മോഹൻലാലിനെ നായകനായി ബ്രോ ഡാഡി പ്രഖ്യാപിച്ച് പൃഥ്വിരാജ്

പൃഥ്വിരാജ് സംവിധാനം ചെയ്യുന്ന പുതിയ ചിത്രം പ്രഖ്യാപിച്ചു. ബ്രോ ഡാഡി എന്നാണ് ചിത്രത്തിന് പേരിട്ടിരിക്കുന്നത്.
സൂപ്പർ സ്റ്റാർ മോഹൻലാൽ തന്നെയാണ് പുതിയ ചിത്രത്തിലും നായകൻ എന്നതാണ് ആകർഷണം. കോമഡിയ്ക്ക് പ്രാധാന്യം
നൽകുന്നതാണ് ചിത്രം എന്നാണ് സൂചന. സന്തോഷകരമായ സിനിമയായിരിക്കും ഇതെന്ന് പൃഥ്വിരാജ് പറയുന്നു.

ഇരുവരുടെയും കൂട്ടുകെട്ടിൽ പിറന്ന ലൂസിഫർ വൻ ഹിറ്റായിരുന്നു. ലൂസിഫറിന്‍റെ രണ്ടാം ഭാഗം എമ്പുരാനും നേരത്തേ
പ്രഖ്യാപിച്ചിരുന്നു. പൃഥ്വിരാജ് തന്നെയാണ് ചിത്രം സംവിധാനം ചെയ്യുന്നത്. എന്നാൽ എമ്പുരാന് മുമ്പേ ബ്രോ ഡാഡി
ചിത്രീകരിക്കും എന്നാണ് വിവരം. മോഹൻലാൽ സംവിധാനം ചെയ്യുന്ന ബറോസ് ഷൂട്ടിങ് തീർന്നാലുടൻ
ബ്രോ ഡാഡി ചിത്രീകരണം തുടങ്ങും.

മോഹൻ ലാലിനൊപ്പം മുഴുനീള കഥാപാത്രമായി പൃഥ്വിരാജും അഭിനയിക്കും .കല്യാണി പ്രിയദർശൻ, മീന എന്നിവരാണ്
നായികമാർ. ശ്രീജിത്ത്.എൻ, ബിബിൻ ജോർജ് എന്നിവരുടേതാണ് തിരക്കഥ. ആന്റണി പെരുമ്പാവൂർ ആണ് ചിത്രം
നിർമിക്കുന്നത്. അഭിനന്ദൻ രാമാനുജൻ ആണ് ഛായാഗ്രഹണം. സംഗീത സംവിധാനം ദീപക് ദേവ്. ഓഡിയോ ഗ്രാഫി
എം.ആർ. രാജകൃഷ്ണൻ.

മരയ്ക്കാർ ഓഗസ്റ്റ് 12ന് തിയറ്ററുകളിലേക്ക്; ചിത്രം അഞ്ച് ഭാഷകളിൽ

ആരാധകരെ ആവേശത്തിലാക്കി മോഹൻലാലിന്‍റെ ബ്രഹ്മാണ്ഡ ചിത്രം മരയ്ക്കാറിന്‍റെ റിലീസ് തീയതി പ്രഖ്യാപിച്ചു.ഓഗസ്റ്റ് 12ന് ഓണം റിലീസായി ചിത്രം തിയറ്ററുകളിലെത്തും. പ്രിയദർശൻ സംവിധാനം ചെയ്ത ചിത്രംഅഞ്ച് ഭാഷകളിലാണ് പ്രദർശനത്തിനെത്തുന്നത്. മോഹൻലാൽ തന്നെയാണ് തീയതി അറിയിച്ചുകൊണ്ട് സാമൂഹിക മാധ്യമങ്ങളിൽ വിവരം അറിയിച്ചത്. മരയ്ക്കാർ – അറബിക്കടലിന്‍റെ സിംഹം ഓണത്തിന് പ്രേക്ഷകർക്ക് മുന്നിലെത്താൻ കഴിയുമെന്ന് പ്രതീക്ഷിക്കുകയാണ്.പ്രാർത്ഥനയും പിന്തുണയും ഉണ്ടാകുന്ന പ്രതീക്ഷയുടെ മുന്നോട്ട് പോകുന്നു – മോഹൻലാൽ കുറിച്ചു. കൊവിഡ്പ്രതിസന്ധി മൂലം ഒരു വർഷത്തിലധികമായി റിലീസ് മാറ്റി വച്ച ചിത്രമാണ് മരയ്ക്കാർ. ഓടിടി റിലീസ് വേണ്ടെന്നുംലോക്‍ഡൗണിന് ശേഷം തിയറ്റർ തുറക്കുമ്പോൾ റിലീസ് ചെയ്യാമെന്നും അണിയറ പ്രവർത്തകർ തീരുമാനിക്കുകയായിരുന്നു.മികച്ച ചിത്രത്തിനുൾപ്പെടെ മൂന്ന് ദേശീയ പുരസ്കാരങ്ങൾ ലഭിച്ച ചിത്രമാണ് മരയ്ക്കാർ. മോഹൻലാലിന് പുറമേ മഞ്ജു വാര്യർ,മധു, അർജുൻ സർജ, ഫാസിൽ, പ്രണവ് മോഹൻലാൽ, കല്യാണി പ്രിയദർശൻ, കീർത്തി സുരേഷ് തുടങ്ങി വലിയ താരനിരചിത്രത്തിലുണ്ട്. ചിത്രത്തിൽ മോഹൻലാലിൻറെ ചെറുപ്പകാലം അവതരിപ്പിക്കുന്നത് മകൻ പ്രണവ് മോഹൻലാലാണ്. മമ്മാലിഅഥവാ കുഞ്ഞാലിമരക്കാർ നാലാമനായാണ് പ്രണവ് എത്തുക.കുഞ്ഞാലിമരയ്ക്കാരുടെ ജീവിതം പറയുന്ന ചിത്രത്തിന്‍റെ സെറ്റ് ഒരുക്കിയത് സാബു സിറിൾ ആണ്. റോണി റാഫേൽ ആണ്സംഗീതം. മലയാളത്തിലെ ഏറ്റവും മുതൽ മുടക്കുള്ള മരയ്ക്കാർ ,ആന്‍റണി പെരുമ്പാവൂർ, സി.ജെ.റോയ്, സന്തോഷ് കുരുവിളഎന്നിവർ ചേർന്നാണ് ചിത്രം നിർമിക്കുന്നത്. ഹൈദരാബാദിലെ റാമോജി ഫിലിം സിറ്റിയായിരുന്നു പ്രധാന ലൊക്കേഷൻ.ചിത്രത്തിന്റെ ടീസർ റിലീസ് ആവും മുൻപേ വാർത്തകളിൽ ഇടം നേടിയിരുന്നു.

തിരുവനന്തപുരം: കേരളത്തിൽ ഇന്ന് 11,361 പേർക്ക് കോവിഡ്-19 സ്ഥിരീകരിച്ചു.തിരുവനന്തപുരം 1550,കൊല്ലം 1422, എറണാകുളം 1315,മലപ്പുറം 1039, പാലക്കാട് 1020,തൃശൂർ 972, കോഴിക്കോട് 919, ആലപ്പുഴ 895, കോട്ടയം 505,കണ്ണൂർ 429,പത്തനംതിട്ട 405,കാസർഗോഡ് 373,ഇടുക്കി 311,വയനാട് 206
എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്.

കഴിഞ്ഞ 24 മണിക്കൂറിനിടെ 1,11,124 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 10.22 ആണ്. റുട്ടീൻ സാമ്പിൾ, സെന്റിനൽ സാമ്പിൾ, സിബി നാറ്റ്, ട്രൂനാറ്റ്, പി.ഒ.സി.ടി. പി.സി.ആർ., ആർ.ടി. എൽ.എ.എം.പി., ആന്റിജൻ പരിശോധന എന്നിവ ഉൾപ്പെടെ ഇതുവരെ ആകെ 2,17,32,157 സാമ്പിളുകളാണ് പരിശോധിച്ചത്.

കഴിഞ്ഞ ദിവസങ്ങളിലുണ്ടായ 90 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 11,833 ആയി.

ഇന്ന് രോഗം സ്ഥിരീകരിച്ചവരിൽ 64 പേർ സംസ്ഥാനത്തിന് പുറത്ത് നിന്നും വന്നവരാണ്. 10,667 പേർക്ക് സമ്പർക്കത്തിലൂടെയാണ് രോഗം ബാധിച്ചത്. 567 പേരുടെ സമ്പർക്ക ഉറവിടം വ്യക്തമല്ല. തിരുവനന്തപുരം 1387, കൊല്ലം 1412, എറണാകുളം 1277, മലപ്പുറം 1003, പാലക്കാട് 715, തൃശൂർ 967, കോഴിക്കോട് 908, ആലപ്പുഴ 883, കോട്ടയം 484, കണ്ണൂർ 389, പത്തനംതിട്ട 396, കാസർഗോഡ് 366, ഇടുക്കി 289, വയനാട് 191 എന്നിങ്ങനെയാണ് സമ്പർക്കത്തിലൂടെ രോഗം ബാധിച്ചത്.

63 ആരോഗ്യ പ്രവർത്തകർക്കാണ് രോഗം ബാധിച്ചത്. കണ്ണൂർ 14, തിരുവനന്തപുരം 10, കൊല്ലം 8, വയനാട് 7, എറണാകുളം, പാലക്കാട്, കാസർഗോഡ് 5 വീതം, പത്തനംതിട്ട 3, ആലപ്പുഴ, കോട്ടയം 2 വീതം, തൃശൂർ, കോഴിക്കോട് 1 വീതം ആരോഗ്യ പ്രവർത്തകർക്കാണ് രോഗം ബാധിച്ചത്.

രോഗം സ്ഥിരീകരിച്ച് ചികിത്സയിലായിരുന്ന 12,147 പേർ രോഗമുക്തി നേടി. തിരുവനന്തപുരം 1581, കൊല്ലം 1318, പത്തനംതിട്ട 259, ആലപ്പുഴ 1183, കോട്ടയം 597, ഇടുക്കി 422, എറണാകുളം 1533, തൃശൂർ 1084, പാലക്കാട് 1505, മലപ്പുറം 1014, കോഴിക്കോട് 671, വയനാട് 166, കണ്ണൂർ 411, കാസർഗോഡ് 403 എന്നിങ്ങനേയാണ് രോഗമുക്തിയായത്. ഇതോടെ 1,07,682 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 26,65,354 പേർ ഇതുവരെ കോവിഡിൽ നിന്നും മുക്തി നേടി.

സംസ്ഥാനത്തെ വിവിധ ജില്ലകളിലായി 4,69,522 പേരാണ് ഇപ്പോൾ നിരീക്ഷണത്തിലുള്ളത്. ഇവരിൽ 4,41,617 പേർ വീട്/ഇൻസ്റ്റിറ്റിയൂഷണൽ ക്വാറന്റൈനിലും 27,905 പേർ ആശുപത്രികളിലും നിരീക്ഷണത്തിലാണ്. 2335 പേരെയാണ് പുതുതായി ആശുപത്രിയിൽ പ്രവേശിപ്പിച്ചത്.

ടി.പി.ആർ. 8ന് മുകളിലുള്ള 178, ടി.പി.ആർ. 8നും 20നും ഇടയ്ക്കുള്ള 633, ടി.പി.ആർ. 20നും 30നും ഇടയ്ക്കുള്ള 208, ടി.പി.ആർ. 30ന് മുകളിലുള്ള 16 എന്നിങ്ങനെ തദ്ദേശ സ്വയംഭരണ പ്രദേശങ്ങളാണുള്ളത്. തദ്ദേശസ്വയംഭരണ പ്രദേശങ്ങളിലെ ടി.പി.ആർ. അടിസ്ഥാനമാക്കി പരിശോധനയും വർധിപ്പിക്കുന്നതാണ്.

തിരുവനന്തപുരം അതിയന്നൂർ, അഴൂർ, കഠിനംകുളം, കാരോട്, മണമ്പൂർ, മംഗലാപുരം, പനവൂർ, പോത്തൻകോട്, എറണാകുളം ചിറ്റാറ്റുകര, പാലക്കാട് നാഗലശേരി, നെന്മാറ, വല്ലപ്പുഴ, മലപ്പുറം തിരുനാവായ, വയനാട് ജില്ലയിലെ മൂപ്പൈനാട്, കാസർഗോഡ് ബേഡഡുക്ക, മധൂർ എന്നിവയാണ് പ്രദേശങ്ങളാണ് ടി.പി.ആർ 30ൽ കൂടുതലുള്ള പ്രദേശങ്ങൾ.

ആരോഗ്യ സര്‍വകലാശാലയുടെ പരീക്ഷാ നടത്തിപ്പിനുള്ള ക്രമീകരണങ്ങള്‍ പൂര്‍ത്തിയായി. എല്ലാ പരീക്ഷകളും ജൂണ്‍ 21 മുതലാണ് ആരംഭിക്കുന്നത്. 34 ഓളം പരീക്ഷകളുടെ വിവരങ്ങള്‍ സര്‍വകലാശാല വെബ് സൈറ്റില്‍ പ്രസിദ്ധീകരിച്ചിട്ടുണ്ട്. എല്ലാ കോവിഡ് സുരക്ഷാ മാനദണ്ഡങ്ങളും പാലിച്ച് പരീക്ഷ നടത്തണമെന്ന് നിര്‍ദേശം നല്‍കി. പരീക്ഷയെഴുതുന്ന എല്ലാ വിദ്യാര്‍ത്ഥികളും ആന്റിജന്‍ പരിശോധന നടത്തേണ്ടതാണ്. പരിശോധനയില്‍ നെഗറ്റീവായ വിദ്യാര്‍ത്ഥികളെയാണ് പ്രധാന ഹാളിലിരുത്തുക. പരിശോധനയില്‍ പോസീറ്റീവായ വിദ്യാര്‍ത്ഥികളെ മറ്റൊരു ഹാളിലിരുത്തും. ഇവിടെ എല്ലാ സുരക്ഷാ ക്രമീകരണങ്ങളും ഒരുക്കുന്നതാണ്. പരീക്ഷാ ഹാളില്‍ 2 മീറ്റര്‍ അകലത്തിലാണ് വിദ്യാര്‍ത്ഥികള്‍ ഇരിക്കേണ്ടത്.

ഹോസ്റ്റലില്‍ വരേണ്ട വിദ്യാര്‍ത്ഥികള്‍ കഴിവതും നേരത്തെ കോവിഡ് പരിശോധന നടത്തി ഹോസ്റ്റലില്‍ എത്തേണ്ടതാണ്. ഹോസ്റ്റലിലെ വിദ്യാര്‍ത്ഥികളും വീട്ടില്‍ നിന്നും വരുന്ന വിദ്യാര്‍ത്ഥികളും തമ്മില്‍ ഇടപഴകാന്‍ അനുവദിക്കുന്നതല്ല. പോസിറ്റീവായ വിദ്യാര്‍ത്ഥികളെ തിയറി എഴുതാന്‍ അനുവദിക്കുമെങ്കിലും അവരെ പ്രാക്ടിക്കലില്‍ പങ്കെടുക്കാന്‍ ഉടനനുവദിക്കുന്നതല്ല. പോസിറ്റീവായ വിദ്യാര്‍ത്ഥികള്‍ 17 ദിവസം കഴിഞ്ഞതിന് ശേഷം പ്രിന്‍സിപ്പല്‍മാരെ വിവരം അറിയിക്കണം. ഈ വിദ്യാര്‍ത്ഥികള്‍ക്ക് പ്രത്യേകമായി പ്രാക്ടിക്കല്‍ പരീക്ഷ നടത്തുന്നതാണ്. രോഗലക്ഷണമുള്ളവരില്‍ ആന്റിജന്‍ പരിശോധന നെഗറ്റീവാണെങ്കില്‍ ആര്‍.ടി.പി.സി.ആര്‍. പരിശോധന കൂടി നടത്തേണ്ടതാണ്. രോഗലക്ഷണങ്ങളില്ലാത്തവര്‍ ആന്റിജന്‍ പരിശോധന മാത്രം നടത്തിയാല്‍ മതി.

പരീക്ഷ നടത്തേണ്ട ഏതെങ്കിലും സ്ഥാപനങ്ങള്‍ കണ്ടൈന്‍മെന്റ് സോണിലാണെങ്കില്‍ അത് അടിയന്തരമായി സര്‍വകലാശാലയെ അറിയിക്കണം. ആ സ്ഥാപനത്തിന് പരീക്ഷ നടത്താന്‍ സര്‍ക്കാര്‍ പ്രത്യേക അനുമതി നല്‍കുന്നതാണ്. അതുപോലെ കണ്ടൈന്‍മെന്റ് സോണിലുള്ള വിദ്യാര്‍ത്ഥികള്‍ക്ക് പരീക്ഷ എഴുതാന്‍ പോകാനും അനുമതി നല്‍കും. പൊതുഗതാഗതത്തിന് ബുദ്ധിമുട്ടെങ്കില്‍ അത്യാവശ്യമുള്ള വാഹന സൗകര്യങ്ങള്‍ കോളേജ് തന്നെ ഒരുക്കേണ്ടതാണ്.

ജൂലൈ ഒന്നോടുകൂടി പരിശോധിച്ച ശേഷം പടിപടിയായി നേരിട്ടുള്ള ക്ലാസുകള്‍ ആരംഭിക്കുന്നതാണ്. ആദ്യം അവസാന വര്‍ഷ വിദ്യാര്‍ത്ഥികള്‍ക്കുള്ള ക്ലാസുകളായിരിക്കും ആരംഭിക്കുക. അത് വിലയിരുത്തി ക്രമേണ മറ്റ് ക്ലാസുകളും ആരംഭിക്കുന്നതാണ്. തിയറി ക്ലാസുകള്‍ കോളേജ് തുറന്നാലും ഓണ്‍ലൈനായി തന്നെ നടത്തും. പ്രാക്ടിക്കല്‍ ക്ലാസുകളും ക്ലിനിക്കല്‍ ക്ലാസുകളുമാണ് ജൂലൈ ആദ്യം ആരംഭിക്കുക.

തൻ്റെ പ്രസവാനുഭവം വളരെ വ്യത്യസ്തമായി എഴുതിയിരിക്കുകയാണ് ടുലു.

ഒരു ഗർഭമൊന്നും എന്നെക്കൊണ്ട് താങ്ങുവാൻ പറ്റില്ലെന്ന് തോന്നിയ സമയമായിരുന്നു അത്. ?‍♀️

എല്ലാ ഗർഭിണികൾക്കും ഉണ്ടാകുന്നത് പോലെ തന്നെയുള്ള സംഗതികൾ എനിക്കും ഉണ്ടായിരുന്നു.

വയർ വീർത്ത് വീർത്ത് വരുന്ന അസുഖം തന്നെ!?

അപ്പോഴാണ് ഒരു അസിഡിറ്റി വന്ന് ഡോക്ടറെ കാണാൻ പോകുന്നത്. ഡോക്ടർ ഒന്ന് പേടിപ്പിച്ചതോട് കൂടെ ആഞ്ഞൊരു ശ്വാസം വിടാൻ പോലും എനിക്ക് പേടിയായി.
വയറ്റിലുള്ളതെങ്ങാനും താഴെ വീണ് പൊട്ടിയാലോ..???

പ്രസവിച്ച് പരിചയവുമില്ല! ?
എനിക്ക് ഇരിക്കപ്പൊറുതി
ഇല്ലാതായി.

ഏത് നേരത്താണോ ദൈവമേ എനിക്കീ ബുദ്ധി തോന്നിയത്!??

കല്യാണമേ കഴിക്കണ്ടായിരുന്നു.?

വെപ്രാളം കൂടി ഉറക്കം പോലുമില്ലാത്ത അവസ്ഥ ആയി.

അടുത്ത ചെക്കപ്പിന് ഡോക്ടറുടെ അടുത്ത് പോയപ്പോൾ ഞാനെന്റെ വിഷമങ്ങൾ മുഴുവനും തുറന്ന് പറഞ്ഞു.?

“ഡോക്ടറേ, പെട്ടെന്ന് പ്രസവിക്കാൻ വല്ല വഴിയുമുണ്ടോ?” – എന്റെ ചോദ്യം കേട്ട് ഡോക്ടർ ചിരിച്ചു.?

“അതേയ്, എനിക്കിത് സഹിക്കാൻ വയ്യ. എന്തേലും ചെയ്യണം.?”- ഞാൻ പിന്നേയും പറഞ്ഞു.

“കുട്ടീ, സമയമാവാതെ നമുക്കൊന്നും ചെയ്യാൻ പറ്റില്ല. പിന്നെ ഇയാൾടെ കാര്യത്തിൽ ഒമ്പത് മാസമൊന്നും കാത്തിരിക്കേണ്ടി വരില്ല. ഒരു പതിനഞ്ച് ദിവസം മുൻപെങ്കിലും ആളിങ്ങെത്തും.?”

അന്ന് മുതൽ ഞാൻ ദിവസം എണ്ണിത്തുടങ്ങി. പറഞ്ഞതിലും 23 ദിവസം മുന്നേ എനിക്ക് ഒരു വൃത്തികെട്ട വേദന വരാൻ തുടങ്ങി.

ഓരോ സമയത്തും ഓരോ സ്ഥലത്ത് വേദന!?

‘അയ്യോ വേദന’ എന്ന് പറയുമ്പോഴേക്കും ആ വേദന പോകും.

ശ്ശെടാ! ഇതാണോ പ്രസവ വേദന!??
ഇതൊരുമാതിരി മനുഷ്യനെ കളിയാക്കുന്നത് പോലെ!?

ഞാനപ്പോഴേ പറഞ്ഞതാ, നമുക്ക് വല്ല പട്ടിക്കുഞ്ഞിനേയും എടുത്ത് വളർത്താമെന്ന്. കേട്ടില്ല, ആരും!?

നേരെ വിട്ടു ആശുപത്രിയിലേക്ക്.

ഡോക്ടർ എന്നെ തിരിച്ചും മറിച്ചും നോക്കിയതിന് ശേഷം പറഞ്ഞു.

“എന്തായാലും ഡേറ്റ് വരെ കാത്തിരിക്കണ്ട, ചിലപ്പോൾ പണി പാളും.”

ഡോക്ടർ പറഞ്ഞത് കേട്ട് ഞാൻ ശവാസനത്തിലായി പോയി?.

തളർച്ചയോടെ ഞാൻ ഡോക്ടറിന്റെ കൈയിൽ പിടിച്ചു.

“ഞാൻ ചത്ത് പോകുമോ
ഡോക്ടറേ??”

അത് കേട്ട് ഡോക്ടറും നഴ്സും മുഖത്തോട് മുഖം നോക്കി ചിരിച്ചു.

“അയ്യേ! ഇത്രക്ക് പേടിയാണോ മരിക്കാൻ?”

“ങ്ഹേ???”- ഞാൻ അത് കേട്ട് ഞെട്ടി.

ആ നിമിഷത്തില്, ആ അവസരത്തില്, ആ സന്ദർഭത്തില്, കർത്താവിന്റെ നാമത്തില് അവിടെ കിടന്ന് കൊണ്ട് ഞാൻ, എനിക്ക് ദേഷ്യമുള്ളവരോടൊക്കെ ക്ഷമിച്ചു. അവർക്ക് നല്ലത് വരുത്തണേ എന്ന് പ്രാർത്ഥിച്ചു??.

കർത്താവിനെ സോപ്പിടാൻ ആ ഒരൊറ്റ വഴിയേ എനിക്കപ്പോൾ തോന്നിയുള്ളൂ.?

‘ക്ഷമയുടെ നെല്ലിപ്പലക’ ആണല്ലോ നമ്മുടെ കർത്താവീശോമിശിഹാ!?

എന്നെ അഡ്മിറ്റാക്കി.
ഇനി എന്താകുമോ എന്തോ!?

കുറച്ച് കഴിഞ്ഞ് ഈ ഗർഭത്തിനുത്തരവാദിയും, എന്നെ ഗർഭം ധരിച്ച് ഈ നിലയിലാക്കിയ മനുഷ്യത്തിയും മുറിയിലേക്ക് വന്നു.?‍??‍?

രണ്ട് പേരും എന്നോടൊന്നും പറയാതെ കണ്ണുകൾ കൊണ്ട് ‘കണകുണ’ സംസാരിച്ചു.

എനിമ വെച്ചത് പോലെ ഞാനത് കണ്ട് പുളഞ്ഞു?.

“അമ്മ പറ”- ടോണി മൊഴിഞ്ഞു.
“മോൻ പറ” – അമ്മ മൊഴിഞ്ഞു.

“പറഞ്ഞ് തൊലക്കുന്നുണ്ടോ ആരേലും??” – അധികം ബലം കൊടുക്കാതെ ഞാനമറി.

കൂടുതൽ ബലം കൊടുത്താൽ ‘സാധനം’ നിലത്ത് വീണാലോ?!

ആരും ഒന്നും പറയുന്നില്ല.
മരിക്കാൻ പോകുകയാണെന്ന് ഞാനുറപ്പിച്ചു.?

‘എന്റെ ഗർഭം ഇങ്ങനെയല്ലാ’ എന്നുറക്കെയുറക്കെ പറഞ്ഞ് മരിക്കാൻ ഞാൻ കൊതിച്ചു.?

പിന്നേയും ഡോക്ടർ വന്നു.

“മോളേ, കൊച്ച് അത്യാവശ്യം വെയ്റ്റ് ഒക്കെയുണ്ട്. ഇനി 22 ദിവസം കൂടി വയറിൽ കിടക്കുന്നതും, ദേ ഈ കട്ടിലിൽ കിടക്കുന്നതും ഒരേ പോലെയാ.” – ഡോക്ടർ ഒരു കുത്തിട്ട് നിർത്തി.

“അത്കൊണ്ട്??”

“മോൾക്ക് സമ്മതമാണേൽ നാളെ നമുക്ക് സിസേറിയൻ നടത്താം.”

സിസേറിയൻ എന്ന വാക്ക് കേട്ടത് കൊണ്ടാണ് അമ്മയും ടോണിയും കോഴിക്കാട്ടം മണത്തത് പോലെ നിന്നിരുന്നത്.?

സില്ലീ ഓൾഡ് ജെനറേഷൻ
ഗയ്സ്!?

“സമ്മതം, നൂറ് വട്ടം സമ്മതം! എന്ത് കുന്തമെങ്കിലും ചെയ്ത് കുതിരയെ ഒന്ന് പുറത്തെടുക്ക് എന്റെ ഡോക്ടറേ.?”- ഞാൻ കേണ് പറഞ്ഞു.

അങ്ങനെ അതിനൊരു തീരുമാനം ആയതിന്റെ ആശ്വാസത്തോടെ ഞാനൊരു ബിരിയാണി കഴിക്കാനെടുത്തു?.

അപ്പോൾ എവിടുന്നോ ഒരു മാലാഖ വന്ന് പറഞ്ഞു.

“നാളെ രാവിലെ തിയ്യേറ്ററിൽ കയറ്റും. ഇനി ഒന്നും കഴിക്കരുത് കേട്ടോ.”

“ഈ ബിരിയാണി തിന്നാൽ പിന്നെ എനിക്കൊന്നും വേണ്ട സിസ്റ്ററേ☺.”

എന്റെ മറുപടി കേട്ട് സിസ്റ്റർ ആ ബിരിയാണിയും എടുത്ത് കൊണ്ട് പോയി.

കൊതിയുണ്ടെങ്കിൽ ചോദിച്ചാൽ പോരേ, എന്തിനാ എടുത്തോണ്ട് പോണത്?!☹

വിശന്നിട്ടും വേദന കൊണ്ടും കിടക്കാനും പറ്റുന്നില്ല, ഇരിക്കാനും പറ്റുന്നില്ല.?

എന്റെ പരാക്രമങ്ങൾ കണ്ട് യാതൊരു വികാരവുമില്ലാതെ ഇരിക്കുന്ന രണ്ട് പേരോടും ഞാൻ ചീറി.

“ദേ ഒന്നോർത്തോ. ഇത് കഴിഞ്ഞ് കുഞ്ഞ്, കൊച്ച് എന്നൊന്നും പറഞ്ഞെന്റടുത്തേക്ക് വരണ്ട.കേട്ടല്ലോ!”?

എങ്ങനെയൊക്കെയോ നേരം വെളുപ്പിച്ചു. കൃത്യം ഏഴ് മണി ആയപ്പോൾ നഴ്സ് വന്ന് ഉടുപ്പൊക്കെ തന്നു.

നല്ലൊരു ഉടുപ്പ്, ആകാശവും ഭൂമിയും എല്ലാം നല്ല വെടിപ്പായി കാണാൻ പറ്റുന്ന ഒരുടുപ്പ്.?

“സിസ്റ്ററേ, എന്റെ ബോധം പോകാനൊരു ഇഞ്ചക്ഷൻ തന്നിട്ടെന്നെ പുറത്തേക്കിറക്കാമോ പ്ലീസ്??”

ആര് കേൾക്കാൻ! പുച്ഛം, സർവത്ര പുച്ഛം?!

തലകുത്തി മറിയുന്ന റൈഡിൽ കയറിയത് പോലെ ഞാൻ കണ്ണടച്ചിരുട്ടാക്കി സ്ട്രെച്ചറിൽ കിടന്നു.

തിയ്യേറ്ററിന്റെ വാതിൽക്കൽ എത്തിയപ്പോൾ വണ്ടി നിന്നു.

അപ്പോഴാണെനിക്ക് മനസ്സിലായത്, കൊച്ചിന്റപ്പനും വണ്ടിയുടെ കൂടെ ഓടുന്നുണ്ടായിരുന്നു എന്ന്?.

എന്റടുത്തേക്ക് വന്ന ഡോക്ടർ ചോദിച്ചു.

“മോളേ, ടോണിയെ അകത്ത് കയറ്റണോ?”

“ഹേയ്! ആൾക്ക് ഇൻഡ്യൻ പോൺ ഇഷ്ടമല്ല. അവിടെ നിന്നോട്ടെ?.”

തലക്കടി കിട്ടിയത് പോലെ ടോണി കിട്ടിയ കസേരയിലിരുന്നു.

പിന്നേയും എന്റെ വണ്ടിയുരുണ്ട്, തൂക്കിയിട്ടേക്കുന്ന ഒരു വലിയ ലൈറ്റിന് താഴെ കൊണ്ട് നിർത്തി.

ഡോക്ടർമാരുടേയും നഴ്സ്മാരുടേയും ഇടയിൽ ഞാൻ കിടന്നു.

‘ദൈവമേ, ഇവരുടെയൊക്കെ മുന്നിൽ സിൽക് സ്മിതയുടെ ഉടുപ്പും ഇട്ടോണ്ടാണല്ലോ ഞാൻ കെടക്കണത്!?‍♀️’

ഞാൻ വീണ്ടും കണ്ണുകൾ അടച്ചു.?

“റോസ്….”

സ്നേഹത്തോടെയുള്ള ഒരാൺ ശബ്ദം കേട്ടപ്പോൾ ഞാനുമൊന്ന് തിരിച്ച് മൂളി.

“ഉം?”

“ഒന്ന് ചെരിയാമോ?” – പിന്നേയും സ്നേഹം.

“പിന്നെന്താടാ കുട്ടാ, എത്ര വേണേലും ചെരിയാലോ.?”

“തളർത്തിയിടണേ, കുത്തിവെക്കുവാണേ.” – ആ ശ്ബ്ദം കേട്ട് ‘അയ്യോ’ എന്ന് പറഞ്ഞ് കണ്ണ് തുറന്ന എന്റെ മുന്നിൽ ഒരു സുന്ദരൻ ഡോക്ടർ, അനസ്തറ്റിസ്റ്റ്!

കുത്തലും കഴിഞ്ഞു, എടുക്കലും കഴിഞ്ഞു. ?

“വേദനയില്ലല്ലോ റോസ്?”- സുന്ദരന്റെ ശബ്ദം വീണ്ടും.

“ഏയ്! അറിഞ്ഞേയില്ല.?”- ഞാൻ അയാളെ നോക്കി.

കാണാൻ നല്ല ഭംഗിയുള്ളവരെ കണ്ടാൽ, ചാകാൻ കിടക്കുകയാണെങ്കിലും അന്തസ്സായി കിടക്കണം?.

പുല്ലരിഞ്ഞ് കൊണ്ടിരിക്കുമ്പോൾ പ്രസവ വേദന വന്നത് പോലെ സിമ്പിളായി ഞാൻ കിടന്നു?.

“ഫുൾ അനസ്തേഷ്യ അല്ല കേട്ടോ.”- ഡോക്ടർ വീണ്ടും പറഞ്ഞു.

ആഹ! ഇവിടേയും ഫുള്ളും ഹാഫും പൈന്റുമൊക്കെയുണ്ടോ?..!?

എന്തായാലും കുറച്ച് കഴിഞ്ഞപ്പോൾ എന്റെ വയറിന്റെ ഭാഗം മുതൽ തരിച്ചു.

ഇനി ആന വന്ന് കുത്തിയാലും എനിക്ക് വേദനിക്കില്ല, മരിക്കുകയേ ഉള്ളൂ.?

മുഴുവനും ബോധം കെട്ട് ഒരു സിസേറിയൻ, അതായിരുന്നു എന്റെ മോഹം!

ഇതൊരുമാതിരി..ശ്ശെ!?

ബോധമില്ലാത്തത് കൊണ്ടാണെന്ന് തോന്നുന്നു, ബോധം
പോകാത്തത്.?

എന്റെ ശരീരത്തിന്റെ കൃത്യം പകുതിക്ക് വെച്ച് ഒരു കർട്ടൻ വന്നു.

ഇനി അവരായി, അവരുടെ പാടായി.

കത്തിയെട്, ബ്ലേയ്ഡെട്, കത്രികയെട് എന്നീ അശരീരികൾ കേട്ട് ഞാനവിടെ കിടന്നു.

പെട്ടെന്ന് ഞാൻ വിറക്കാൻ തുടങ്ങി.
കട്ടിലിൽ കിടന്ന് ചാടി ഓട്ടൻതുള്ളൽ തുടങ്ങിയപ്പോൾ രണ്ട് സിസ്റ്റർമാർ എന്റെ രണ്ട് കൈയും അമർത്തി പിടിച്ചു. ഒരു സിസ്റ്റർ എന്റെ മേൽ കയറിക്കിടന്നു. എന്റെ കൂടെ അവരും തുള്ളാൻ തുടങ്ങി.

അപ്പോഴേക്കും എന്തോ ഒരു മരുന്ന് കയറ്റി. മെല്ലെ എന്റെ വിറയലും നിന്നു. പ്രസവിക്കാൻ വന്നതാണെന്ന് പോലും മറന്ന് ആകെ പേടിച്ച് പോയ ഞാൻ അപ്പോൾ കരഞ്ഞ് കൊണ്ടേയിരുന്നു.?

അപ്പോഴാണ് എന്റെയടുത്തേക്ക് ഒരു ചോരക്കഷ്ണം നീണ്ട് വരുന്നത് കണ്ടത്. ?

വിര പോലൊരു സാധനത്തിനെ ഒരു തുണിയിൽ പൊതിഞ്ഞ് കൊണ്ട് ഡോക്ടർ എന്റെ മുഖത്തിന്റെ അടുത്തേക്ക് കൊണ്ട് വന്നു.

“റോസ്, നോക്ക് ആൺകുട്ടിയാ?.”

അപ്പോഴും എന്റെ കണ്ണിൽ നിന്നും കുടുകുടാ കണ്ണീർ വന്ന് കൊണ്ടേയിരുന്നു.

ഓപ്പറേഷൻ സക്സസ്!!??

മുറിയിലേക്ക് മാറ്റിയ എന്റെ അടുത്തേക്ക് വന്ന് ഈ സിനിമയുടെ നിർമ്മാതാവ് ചോദിച്ചു.

“കൊച്ചിനെ കണ്ടപ്പോൾ നീ ഭയങ്കര കരച്ചിലായിരുന്നു എന്ന് ഡോക്ടർ പറഞ്ഞു. അമ്മ ആയതിന്റെ സന്തോഷമാ അല്ലേ??”

“കുന്തമാണ്! മനുഷ്യനവിടെ വിറച്ച് വിറച്ച് ചാകാൻ പോകുമ്പോഴാണ് ആനന്ദാശ്രു! ജീവൻ കിട്ടിയത് ഭാഗ്യം!?”- തൊട്ടിലിലേക്ക് നോക്കി ഞാൻ പറഞ്ഞു.

പ്രസവത്തോടെ ഞാനൊരു ഉത്തമ സ്ത്രീ ആയെന്ന് തെറ്റിദ്ധരിച്ച ഒരു പാവം ഭർത്താവ് ചിറി കോട്ടി പറഞ്ഞു.

“അല്ലാ, ഈ സിനിമേലൊക്കെ അങ്ങനാണല്ലോ?☹.”

Note – സിനിമയല്ല ഈ ബ്ലഡി ലൈഫ്!

                                                   Tulu RoseToni

സച്ചി ഓർമ്മയായിട്ട് ഒരു വർഷം…

സംവിധായകനും തിരക്കഥാകൃത്തുമായ സച്ചിദാനന്ദൻ എന്ന സച്ചി ഓർമ്മയായിട്ട് ഇന്നേക്ക് ഒരു വർഷം. സച്ചി എന്ന പേരിലാണ് അദ്ദേഹം കൂടുതലായി അറിയപ്പെട്ടിരുന്നത്.തിരക്കഥാ രചനയുടെ ആകർഷകവും രസകരവുമായ ശൈലിയിൽ അദ്ദേഹം പ്രശസ്തനാണ്.മാജിക് മൂൺ പ്രൊഡക്ഷന്റെ ബാനറിൽ രാജീവ് നായർ നിർമ്മിച്ച പൃഥ്വിരാജ് സുകുമാരൻ അഭിനയിച്ച അനാർക്കലിയാണ് സംവിധാനം ചെയ്ത ആദ്യ ചിത്രം. അദ്ദേഹം സംവിധാനം ചെയ്ത രണ്ടാമത്തെ സിനിമയാണ് അയ്യപ്പനും കോശിയും. ഈ ചിത്രത്തിന്റെ കഥയും തിരക്കഥയും സച്ചി തന്നെയാണ് നിർവ്വഹിച്ചത്. ഈ സിനിമ ഒരു ബോക്സ്ഓഫീസ് ഹിറ്റായിരുന്നു.ശസ്ത്രക്രിയയ്ക്കിടെ ഹൃദയാഘാതം സംഭവിച്ച് ഗുരുതരാവസ്ഥയിൽ തൃശ്ശൂർ ജൂബിലി ഹോസ്പിറ്റലിൽ ചികിത്സയിലിരിക്കെയാണ് അദ്ദേഹം മരണപ്പെടുന്നത് .