്‍റെ ‘അണ്ണാത്തെ’ ദീപാവലി റിലീസ് തന്നെ

സൂപ്പർ സ്റ്റാർ രജനീകാന്തിന്‍റെ അണ്ണാത്തെ ദീപാവലിക്ക് തന്നെ റിലീസ് ചെയ്യുമെന്ന് ഉറപ്പായി.
ഇക്കാര്യം വ്യക്തമാക്കിക്കൊണ്ട് നിർമാതാക്കളായ സൺ പിക്ചേഴ്സ് തന്നെയാണ്
ട്വിറ്ററിൽ പോസ്റ്റ് ചെയ്തത്. നവംബർ നാലിന് തിയറ്ററുകളിലായിരിക്കും ചിത്രം
റിലീസ് ചെയ്യുക.

കഴിഞ്ഞ വർഷം തന്നെ ചിത്രം റിലീസ് ചെയ്യുമെന്നായിരുന്നു പ്രഖ്യാപിച്ചത്. എന്നാൽ കൊവിഡ്
പശ്ചാത്തലത്തിൽ റിലീസ് നീട്ടുകയായിരുന്നു. ചിത്രം ഓടിടിയിൽ റിലീസ് ചെയ്യുമോ എന്ന
അഭ്യൂഹങ്ങൾക്കിടെയാണ് ആരാധകരുടെ ആകാംക്ഷയ്ക്ക് വിരാമമിട്ടുകൊണ്ട്
റിലീസ് തീയതി പ്രഖ്യാപിച്ചത്.

ചിത്രത്തിന്‍റെ ഫസ്റ്റ് ലുക്ക് പോസ്റ്ററും ഉടൻ പുറത്ത് വിട്ടേക്കും. സിരുത്തൈ ശിവ സംവിധാനം ചെയ്യുന്ന
ചിത്രത്തിൽ കുടുംബ ബന്ധങ്ങൾക്ക് പ്രാധാന്യം നൽകുന്നു. ആക്ഷൻ ത്രില്ല‍ർ ആയിരിക്കും ചിത്രം.
സിരുത്തൈ ശിവ തന്നെയാണ് ചിത്രത്തിന്‍റെ രചനയും നിർവഹിച്ചിരിക്കുന്നത്. മീന, നയൻതാര,
കീർത്തി സുരേഷ്, ഖുശ്ബു, പ്രകാശ് രാജ് എന്നിവരും പ്രധാന വേഷത്തിൽ എത്തിയിരിക്കുന്നു.

വീണ്ടും കൊമ്പുകോർത്ത് കങ്കണ റണൗത്തും തപ്‍സി പന്നുവും

ബോളിവുഡിലെ മുൻ നിര നായികമാരായ കങ്കണ റണൗത്തും തപ്‍സി പന്നുവും
പരസ്യമായി വിമർശനങ്ങൾ ഉന്നയിക്കുന്നവരാണ്. ഇരുവരും പരസ്പരം കുറ്റപ്പെടുത്തുന്നത്
ചൂടേറിയ ചർച്ചകൾക്ക് വഴി വയ്ക്കാറുമുണ്ട്. ഇപ്പോളിതാ തപ്‍സിയുടെ
പുതിയ ചിത്രം ഇറങ്ങാനിരിക്കെ വീണ്ടും വിവാദമുണ്ടായിരിക്കുകയാണ്.

കഴിഞ്ഞ ദിവസം ഒരു ദേശീയ മാധ്യമത്തിന് നൽകിയ അഭിമുഖമാണ് കങ്കണയെ
ചൊടിപ്പിച്ചിരിക്കുന്നത്. കങ്കണയുടെ ട്വിറ്റർ അക്കൗണ്ടിനെക്കുറിച്ചുള്ള ചോദ്യത്തിന്
കങ്കണ ട്വിറ്ററിൽ ഇല്ലാത്തത് അറിയുന്നില്ലെന്നും ഒരു സഹപ്രവർത്തക എന്നതിന്
അപ്പുറം യാതൊരു പരിഗണനയും അവർക്കില്ലെന്നും തപ്സി പറഞ്ഞത്.

എന്നാൽ ഇതിന് ചൂടൻ മറുപടിയുമായാണ് കങ്കണ ഇൻസ്റ്റഗ്രാമിൽ എത്തിയത്.ഒരു ഘട്ടത്തിൽ
താൻ വേണ്ടെന്ന് വച്ച കഥാപാത്രങ്ങൾക്കായി തപ്‍സി നിർമാതാക്കളോട് കെഞ്ചുമെന്നാണ് കങ്കണ
പറഞ്ഞത്. അതേ വ്യക്തി ഞാൻ അപ്രസക്തയാണെന്ന് പറയുന്നു. ബി ഗ്രേഡ് നടിമാർ
എന്‍റെ പേരോ സ്റ്റൈലോ ഉപയോഗിച്ച് സിനിമ വിൽക്കുന്നതിനോട് എനിക്ക് വിയോജിപ്പില്ല.
ഞാൻ അവർക്കെല്ലാം പ്രചോദനമാണ്. ശ്രീദേവി, വഹീദാ റഹ്മാൻ തുടങ്ങിയവരായിരുന്നു
എനിക്ക് പ്രചോദനം. എന്നാൽ ഞാൻ അവരെ മോശമായി ചിത്രീകരിച്ചിട്ടില്ല- കങ്കണ പറഞ്ഞു.

നേരത്തെ തപ്‍സി, സ്വര ഭാസ്കർ എന്നിവരെ കങ്കണ ബിഗ്രേഡ് നടിമാർ എന്നു വിളിച്ചത്
വിവാദമാിരുന്നു. ഇതേക്കുറിച്ചുള്ള ചോദ്യത്തിന് ബി ഗ്രേഡ് നടിയെന്ന പരാമർശത്തിന്
കങ്കണക്ക് മറുപടി ഇല്ലെന്നാണ് ത‍പ്‍സി മറുപടി നൽകിയത്. തനിക്ക് വേറെ ജോലിയുണ്ടെന്നും
തപ്‍സി പറഞ്ഞു. തപ്‍സി നായികയായ ഹസീൻ ദിൽറുബ ഈ മാസം