ലോകത്തിലെ അതിശയകരവും, വിചിത്രവും,വെല്ലുവിളി നിറഞ്ഞതുമായ നേട്ടങ്ങളുടെ നിധിയാണ് ഗിന്നസ് ബുക്ക് ഓഫ് വേൾഡ് റെക്കോർഡ്. ഈ റെക്കോർഡിൽ വളരെ വിചിത്രവും ആർക്കും ഭേദിക്കാൻ കഴിയാത്തതുമായ ഒരു റെക്കോർഡിന് ഉടമയാണ് ഫ്രഞ്ചുകാരനായ മിഷേൽ ലേറ്റിറ്റാ.ഭക്ഷ്യ യോഗ്യമല്ലാത്ത വസ്തുക്കൾ കഴിച്ചാണ് അദ്ദേഹം റെക്കോർഡിൽ ഇടം നേടിയത്.9 വയസ്സു മുതൽ പതിവായി ലോഹവും,ഗ്ലാസും കഴിക്കാറുണ്ടായിരുന്നു.

ഇയാളുടെ ഭക്ഷണ രീതിയെക്കുറിച്ച് ഫ്രാൻസിലെ ഗ്യാസ്ട്രോ എൻട്രോളജിസ്റ്റുകൾ പഠനം നടത്തുകയും പ്രതിദിനം 900 ഗ്രാം ലോഹങ്ങൾ കഴിക്കുവാനുള്ള ഇയാളുടെ കഴിവ് ‘അതുല്യമാണ്’ എന്ന് എക്സ്-റേ വഴി കണ്ടെത്തുകയും ചെയ്തതായി ഗിന്നസ് ബുക്ക് ഓഫ് വേൾഡ് റെക്കോർഡ് വെബ്സൈറ്റിന്റെ രേഖകൾ പറയുന്നു. ഭക്ഷ്യ യോഗ്യമല്ലാത്ത സാധനങ്ങളോടുഉള്ള ഇയാളുടെ അമിതമായ ആസക്തി പിക്ക എന്ന മാനസിക വിഭ്രാന്തിയുടെ ഫലമാണ്.

തനിക്ക് ലഭിച്ച ഈ വിചിത്രമായ കഴിവിലൂടെ അദ്ദേഹം വിവിധ ചടങ്ങുകളിൽ തന്റെ ഈ കഴിവ് ജനങ്ങൾക്ക് മുന്നിൽ പ്രദർശിപ്പിച്ച് ഒരു വരുമാനമാർഗ്ഗമായി സ്വീകരിക്കുകയും ചെയ്തിരുന്നു.1960 മുതൽ 18 സൈക്കിളുകൾ,15 സൂപ്പർമാർക്കറ്റ് ട്രോളികൾ,7 ടിവി സെറ്റുകൾ,2 കിടക്കകൾ കമ്പ്യൂട്ടർ എന്നിവയെല്ലാം അദ്ദേഹം ഭക്ഷിച്ചു.

അതേസമയം, വാഴപ്പഴവും പുഴുങ്ങിയ മുട്ടയും കഴിച്ചത് തന്നെ രോഗിയാക്കി എന്നും ഒരിക്കൽ അദ്ദേഹം വ്യക്തമാക്കിയിട്ടുണ്ട്. 2007 ജൂൺ 25 ആണ് മിഷേൽ മരിക്കുന്നത്. 1997 ഒക്ടോബർ വരെ അദ്ദേഹം 9 ടൺ ലോഹം കഴിച്ചതായാണ് കണക്കുകൾ.

ന്യൂഡൽഹി :രാജ്യത്ത് വാക്സിൻ ക്ഷാമം രൂക്ഷമായതോടെ വിദേശത്തുനിന്ന് നേരിട്ട് കോവിഡ് വാക്സിൻ വാങ്ങാനുള്ള സംസ്ഥാനങ്ങളുടെ നീക്കത്തിന് അതൃപ്തി അറിയിച്ച് കേന്ദ്രം. വിദേശ കമ്പനികളുമായി നേരിട്ടുള്ള ഇടപാടിനു കേന്ദ്ര അനുമതി ആവശ്യമാണ്. സാങ്കേതിക തടസ്സങ്ങൾ സ്ഥിതി വഷളാക്കുകയാണ്.

10 സംസ്ഥാനങ്ങളാണ് വിദേശ ടെൻഡർ ആലോചിക്കുന്നത്. നിലവിൽ കേന്ദ്രവും സംസ്ഥാനങ്ങളും പരസ്പരം പഴിചാരുന്ന സാഹചര്യമാണ് രാജ്യത്ത്. കേന്ദ്രത്തിൽ നിന്നോ കമ്പനികളിൽ നിന്നോ നേരിട്ട് വേണ്ടത്ര വാക്സിൻ ലഭിക്കുന്നില്ലെന്ന പരാതിയുമായി പ്രതിപക്ഷ പാർട്ടികൾ ഭരിക്കുന്ന സംസ്ഥാനങ്ങൾ രംഗത്തെത്തിയിരുന്നു. സംസ്ഥാനങ്ങളുടെ ഈ നീക്കത്തിനു പിന്നാലെ ഓരോ സംസ്ഥാനവും സ്വന്തം നിലയിൽ മുന്നോട്ടു പോയാൽ അത് രാജ്യത്തിൻറെ സൽപ്പേരിന് ക്ഷീണം ഉണ്ടാക്കുമെന്ന പ്രതികരണവുമായി ഡൽഹി മുഖ്യമന്ത്രി അരവിന്ദ് കേജ്‌രിവാൾ രംഗത്തെത്തിയിരുന്നു.

ആത്മവിശ്വാസം കൈവിടാതെ കേന്ദ്രം

ഈ വർഷം തന്നെ ഇന്ത്യയിൽ മുഴുവൻ ജനങ്ങൾക്കും വാക്സിൻ ലഭ്യമാക്കാം എന്ന പ്രതീക്ഷയിലാണ് ആരോഗ്യമന്ത്രാലയം.
ഡിസംബറിനുള്ളിൽ 216 കോടി ഡോസ് വാക്സിനാണ് കണക്കിലുള്ളത്. നിലവിൽ അനുമതിയുള്ള 3 വാക്സിനുകളിൽനിന്ന് 145 കോടി ഡോസും, പുതുതായി അനുമതിക്കായി കാത്തിരിക്കുന്ന 5 കമ്പനികളിൽനിന്ന് 71 കോടി ഡോസും ലഭിക്കും. ഇതിനുപുറമേ ഫൈസൽ, ജോൺസൺ ആൻഡ് ജോൺസൺ, മേഡോണ തുടങ്ങിയ വാക്‌സിനുകൾ കൂടി ലഭ്യമായാൽ ക്ഷാമം പരിഹരിക്കാൻ കഴിയുമെന്നാണ് കണക്കാക്കുന്നതെന്നും ആരോഗ്യ മന്ത്രാലയം വ്യക്തമാക്കി.

ലോക്ഡൗണിന്നെ തുടർന്ന് നടപ്പാക്കിയ നിബന്ധനകൾ ഘട്ടങ്ങളായി പിൻവലിക്കുകയാണ് ബ്രിട്ടൻ.തിങ്കളാഴ്ച മുതൽ വിദേശ വിനോദയാത്രക്ക് അനുമതി നൽകി.

വിവിധ രാജ്യങ്ങളിൽ കോവിഡ് വ്യാപനം വ്യത്യസ്ത നിലയിലായതിനാൽ വിദേശ യാത്രകളെ ‘ട്രാഫിക് ലൈറ്റ്’ സംവിധാനത്തിലൂടെ നിയന്ത്രിക്കാനാണ് ബ്രിട്ടനിലെ പുതിയ തീരുമാനം. ഇതും പ്രകാരം വിവിധ രാജ്യങ്ങളെ റെഡ്,
ആംബർ, ഗ്രീൻ എന്നിങ്ങനെ മൂന്നു വിഭാഗങ്ങളായി തിരിക്കുകയും ഇതിൽ ഗ്രീൻ കാറ്റഗറിയിൽ ഉൾപ്പെടുന്ന രാജ്യങ്ങൾക്ക് ഇംഗ്ലണ്ട്, സ്കോട്ട്‌ലൻഡ്, വെയിൽസ് എന്നിവിടങ്ങളിൽ നിന്നും യാത്രാനുമതി ഉണ്ടായിരിക്കും. എന്നിരുന്നാലും
നോർത്തേൺ അയർലൻഡ് രാജ്യാന്തര യാത്രക്കാർക്കുള്ള വിലക്ക് ഇനിയും പിൻവലിച്ചിട്ടില്ല.

നിലവിൽ ബ്രിട്ടന്റെ ഗ്രീൻ ലിസ്റ്റിലുള്ള രാജ്യങ്ങൾ പോർച്ചുഗൽ, ഇസ്രായേൽ, സിംഗപ്പൂർ, ഓസ്ട്രേലിയ, ന്യൂസിലാൻഡ്,ഐസ്‌ലാൻഡ്, ജിബ്രാൾട്ടർ, പാറൂ ഹൈലൈറ്റ് ഫറോ ഐലൻഡ്, സൗത്ത് ജോർജിയ ആൻഡ് സാൻവിച്ച് ഐലൻഡ്‌, സെൻറ് ഹെലേന എന്നിവയാണ്. തിങ്കളാഴ്ചമുതൽ ബ്രിട്ടനിൽ നിന്നുള്ള യാത്രികരെ സ്വാഗതം ചെയ്യുന്നതായി പോർച്ചുഗലും അറിയിച്ചു. എന്നാൽ യാത്രക്കാർ നിർബന്ധമായും കോവിഡ് നെഗറ്റീവ് സർട്ടിഫിക്കറ്റ് കയ്യിൽ കരുതിയിരിക്കണം.

അംബർ ലിസ്റ്റിൽ ഉള്ള രാജ്യങ്ങളിലേക്ക് കഴിയുമെങ്കിൽ യാത്ര ഒഴിവാക്കണമെന്ന് സർക്കാർ നിർദ്ദേശം ഉണ്ടെങ്കിലും അടിയന്തരഘട്ടങ്ങളിൽ യാത്ര ആവാം.എന്നിരുന്നാലും പത്ത് ദിവസത്തെ ഹോം ക്വാറന്റിനും രണ്ടും എട്ടും ദിവസങ്ങളിലെ പി സി ആർ ടെസ്റ്റും നിർബന്ധമാണ്.
റെഡ് ലിസ്റ്റിലുള്ള രാജ്യങ്ങളിലേക്ക് യാത്ര ചെയ്യാൻ പാടില്ല എന്നാണ് സർക്കാർ നിർദ്ദേശം. സാഹചര്യവച്ചാൽ യാത്രചെയ്താൽ തിരികെയെത്തുമ്പോൾ 1750 പൗണ്ട് മുടക്കി ഹോട്ടൽ ക്വാന്റീന് വിധേയരാകണം. ലംഘനം ശ്രദ്ധയിൽപ്പെട്ടാൽ പതിനായിരം പൗണ്ട് പിഴയോ, ജയിൽ ശിക്ഷയോ ലഭിച്ചേക്കാം.

തിരുവനന്തപുരം: തെക്കു-കിഴക്കൻ അറബിക്കടലിൽ രൂപം കൊണ്ട ന്യൂനമർദ്ദം ശക്തി പ്രാപിച്ച് അതിതീവ്ര ന്യൂനമർദ്ദം ആയി മാറിയതോടെ സംസ്ഥാനത്ത് അതിശക്തമായ കാറ്റും, മഴയും.

അതിതീവ്ര ന്യൂനമർദ്ദം ശക്തി പ്രാപിച്ചു ഇന്ന് ‘ ‘ ‘ടൗട്ടെ ‘ചുഴലിക്കാറ്റായി മാറിയേക്കുമെന്നാണ് കാലാവസ്ഥ വകുപ്പിന്റെ മുന്നറിയിപ്പ്.തീരത്തുടനീളം കടലാക്രമണവും ശക്തമാണ്.നിലവിൽ തിരുവനന്തപുരം, കൊല്ലം,പത്തനംതിട്ട, ആലപ്പുഴ, എറണാകുളം, ജില്ലകളിൽ റെഡ് അലർട്ടും കോട്ടയം, ഇടുക്കി,തൃശ്ശൂർ, പാലക്കാട്,മലപ്പുറം, കോഴിക്കോട്, വയനാട് ജില്ലകളിൽ ഓറഞ്ച് അലർട്ടും കണ്ണൂർ, കാസർകോട് ജില്ലകളിൽ യെല്ലോ അലർട്ടും പ്രഖ്യാപിച്ചു.

കണ്ണൂർ തലായിയിൽ മീൻപിടുത്തത്തിനു പോയ മൂന്ന് മൂന്ന് പേരെ കാണാതാവുകയും, എറണാകുളം ജില്ലയിൽ മഴക്കെടുതിയിലും, കടലാക്രമണത്തിലും രണ്ടുപേർ മരിക്കുകയും ചെയ്തു. കടലാക്രമണത്തിൽ നൂറിലേറെ വീടുകൾ തകർന്നു.ഒട്ടേറെ കുടുംബങ്ങളെ ഇതിനോടകം ജില്ലാഭരണകൂടം മാറ്റി പ്പാർപ്പിച്ചു.

വടക്ക് -പടിഞ്ഞാറ് ദിശയിൽ സഞ്ചരിക്കുന്ന ചുഴലിക്കാറ്റ് 18 ന് ഗുജറാത്ത് തീരത്തിനടുത്ത് എത്തുമെന്നാണ് പ്രവചനം.കേരളത്തിൽ 16 വരെ ശക്തമായ കാറ്റിനും, മഴക്കുംസാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. കണ്ണൂർ,കാസർകോട് ജില്ലകളിലാണ് കാറ്റിനു കൂടുതൽ സാധ്യത.

മത്സ്യബന്ധനത്തിനുള്ള നിരോധനം തുടരും. ഈ സാഹചര്യത്തിൽ ജനങ്ങൾ ജാഗ്രത പാലിക്കണമെന്നും ജില്ലാ ദുരന്തനിവാരണ അതോറിറ്റിയുടെ കൺട്രോൾ റൂമുകൾ 24 മണിക്കൂറും പ്രവർത്തിക്കുമെന്നും മുഖ്യമന്ത്രി പിണറായി വിജയൻ അറിയിച്ചു. എന്നാൽ കേരളത്തിൽ കാലവർഷം 31 എത്തിയേക്കുമെന്നാണ് കേന്ദ്ര കാലാവസ്ഥാ വകുപ്പിന്റെ അറിയിപ്പ്.