ഇന്ന് ലോക സംഗീതദിനം

ഒരിക്കലെങ്കിലും ഒരു മൂളിപ്പാട്ടെങ്കിലും പാടാത്തവരായി ആരുംതന്നെ ഉണ്ടാകില്ല. ഇന്ന് ജൂൺ 21 ലോക സംഗീത ദിനം. ഇങ്ങനൊരു ദിവസം ഉണ്ടാകാൻ ഒരു കാരണവും ഉണ്ട്.

1976-ൽ അമേരിക്കൻ സംഗീതജ്ഞനായ ജോയൽ കോയനാണ് ആദ്യമായി സംഗീതദിനം എന്ന ആശയം കൊണ്ടുവന്നത്. ഈ ദിനത്തിൽ എവിടെയും ആർക്കും ആടിപ്പാടാമെന്നും അദ്ദേഹം പ്രസ്താവിച്ചു. ജോയൽ കോയന്റെ ഈ ആശയം അമേരിക്കയിൽ യാഥാർത്ഥ്യമായില്ല. എന്നാൽ ആറുവർഷങ്ങൾക്കു ശേഷം ഫ്രാൻസിൽ ഈ ആശയം നടപ്പാക്കി. ഫ്രഞ്ച് മന്ത്രാലയത്തിലെ സാംസ്കാരിക മന്ത്രിയായിരുന്ന ജാക്ക് ലാങ് ആണ് ജൂൺ 21 സംഗീത ദിനമായി നിർദ്ദേശിച്ചത്.

1982ൽ ഫ്രാൻസ് ആണ് ഈ ദിനം സംഗീത ദിനമായി ഏറ്റെടുത്തത്. ഫെറ്റെ ഡെ ല മ്യൂസിക്‌ എന്ന പേരിലാണ്‌ ഫ്രാൻസിൽ ഇത് അറിയപ്പെടുന്നത്അങ്ങനെ 1982 മുതൽ ഫെത് ദ ല മ്യൂസിക് എന്നറിയപ്പെടുന്ന ലോക സംഗീതദിനം ആചരിച്ചു തുടങ്ങി. ഇന്ന് ലോകത്ത് നൂറിലേറെ രാജ്യങ്ങൾ അവരുടേതായ രീതിയിൽ സംഗീതദിനം ആഘോഷിക്കുന്നു. നമ്മുടെ ഇന്ത്യയിലും സംഗീത ദിനം ആഘോഷിക്കുണ്ട്.

ജൂൺ 21 അന്താരാഷ്ട്ര യോഗ ദിനം

ഇന്ന് ജൂൺ 21 ലോകം അന്താരാഷ്ട്ര യോഗദിനമായി ആചരിക്കുന്നു. അയ്യായിരത്തിലേറ വർഷം പഴക്കമുള്ള ഭാരതത്തിന്റെ പൗരാണിക പാരമ്പര്യത്തിന്റെ വില മതിക്കാനാവാത്ത സംഭാവനയാണ് യോഗ.
അത് ശരീരത്തിന്റേയും മനസ്സിന്റേയും ഒരുമയും, ചിന്തയും പ്രവൃത്തിയും, നിയന്ത്രണവും നിറവേറ്റലും, മനുഷ്യനും പ്രകൃതിക്കുമിടയിലുള്ള സന്തുലിതാവസ്ഥയും, ശാരീരിക-മാനസിക ഘടകങ്ങളെ സമീപിച്ചു കൊണ്ട്ആരോഗ്യപരമായിരിക്കുക എന്നീ ഘടകങ്ങളും ഉൾക്കൊള്ളുന്നു. യോഗ കേവലം ഒരു വ്യായാമമല്ല, മറിച്ച് നമ്മളും ലോകവും പ്രകൃതിയും ഒന്നാണെന്നുള്ള തിരിച്ചറിവാണ്. നമ്മുടെ മാറ്റപ്പെട്ട ജീവിത ശൈലികളെ മനസ്സിലാക്കി ബോധം ഉണ്ടാക്കുന്നതിനാൽ കാലാവസ്ഥാ വ്യതിയാനത്തെ പോലും കൈകാര്യം ചെയ്യാൻ ഇത് നമ്മെ പ്രാപ്തരാക്കുന്നു

2015 ജൂൺ 21 ന് ആദ്യ യോഗാദിനം ലോകം ആചരിച്ചു. ഇന്ത്യൻ പ്രധാനമന്ത്രി നരേന്ദ്ര മോദിയുടെ ആവിശ്യപ്രകാരം
2014 ഡിസംബർ 11 ലെ സമ്മേളനത്തിലാണ് ജൂൺ 21 അന്താരാഷ്‌ട്ര യോഗാ ദിനമായി അചരിക്കാൻ ഐക്യരാഷ്ട്ര സഭ തീരുമാനിച്ചത്.യോഗ, ശാരീരികവും മാനസികവും ആത്മീയവുമായ തലങ്ങളെ സ്പർശിച്ച്‌ ശരീരത്തിന്റേയും മനസ്സിന്റേയും മാറ്റം ലക്ഷ്യമിടുന്നതായി ഉത്തരായനാന്ത ദിവസമായ ജൂൺ 21 അന്താരാഷ്ട്ര യോഗാ ദിനമായി നിർദ്ദേശിച്ച് നരേന്ദ്ര മോദി പറഞ്ഞിരുന്നു.

ഉത്തരാർദ്ധഗോളത്തിലെ
എറ്റവും നീണ്ട ദിനമായ ജൂൺ 21 ന് ലോകത്തിന്റെ പല ഭാഗത്തും പ്രത്യേക പ്രാധാന്യമുണ്ട്.

യോഗയുമായുള്ളകാഴ്ചപ്പാടിൽ, ഉത്തരായനാന്തം ദക്ഷിണായനത്തിലേക്കുള്ള ചുവടുവെയ്പാണ്. ഉത്തരായനാന്തത്തിനു ശേഷമുള്ള ആദ്യ വെളുത്തവാവ് ഗുരുപൂർണിമ എന്നറിയപ്പെടുന്നു.യോഗ പണ്ഡിതൻ സത്ഗുരു ജഗ്ഗി വാസുദേവിന്റെ അഭിപ്രായത്തിൽ ഈ ദിവസമാണ് യോഗയുടെ ആദി ഗുരുവായ ശിവനിൽ നിന്ന് ആദ്യമായി നമ്മളിലേക്ക് എത്തിയത്. ആത്മിയ കാര്യങ്ങൾ തുടങ്ങുന്നതിനുള്ള പിന്തുണ കിട്ടുന്നതിന് ദക്ഷിണായനമാണ് എറ്റവും നല്ല സമയം.

വിവിധ രാജ്യങ്ങളിൽ യോഗാദിനം അതീവ പ്രാധാന്യത്തോടെ ആചരിച്ചു വരുന്നു എന്നത് ലോക രാജ്യങ്ങൾക്കിടയിൽ ഭാരത സംസ്കാരത്തിനുള്ള സ്ഥാനം കൂടിയാണ് വെളിവാക്കുന്നത്.

തിരുവനന്തപുരത്ത് വീടിനുള്ളിൽ മൂന്നുപേരെ മരിച്ച നിലയിൽ കണ്ടെത്തി.

തിരുവനന്തപുരം നന്തന്‍കോട് മൂന്നുപേര്‍ വീടിനുള്ളില്‍ മരിച്ചനിലയില്‍. ഭര്‍ത്താവും ഭാര്യയും മകളും ആണ് മരിച്ചനിലയിൽ കണ്ടെത്തിയത്. ആത്മഹത്യയെന്നാണ് പോലീസിൻ്റെ പ്രാഥമിക നിഗമനം. മൃതദേഹം ഇപ്പൊൾ തിരുവനന്തപുരം മെഡിക്കൽ കോളേജ് മോർച്ചറിയിൽ സൂക്ഷിച്ചിരിക്കുകയാണ്. പോസ്റ്റ്മോർട്ടത്തിനു ശേഷം മാത്രമാണ് കൂടുതൽ വിവരണങ്ങൾ ലഭ്യമാകുകയുള്ളു.എന്താണ് മരണകാരണം എന്ന് വ്യക്തമല്ല.

ദളപതി 65 ഫസ്റ്റ് ലുക്ക് പോസ്റ്റർ തിങ്കളാഴ്ച; ആകാംക്ഷയോടെ ആരാധകർ

സൂപ്പർസ്റ്റാർ വിജയ് നായകനാകുന്ന പുതിയ ചിത്രത്തിന്‍റെ വിശേഷങ്ങൾ ആരാധകർ ആകാംക്ഷയോടെയാണ്
ഉറ്റുനോക്കുന്നത്. ‘ദളപതി 65’ എന്ന ചിത്രത്തിന്‍റെ യഥാർത്ഥ പേര് പുറത്തുവിട്ടിട്ടില്ല. നാളെ(തിങ്കളാഴ്ച) ചിത്രത്തിന്‍റെ
ഫസ്റ്റ് ലുക്ക് പോസ്റ്റർ പുറത്തുവിടും എന്നതാണ് പുതിയ വിശേഷം. വൈകീട്ട് ആറ് മണിക്കാണ് റിലീസ്.
നിർമാതാക്കളായ സൺപിക്ചേഴ്സ് ആണ് വിവരം പുറത്തുവിട്ടത്.

കോലമാവ് കോകില എന്ന ചിത്രത്തിലൂടെ പ്രശസ്തനായ നെൽസൺ ആണ് ചിത്രം സംവിധാനം ചെയ്യുന്നത്. നെൽസൺ
സംവിധാനം ചെയ്ത ഡോക്ടറും പുറത്തിറങ്ങാനുണ്ട്. പൂജ ഹെഗ്ഡേ ആണ് നായിക.

മലയാളത്തിൽ നിന്നും ഷൈൻ ടോം ചാക്കോ, അപർണ ദാസ് എന്നിവർ ചിത്രത്തിൽ പ്രധാന വേഷത്തിൽ എത്തുന്നുണ്ട്.
കോമഡിക്ക് പ്രാധാന്യം നൽകുന്നതാണ് ചിത്രം എന്നാണ് സൂചന. അനിരുദ്ധ് ആണ് സംഗീതം. മാസ്റ്റർ എന്ന
സൂപ്പർഹിറ്റ് ചിത്രത്തിന് ശേഷം എത്തുന്ന വിജയ് ചിത്രം എന്ന പ്രത്യേകതയും ഉണ്ട്. മാസ്റ്റർ ഹിന്ദിയിലേക്ക്
റീമേക്ക് ചെയ്യുമ്പോൾ സൽമാൻ ഖാൻ ആണ് നായകനാവുന്നത്.