അമൂൽ പാലിന് രണ്ട് രൂപ വില കൂട്ടി; നിരക്ക് നാളെ മുതൽ പ്രാബല്യത്തിൽ

പാലിന് ലിറ്ററിന് രണ്ടു രൂപ വില കൂട്ടി അമൂൽ. പശു, എരുമ ഫ്രഷ് പാലുകളുടെ വിലയാണ് വർധിപ്പിച്ചത്.
നാളെ (ജൂലൈ ഒന്ന്) മുതൽ പുതിയ നിരക്ക് രാജ്യത്തുടനീളം പ്രാബല്യത്തിൽ വരും. പുതിയ നിരക്ക് അനുസരിച്ച് അര ലിറ്റർ അമൂൽ താസക്ക്
23 രൂപയും അമൂൽ ഗോൾഡിന് 29 രൂപയും അമൂൽ ശക്തിക്ക് 26 രൂപയും ആയിരിക്കും.

ഉത്പാദന ചെലവ് വലിയ തോതിൽ കൂടിയതിനാൽ നിരക്ക് കൂട്ടാതെ വേറെ വഴിയില്ലെന്ന് ഗുജറാത്ത് കോപ്പറേറ്റിവ് മിൽക്ക്
മാർക്കറ്റിങ് ഫെഡറേഷൻ അറിയിച്ചു. വിപണി വിലയിൽ നാല് ശതമാനം വർധനയാണ് വരുത്തിയത്. പണപ്പെരുപ്പത്തെക്കാൾ
ഇത് കുറവാണ്. കഴിഞ്ഞ ഒന്നര വർഷമായി വില വർധിപ്പിച്ചിട്ടില്ല. ഉത്പാദനവും പാക്കേജിങ്ങും മുതൽ എല്ലാ മേഖലയിലും ചെലവ് കൂടി.
ഇത് വലിയ പ്രതിസന്ധിയാണ് ഉണ്ടാക്കുന്നതെന്നും ഫെഡറേഷൻ അറിയിച്ചു.

രണ്ട് വർഷമായി ദേശീയ, അന്തർദേശീയ ക്ഷീര വിപണികൾ പ്രതികൂല സാഹചര്യങ്ങൾ നേരിടുന്നതായി ജിസിഎംഎംഎഫ് അധികൃതർ
പറഞ്ഞു. ”കാലിത്തീറ്റയുടെ വിലയിൽ
15 ശതമാനം വർധനവുണ്ടായതോടെ ക്ഷീരകർഷകരും പ്രതിസന്ധിയിലായി. പാക്കേജിങ്ങിന് 40 ശതമാനത്തിനടുത്തും
ഗതാഗതത്തിന് 30 ശതമാനത്തിനടുത്തും ചിലവാണ് കൂടിയത്”-ജിസിഎംഎംഎഫ് എംഡി ആർ.എസ്. സോധി പറഞ്ഞു.. ഉപഭോക്താക്കളിൽ നിന്നും ലഭിക്കുന്ന ഒരു രൂപയിൽ
80 പൈസയും കർഷകർക്കാണ് നൽകുകയെന്നും അമുൽ വ്യക്തമാക്കി. അമുൽ ബ്രാൻഡിന് കീഴിൽ ബട്ടറും ചീസും ഐസ്ക്രീമും വിൽക്കുന്നുണ്ട്.
പാലിന് പുറമെ ഓയില്‍, സോപ്പ്, ചായ തുടങ്ങിയ ഉല്‍പ്പന്നങ്ങളുടെ വിലയും അമുല്‍ വര്‍ധിപ്പിച്ചു

സംസ്ഥാനത്ത് ഇന്ന് 13,658 പേര്‍ക്ക് കോവിഡ്-19 സ്ഥിരീകരിച്ചു. മലപ്പുറം 1610, തൃശൂര്‍ 1500, തിരുവനന്തപുരം 1470, എറണാകുളം 1448, പാലക്കാട് 1273, കോഴിക്കോട് 1254, കൊല്ലം 1245, ആലപ്പുഴ 833, കാസര്‍ഗോഡ് 709, കണ്ണൂര്‍ 634, കോട്ടയം 583, പത്തനംതിട്ട 457, വയനാട് 372, ഇടുക്കി 270 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്.

കഴിഞ്ഞ 24 മണിക്കൂറിനിടെ 1,40,727 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 9.71 ആണ്. റുട്ടീന്‍ സാമ്പിള്‍, സെന്റിനല്‍ സാമ്പിള്‍, സിബി നാറ്റ്, ട്രൂനാറ്റ്, പി.ഒ.സി.ടി. പി.സി.ആര്‍., ആര്‍.ടി. എല്‍.എ.എം.പി., ആന്റിജന്‍ പരിശോധന എന്നിവ ഉള്‍പ്പെടെ ഇതുവരെ ആകെ 2,30,73,669 സാമ്പിളുകളാണ് പരിശോധിച്ചത്.

കഴിഞ്ഞ ദിവസങ്ങളിലുണ്ടായ 142 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 13,235 ആയി.

ഇന്ന് രോഗം സ്ഥിരീകരിച്ചവരില്‍ 69 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 12,833 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 689 പേരുടെ സമ്പര്‍ക്ക ഉറവിടം വ്യക്തമല്ല. മലപ്പുറം 1570, തൃശൂര്‍ 1489, തിരുവനന്തപുരം 1359, എറണാകുളം 1418, പാലക്കാട് 819, കോഴിക്കോട് 1238, കൊല്ലം 1235, ആലപ്പുഴ 823, കാസര്‍ഗോഡ് 700, കണ്ണൂര്‍ 573, കോട്ടയം 543, പത്തനംതിട്ട 445, വയനാട് 362, ഇടുക്കി 259 എന്നിങ്ങനെയാണ് സമ്പര്‍ക്കത്തിലൂടെ രോഗം ബാധിച്ചത്.

67 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്. കണ്ണൂര്‍ 13, കൊല്ലം, കാസര്‍ഗോഡ് 8 വീതം, തിരുവനന്തപുരം 7, എറണാകുളം, പാലക്കാട് 6 വീതം, പത്തനംതിട്ട 5, കോട്ടയം 4, തൃശൂര്‍, വയനാട് 3 വീതം, മലപ്പുറം 2, ഇടുക്കി, കോഴിക്കോട് 1 വീതം ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്.

രോഗം സ്ഥിരീകരിച്ച് ചികിത്സയിലായിരുന്ന 11,808 പേര്‍ രോഗമുക്തി നേടി. തിരുവനന്തപുരം 1378, കൊല്ലം 1672, പത്തനംതിട്ട 436, ആലപ്പുഴ 787, കോട്ടയം 578, ഇടുക്കി 285, എറണാകുളം 1329, തൃശൂര്‍ 1176, പാലക്കാട് 1090, മലപ്പുറം 1045, കോഴിക്കോട് 785, വയനാട് 235, കണ്ണൂര്‍ 612, കാസര്‍ഗോഡ് 400 എന്നിങ്ങനേയാണ് രോഗമുക്തിയായത്. ഇതോടെ 1,00,881 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 28,09,587 പേര്‍ ഇതുവരെ കോവിഡില്‍ നിന്നും മുക്തി നേടി.

സംസ്ഥാനത്തെ വിവിധ ജില്ലകളിലായി 3,88,903 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 3,64,100 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 24,803 പേര്‍ ആശുപത്രികളിലും നിരീക്ഷണത്തിലാണ്. 2234 പേരെയാണ് പുതുതായി ആശുപത്രിയില്‍ പ്രവേശിപ്പിച്ചത്.

ടി.പി.ആര്‍. അടിസ്ഥാനമാക്കിയുള്ള തദ്ദേശ സ്വയംഭരണ പ്രദേശങ്ങള്‍ കഴിഞ്ഞ ദിവസത്തേത് തന്നെ തുടരുകയാണ്. ടി.പി.ആര്‍. 8ന് താഴെയുള്ള 313, ടി.പി.ആര്‍. 8നും 16നും ഇടയ്ക്കുള്ള 545, ടി.പി.ആര്‍. 16നും 24നും ഇടയ്ക്കുള്ള 152, ടി.പി.ആര്‍. 24ന് മുകളിലുള്ള 24 എന്നിങ്ങനെ തദ്ദേശ സ്വയംഭരണ പ്രദേശങ്ങളുമാണുള്ളത്.

ഇനി വണ്ടിയോടിക്കുമ്പോൾ ബ്ലൂട്ടൂത് വഴി ഫോണിൽ സംസാരിച്ചാലും കേസ് എടുക്കും.

മുൻപ് ഫോൺ ചെവിയോട് ചേർത്തു സംസാരിച്ചാൽ മാത്രമേ കേസ് ഉണ്ടായിരുന്നുള്ളു. എന്നാൽ ഡ്രൈവിംഗിനിടയിലെ ഫോൺ സംഭാഷണം മൂലമുള്ള അപകടങ്ങൾ വർദ്ദിച്ച് വരുന്ന സാഹചര്യത്തിലാണ് ബ്ലൂട്ടൂത് വഴി പോലും ഫോണിൽ സംസാരിക്കാൻ പാടില്ല എന്ന ഉത്തരവ് ഇരിക്കിയത്.ഇങ്ങനെ പിടിക്കുന്ന കേസുകൾ തെളിവ് സഹിതം റിപ്പോർട്ട്‌ ചെയ്യാനും ലൈസെൻസ് വരെ കട്ട്‌ ചെയ്യാനും നിർദ്ദേശം ഉണ്ട്.

പി.എസ്.സി. പരീക്ഷ നാളെമുതൽ; കോവിഡ് ബാധിതർക്കും എഴുതാം

പി.എസ്.സി. പരീക്ഷകൾ ജൂലായ് ഒന്നിന് പുനരാരംഭിക്കും. കോവിഡ് വ്യാപനം കണക്കിലെടുത്ത് രണ്ടര മാസമായി പരീക്ഷകളും അഭിമുഖങ്ങളും പി.എസ്.സി. നിർത്തി വെച്ചിരിക്കുകയായിരുന്നു.

ഏപ്രിൽ 20 മുതൽ മാറ്റിവെച്ചവയിൽ 23 പരീക്ഷകൾ ജൂലായിൽ നടത്തും.

ജൂലായിൽ നടത്താനിരുന്ന മറ്റ് ആറ് പരീക്ഷകളും മാറ്റമില്ലാതെ നടത്തും.

ജൂലായ് 10-ന്റെ ഡ്രൈവർ പരീക്ഷ ഓഗസ്റ്റിലേക്ക് മാറ്റി. വനംവകുപ്പിലേക്കുള്ള റെയ്ഞ്ച് ഫോറസ്റ്റ് ഓഫീസർ പരീക്ഷയാണ് വ്യാഴാഴ്ച നടക്കുന്നത്.

പൊതുഗതാഗത സംവിധാനം കാര്യക്ഷമമല്ലാത്തതിനാൽ അപേക്ഷകർ കുറവുള്ള പരീക്ഷകളാണ് നിശ്ചയിച്ചിട്ടുള്ളത്.

കോവിഡ് ബാധിതർക്ക് പരീക്ഷാകേന്ദ്രങ്ങളിൽ പ്രത്യേകം മുറി സജ്ജീകരിക്കുമെന്ന് പി.എസ്.സി. അറിയിച്ചു. ഇവർ പി.പി.ഇ. കിറ്റ് ധരിക്കേണ്ടതില്ല. മറ്റു കോവിഡ് മാനദണ്ഡങ്ങൾ പാലിച്ച് പരീക്ഷാകേന്ദ്രത്തിലെത്തണം.

കൂടുതൽ വിവരങ്ങൾ 9446445483, 0471 2546246 എന്നീ നമ്പറുകളിൽ ലഭിക്കും.

പരീക്ഷയെഴുതുമെന്ന് ഉറപ്പുനൽകിയവർക്ക് അഡ്മിഷൻ ടിക്കറ്റ് പ്രൊഫൈലിൽ ലഭ്യമാക്കിയിട്ടുണ്ട്.
അതിന്റെ അച്ചടിപ്പകർപ്പും തിരിച്ചറിയൽരേഖയുടെ അസലുമായി ഉദ്യോഗാർഥികൾ പരീക്ഷയ്ക്ക് അരമണിക്കൂർ മുമ്പ് ഹാളിലെത്തണം.

പുതിയ സംസ്ഥാന പോലീസ് മേധാവി അനിൽകാന്ത്

ഇന്ന് നടന്ന മന്ത്രിസഭ യോഗത്തിൽ ആണ് സംസ്ഥാന പോലീസ് മേധാവിയായി അനിൽകാന്ത് നെ തിരഞ്ഞെടുത്തത്.അടുത്ത ജനുവരി വരെ പോലീസ് മേധാവി ആയി തുടരും.
ബി. സന്ധ്യ, സുധേഷ്‌ കുമാർ, അനിൽകാന്ത്, എന്നീ മൂന്ന് പേരുകളാണ് യു പി എസ് സി സംസ്ഥാന സർക്കാരിന് സമർപ്പിച്ചത്. വിവാദങ്ങൾ ഇല്ലാത്ത സർവീസ് ചരിത്രം മുൻനിർത്തി മറ്റു രണ്ടുപേരെയും ഒഴിവാക്കി അനിൽകാന്ത് നെ നിയമിക്കാൻ മന്ത്രിസഭായോഗം തീരുമാനിക്കുകയായിരുന്നു.
അനിൽകാന്ത് നിലവിൽ റോഡ് സുരാക്ഷ കമ്മീഷണർ ആണ്.
പോലീസിലും രാഷ്ട്രീയ രംഗത്തും പൊതുവെ സ്വീകാര്യനായ വ്യക്തിയാണ് ഇദ്ദേഹം.
ഡൽഹി സ്വദേശി ആണ്. ദളിത്‌വിഭാഗത്തിൽ നിന്നുള്ള ആദ്യ പോലീസ് മേധാവി കൂടിയാണിദേഹം.
ക്രമസമാധാന ചുമതലയുള്ള എ ഡി ജി പി, വിജിലൻസ് ഡയറിക്ടർ,ഫയർഫോഴ്‌സ് മേധാവി തുടങ്ങിയ ചുമതലകൾ വഹിച്ചിട്ടുണ്ട്.

സം​സ്ഥാ​ന​ത്ത് റേ​ഷ​ന്‍ ക​ട​ക​ളു​ടെ പ്ര​വ​ര്‍​ത്തന സമയം ഇനി വൈ​കു​ന്നേ​രം ആ​റ​ര​ വ​രെ

സം​സ്ഥാ​ന​ത്ത് റേ​ഷ​ന്‍ ക​ട​ക​ളു​ടെ പ്ര​വ​ര്‍​ത്ത​ന​ സ​മ​യ​ത്തി​ല്‍ മാ​റ്റം​ വ​രു​ത്തി. വ്യാഴാ്ച ​മുത​ല്‍ റേ​ഷ​ന്‍ ക​ട​ക​ള്‍ കൂ​ടു​ത​ല്‍ സ​മ​യം പ്ര​വ​ര്‍​ത്തി​ക്കും. രാ​വി​ലെ എ​ട്ട​ര മു​ത​ല്‍ ഉ​ച്ച​യ്ക്ക് 12 വ​രെ​യും വൈ​കു​ന്നേ​രം മൂ​ന്ന​ര മു​ത​ല്‍ ആ​റ​ര​വ​രെ​യു​മാ​യി​രി​ക്കും പ്ര​വ​ര്‍​ത്തിക്കുക. നി​ല​വി​ല്‍ രാ​വി​ലെ എ​ട്ട​ര​മു​ത​ല്‍ ഉ​ച്ച​യ്ക്ക് ര​ണ്ട​ര​ വ​രെ​യാ​യി​രു​ന്നു പ്ര​വ​ര്‍​ത്ത​ന​സ​മ​യം. ക്രിട്ടിക്കൽ കണ്ടയ്ൻമെന്റ് സോണുകളിൽ നിലവിലെ സമയം തുടരും.