ലോക്ഡൗൺ സമയത്ത് കുറഞ്ഞ വരുമാനമുള്ള ഉപഭോക്താക്കൾക്ക് അവരുടെ ഫോൺ ഉപയോഗം നിലനിർത്താനായി സൗജന്യം പ്രഖ്യാപിച്ച് എയർടെൽ.നേരത്തെ ജിയോയും ഉപഭോക്താക്കൾക്കായി സൗജന്യ റീച്ചാർജ് പ്രഖ്യാപിച്ചിരുന്നു.

അതിന് പിന്നാലെയാണ് സൗജന്യ പ്രഖ്യാപനവുമായി എയർടെലും രംഗത്തെത്തിയത്. ഇതിലൂടെ എയർടെൽ 5.5 കോടിയിലധികം ഉപഭോക്താക്കളെ ശക്തികരിക്കുകയാണ് ലക്ഷ്യമിടുന്നത്. അവരിൽ ഭൂരിഭാഗവും ഗ്രാമപ്രദേശങ്ങളിൽ ഉള്ളവരാണ്. ഫോൺ റീചാർജ് ചെയ്യാൻ കഴിയാത്ത സാഹചര്യത്തിലും, ബന്ധം നിലനിർത്തുന്നതിനും, ആവശ്യമുള്ളപ്പോൾ നിർണായക വിവരങ്ങൾ നൽകുന്നതിനുമായാണ് എയർടെല്ലിന്റെ ഈ സൗജന്യ പ്രഖ്യാപനം.

ഇന്ത്യയിലെ 55 ലക്ഷം ദശലക്ഷത്തിലധികം താഴ്ന്ന വരുമാനമുള്ള ഉപഭോക്താക്കൾക്ക് സൗജന്യമായി 49 രൂപയുടെ പായ്ക്കാണ് എയർടെൽ സൗജന്യമായി നൽകുന്നത്. ഇതുപ്രകാരം ഉപഭോക്താക്കൾക്ക് 100എംബി ഡാറ്റയും 28 ദിവസത്തെ വാലിഡിറ്റി ഉള്ള ടോക്ക് ടൈമും ലഭിക്കും.ഇതിനു പുറമേ മറ്റൊരു സൗജന്യ പ്ലാൻ കൂടി എയർടെൽ ഉപഭോക്താക്കൾക്കായി പ്രഖ്യാപിച്ചിട്ടുണ്ട്. പ്രീപെയ്ഡ് ഉപഭോക്താക്കൾക്ക് ഇരട്ടി ആനുകൂല്യങ്ങളോടെ 79 റീചാർജ് കൂപ്പണുകളും അവതരിപ്പിക്കുന്നുണ്ട്.

ആഫ്രിക്കൻ വിപണിയിലെ രണ്ടാമത്തെ വലിയ മൊബൈൽ ഓപ്പറേറ്റേഴ്സ് ആണ് എയർടെൽ. ദക്ഷിണേന്ത്യയിലെയും ആഫ്രിക്കയിലെയും 18 രാജ്യങ്ങളിലായി 45.8കോടി ഉപഭോക്താക്കളും, പ്രവർത്തനങ്ങളുമുള്ള ഇന്ത്യയിലെ ഏറ്റവും വലിയ ടെലികോം കമ്പനിയാണ് എയർടെൽ.

തിരുവനന്തപുരം: സംസ്ഥാനത്ത് ഇന്ന് രാത്രി വരെ ഉയർന്ന തീരമാലകൾക്ക് സാധ്യതയെന്ന മുന്നറിയിപ്പുമായി കാലാവസ്ഥാ കേന്ദ്രം. തിരുവനന്തപുരത്തെ പൊഴിയൂർ മുതൽ കാസർകോട് വരെയുള്ള തീരത്ത് 3.5 മീറ്റർ മുതൽ 4.5 മീറ്റർ വരെ ഉയരത്തിൽ തിരയടിക്കാനാണ് സാധ്യത.

മത്സ്യത്തൊഴിലാളികൾ കടലിൽ പോകരുതെന്ന നിർദ്ദേശവുമുണ്ട്. അതേസമയം ടൗട്ടേ കേരളാ തീരം വിട്ടതിനാൽ സംസ്ഥാനത്ത് കനത്ത മഴക്ക്‌ ശമനമുണ്ട്.കോഴിക്കോട്,കാസർഗോഡ് ജില്ലകളിൽ നേരിയ തോതിൽ മഴ തുടരുന്നുണ്ടെങ്കിലും കാര്യമായ പ്രശ്നങ്ങളൊന്നുമില്ല. കാലാവസ്ഥാ നിരീക്ഷണ കേന്ദ്രം മൂന്ന് ജില്ലകളിലെ മഴ മുന്നറിയിപ്പുകൾ നേരത്തെ തന്നെ പിൻവലിച്ചിരുന്നു.

ടൗട്ടേ കേരള തീരം വിട്ടതോടെ ഇനി മൺസൂൺ തുടങ്ങുന്നതുവരെ സംസ്ഥാനത്ത് അന്തരീക്ഷം ശാന്തമായിരിക്കും എന്നാണ് കാലാവസ്ഥ നിരീക്ഷണ കേന്ദ്രത്തിന്റെ അറിയിപ്പ്. അതേസമയം ടൗട്ടേ ഏറ്റവുമധികം നാശം വിതച്ച വടക്കൻ ജില്ലങ്ങളിൽ നിരവധി കുടുംബങ്ങൾ ഇപ്പോഴും ബന്ധുവീടുകളിൽ തന്നെ തുടരുകയാണ്. കോഴിക്കോട് അരീക്കൽ പഞ്ചായത്തിൽ കടൽ ഭിത്തിയും, റോഡും കുടിവെള്ള പൈപ്പുകളും തകർന്നിരുന്നു. ഇവയുടെ അറ്റകുറ്റപ്പണികൾ യുദ്ധകാലാടിസ്ഥാനത്തിൽ പുരോഗമിക്കുകയാണ്.

ഗാന്ധിനഗർ: അറബിക്കടലിൽ രൂപം കൊണ്ട അതിശക്തമായ ന്യൂനമർധത്തിന്റെ
ഫലമായി ഉണ്ടായ ടൗട്ടേ ചുഴലിക്കാറ്റ് ദുർബലമാകുന്നു. ഗുജറാത്തിന്റെ കരയിലേക്ക് വീശിയടിച്ച ചുഴലിക്കറ്റ് ദുർബലമായെന്നാണ് കാലാവസ്ഥാ കേന്ദ്രത്തിന്റെ അറിയിപ്പ്. ഇന്നലെ രാത്രി 9 മണിയോടെ കാറ്റ് കരയിലേക്ക് പ്രവേശിച്ചതിന് പിന്നാലെയാണ് അതിതീവ്ര ചുഴലിയിൽ നിന്ന് തീവ്ര ചുഴലിയായി മാറിയത്.

ഇതുവരെ ആളപായമൊന്നും റിപ്പോർട്ട് ചെയ്തിട്ടില്ല. തീരമേഖലയിൽ റെഡ് അലർട്ട് തുടരുകയാണ്. എന്നാലും സംസ്ഥാനത്ത് മഴ ശക്തമായി തുടരുകയാണ്.
മഹാരാഷ്ട്രയിൽ 6 മരണം സ്ഥിതീകരിച്ചു. ബോട്ട് മുങ്ങി കാണാതായ മൂന്ന് മത്സ്യത്തൊഴിലാളികളെ ഇതുവരെ കണ്ടെത്താനായിട്ടില്ല.

കേരളത്തിൽ ടൗട്ടേ ചുഴലിക്കറ്റിന്റെ ഭീതി ഇല്ലാതായെങ്കിലും കേരളത്തിന്റെ വടക്കൻ ജില്ലകളിൽ മഴ ഇന്നും തുടരും. മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. സംസ്ഥാനത്ത് കടൽക്ഷോഭത്തിനും, നാല് മീറ്റർ വരെ ഉയരത്തിലുള്ള തീരമാലകൾക്കും സാധ്യതയുള്ളതായി കാലാവസ്ഥ നിരീക്ഷണ കേന്ദ്രം അറിയിച്ചു. മത്സ്യബന്ധന നിരോധനം തുടരും.

അതേസമയം ടൗട്ടേ കേരള തീരം വിട്ടതിനാൽ സംസ്ഥാനത്ത് കനത്ത മഴയ്ക്ക് ശമനമുണ്ട്. കോഴിക്കോട്, കാസർകോട് ജില്ലകളിൽ നേരിയ തോതിൽ മഴ തുടരുന്നുണ്ടെങ്കിലും കാര്യമായ പ്രശ്നങ്ങളൊന്നുമില്ല. കാലാവസ്ഥാ നിരീക്ഷണ കേന്ദ്രം മൂന്ന് ജില്ലകളിലെ മഴ മുന്നറിയിപ്പുകൾ നേരത്തെതന്നെ പിൻവലിച്ചിരുന്നു.

മസ്കറ്റ്: ചൈനയിൽ നിന്നുള്ള കോവിഡ് പ്രതിരോധ വാക്സിൻ രാജ്യത്തെ സ്വദേശികളും, പ്രവാസികൾക്ക് വിതകരണം ചെയ്യാനൊരുങ്ങി ഒമാൻ ആരോഗ്യ മന്ത്രാലയ വൃത്തം.

ചൈനീസ് നിർമ്മിത ‘സിനോവക്’ വാക്സിന്റെ ഒരു ലക്ഷം ഡോസാണ് ഒമാന് ലഭിച്ചത്. ഈ വർഷം മാർച്ചിൽ ചൈനീസ് വിദേശകാര്യ മന്ത്രിയുടെ ഒമാൻ സന്ദർശനത്തിന് പിന്നാലെയാണ് ചൈന ഒമാന് വാക്സിൻ നൽകിയത്.

ഒമാന് വാക്‌സിൻ നൽകാനും, രാജ്യത്തെ വിദേശികൾക്കും സ്വദേശികൾക്കും വാക്‌സിൻ ലഭ്യമാക്കാൻ തങ്ങൾ സന്നദ്ധരാണെന്നും അന്ന് ചൈന അറിയിച്ചിരുന്നു.ഓമാനും,ചൈനയും തമ്മിലുള്ള സൗഹൃദത്തിന്റെയും ഈ രാജ്യങ്ങളും, ഇരു രാജ്യങ്ങളും തമ്മിലുള്ള ശക്തമായ ബന്ധത്തിന്റെയും അടയാളമായാണ് ചൈന ഒമാന് വാക്‌സിൻ നൽകിയത്.

മസ്കത്ത് :ഒമാനിലെ പ്രവാസി ജനസംഖ്യയിൽ കുറവ് സംഭവിച്ചതായി കണക്കുകൾ.38.8 ശതമാനമായി കുറഞ്ഞതായാണ് കണക്കുകൾ സൂചിപ്പിക്കുന്നത്. മെയ്‌ 15 വരെയുള്ള കണക്കുകളിൽ ആണ് ഇക്കാര്യം വ്യക്തമാകുന്നത്.

നിലവിൽ ഒമാനിലെ ജനസംഖ്യയിൽ 61.3 ശതമാനം സ്വദേശികളും, 38.6 ശതമാനം പ്രവാസികളും ആണ്. 45,07,468 ആണ് രാജ്യത്തെ ആകെ ജനസംഖ്യ. ഇവരിൽ 27, 57,983 പേർ സ്വദേശികളും,17,49,485 പേർ പ്രവാസികളുമാണ്. മാർച്ച് അവസാനം 38.9 ശതമാനമായിരുന്നു പ്രവാസി ജനസംഖ്യയിലാണ് ഒന്നര മാസം കൊണ്ട് 0.1% ന്റെ കുറവുണ്ടായത്.

കഴിഞ്ഞ ഒരു വർഷത്തിനിടയിൽ രാജ്യത്തെ സ്വദേശി ജനസംഖ്യയിൽ 2.67 ശതമാനത്തിന്റെ കുറവ് വന്നതായി അധികൃതർ വ്യക്തമാക്കുന്നു. ഏറ്റവുമധികം പ്രവാസികൾ സ്വന്തം നാടുകളിലേക്ക് മടങ്ങിയത് മസ്കത്തിൽ ആണ്. ദോഫാർ, അൽ ദാഹിയ എന്നിവയാണ്
പിന്നീടുള്ള സംസ്ഥാനങ്ങൾ. രാജ്യം വിട്ട പ്രവാസികളിൽ 17.4 ശതമാനവും ഇന്ത്യക്കാരാണ്. തൊട്ടുപിന്നിൽ ബംഗ്ലാദേശികളും, പാകിസ്ഥാനികളും, ഫിലിപൈനികളുമാണ്.

മസ്കത്ത് :വിദ്വേഷ പ്രചരണം ലക്ഷ്യമിട്ട് സമൂഹ മാധ്യമങ്ങളിൽ പ്രചരിക്കുന്ന വ്യാജ വാർത്തകളിൽ വീണു പോകരുതെന്ന് പ്രവാസികൾക്ക് ഒമാൻ ഇന്ത്യൻ എംബസിയുടെ മുന്നറിയിപ്പ്.

ഒമാനിലെ സ്ഥിരതാമസക്കാരായ ഇന്ത്യൻ പ്രവാസികൾ രാജ്യത്തെ എല്ലാ നിയമങ്ങളും കൃത്യമായി പാലിക്കുന്നവരും, ഇരുരാജ്യങ്ങളും തമ്മിലുള്ള സൗഹൃദബന്ധം ആഴപ്പെടുത്തുന്നതിൽ പ്രധാന പങ്കു വഹിക്കുന്നവരും ആണെന്ന് എംബസി വ്യക്തമാക്കി.

ഒമാനിലെ ഇന്ത്യൻ സമൂഹത്തെ കുറിച്ച് സമൂഹമാധ്യമങ്ങളിൽ യാതൊരു സ്ഥിരീകരണവും ഇല്ലാത്ത നിരവധി പോസ്റ്റുകൾ ശ്രദ്ധയിൽപ്പെട്ടു എന്നും, ഇത്തരം വ്യാജ പോസ്റ്റുകളിൽ വീണുപോകരുത് എന്നും എംബസി പുറത്തിറക്കിയ അറിയിപ്പിൽ പറയുന്നു. ഇത്തരത്തിലുള്ള വിദ്വേഷം പ്രചരിപ്പിക്കുന്ന വ്യാജ പോസ്റ്റുകൾ അവഗണിച്ച്, കോവിഡിനെതിരെ ഉള്ള പോരാട്ടത്തിൽ ശ്രദ്ധ കേന്ദ്രീകരിച്ച് ഐക്യത്തോടെ മുന്നേറണമെന്നും എംബസി അഭ്യർത്ഥിച്ചു.