മലയാളത്തിലെ എക്കാലത്തെയും ഹിറ്റ് ചിത്രങ്ങളിൽ ഒന്നാണ് ജീത്തു ജോസഫ് സംവിധാനം ചെയ്ത ചിത്രം ദൃശ്യം. 150 ദിവസത്തോളം തീയേറ്ററിൽ നിറഞ്ഞോടിയ ചിത്രം വലിയ ജനപ്രീതിയും പ്രേക്ഷകപ്രശംസയും ഒരുപോലെ നേടിയിരുന്നു. സാധാരണക്കാരന്റെ ജീവിതം ത്രില്ലർ ജോണറിൽ അവതരിപ്പിച്ച ചിത്രത്തിൽ മോഹൻലാലിനൊപ്പം മീനയായിരുന്നു പ്രധാന വേഷത്തിലെത്തിയത്. ആശാ ശരത്ത് അവതരിപ്പിച്ച പൊലീസ് കഥാപാത്രവും ഏറെ ചർച്ചയായിരുന്നു. ആന്റണി പെരുമ്പാവൂരായിരുന്നു നിർമാണം.

വൻലാഭം നേടിയ ദൃശ്യത്തിന്റെ രണ്ടാം ഭാഗം കൊവിഡ് കാലത്താണ് പുറത്തിറങ്ങിയിരുന്നു. ഇതും മികച്ച അഭിപ്രായം നേടിയിരുന്നു. ഇതിനു ശേഷം ദൃശ്യം-3യുടെ വരവിനായി കാത്തിരിക്കുകയാണ് സിനിമാസ്വാദകർ. ”നല്ല കഥ” വന്നാൽ തീർച്ചയായും ദൃശ്യം-3 പരി​ഗണിക്കുമെന്ന് സംവിധായകൻ ജീത്തു ജോസഫ് പ്രേക്ഷകർക്ക് ഉറപ്പുനൽകിയിരുന്നെങ്കിലും ദൃശ്യം മൂന്നിന്റെ പ്രഖ്യാപനം ഇതുവരെ ഉണ്ടായിരുന്നില്ല. എന്നാലിപ്പോൾ സാക്ഷാൽ മോ​ഹൻലാൽ തന്നെ ഇക്കാര്യം സ്ഥിരീകരിച്ചിരിക്കുകയാണ്.

സംവിധായകൻ ജീത്തുവിനും നിർമാതാവ് ആന്റണി പെരുമ്പാവൂരിനുമൊപ്പം നിൽക്കുന്ന ചിത്രം പങ്കുവച്ചാണ് ദൃശ്യം-3ന്റെ അനൗൺസ്മെന്റ് മോഹൻലാൽ നടത്തിയത്. “ഭൂതകാലം ഒരിക്കലും നിശബ്ദമായിരിക്കില്ല” (The Past Never Stays Silent) എന്ന അടിക്കുറിപ്പും മോഹൻലാൽ നൽകിയിട്ടുണ്ട്.

കോമഡി വേഷങ്ങളിലൂടെ മലയാളികൾക്ക് സുപരിചിതനായി മാറിയ നടനായിരുന്നു അന്തരിച്ച കൊല്ലം സുധി. വാഹനാപകടത്തിൽ സുധി മരിച്ചതിനുശേഷം ഭാര്യ രേണുവിന് വിവിധ തരത്തിലുളള വിമർശനങ്ങളും ഏറ്റുവാങ്ങേണ്ടി വന്നിട്ടുണ്ട്. സോഷ്യൽ മീഡിയയിൽ റീലുകൾ ചെയ്തിരുന്ന രേണു ഇപ്പോൾ നാടക അഭിനേത്രി കൂടിയാണ്. ഭർത്താവിന്റെ ആഗ്രഹങ്ങൾ നിറവേറ്റാനാണ് താൻ പലകാര്യങ്ങളും ചെയ്യുന്നതെന്നാണ് അവർ പറയുന്നത്.

സുധിയുടെ മരണശേഷം ചിലർ ചേർന്ന് രേണുവിനും കുട്ടികൾക്കും വേണ്ടി വീട് വച്ച് നൽകിയിരുന്നു. പതിയെ സാധാരണ ജീവിതത്തിലേക്ക് വന്ന രേണു അഭിമുഖങ്ങളിൽ വിധവ ഭാവത്തിൽ മാത്രം ആളുകൾ തന്നെ പ്രതീക്ഷിക്കുന്നതിനെതിരെയും താൻ സന്തോഷിച്ച് ഇരിക്കുന്നതിനെതിരെ ആളുകൾ സംസാരിക്കുന്നതും ചൂണ്ടിക്കാട്ടി രംഗത്തെത്തിയിരുന്നു. ആളുകൾ ചേർന്ന് നിർമിച്ചു നൽകിയ വീട്ടിൽ നിന്നും രേണു സുധിയുടെ ആദ്യ ഭാര്യയിലുള്ള കുട്ടിയെ അടിച്ചിറക്കി എന്നും ഇപ്പോൾ മേക്ക് അപ്പ് ഒക്കെ ഇട്ടു ആളാകെ മാറിപ്പോയി എന്നും തുടങ്ങി നിരവധി മോശം കമെന്റുകൾ ആണ് രേണു നിരന്തരം നേരിട്ട് കൊണ്ടിരിക്കുന്നത്. ചിലപ്പോഴൊക്കെ രേണു ഇത്തരം കമെന്റുകൾക്ക് ചുട്ട മറുപടിയും നൽകാറുണ്ട്.

ഏറ്റവുമൊടുവിലിതാ രേണുവിന്റെ റൊമാന്റിക് ലുക്കിലുള്ള വീഡിയോയാണ് വിമർശകർക്ക് ആക്രമിക്കാൻ ആയുധമായി കിട്ടിയിരിക്കുന്നത്. ‘ചാന്തുകുടഞ്ഞൊരു സൂര്യൻ മാനത്ത്’ എന്ന പാട്ടിൽ കടപ്പുറം പശ്ചാത്തലമാക്കി വളരെ റൊമാന്റികായിട്ട് ഷൂട്ട് ചെയ്ത വീഡിയോ ആണ് പുറത്തു വന്നത്.

സുധിയെ ഓർക്കുമ്പോൾ സഹതാപം തോന്നുന്നു,സുധിയുടെ മക്കൾ ഇതൊക്കെ കണ്ടാൽ എങ്ങനെ സഹിക്കും, സുധി ചേട്ടന്റെ ആത്മാവ്, ഓർമ എന്നൊക്കെ പറഞ്ഞ് രേണു നാടകം കളിക്കുന്നു, സുധി ജീവിച്ചിരുന്നെങ്കിൽ ഇങ്ങനെ ഉണ്ടാകില്ലായിരുന്നു തുടങ്ങി നിരവധി വൈകാരിക കമ്മെന്റുകളാണ് വീഡിയോയ്ക്ക് താഴെ നിറയുന്നത്.

അതേസമയം ഭർത്താവ് മരിച്ചെന്ന് കരുതി വെള്ളസാരി ഉടുത്ത് എന്നും ഇരുന്ന് കരയണോയെന്നും ഇത് അഭിനയമല്ലേ, അതൊരു ജോലി ആയി മാത്രം കണ്ടാൽ പോരെയെന്ന് ചോദിച്ചും രേണുവിനെ സപ്പോർട്ട് ചെയ്തും ചിലർ എത്തിയിട്ടുണ്ട്.

മലയാളികൾക്ക് ഏറെ പ്രിയപ്പെട്ട റിയാലിറ്റി ഷോയായ ബിഗ് ബോസിലൂടെ വലിയ ആരാധകരെ നേടിയെടുത്ത താരമാണ് ഡോ.റോബിൻ രാധാകൃഷ്ണൻ. ഷോയിലുള്ളപ്പോഴും ഷോയ്ക്ക് ശേഷവും വലിയ വിവാദങ്ങൾ താരവുമായി ബന്ധപ്പെട്ട് ഉയർന്നിരുന്നു. ഷോയിലെ റോബിന്റെ സഹമത്സരാർത്ഥിയായിരുന്ന ദിൽഷയുമായുള്ള അടുപ്പവും പെരുമാറ്റവും അല്ല വൈകാതെ ഇരുവരും പ്രണയബന്ധത്തിൽ ആവുമെന്നും കല്യാണം കഴിക്കും എന്നുമെല്ലാം പ്രേക്ഷകരിൽ തോന്നിപ്പിച്ചിരുന്നു എങ്കിലും നടന്നത് മറ്റൊന്നായിരുന്നു.

ബിഗ് ബോസിന് ശേഷം റോബിന്റെ അഭിമുഖം എടുക്കാൻ അപ്രതീക്ഷിതമായി എത്തിയ അവതാരകയും, യുവ സംരംഭകയുമായ ആരതി പൊടിയുമായി താരം പ്രണയത്തിൽ ആവുകയായിരുന്നു. ഇതിലും പല പ്രതിസന്ധികളും ഇരുവരും നേരിട്ടിരുന്നുവെങ്കിലും ഏറ്റവും ഒടുവിൽ ഇതാ ഇക്കഴിഞ്ഞ ദിവസംഗുരുവായൂർ അമ്പല നടയിൽ വച്ച് താലികെട്ടി റോബിൻ കെട്ടി റോബിൻ ആരതിയെ എന്നെന്നേക്കുമായി സ്വന്തമാക്കിയിരിക്കുകയാണ്.അടുത്ത സുഹൃത്തുക്കളും ബന്ധുക്കളും മാത്രം പങ്കെടുത്ത ചടങ്ങായിരുന്നു അത്.

ഇപ്പോഴിതാ പ്രണയം പൂവണിഞ്ഞ സന്തോഷത്തിൽ ഭാര്യ ആരതി പൊടിയെ കുറിച്ച് റോബിൻ സോഷ്യൽ മീഡിയയിൽ പങ്കുവച്ച കുറിപ്പാണ് ശ്രദ്ധേയമാകുന്നത്. പൊടി കൂടെയുള്ളത് താൻ ചെയ്ത പുണ്യത്തിൻ്റെ ഫലം ആയിരിക്കും എന്ന് റോബിൻ പറയുന്നു. കുറിപ്പിനൊപ്പം വിവാഹ ചിത്രവും പോസ്റ്റ് ചെയ്തിട്ടുണ്ട്.

”വളരെ യാദൃച്ഛികമായി പൊടിയെ കണ്ടുമുട്ടുമ്പോൾ എൻ്റെ മനസ്സിൽ ആ നിമിഷം തന്നെ തോന്നിയിരുന്നു ഇവൾ എൻ്റെ ജീവിതസഖി ആകുമെന്ന്. ആ കണ്ണുകളിലെ തിളക്കം, നിഷ്ക്ളങ്കമായ നോട്ടം ഇതൊക്കെ എന്തോ എൻ്റെ മനസ്സിൽ ഇവൾ എൻ്റേതാണെന്നു ഒന്നും കൂടി ഊട്ടി ഉറപ്പിച്ചു. ദൈവനിശ്ചയം പോലെ പൊടി എൻ്റെ ജീവിതത്തിലേക്ക് കടന്നു വന്നു. ഇന്ന് അവൾ എൻ്റെ ജീവിതത്തെ വർണ്ണാഭമാക്കുന്നു. എൻ്റെ എല്ലാ വശങ്ങളും മനസ്സിലാക്കി എൻ്റെ കൂടെ താങ്ങും തണലുമായി പൊടി കൂടെ ഉള്ളത് ഞാൻ ചെയ്ത ഏതോ പുണ്യത്തിൻ്റെ ഫലം ആകും.” എന്നാണ് കുറിപ്പിൻ്റെ ആദ്യ ഭാഗം.

”ഇന്ന് ഞാൻ എൻ്റെ ജീവിതത്തിൽ ഒരുപാട് അവളോട് കടപ്പെട്ടിരിക്കുന്നു, അത് അവൾ തരുന്ന സ്നേഹം ആണെങ്കിലും കരുതൽ ആണെങ്കിലും. അവൾ നൽകുന്ന ഈ സ്നേഹത്തിനു എനിക്ക് പകരം നൽകാൻ അവളെക്കാൾ കൂടുതൽ ഞാൻ അവളെ സ്നേഹിക്കും. ഒരു കുഞ്ഞിനെ സ്നേഹിക്കുന്നത് പോലെ. എത്ര മനോഹരമായാണ് ദൈവം പൊടിയെ എന്നിലേക്ക് ചേർത്തത്, എത്ര മനോഹരമായാണ് അവൾ എന്നിലേക്ക് വന്നു ചേർന്നതും.”- റോബിൻ പറുന്നു.

ജോർജ് അറിയാതെ മമ്മൂക്കയെ കാണാനോ അദ്ദേഹം എവിടെയെന്ന് അറിയാനോ ഒരാൾക്കും കഴിയില്ലെന്നും ആന്റണി പെരുമ്പാവൂർ അറിയാതെ ലാലേട്ടനെ ഒരു കൊതുകു പോലും കടിക്കില്ലെന്നും ഒരു നിർമാതാവ് സൂപ്പർതാരങ്ങളുടെ സന്തതസഹചാരികളെ പുകഴ്ത്തി മുൻപൊരിക്കൽ കുറിച്ചിരുന്നു. 1991ൽ ഐ.വി. ശശി ചിത്രമായ ‘നീലഗിരി’യിലൂടെ മെഗാസ്റ്റാർ മമ്മൂട്ടിയ്ക്കൊപ്പം മേക്കപ്പ് മാൻ ആയി കൂടിയ ആളാണ് ജോർജ്. അന്നുമുതൽ ഇന്നുവരെ മമ്മൂട്ടിയുടെ സന്തതസഹചാരിയായി എവിടെയും ജോർജ് ഉണ്ട്.

ഒരു മേക്കപ്പ് മാൻ എന്നതിലുപരി മലയാള സിനിമയിലെ പ്രമുഖ നിർമ്മാതാവായും ജോർജ് മാറിക്കഴിഞ്ഞു. ഇത്തരത്തിൽ മമ്മൂക്കയുടെ രണ്ടാമൻ ആരാണെന്നറിയാമോ? മമ്മൂക്കയുടെ ലോക്കൽ പരിപാടികളിലെ സ്ഥിരസാന്നിദ്ധ്യകാരനായി കൂടെയുള്ളത് ഇപ്പോൾ രസികനായ പിഷാരടിയാണെന്നും മമ്മൂക്ക – ജോർജ് –പിഷാരടി ആണ് ഇപ്പോഴത്തെ കോമ്പോ എന്നും നിർമാതാവ് ജോളി ജോസഫ് ഫേസ്ബുക്കിൽ കുറിച്ചിരുന്നു. ഇപ്പോഴിതാ എപ്പോഴും എങ്ങനെയാണ് മമ്മൂക്കക്കൊപ്പം സഞ്ചരിക്കാൻ കഴിയുന്നത് എന്നും ഇതിൽ നിന്നും പിഷാരടിക്ക് എന്ത് ഉപകാരം കിട്ടുന്നു എന്നും തുടങ്ങിയുള്ള ചോദ്യങ്ങൾക്ക് വ്യക്തമായ ഉത്തരവുമായി രംഗത്തെത്തിയിരിക്കുകയാണ് രമേശ് പിഷാരടി.

”നമ്മൾ കാണുന്ന പല സൗഹൃദങ്ങളിലും ഇതിലെന്താണ് ലാഭം എന്ന് ആളുകൾ ചിന്തിക്കാറുണ്ട്. സിനിമയിൽ വേഷം കിട്ടാനെന്നൊക്കെ തരത്തിലാകാം അത്തരക്കാർ ഉത്തരം കണ്ടെത്തുന്നത്. എന്റെയും മമ്മൂക്കയുടെയും പ്രൊഫൈലുകൾ തമ്മിൽ മാച്ച് ആകാത്തതുകൊണ്ടാകാം ഞങ്ങളെ സംശയത്തോടെ നോക്കുന്നത്. മമ്മൂക്കയോടൊപ്പമുള്ള യാത്രകൾ സംഭവിച്ചു പോകുന്നതാണ്.മമ്മൂട്ടി കമ്പനിയുടെ ഒരു സിനിമയിൽ പോലും ഞാനില്ല. എന്നാൽ അതിന്റെയെല്ലാം ലൊക്കേഷനിൽ പോയിട്ടുണ്ട്.

ഗാനഗന്ധർവൻ നടക്കുന്ന സമയത്ത് ഒരു കഥാപാത്രം വന്നപ്പോൾ, എന്തിനാ വേറെ ആളെ നോക്കുന്നത്; നിനക്ക് തന്നെ അഭിനയിച്ചു കൂടേ എന്നാണ് മമ്മൂക്ക ചോദിച്ചത്. ഞാനും ധർമ്മജനും 20 കൊല്ലം ഒരുമിച്ച് നടന്നപ്പോൾ ആരും ചോദിച്ചിട്ടില്ല എന്തിനാണ് നിങ്ങൾ എപ്പോഴും ഒരുമിച്ചുള്ളതെന്ന്. പഴയ ലൊക്കേഷനിൽ സംഭവിച്ച പല കാര്യങ്ങളും അറിയാൻ കൂടി വേണ്ടിയാണ് അദ്ദേഹത്തോടൊപ്പം പോകുന്നത്. വലിയ സന്തോഷമാണ് അത് നൽകുന്നത്. ”മമ്മൂട്ടിയെ കേന്ദ്രകഥാപാത്രമാക്കി താൻ സംവിധാനം ചെയ്യുന്ന സിനിമ വൈകാതെ സംഭവിക്കുമെന്ന് രമേശ് പിഷാരടി പറഞ്ഞു.