വാഷിങ്ടൻ :യുഎസിലെ ടെന്നിസിയിൽ തടാകത്തിൽ ചെറു വിമാനം തകർന്ന് 7 പേർ മരിച്ചു. മരിച്ചവരിൽ ടിവി പരമ്പരയിൽ ടാർസനായി വേഷമിട്ട വില്യം ജോ ലാറയും ഉൾപ്പെടുന്നു.

റെoനന്റ് ഫെലോഷിപ് ചർച്ച് സ്ഥാപക ഗ്വെൻ ഷംബ്ലിൻ ലാറ,ഭർത്താവും നടനുമായ വില്യം ജോ ലാറ,മരുമകൻ ബ്രേൻഡൻ ഹന്ന, ജനിഫർ,ഡേവിഡ് മാർട്ടിൻ, ജെസീക്ക,ജോനാഥൻ എന്നിവരാണ് മരിച്ചത്. ‘ടാർസൻ : ദി എവിക് അഡ്വൈഞ്ചേഴ്സ് ‘ എന്ന ടിവി പരമ്പരയിലാണ് (1996- 97 ) ജോ ലാറ അഭിനയിച്ചത്. പേഴ്സി പ്രീസ്റ്റ് ലോക്കിൽ വെച്ചായിരുന്നു വിമാനം തകർന്നു വീണത്.

ന്യൂഡൽഹി :ലക്ഷ്യദ്വീപ് അഡ്മിനിസ്ട്രേറ്റർ പ്രഫുൽ പട്ടേൽ പുറപെടുവിച്ച കരടുവിജ്ഞാപനങ്ങൾ അതേപടി നടപ്പാക്കില്ല,ഈ കാര്യത്തിൽ കേന്ദ്ര ആഭ്യന്തര മന്ത്രി അമിത് ഷായുടെ ഉറപ്പ് ലഭിച്ചതായും എംപി പി.പി മുഹമ്മദ് ഫൈസൽ അറിയിച്ചു.

നിർദ്ദേശങ്ങൾ കേന്ദ്ര സർക്കാരിൻറെ പരിഗണനയിലാണ്. ദ്വീപുകാർക്ക് ബുദ്ധിമുട്ടുണ്ടാക്കുന്ന ഒരു നിയമ പരിഷ്കാരവും ദ്വീപിൽ നടപ്പാക്കുകയില്ലെന്നും, പഞ്ചായത്തും ജനങ്ങളുമായും കൂടി ആലോചിച്ച ശേഷം മാത്രമേ നിയമങ്ങൾ നടപ്പാക്കൂ എന്നും കൂടിക്കാഴ്ചയിൽ ആഭ്യന്തര മന്ത്രി ഉറപ്പുനൽകിയതായി മുഹമ്മദ് ഫൈസൽ പറഞ്ഞു.മന്ത്രിയുടെ ഉറപ്പ് കണക്കിലെടുത്ത് മുന്നോട്ടു പോവുകയാണെങ്കിലും മറിച്ചൊരു തീരുമാനം കൈക്കൊണ്ടാൽ സമരം ശക്തിപ്പെടുത്താൻ തന്നെയാണ് തീരുമാനം.

ലക്ഷദ്വീപ് വികസന അതോറിറ്റി റെഗുലേഷന്റെ ദ്വീപിന് ഗുണം ചെയ്യുന്ന നല്ല നിർദ്ദേശങ്ങൾ ഉൾക്കൊള്ളുകയും,മോശം കാര്യങ്ങൾ ഒഴിവാക്കി പഞ്ചായത്തും ജനങ്ങളുമായി സഹകരിച്ച് നടപടികൾ കൈക്കൊള്ളാനാണ് തീരുമാനം. അഡ്മിനിസ്ട്രേറ്ററുമായി ഒത്തുപോകാൻ കഴിയുന്നില്ല.പുതിയ നയങ്ങൾ ഒഴിവാക്കണമെന്ന ആവശ്യത്തിൽ തുടർ നടപടികളുമായി മുന്നോട്ടു പോവുക തന്നെ ചെയ്യും. കേന്ദ്ര സർക്കാരിന്റെ നിർദേശപ്രകാരമല്ല അഡ്മിനിസ്ട്രേറ്ററുടെ നടപടികളൊന്നും എംപി കൂട്ടിച്ചേർത്തു.

തിരുവനന്തപുരം :തിരുവനന്തപുരം കോട്ടൺഹിൽ സ്കൂളിൽ,2021-22 സ്കൂൾ വർഷത്തിന് തുടക്കം കുറിക്കുന്ന പ്രവേശനോത്സവം ഓൺലൈനായി ഉദ്ഘാടനം ചെയ്ത മുഖ്യമന്ത്രി പിണറായി വിജയൻ.

ഇതു പ്രത്യാശയോടെ ദിവസമാണ്.പുതിയ ലോകം കെട്ടിപ്പടുക്കാനുള്ള തുടക്കമാണിതെന്നും മുഖ്യമന്ത്രി.കോവിഡ് കാലം നമ്മുടെ വിദ്യാഭ്യാസ രംഗത്തെ ക്രിയാത്മകതയും, പുതുമയും ലോകത്തിനുമുന്നിൽ വെളിവാക്കിയ ഒരു കാലഘട്ടം കൂടിയായിരുന്നു. ഈ രംഗത്ത് ലോകത്തിനു തന്നെ മാതൃകയാണ്നമ്മുടെ കേരളം. ഓൺലൈൻ ക്ലാസുകൾ ഘട്ടം ഘട്ടമായി ആയിരിക്കും നടപ്പാക്കുക. വീടുകളിൽ ആണെങ്കിലും ആധുനിക സാങ്കേതിക സൗകര്യങ്ങളുടെ സഹായത്തോടെയായിരുന്നു പ്രവേശനോത്സവം സംഘടിപ്പിച്ചത്.

വിദ്യാഭ്യാസ മന്ത്രി പി. ശിവൻകുട്ടി ചടങ്ങിൽ അക്ഷരദീപം തെളിച്ചു. മാന്തിമാരായ ആന്റണി രാജു, ജി. ആർ. അനിൽ,തിരുവനന്തപുരം മേയർ എസ്.ആര്യ രാജേന്ദ്രൻ, തിരുവനന്തപുരം ജില്ലാ പ്രസിഡൻറ് എസ് സുരേഷ് കുമാർ എന്നിവർ ചടങ്ങിൽ സംസാരിച്ചു.വിദ്യാർഥികളുടെ പ്രശ്നങ്ങൾ തിരിച്ചറിഞ്ഞ്.

മസ്കറ്റ് :സ്വദേശിവൽക്കരണത്തിൽ ഭാഗമായി നിലവിൽ ജോലി ചെയ്യുന്ന 2700 ഓളം പ്രവാസി അധ്യാപകർക്ക് ജോലി നഷ്ടമാകും.

നിലവിൽ ഒമാനിൽ വിവിധ ഹയർ സെക്രട്ടറി തലം വരെയുള്ള സ്കൂളുകളിൽ ജോലി ചെയ്യുന്ന അധ്യാപകർക്കാണ് ജോലി നഷ്ടമാവുക എന്നാണ് വിദ്യാഭ്യാസ മന്ത്രാലയത്തിന്റെ മുന്നറിയിപ്പ്. വരും ദിവസങ്ങളിൽ കൂടുതൽ പ്രവാസി അധ്യാപകർക്ക് ജോലി നഷ്ടമാവും.അടുത്ത ഒരു വർഷത്തിനുള്ളിൽ സർക്കാർ-സ്വകാര്യ മേഖലകളിലായി 32,000ത്തോളം തൊഴിൽ അവസരങ്ങൾ സ്വദേശികൾക്കായി സൃഷ്ടിക്കുമെന്ന് കഴിഞ്ഞദിവസം ഒമാൻ തൊഴിൽ മന്ത്രാലയം പ്രഖ്യാപിച്ചിരുന്നു.

മലയാളികളുൾപ്പെടെ ഇന്ത്യൻ പ്രവാസികൾ കൂടുതലായുള്ള മേഖലകളിലൊന്നാണ് വിദ്യാഭ്യാസ മേഖല. രാജ്യത്ത് സ്വദേശികൾക്കിടയിൽ തൊഴിലില്ലായ്മ രൂക്ഷമാവുകയും, അവർക്കിടയിൽ പ്രതിഷേധം ശക്തമാകുകയും ചെയ്തതിന് പിന്നാലെയാണ് സ്വദേശിവൽക്കരണത്തിലേക്ക് നീങ്ങാൻ ഒമാൻ തീരുമാനിച്ചത്.രാജ്യത്തിൻറെ വിവിധ ഭാഗങ്ങളിലായി കഴിഞ്ഞ ദിവസം. ആയിരങ്ങൾ തെരുവിലിറങ്ങി പ്രതിഷേധിക്കുകയും ചെയ്തിരുന്നു. ഒമാനിലെ ഇന്ത്യൻ അധ്യാപകരിൽ കൂടുതലും വനിതകളാണ് എന്നാണ് കണക്കുകൾ സൂചിപ്പിക്കുന്നത്.

അതിനിടെ, കോവിഡും, സ്വദേശിവത്കരണവും മൂലം രാജ്യത്തെ പ്രവാസി ജോലിക്കാരുടെ എണ്ണത്തിൽ കഴിഞ്ഞ ഒരു വർഷത്തിനിടയിൽ വലിയ കുറവാണ് സംഭവിച്ചിരിക്കുന്നത്.പുതിയ അക്കാദമിക വർഷം തുടക്കം മുതൽ നിലവിലുള്ള പ്രവാസികളെ പിരിച്ചുവിട്ട് ഒമാൻ അധ്യാപകരെ നിയമിക്കാനാണ് അധികൃതരുടെ പദ്ധതി.

ദുബായ്: യുഎഇയിൽ മലയാളികളുടെ ഉടമസ്ഥതയിലുള്ള സൂപ്പർമാർക്കറ്റിൽ പട്ടാപ്പകൽ ആളുകൾ നോക്കി നിൽക്കെ യുവാവിനെ കുത്തി കൊലപ്പെടുത്തി.

കൊലക്കു ശേഷം ഭീകരാന്തരീക്ഷം സൃഷ്ടിച്ച പ്രതിയെ സംഭവസ്ഥലത്തു തന്നെ പോലീസ് അറസ്റ്റ് ചെയ്തു നീക്കി.കഴിഞ്ഞ വെള്ളിയാഴ്ച ഉച്ചകഴിഞ്ഞ് രണ്ടോടെ ആയിരുന്നു സംഭവം. ദെയ്റ നായി നായിഫ് പോലീസ് സ്റ്റേഷൻ പരിധിയിലെ ഒരു സൂപ്പർമാർക്കറ്റിൽ വെച്ചായിരുന്നു സംഭവം.അറബ് വംശജനായ പ്രതി സ്വന്തം നാട്ടുകാരനായ യുവാവിനെ ഒന്നിലേറെ പ്രാവശ്യം കത്തി കൊണ്ട് കുത്തി കൊലപ്പെടുത്തുകയായിരുന്നു. യുവാവ് സംഭവസ്ഥലത്തുതന്നെ ചോര വാർന്ന് മരിച്ചു. ഇരുവരും ഒന്നിച്ചായിരുന്നു സൂപ്പർമാർക്കറ്റിൽ എത്തിയത്.

പിന്നീട് കൊല്ലപ്പെട്ടയാൾ പുറത്തിറങ്ങാനായി നടക്കുമ്പോഴാണ് പ്രതി ശരീരത്തിൻറെ പിൻഭാഗത്ത് ഒന്നിലേറെ പ്രാവശ്യം കത്തി ഉപയോഗിച്ച് കൊലപ്പെടുത്തുകയായിരുന്നു എന്നാണ് ദൃക്സാക്ഷികൾ പറയുന്നത്.ആളുകൾ നോക്കി നിൽക്കുകയായിരുന്നു സംഭവം. ഇതേസമയം,പെട്രോളിങ്ങിനിറങ്ങിയ പോലീസുകാർ സംഭവസ്ഥലത്ത് ആൾക്കൂട്ടം കണ്ട് ചെന്ന് നോക്കിയപ്പോഴാണ് കൊലപാതക വിവരം അറിയുന്നത്.എന്നാൽ കത്തിയുമായി ഭീകരാന്തരീക്ഷം സൃഷ്ടിച്ച പ്രതിയെ പോലീസ് തന്ത്രപ്പൂർവം അറസ്റ്റ് ചെയ്യുകയായിരുന്നു.

പ്രതിയെ അറസ്റ് ചെയ്ത പബ്ലിക് പ്രോസിക്യൂഷന് കൈമാറി. കൊലയ്ക്ക് ശേഷം പ്രതിയെ പ്രശ്നങ്ങളൊന്നുമില്ലാതെ അറസ്റ്റ് ചെയ്യാനായത് പോലീസിന്റെ വിജയമാണെന്ന് ദുബായ് പോലീസ് അവൻ പറഞ്ഞു. അറസ്റ്റിന് നേതൃത്വം നൽകി കോർപറൽ അബ്ദുല്ല അൽ ഹൊസാനി, പോലീസുകാരൻ അബ്ദുല്ല നൂർ അൽ എന്നിവരെ അദ്ദേഹം അഭിനന്ദിക്കുകയും ചെയ്തു.

ഇസ്രായേൽ :ഇസ്രയേലിൽ പുതിയ സർക്കാറുണ്ടാക്കാൻ പ്രതിപക്ഷ കക്ഷികൾ തമ്മിൽ ധാരണ. പ്രതിപക്ഷ നേതാവ് യയ്ർ ലപീദിന്റെ(57) നേതൃത്വത്തിലുള്ള പുതിയ സർക്കാരിന് തീവ്ര മതപക്ഷ യമിന പാർട്ടിയുടെ നേതാവ് നഫ്താലി ബെനറ്റ് പിന്തുണ പ്രഖ്യാപിച്ചിരുന്നു.

ഇതിനു പിന്നാലെയാണ് തീരുമാനം. ഇന്നലെ രാത്രിയായിരുന്നു ഇത് സംബന്ധിച്ച് ബെനറ്റിന്റെ പ്രസംഗം. 12 വർഷം നീണ്ട നെതന്യാഹു യുഗം ഇസ്രയേലിൽ തുടരാനുള്ള പരിശ്രമം തുടരുകയാണ് പ്രധാനമന്ത്രി ബെന്യാമിൻ നെതന്യാഹു.എന്നാൽ ഈ ശ്രമം വേണ്ടത്ര ഫലം കാണുന്നില്ല എന്നാണ് നിരീക്ഷകർ പറയുന്നത്. രണ്ടുമാസം മുമ്പ് നടന്ന തെരഞ്ഞെടുപ്പിൽ ആർക്കും ഭൂരിപക്ഷം ലഭിക്കാത്ത ആയതോടെ ഏറ്റവും വലിയ ഒറ്റകക്ഷിയായ ലിക്കുഡ് പാർട്ടിയുടെ തലവനായ നെതന്യാഹുവിനെയാണ് സർക്കാറുണ്ടാക്കാൻ പ്രസിഡൻറ് ആദ്യം ക്ഷണിച്ചിരുന്നുന്നത്.എന്നാൽ വേണ്ടത്ര പിന്തുണ നേടിയെടുക്കാൻ കഴിയാതെ വന്നതോടെ യെഷ് പാർട്ടിയുടെ തലവനായ ലപീദിനെ ക്ഷണിച്ചത്.

ന്യൂഡൽഹി: സിബിഎസ്ഇ പന്ത്രണ്ടാം ക്ലാസ് പരീക്ഷ റദ്ദാക്കേണ്ടി വന്നാൽ കഴിഞ്ഞ മൂന്നു വർഷത്തെ മികവിന്റെ അടിസ്ഥാനത്തിൽ മാർക്ക് നിശ്ചയിക്കാമെന്ന് സിബിഎസ്ഇ.

പ്രധാന വിഷയങ്ങളിൽ ഹൃസ്വ പരീക്ഷ എന്ന ആലോചനക്കൊപ്പമാണ് റദ്ദാക്കേണ്ടി വന്നാൽ സ്വീകരിക്കേണ്ട ശുപാർശ കൂടി കേന്ദ്രസർക്കാരിന് സിബിഎസ്ഇ സമർപ്പിച്ചത്. പ്രധാന വിഷയങ്ങൾക്കു മാത്രം പരീക്ഷ എന്ന നിർദ്ദേശത്തോട് ഒട്ടുമിക്ക സംസ്ഥാനങ്ങളും യോജിച്ചിരുന്നു. എന്നാൽ ഇപ്പോൾ പരീക്ഷ വേണ്ട എന്ന നിലപാട് ഡൽഹി,മഹാരാഷ്ട്ര, ഗോവ ആൻഡമാൻ& നിക്കോബാർ സ്ഥാനങ്ങൾ പങ്കുവെച്ചു.ഇതേതുടർന്നാണ് റദ്ദാക്കൽ സാഹചര്യം കണക്കിലെടുക്കാനുഉള്ള നിർദ്ദേശം സിബിഎസ്ഇക്ക്‌ ലഭിച്ചത്.

എന്നാൽ പരീക്ഷകൾ റദ്ധാക്കണമെന്ന് ആവശ്യപ്പെട്ടുള്ള ഹർജി സുപ്രീംകോടതി ഇന്ന് പരിഗണിക്കും. പരീക്ഷ പൂർണമായി റദ്ദാക്കിയാൽ 9,10,11 ക്ലാസ്സുകളിലെ മാർക്ക്‌ നിർണ്ണായകമാകും.കഴിഞ്ഞ മൂന്ന് വർഷങ്ങളിലെ പ്രകടനം മാർക്കിനായി പരിഗണിക്കാനാണ് ശുപാർശ. എന്നാൽ പരീക്ഷ നടന്നാൽ വിഷയങ്ങൾ,മാത്രമല്ല സമയവും വെട്ടിച്ചുരുക്കും. ഒബ്ജെക്റ്റീവ് ടൈപ്പ് ചോദ്യങ്ങൾക്കായിരിക്കും പ്രാധാന്യം.

അതേസമയം ഐഎസ് സി പന്ത്രണ്ടാം ക്ലാസ് പരീക്ഷ സംബന്ധിച്ച് അന്തിമ തീരുമാനം അറിയിച്ചിട്ടില്ല എന്ന് ഐഎസ് സി കൗൺസിൽ ഇന്നലെയും പ്രതികരിച്ചു. പരീക്ഷകൾ നിർണായകമാണെന്നും,അന്തിമ തീരുമാനം നാളെ പ്രഖ്യാപിക്കുമെന്നും കേന്ദ്ര വിദ്യാഭ്യാസ മന്ത്രി രമേശ് പൊക്രിയാൻ പറഞ്ഞു.

ന്യൂഡൽഹി: കോവിഡ് മൂലമുള്ള പ്രതിസന്ധി നേരിടാൻ പൊതുമേഖലാ ബാങ്കുകളിൽ 100 കോടി രൂപ വരെയുള്ള ബിസിനസ് വായ്പകളും, 5 ലക്ഷം വരെയുള്ള വ്യക്തിഗത വായ്പകളും പ്രഖ്യാപിച്ച സർക്കാർ.

ആരോഗ്യ മേഖലയിലെ സൗകര്യങ്ങൾ സ്ഥാപിക്കാനും, ചികിത്സ ഉൽപ്പന്നങ്ങൾ നിർമ്മിക്കുന്നതിനായി 100 കോടി രൂപ വരെയാണ് ബിസിനസ് വായ്പ. ശമ്പളക്കാർ, ശമ്പളക്കാരല്ലാത്തവർ, പെൻഷൻകാർ തുടങ്ങിയവർക്ക് കോവിഡ് ചികിത്സയ്ക്കായി 25,000 മുതൽ 5 ലക്ഷം രൂപ വരെയുള്ളതും ഈട് വേണ്ടാത്തതുമായ വ്യക്തിഗത വായ്പയും നൽകും.

റിസർബാങ്ക് നിർദേശപ്രകാരമുള്ള കോവിഡ് വായ്പ പദ്ധതിയിൽ പുതുതായി മൂന്ന് വായ്പകകളാണുള്ളത്. ആശുപത്രികൾ/ ലബോറട്ടറികൾ,വാക്സിൻ നിർമാതാക്കൾ,ഓക്സിജൻ നിർമ്മാതാക്കൾ, വിതരണക്കാർ, വാക്സീന്റെയും കോവിഡ് അനുബന്ധ മരുന്നുകളുടേയും ഇറക്കുമതിക്കാർ തുടങ്ങിയവർക്കുള്ള വായ്പയും, കോവിഡ് രോഗികൾക്കുള്ള വായ്പയും, കോവിഡ് രോഗികൾക്ക് ചികിത്സക്കുള്ള വായ്പയും ഇതിലുൾപ്പെടും.

തിരുവനന്തപുരം: ലക്ഷദ്വീപ് അഡ്മിനിസ്ട്രേറ്ററെ ഉത്തരവാദിത്തങ്ങളിൽ നിന്ന് നീക്കം ചെയ്യണമെന്നും, ലക്ഷദ്വീപ്കാരുടെ അവകാശങ്ങൾ സംരക്ഷിക്കാൻ കേന്ദ്ര സർക്കാരിൻറെ അടിയന്തര ഇടപെടലും ആവശ്യപ്പെട്ട് ഐകകണ്ഠ്യേന പ്രമേയം പാസാക്കി കേരളനിയമസഭ.

കേന്ദ്രഭരണപ്രദേശമായ ലക്ഷദ്വീപിലെയും, അവിടുത്തെ ജനങ്ങളുടെയും അവകാശങ്ങൾ സംരക്ഷിക്കാൻ കേന്ദ്ര സർക്കാരിന് ഉത്തരവാദിത്വമുണ്ട് എന്നും പ്രമേയത്തിൽ പറയുന്നു. ലക്ഷദ്വീപിലെ ഭരണകൂടത്തിന്റെ നടപടികൾ ജനങ്ങൾക്കിടയിൽ ആശങ്ക സൃഷ്ടിച്ചിരിക്കുകയാണ്.പുതിയ നിയന്ത്രണങ്ങളും,നയങ്ങളും ധാരാളം ആളുകളെ ജോലിയിൽ നിന്ന് പിരിച്ചു വിടുന്ന സാഹചര്യവും സൃഷ്ടിക്കപ്പെട്ടു. ഇത് ജനതയെ സാമ്പത്തിക അസമത്വങ്ങൾക്കും,അസ്വസ്ഥതയ്ക്കും കാരണമാകും. ചട്ടം 188 അനുസരിച്ചുള്ള പ്രമേയം നിയമസഭയിൽ അവതരിപ്പിച്ചത് മുഖ്യമന്ത്രി പിണറായി വിജയൻ ആണ്.

ലക്ഷ്യദ്വീപിന്റെ ഭാവി ഉത്കണ്o ഉളവാക്കുന്നു.കേരളം ആശങ്ക പങ്കുവെക്കുന്നു.ഭരണഘടനാ മൂല്യങ്ങൾ ഉയർത്തിപ്പിടിക്കുന്ന ഓരോരുത്തരും ലക്ഷദ്വീപ് അഡ്മിനിസ് ഓരോരുത്തരും ലക്ഷദ്വീപ് അഡ്മിനിസ്ട്രേറ്ററുടെ ഭാഗത്തുനിന്നുണ്ടായ നടപടികളോട് ശക്തമായ വിയോജിപ്പ് രേഖപ്പെടുത്തണമെന്നും പ്രമേയത്തിൽ പറയുന്നു.അതേസമയം, പ്രമേയത്തിൽ പ്രതിപക്ഷം ഭേദഗതി നിർദ്ദേശിച്ചു. കേന്ദ്രസർക്കാറിനെ നേരിട്ട് വിമർശിക്കണമെന്ന് കോൺഗ്രസും, മുസ്ലിം ലീഗും ആവശ്യപ്പെട്ടു.സംഘപരിവാർ അജൻഡ അടിച്ചേൽപ്പിക്കാനാണ് ശ്രമിക്കുന്നതെന്ന് പ്രതിപക്ഷനേതാവ് വി. ഡി.സതീശൻ പറഞ്ഞു.

ദുബായ്: ഇന്ത്യയിൽ നിന്ന് യുഎയിലേക്ക് നേരിട്ടുള്ള യാത്രാവിലക്ക് ജൂൺ 30 വരെ നീട്ടിയതായി എമിറേറ്റ്സ് എയർലൈൻസ് അറിയിച്ചു.

ഏപ്രിൽ 24ന് അർദ്ധരാത്രി മുതലായിരുന്നു ഇന്ത്യയിൽ നിന്ന് നേരിട്ടുള്ള യാത്ര വിലക്ക് യുഎഇ ഏർപ്പെടുത്തിയിരുന്നത്.പിന്നീട് ഇത് ഇന്ത്യയിലെ കോവിഡ് സാഹചര്യം കണക്കിലെടുത്ത് നീട്ടുകയായിരിന്നു.ഇതിനു പുറകെ എമിറേറ്റ് വിമാന കമ്പനിയും സർവീസ് നിരോധനം ജൂൺ 14 വരെ നീട്ടിയിരിക്കുകയാണ്. എന്നാൽ യുഎയിൽ നിന്ന് ഇന്ത്യയിലേക്കുള്ള വിമാന സർവീസും, ഇരുരാജ്യങ്ങളും തമ്മിലുള്ള കാർഗോ സർവീസുകളും നിർത്തിയിട്ടില്ല.

സന്ദർശകവീസക്കാർക്കും, വീസ റദ്ദാക്കി മടങ്ങുന്നവരും മാത്രമാണ് ഇപ്പോൾ ഇന്ത്യയിലേക്ക് യാത്ര ചെയ്യുന്നവരിൽ ഭൂരിഭാഗവും. യുഎഇയിലേക്ക് വരാൻ തയ്യാറെടുക്കുന്ന ഒട്ടേറെ കുടുംബങ്ങൾ കേരളത്തിലുമുണ്ട്. വലിയ സാമ്പത്തിക നഷ്ടമാണ് ഇവരിൽ പലർക്കും സംഭവിച്ചുകൊണ്ടിരിക്കുന്നത്.എങ്കിലും നേരത്തെ യുഎഇ ഗവൺമെൻറ് അനുവദിച്ചതുപോലെ സന്ദർശന വീസയുടെയും,താമസ വീസയുടെയും കാലാവധി നീട്ടുമെന്ന പ്രതീക താമസ വീസയുടെയും കാലാവധി നീട്ടുമെന്ന പ്രതീക്ഷയിലാണ് ഇവർ.എന്നാൽ യുഎഇ സ്വദേശികൾ, നയതന്ത്ര ഉദ്യോഗസ്ഥർ ഔദ്യോഗിക പ്രതിനിധികൾ,ബിസിനസ്സുകാർ, ഗോൾഡൻ വിസ ഉള്ളവർ എന്നിവരെ വിലക്കിൽ നിന്ന് ഒഴിവാക്കിയിട്ടുണ്ട്.