വാക്സിൻ രജിസ്ട്രേഷന് ഇനി 1075 ൽ വിളിക്കാം; ഇന്റർനെറ്റും ഫോണും ഇല്ലാത്തവർക്ക് വാക്സിൻ ലഭ്യമാക്കാൻ ലക്ഷ്യം നില്‍ നിന്ന്​ ഗ്രാമീണ ജനത പുറത്താകുകയാണെന്ന പരാതി മറികടക്കാന്‍ പുതിയ സംവിധാനം.

1075 എന്ന ഹെല്‍പ്​ ലൈന്‍ നമ്പറില്‍ വിളിച്ച്‌​ കോവിഡ്​ വാക്​സിന്‍ സ്​ലോട്ട്​ ബുക്ക്​ ചെയ്യാനുള്ള പുതിയ സൗകര്യമാണ്​ ഒരുക്കുന്നതെന്ന്​ നാഷനല്‍ ഹെല്‍ത്​ അതോറിറ്റി തലവന്‍ ആര്‍.എസ്​.ശര്‍മ അറിയിച്ചു.ഇന്‍റര്‍നെറ്റി​ന്റെയും സ്​മാര്‍ട്ട്​ ഫോണി​ന്റെയുമൊന്നും സഹായമില്ലാതെ കോവിഡ്​ വാക്​സിന്​ ബുക്ക്​ ചൊയ്യാനാകില്ല എന്നത്​ ​ഗ്രാമീണ ജനതയോടുള്ള അവഗണനയാണെന്ന ആക്ഷേപം ശക്​തമാകുന്നതിനിടെയാണ്​ പുതിയ ഹെല്‍പ്​ ലൈന്‍ നമ്പര്‍ വരുന്നത്​. കലക്​ടര്‍മാര്‍ മുതല്‍ പ്രാഥമിക ആരോഗ്യ കേന്ദ്രം ജീവനക്കാര്‍ വരെയുള്ളവര്‍ ഹെല്‍പ്​ ലൈന്‍ നമ്ബര്‍ സംബന്ധിച്ച്‌​ ഗ്രാമീണ ജനതയെ ബോധവത്​കരിക്കുമെന്ന്​ ശര്‍മ പറഞ്ഞു.

ഹെല്‍പ്​ ലൈന്‍ നമ്ബറില്‍ വിളിച്ച്‌​ കോവിഡ്​ വാക്​സിന്​ ബുക്ക്​ ചെയ്യാമെന്നത്​ ഗ്രാമീണ ജനതക്ക്​ ഏറെ ഉപകാരമാകുമെന്നും അദ്ദേഹം പറഞ്ഞു. ഇന്‍റര്‍നെറ്റ്​ സൗകര്യങ്ങളും സ്​മാര്‍ട്ട്​ ഫോണുകളും ഇല്ലാത്ത ഗ്രാമീണ ജനത വാക്​സിനേഷനില്‍ നിന്ന്​ പൂര്‍ണമായും പുറത്താകുകയാണെന്ന ആക്ഷേപം ശക്​തമായിരുന്നു.

കോവിന്‍ വെബ്​സൈറ്റ്​ വഴി മാത്രമേ വാക്​സിന്​ ബുക്ക്​ ചെയ്യാനാകൂ എന്നതിനാല്‍​ സാ​​ങ്കേതിക ജ്ഞാനമില്ലാത്ത വലിയൊരു വിഭാഗം കോവിഡ്​ വാക്​സിനേഷനില്‍ നിന്ന്​ പുറത്തുനില്‍ക്കുന്ന സാഹചര്യമുണ്ടായിരുന്നു.

ഉത്തരവിന് ഒരു വർഷം പ്രാബല്യം ഉണ്ടായിരിക്കുന്നതാണ്. കാട്ടുപന്നികൾ വൻതോതിൽ കൃഷി നശിപ്പിക്കുകയും പലയിടത്തും മനുഷ്യന്റെ ജീവനു തന്നെ ഭീഷണിയാകുന്നതായും നിരവധി പരാതികൾ സർക്കാരിന് ലഭിച്ചതിൻ്റെ അടിസ്ഥാനത്തിലാണ് നടപടി.

നാട്ടിലിറങ്ങി ഭീഷണി ഉയർത്തുന്ന കാട്ടുപന്നികളെ നശിപ്പിക്കുന്നതിന് കർഷകർക്കും ഉദ്യോഗസ്ഥർക്കും നടപടി സ്വീകരിക്കാവുന്നതാണ്. ജനജാഗ്രതാ സമിതികളുടെ ശിപാർശ സഹിതമോ അല്ലാതെയോ സമർപ്പിക്കപ്പെടുന്ന അപേക്ഷക‍ള്‍ 24 മണിക്കൂറിനുള്ളിൽ തീർപ്പാക്കേണ്ടതാണെന്നും വനം വകുപ്പ് ഉദ്യോഗസ്ഥരെ ഉൾപ്പെടുത്തി അതത് ഡിവിഷനുകളിൽ സ്പെഷ്യൽ ടാസ്ക് ഫോഴ്സ് രൂപീകരിച്ച് ചീഫ് വൈൽഡ് ലൈഫ് വാർഡൻ ഉത്തരവ് പുറപ്പെടുവിക്കേണ്ടതാണെന്നും നിർദ്ദേശം നൽകിയിട്ടുണ്ട്. ഡിവിഷനുകളി‍ല്‍ രൂപീകരിച്ച സ്പെഷ്യൽ ടാസ്ക് ഫോഴ്സുകളുടെ പ്രവർത്തനം ഫലപ്രദമാക്കുന്നതിനുള്ള അടിയന്തര നടപടികൾ സ്വീകരിക്കുന്നതിന് ചീഫ് വൈൽഡ് ലൈഫ് വാർഡന് നിർദ്ദേശവും നൽകിയിട്ടുണ്ട്.

വൻതോതിൽ കൃഷി‌ നശിപ്പിക്കുന്ന കാട്ടുപന്നികളുടെ ശല്യം വർദ്ധിച്ചുവരുന്ന സാഹചര്യത്തിൽ ഈ വിഷയം ചൂണ്ടിക്കാണിച്ച് കാട്ടുപന്നികളെ ‘വേർമിൻ’ (ക്ഷുദ്ര ജീവി) ആയി പ്രഖ്യാപിക്കുന്നതിന് കേന്ദ്ര വനം മന്ത്രാലയത്തിന് കത്ത് നൽകാനും അനുകൂല നടപടി ഉണ്ടാകുന്നതുവരെ ആവശ്യമായ തുട‍ര്‍ നടപടികള്‍ സ്വീകരിക്കുന്നതിനും നിർദ്ദേശം നൽകിയിട്ടുണ്ട്.

കേന്ദ്ര വനം മന്ത്രാലയം കാട്ടുപന്നികളെ ‘വേർമിൻ’ ആയി പ്രഖ്യാപിച്ചാ‍ല്‍ അവയെ നശിപ്പിക്കുന്നതിനുള്ള നടപടി ക്രമങ്ങളില്‍ നേരിടുന്ന പ്രായോഗിക ബുദ്ധിമുട്ടുക‍ള്‍ ഒഴിവാക്കാ‍ന്‍ സാധിക്കുന്നതാണ്.

സർക്കാർ ഉത്തരവ് പ്രകാരം വനം വകുപ്പുമായി സഹകരിച്ച് ഫലപ്രദമായ നടപടിക‍ള്‍ സ്വീകരിക്കാ‍ന്‍ തദ്ദേശ സ്വയംഭരണ സ്ഥാപനങ്ങളും ജന ജാഗ്രതാ സമിതികളും ആവശ്യമായ നടപടിക‍ള്‍ സ്വീകരിക്കണമെന്നും ആവശ്യപ്പെട്ടിട്ടുണ്ട്.

സംസ്ഥാനത്ത് ലോക്ഡൗണ്‍ ജൂണ്‍ ഒന്‍പതു വരെ നീട്ടും. കയര്‍, കശുവണ്ടി ഫാക്ടറികള്‍ക്ക് 50% ജീവനക്കാരെ വച്ച് പ്രവര്‍ത്തിക്കാം.

മദ്യശാലകള്‍ ഉടന്‍ തുറക്കില്ല. ചെറുകിട വ്യവസായ സ്ഥാപനങ്ങള്‍ക്കും പ്രവര്‍ത്തനാനുമതി നല്‍കിയേക്കും. ഇളവുകള്‍ സംബന്ധിച്ച അന്തിമ തീരുമാനം മുഖ്യമന്ത്രി കൈക്കൊള്ളും.

ഉച്ചക്ക് ശേഷം ചേരുന്ന കോവിഡ് അവലോകന യോഗത്തിലാവും അന്തിമ തീരുമാനം കൈക്കൊള്ളുക. തീരുമാനം മുഖ്യമന്ത്രി വാര്‍ത്താസമ്മേളനത്തില്‍ അറിയിക്കും. ഇളവുകള്‍ ഘട്ടം ഘട്ടമായി നല്‍കുന്നതാണ് പരിഗണനയിലുള്ളത്. ടെസ്റ്റ് പോസിറ്റിവിറ്റി നിരക്ക് പത്തില്‍ താഴെ എത്തിയാലെ നിയന്ത്രണങ്ങള്‍ ഇളവുചെയ്യാവൂ എന്നാണ് വിദഗ്ധരുടെ അഭിപ്രായം. 16.4 ആണ് കഴിഞ്ഞ 24 മണിക്കൂറിലെ ടിപിആര്‍. നേരത്തെ ട്രിപ്പിള്‍ലോക്ക് ഡൗണ്‍ ഏര്‍പ്പെടുത്തിയ നാല് ജില്ലകളിലും ടിപിആര്‍ കൂടുതലാണ്. ഏതൊക്കെ മേഖലകളില്‍ ഇളവ് നല്‍കണമെന്നത് സംബന്ധിച്ച് വിവിധ വകുപ്പുകളുടെ അഭിപ്രായം ആരായും. തീവ്രരോഗവ്യാപനം വന്നതിനാല്‍ അതീവ ശ്രദ്ധയോടെയാണ് സര്‍ക്കാര്‍ ഇക്കാര്യത്തെ സമീപിക്കുന്നത്.

ന്യൂഡൽഹി :കോവിഡ് ചികിത്സയുമായി ബന്ധപ്പെട്ട് സൗജന്യ വിതരണത്തിനായി ഇറക്കുമതി ചെയ്യുന്ന ഉൽപ്പന്നങ്ങൾക്ക് അടുത്ത ഓഗസ്റ്റ് 31 വരെ ഐജിഎസ്ടി ഇളവ് അനുവദിക്കാനൊരുങ്ങി ചരക്ക്, സേവന നികുതി കൗൺസിൽ.

സർക്കാരിലേക്കോ,സർക്കാർ നിർദ്ദേശിക്കുന്ന ഏജൻസിക്കോ സംഭാവന ചെയ്യാനുള്ളതുമായ ഉൽപ്പന്നങ്ങൾക്കാണ് ഇളവ് ബാധകം.ബ്ലാക്ക് ഫംഗസ് ചികിത്സക്കുള്ള അംഫോടെറസിൻബിയും ഇളവിൽ പെടും. കോവിഡ് ചികിത്സയുമായി ബന്ധപ്പെട്ട് ഇരുപതിലേറെ ഉൽപന്നങ്ങൾക്കാണ് ഇളവ്.ഇവക്ക് ഇറക്കുമതി തീരുവ നേരത്തെ തന്നെ ഒഴിവാക്കിയിരുന്നു. സൗജന്യ വിതരണത്തിനു സൗജന്യമായി ലഭിച്ചതെങ്കിൽ മാത്രം ഐജിഎസ്ടി ഇളവെന്ന വ്യവസ്ഥയാണ് ഒഴിവാക്കിയിരിക്കുന്നത്.

സംസ്ഥാനങ്ങൾക്കുള്ള നഷ്ടപരിഹാര സെസ് വിഷയം ചർച്ച ചെയ്യാൻ മാത്രം കൗൺസിലിൻറെ പ്രത്യേക യോഗം വിളിക്കാൻ ഒരുങ്ങുകയാണ്. ചെറുകിട നികുതിദായകർക്ക് ലേറ്റ് ഫീ നൽകി 2017 ജൂലൈ- 2021 ഏപ്രിൽ കാലയളവിലെ റിട്ടേൺ ഫയൽ ചെയ്യാൻ ആശ്വാസ പദ്ധതി. കോവിഡ് പ്രതിസന്ധി കണക്കിലെടുത്ത് റിട്ടേൺ ഫയൽ ചെയ്യാനുള്ള ചെയ്യാനുള്ള സമയപരിധി കൂട്ടാനുള്ള തീരുമാനം. കമ്പനികൾക്ക് ഓഗസ്റ്റ് 31 വരെ ഇലക്ട്രോണിക് വെരിഫിക്കേഷൻ കോഡ് ഉപയോഗിച്ച് ഫയൽ ചെയ്യാനാകും.

വാഷിംഗ്ടൺ :കോവിഡ് 19 ന്റെ ശരിയായ ഉറവിടം കണ്ടെത്താനൊരുങ്ങി യുഎസ്.

ഇതിനായി കോവിഡ് 19 ന്റെ ഉത്ഭവം അന്വേഷിക്കാൻ ഉള്ള ശ്രമങ്ങൾ ഊർജിതമാക്കാൻ യുഎസ് രഹസ്യാന്വേഷണ ഏജൻസികളോട് ആവശ്യപ്പെട്ടിരിക്കുകയാണ് പ്രസിഡൻറ് ജോ ബൈഡൻ. ചൈനയിലെ ലാബിൽ നിന്നാണോ, മൃഗങ്ങളിൽ നിന്നാണോ എന്ന വസ്തുത ഉൾപ്പെടെ പരിശോധിക്കണം. അന്വേഷണ റിപ്പോർട്ട് 90 ദിവസത്തിനകം സമർപ്പിക്കണം. രാജ്യാന്തര അന്വേഷണത്തോടു സഹകരിക്കാൻ ചൈനക്കുമേൽ സമ്മർദ്ദം ചെലുത്തി കൊണ്ടിരിക്കുകയാണ് യുഎസ്.

എന്നാൽ യുഎസ് ആവശ്യം തള്ളിയ ചൈന, രാഷ്ട്രീയ മുതലെടുപ്പും, പഴിചാരലുമാണ് അമേരിക്ക നടത്തുന്നതെന്ന് ആരോപിച്ചു. തെറ്റായ വിവരങ്ങൾ പ്രചരിപ്പിക്കു ചരിത്രമുള്ള യുഎസ് ഏജൻസികൾ, ലാബിൽ നിന്ന് ചോർന്നതാണെന്ന തരത്തിലുള്ള തെറ്റായ സിദ്ധാന്തവും പ്രചരിപ്പിക്കുകയാണ് ഇപ്പോഴെന്ന് യുഎസിലെ ചൈനീസ് എംബസി പ്രതികരിച്ചു. എന്നാൽ ഈ സിദ്ധാന്തം അംഗീകരിക്കാൻ ലോകാരോഗ്യ സംഘടനയും തയ്യാറായിട്ടില്ല.വവ്വാലിൽ നിന്നും മനുഷ്യരിലേക്ക് പകർന്നതായിരിക്കാം എന്ന സധ്യതയാണ് അവർ മുന്നോട്ടുവയ്ക്കുന്നത്.

തെരഞ്ഞെടുപ്പിനുശേഷം ബൈഡൻ സ്ഥാനമേറ്റതിനു പിന്നാലെ കോവിഡ് ഉത്ഭവം സംബന്ധിച്ച റിപ്പോർട്ട് വിവിധ ഏജൻസിയോട് ആവശ്യപ്പെട്ടിരുന്നു. എന്നാൽ അവരുടെ റിപ്പോർട്ടുകൾ അപൂർണമാണെന്ന കണ്ടെത്തലിന് പിന്നാലെയാണ് വിശദമായ അന്വേഷണത്തിനായി യുഎസ് രംഗത്തെത്തിയത്.

BMS എറണാകുളം മോട്ടോർ തൊഴിലാളി സംഘം ജില്ലാ ജോയിന്റ്സെക്രട്ടറിയും,അമ്പലമുകൾ IOC യിലെ ടാങ്കർലോറി യൂണിറ്റ് സെക്രട്ടറിയുമായ അനന്തകൃഷ്ണനെയും സഹധർമ്മിണി സൗമ്യയും ആണ് ഈ ഭാര്യയും ഭർത്താവും.

എറണാകുളത്തുനിന്ന് മറയൂരിലേക്ക് ഇന്ധനവുമായി ടാങ്കർലോറിയിലെത്തുന്ന ഡ്രൈവറും സഹായിയും ഇപ്പോൾ നാട്ടിലെ ശ്രദ്ധാകേന്ദ്രങ്ങളാണ്. ജീവിതത്തിന്റെയും ലോറിയുടെയും വളയം തിരിച്ച് രണ്ടറ്റം കൂട്ടിമുട്ടിക്കാൻ പാടുപെടുന്ന യുവാവിന്റെ സഹായി ഭാര്യയാണെന്നതാണ് ഈ ജീവിതവണ്ടിയുടെ പ്രത്യേകത.എറണാകുളം പട്ടിമറ്റത്ത് പുളിക്കായത്ത് വീട്ടിൽ ശശീന്ദ്രന്റെയും സുഷമയുടെയും മകൻ അനന്തകൃഷ്ണൻ(39), ഭാര്യ സൗമ്യ (36) എന്നിവരാണ് ഈ ലോറിത്തൊഴിലാളികൾ. കോവിഡ് ദുരിതമേറിയപ്പോൾ മറ്റു മാർഗമില്ലാതെ കൂടുതൽ സുരക്ഷിതനാകുന്നതിനാണ് ഭാര്യയെ അനന്തകൃഷ്ണൻ കൂടെ കൂട്ടിയത്. ചെറുവാഹനങ്ങൾ ഓടിക്കാൻ സൗമ്യക്ക്‌ ലൈസൻസ് ഉണ്ടെങ്കിലും ഹെവി ലൈസൻസില്ല. പെട്രോളിയം ഉത്പന്നങ്ങൾ കൊണ്ടുപോകുന്ന വാഹനങ്ങളിൽ പോകുന്ന ടാങ്ക് ട്രക്ക് ക്രൂ എന്ന പേരിൽ അറിയപ്പെടുന്ന ഡ്രൈവർമാർക്കും ഹെൽപ്പർമാർക്കും ഇന്ത്യൻ ഓയിൽ കോർപ്പറേഷന്റെ പരിശീലനക്ലാസിൽ പങ്കെടുക്കുകയും വിജയിക്കുകയും വേണം. 2004 മുതൽ പെട്രോൾലോറികൾ ഓടിക്കുന്ന അനന്തകൃഷ്ണൻ അത് പാസായിരുന്നു. 2021-ൽ മറയൂരിലെ പെട്രോൾപമ്പുകാർ പുതിയ ടാങ്കർലോറി വാങ്ങി അനന്തകൃഷ്ണനെ ഏൽപ്പിച്ചു. കോവിഡ് വ്യാപനം രൂക്ഷമായ സാഹചര്യത്തിൽ മറ്റൊരാളെ ഹെൽപ്പറായി എടുക്കുന്നത് സുരക്ഷിതമല്ലായെന്നുകണ്ടാണ് ഭാര്യയെയും കമ്പനിയുടെ പരിശീലനക്ലാസിൽ പങ്കെടുപ്പിച്ചത്. പരിശീലനം വിജയകരമായി പൂർത്തീകരിച്ചതോടെയാണ് സൗമ്യ ഭർത്താവിന് കൂട്ടായത്.

എറണാകുളത്തെ കമ്പനിയിൽനിന്ന് പെട്രോൾ നിറച്ച് മറയൂർ പമ്പിൽ എത്തിച്ച് തിരിച്ച് വീട്ടിലെത്തുന്നതുവരെ സൗമ്യ അനന്തകൃഷ്ണന്റെ ഹെൽപ്പറാണ്. വീട്ടിലെത്തിയാൽ കുടുംബിനിയും.

ടാങ്കിൽ പെട്രോൾ നിറയ്ക്കുന്നതും പമ്പുകളിൽ എത്തിച്ചുനൽകുന്നതും ലോറി കഴുകുന്നതും ടയർ പഞ്ചറായാൽ മാറ്റുന്നതും തുടങ്ങി എല്ലാ ജോലിയിലും സൗമ്യയുടെ കരുതലുണ്ട്. ഒറ്റദിവസം കൊണ്ട് തിരികെ വീട്ടിലെത്താൻ കഴിയില്ല. വഴിയിൽ എവിടെയെങ്കിലും സുരക്ഷിതമായ സ്ഥലത്ത് ലോറി ഒതുക്കിയിട്ട് വിശ്രമിച്ചശേഷമേ ഇവർ മടങ്ങൂ. കോവിഡ് കാലമായതിനാൽ ആഴ്ചയിൽ അഞ്ച്‌ ലോഡ് വരെ മാത്രമാണ് ഇപ്പോഴുള്ളത്. എങ്കിലും ഭർത്താവിനൊപ്പം ഇത്തരമൊരു ജോലി ചെയ്യുന്നതിൽ സന്തോഷമാണുള്ളതെന്ന് സൗമ്യ പറയുന്നു.

സൗമ്യയുടെ സാന്നിധ്യം ജോലി ചെയ്യാൻ കൂടുതൽ ഊർജം നൽകുന്നതായി അനന്തകൃഷ്ണനും സാക്ഷ്യപ്പെടുത്തുന്നു. ലക്ഷ്മി, ദശരഥ്, ലക്ഷ്മിപ്രിയ എന്നിവരാണ് മക്കൾ.
ഞാനും ഭാര്യയും കൂടി ആണ് മറയൂർ ഫ്യുയൽസ് ടാങ്കർലോറി ഓടിക്കുന്നത്. ഒരു പക്ഷെ കേരളത്തിലെ ടാങ്കർലോറി ജീവനക്കാരിൽ ആദ്യത്തെ ഭാര്യയും ഭർത്താവും. അനന്തകൃഷ്ണൻ പറയുന്നു.

തിരുവനന്തപുരം: സംസ്ഥാനത്ത് ലോക്ഡൗണ്‍ ഒരാഴ്ച കൂടി നീട്ടാന്‍ സാധ്യത. ടെസ്റ്റ് പോസിറ്റിവിറ്റി നിരക്ക് 10 ശതമാനത്തില്‍ താഴുന്നതു വരെ നിയന്ത്രണങ്ങള്‍ തുടരണമെന്നാണ് ആരോഗ്യരംഗത്തെ വിദഗ്ധരുടെ അഭിപ്രായം.ചില ഇളവുകള്‍ കൂടി അനുവദിച്ചു നിയന്ത്രണങ്ങള്‍ ഫലപ്രദമായി നടപ്പാക്കാനുള്ള ശ്രമമാണ് സര്‍ക്കാരിന്റെ ഭാഗത്തുനിന്ന് ഉണ്ടാകുന്നത്. അടിസ്ഥാന, നിര്‍മാണ മേഖലകളില്‍ കൂടുതല്‍ ഇളവുകള്‍ നല്‍കും.

അതേസമയം ലോക്ഡൗണിൽ ഇളവുകൾ വരുത്തി സർക്കാർ ഉത്തരവിറങ്ങി. ഈ ഇളവുകൾ തീവ്രരോഗ വ്യാപനമുള്ള മലപ്പുറം ജില്ലയ്ക്കു ബാധകമല്ല. മൊബൈല്‍ ഫോണും കംപ്യൂട്ടറും അറ്റകുറ്റപ്പണി നടത്തുന്ന കടകൾ ചൊവ്വ, ശനി ദിവസങ്ങളില്‍ തുറക്കാം.

ഗ്യാസ് സ്റ്റൗ അറ്റകുറ്റപ്പണി നടത്തുന്ന കടകൾ, കൃത്രിമ കാലുകൾ വിൽപനയും അറ്റകുറ്റപ്പണിയും നടത്തുന്ന കടകൾ, ശ്രവണ സഹായ ഉപകരണങ്ങൾ വിൽക്കുകയും അറ്റകുറ്റപ്പണി നടത്തുകയും ചെയ്യുന്ന കടകൾ, കണ്ണട വിൽപനയും അറ്റകുറ്റപ്പണിയും നടത്തുന്ന കടകൾ എന്നിവയ്ക്കു ചൊവ്വ, ശനി ദിവസങ്ങളിൽ പ്രവർത്തിക്കാം.

ചകിരി ഉപയോഗിച്ചുള്ള കയർ നിർമാണത്തിനായി ഉപയോഗിക്കുന്ന യന്ത്രങ്ങൾ കേടുകൂടാതെ സൂക്ഷിക്കാൻ ചൊവ്വ, ശനി ദിവസങ്ങളിൽ ഉപയോഗിക്കാം. വുമൺ ഹൈജീൻ സാധനങ്ങൾ വിൽപന സ്ഥലങ്ങളിൽ എത്തിക്കുന്നതിനുള്ള വാഹനങ്ങൾക്ക് അനുമതി നൽകി.
2: ഹരിപ്പാട്ട്‌ അപകടത്തില്‍പ്പെട്ട കാറില്‍ കഞ്ചാവും കത്തിയും; രണ്ടു പേര്‍ കാപ്പ ചുമത്തിയവര്‍

ആലപ്പുഴ: ദേശീയപാത ഹരിപ്പാട് നങ്ങ്യാർകുളങ്ങരയിൽ അപകടത്തിൽപ്പെട്ട കാറിൽനിന്ന് കഞ്ചാവും കത്തിയും പോലീസ് കണ്ടെടുത്തു. ക്രിമിനൽ കേസിലെ പ്രതികളും കുടുംബവുമാണ് കാറിൽ സഞ്ചരിച്ചതെന്നും പോലീസ് കണ്ടെത്തി. ശനിയാഴ്ച പുലർച്ചെ നങ്ങ്യാർകുളങ്ങര കവലയ്ക്ക് സമീപമുണ്ടായ അപകടത്തിൽ കാറിലെ യാത്രക്കാരായ കായംകുളം സ്വദേശി സെമീന മൻസിലിൽ റിയാസ്(26), ഐഷഫാത്തിമ(25), ബിലാൽ(5), ഉണ്ണിക്കുട്ടൻ എന്നിവരാണ് മരിച്ചത്. കാറിലുണ്ടായിരുന്ന അജ്മി, അൻഷിഫ് എന്നിവരെ പരിക്കുകളോടെ വണ്ടാനം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. ഇവർ അപകടനില തരണം ചെയ്തതായാണ് വിവരം.

ലോറി ഡ്രൈവർക്കും സഹായിക്കും അപകടത്തിൽ പരിക്കേറ്റിട്ടുണ്ട്. കാർ വെട്ടിപ്പൊളിച്ചാണ് അപകടത്തിൽപ്പെട്ടവരെ അഗ്നിരക്ഷാസേനയും പോലീസും നാട്ടുകാരും ചേർന്ന് പുറത്തെടുത്തത്. അപകടത്തിന് കാരണം കനത്ത മഴയും അമിതവേഗവുമാണെന്നാണ് പോലീസിന്റെ നിഗമനം. കായംകുളത്തുനിന്ന് എറണാകുളം ഭാഗത്തേക്ക് അമിതവേഗത്തിൽ പോയ ഇന്നോവ കാർ എതിർദിശയിൽ വന്ന മിനിലോറിയുമായി കൂട്ടിയിടിച്ചാണ് അപകടമുണ്ടായത്. കാറിലുണ്ടായിരുന്ന രണ്ടു പേർ ക്രിമിനൽ പശ്ചാത്തലമുള്ളവരും കാപ്പ നിയമപ്രകാരം നാടു കടത്തിയവരാണെന്നും പോലീസ് തിരിച്ചറിഞ്ഞിട്ടുണ്ട്. അപകടം നടന്ന് മണിക്കൂറുകൾക്ക് ശേഷമാണ് അപകടത്തിൽപ്പെട്ടവരെ കുറിച്ചുള്ള കൂടുതൽ വിവരങ്ങൾ പോലീസിന് ലഭിച്ചത്.

മരിച്ച റിയാസും പരിക്കേറ്റ അൻഷിഫും ക്രിമിനൽ കേസുകളിൽ പ്രതികളാണ്. ഇരുവർക്കുമെതിരേ കാപ്പ ചുമത്തിയിട്ടുമുണ്ട്. അതിനാൽ രണ്ടു പേർക്കും ആലപ്പുഴ ജില്ലയിൽ പ്രവേശിക്കുന്നതിന് വിലക്കും നിലനിൽക്കുന്നുണ്ട്. ഇരുവരും കുടുംബത്തോടൊപ്പം എറണാകുളത്തേക്ക് പോകുന്നതിനിടെയാണ് അപകടം സംഭവിച്ചതെന്നാണ് പോലീസിന്റെ കണ്ടെത്തൽ. പരിക്കേറ്റ അൻഷിഫിന്റെ ഭാര്യയാണ് ഐഷഫാത്തിമ. ഇവരുടെ മകനാണ് അഞ്ചു വയസ്സുകാരനായ ബിലാൽ. അപകടത്തിൽ മരിച്ച ഉണ്ണിക്കുട്ടൻ കൊട്ടാരക്കര സ്വദേശിയാണ്. അപകടത്തെക്കുറിച്ചും മറ്റും പോലീസ് വിശദമായ അന്വേഷണം നടത്തിവരികയാണ്.

3 ഹരിപ്പാട് ദേശീയപാതയില്‍ കാറും ലോറിയും കൂട്ടിയിടിച്ചു; 5 വയസ്സുകാരനടക്കം നാലു മരണം

ഹരിപ്പാട് ദേശീയപാതയില്‍ നങ്ങ്യാര്‍കുളങ്ങര കവലയ്ക്കു സമീപം കാറും ലോറിയും കൂട്ടിയിടിച്ച് ഒരു കുഞ്ഞടക്കം നാലുപേര്‍ മരിച്ചു. 2 പേർക്ക് പരിക്കേറ്റു. കായംകുളം സ്വദേശികളായ ഐഷ ഫാത്തിമ (25), റിയാസ് (27), ബിലാൽ (5), കൊട്ടാരക്കര സ്വദേശി ഉണ്ണിക്കുട്ടൻ (20) എന്നിവരാണു മരിച്ചത്. ദേശീയപാതയില്‍ ഇന്നു പുലര്‍ച്ചെ മൂന്നോടെയായിരുന്നു അപകടം. ഗുരുതരമായി പരിക്കേറ്റ അജ്മി (23), അൻഷാദ് (27 എന്നിവരെ വണ്ടാനം മെഡിക്കൽ കോളജിൽ പ്രവേശിപ്പിച്ചു. ലോറിയിൽ ഉണ്ടായിരുന്ന രണ്ടു പേർക്കും പരിക്കുണ്ട്.

കാറില്‍ ആറുപേരുണ്ടായിരുന്നെന്നാണ് വിവരം. ഇടിയുടെ ആഘാതത്തില്‍ കാര്‍ പൂര്‍ണമായും തകര്‍ന്നു. അഗ്നിശമനസേനയും പൊലീസും ചേര്‍ന്ന് കാര്‍ വെട്ടിപ്പൊളിച്ചാണ് ഉള്ളിലുണ്ടായിരുന്നവരെ പുറത്തെടുത്ത് ആശുപത്രിയിലെത്തിച്ചത്.

കായംകുളത്തുനിന്ന് എറണാകുളത്തേക്ക് പോയ ഇന്നോവ കാര്‍ എതിര്‍ദിശയില്‍നിന്ന് വന്ന ലോറിയുമായി കൂട്ടിയിടിക്കുകയായിരുന്നു. കാര്‍ അമിതവേഗത്തിലായിരുന്നെന്നാണ് വിവരം. മണ്ണൽ കയറ്റിവന്ന ലോറിയും കാറുമാണ് കൂട്ടിയിടിച്ചത്.

തിരുവനന്തപുരം: രാജ്യത്ത് ഇന്ധന വില വീണ്ടും കൂട്ടി. ഈ ഒരു മാസം ഇത് പതിനഞ്ചാം തവണയാണ് വില വർധിപ്പിക്കുന്നത്. പെട്രോളിന് 26 പൈസയും ഡീസലിന് 29 പൈസയുമാണ് ഇന്ന് കൂട്ടിയത്. ഇതോടെ തിരുവനന്തപുരത്ത് പെട്രോൾ വില 96ന് അടുത്തെത്തി.

തിരുവനന്തപുരത്ത് ഒരു ലിറ്റർ പെട്രോളിന് 95.98 രൂപയാണ് ഇന്നത്തെ വില. ഡീസൽ വില 91.28 രൂപയാണ്. കൊച്ചിയിൽ പെട്രോളിന് 94.4 രൂപയും ഡീസലിന് 90.46 രൂപയുമാണ് ഇന്നത്തെ വില. കോഴിക്കോട് പെട്രോളിന് 94.63 രൂപയും ഡീസലിന് 90.4 രൂപയുമാണ് ഇന്നത്തെ വില.

തിരഞ്ഞെടുപ്പ് ഫല പ്രഖ്യാപനത്തിന് ശേഷം തുടർച്ചയായ ദിവസങ്ങളിലാണ് രാജ്യത്ത് ഇന്ധന വില കൂടിയത്. മാർച്ചിൽ തിരഞ്ഞെടുപ്പ് പ്രഖ്യാപിച്ചതോടെ തുടർച്ചയായുള്ള വില വർദ്ധനവിന് ശമനമുണ്ടായിരുന്നതാണ്. എന്നാൽ ഈ മാസം മാത്രം ഇതിനോടകം 15 തവണ വില വർധിപ്പിച്ചു. ഫെബ്രുവരിയിൽ 16 തവണയാണ് വില വർധിപ്പിച്ചത്. ഏകദേശം 20 രൂപക്ക് മുകളിലാണ് കഴിഞ്ഞ ഒരു വർഷം വർദ്ധനവ് ഉണ്ടായിരിക്കുന്നത്.

• ഗുജറാത്ത്, രാജസ്ഥാന്‍, ഛത്തീസ്ഗഡ്, ഹരിയാന, പഞ്ചാബ് എന്നിവിടങ്ങളിലെ 13 ജില്ലകളില്‍ താമസിക്കുന്ന മുസ്‌ലിം ഇതര അഭയാര്‍ഥികളില്‍ നിന്നാണ് ഇന്ത്യന്‍ പൗരത്വത്തിന് അപേക്ഷ ക്ഷണിച്ചു കൊണ്ട് കേന്ദ്രം വിജ്ഞാപനം ഇറക്കിയത

ന്യൂഡല്‍ഹി: ഭരണഘടനാ വിരുദ്ധമായ പൗരത്വ ഭേദഗതി നിയമം (സിഎഎ) കേന്ദ്രസര്‍ക്കാര്‍ നടപ്പിലാക്കി തുടങ്ങി. മുസ്‌ലിംകള്‍ ഒഴികെയുള്ള അഭയാര്‍ഥികള്‍ക്ക് ഇന്ത്യന്‍ പൗരത്വം നല്‍കുന്നതിന് കേന്ദ്രസര്‍ക്കാര്‍ അപേക്ഷ ക്ഷണിച്ചു. അഫ്ഗാനിസ്ഥാന്‍, ബംഗ്ലാദേശ്, പാക്കിസ്ഥാന്‍ എന്നിവിടങ്ങളില്‍ നിന്നുള്ള ഹിന്ദുക്കള്‍, സിഖുകാര്‍, ജൈനമതക്കാര്‍, ബുദ്ധമതക്കാര്‍ എന്നിവര്‍ക്ക് പൗരത്വം നല്‍കാനുള്ള നടപടികളാണ് ആരംഭിച്ചത്. ഗുജറാത്ത്, രാജസ്ഥാന്‍, ഛത്തീസ്ഗഡ്, ഹരിയാന, പഞ്ചാബ് എന്നിവിടങ്ങളിലെ 13 ജില്ലകളില്‍ താമസിക്കുന്ന മുസ്‌ലിം ഇതര അഭയാര്‍ഥികളില്‍ നിന്നാണ് ഇന്ത്യന്‍ പൗരത്വത്തിന് കേന്ദ്രം അപേക്ഷ ക്ഷണിച്ചു കൊണ്ട് വിജ്ഞാപനം ഇറക്കി.

2019 ല്‍ നടപ്പാക്കിയ ഭരണഘടനാ വിരുദ്ധമായ പൗരത്വ ഭേദഗതി നിയമത്തിലെ (സിഎഎ) ചട്ടങ്ങള്‍ ഇനിയും രൂപപ്പെടുത്തിയിട്ടില്ലെങ്കിലും പൗരത്വ നിയമം 2009 ഭേദഗതി പ്രകാരം ഉത്തരവ് ഉടനടി നടപ്പാക്കുന്നതിനാണ് കേന്ദ്ര ആഭ്യന്തര  മന്ത്രാലയം ശ്രമം തുടങ്ങിയിട്ടുള്ളത്. 2014 ഡിസംബര്‍ 31 വരെ ബംഗ്ലാദേശ്, പാകിസ്ഥാന്‍, അഫ്ഗാനിസ്ഥാന്‍ എന്നിവിടങ്ങളില്‍ നിന്ന് ഇന്ത്യയിലെത്തിയ ഹിന്ദു, സിഖ്, ജെയിന്‍, ബുദ്ധ, പാര്‍സി, ക്രിസ്ത്യന്‍ എന്നീ വിഭാഗത്തില്‍ ഉള്‍പ്പെട്ടവരില്‍ നിന്നാണ് അപേക്ഷ ക്ഷണിച്ചത്. മുസ്‌ലിം വിഭാഗത്തെ മാത്രമാണ് ഇതില്‍ നിന്നും ഒഴിവാക്കിയിട്ടുള്ളത്.

കൊച്ചി: സംസ്ഥാനത്തെ ന്യൂനപക്ഷ സമുദായ വിദ്യാർഥികൾക്കുള്ള മെറിറ്റ് സ്കോളർഷിപ്പുകൾ തുല്യ പരിഗണനയോടെ വിതരണം ചെയ്യാനുള്ള ഉത്തരവിറക്കാൻ സർക്കാരിന് നിർദേശം നൽകി ഹൈക്കോടതി.

നിലവിൽ സ്കോളർഷിപ്പ് വിതരണത്തിന്റെ നിലവിലെ അനുപാതമായ 80 :20 നിയമപരമായി നിലനിൽക്കുന്നില്ലാത്തതിനാൽ റദാക്കുകയും ചെയ്തു.മുസ്ലീങ്ങൾക്ക് 80%, ലത്തീൻ, കത്തോലിക്കാ പരിവർത്തിത ക്രൈസ്തവ വിഭാഗങ്ങൾക്ക് 20% എന്നിങ്ങനെ നിലനിൽക്കുന്ന അനുപാതം ചീഫ് ജസ്റ്റിസ് എസ്. മണികുമാർ,ജസ്റ്റിസ് ഷാജി പി. ചാലി എന്നിവർ ഉൾപ്പെടുന്ന ഡിവിഷണൽ ബെഞ്ചാണ് റദ്ദാക്കിയത്.
ന്യൂനപക്ഷങ്ങളെ മുസ്‌ലിം, ക്രിസ്ത്യൻ എന്നിങ്ങനെ വേർതിരിക്കുന്നത് ശരിയല്ലെന്നും,ഇത് മതനിരപേക്ഷതക്ക് എതിരാണെന്നും, ആനുകൂല്യങ്ങൾ എല്ലാ ന്യൂനപക്ഷ വിഭാഗങ്ങൾക്കും ഒരുപോലെ ലഭ്യമാക്കണമെന്ന് വാദിച്ചുകൊണ്ടുള്ള പാലക്കാട് സ്വദേശി ജസ്റ്റിൻ പള്ളിവാതുക്കലിന്റെ ഹർജിയിലാണ് വിധി.

സംസ്ഥാനത്തെ ജനസംഖ്യ അനുപാതം അനുസരിച്ച് ക്രൈസ്തവർക്കു കുറവും,മുസ്ലിം വിഭാഗങ്ങൾക്ക് കുറവും,മുസ്ലിം വിഭാഗങ്ങൾക്ക് കൂടുതലും അനുപാതത്തിൽ സ്കോളർഷിപ്പ് എന്നത് നിയമഘടനാ വിരുദ്ധമാണെന്നും,ന്യൂനപക്ഷ കമ്മീഷന്റെ നിയമ വ്യവസ്ഥകളെ സർക്കാർ ഉത്തരവ് കൊണ്ട് മറികടക്കാനാവില്ല എന്നും കോടതി പറഞ്ഞു.