ഒരു വ്യക്തിയെ ഉദ്ദേശിച്ചല്ല ലൈംഗിക അധിക്ഷേപ പരാതിയുമായി രംഗത്തെത്തിയതെന്ന് നടി ഹണി റോസ്. സൈബറിടങ്ങളിൽ നേരിട്ട ചില കൊളളരുതായ്മകളെ ചെറുക്കാൻ വേണ്ടി മാത്രമാണ് നിയമസഹായം തേടിയതെന്നും അവർ വ്യക്തമാക്കി. ‘കൊവിഡിന് ശേഷം ഏ​റ്റവും അധികം സൈബർ ആക്രമണങ്ങൾ നേരിട്ട വ്യക്തിയാണ് ഞാൻ. എന്റെ ശരീര ഭാഗങ്ങൾ പരാമർശിച്ച് വളരെ മോശം കമന്റുകളും മെസേജുകളും വീഡിയോകളുമാണ് ലഭിച്ചിട്ടുളളത്. സമാധാനത്തോടെ ജീവിക്കാൻ ഇഷ്ടപ്പെടുന്ന വ്യക്തിയായതുകൊണ്ട് ഞാൻ ഇത്രയും കാലം ഒരു പ്രശ്നവും ഉണ്ടാക്കാത്ത കടന്നുപോകുകയായിരുന്നു. ക്ഷമയുടെ നെല്ലിപ്പലക കണ്ടതോടെയാണ് പ്രതികരിക്കാൻ ആരംഭിച്ചത്. എന്നെ സ്‌നേഹിക്കുന്ന അച്ഛനും അമ്മയും കുറച്ച് ആളുകളും ഉളളതുകൊണ്ട് മാത്രമാണ് പ്രതികരിക്കാൻ തയ്യാറായത്.

ഞാൻ നൽകിയ പരാതിക്ക് പൂർണമായ പരിഹാരം ഇതുവരെയായിട്ടും ഉണ്ടായിട്ടില്ല. ഞാനെടുത്ത തീരുമാനത്തെ അഭിനന്ദിക്കാൻ സിനിമാരംഗത്ത് നിന്നുതന്നെ ആളുകൾ ഉണ്ടായിരുന്നു. അമ്മ അസോസിയേഷനും പ്രൊഡ്യൂസേഴ്സ് അസോസിയേഷനും ഒപ്പം നിന്നു. പാർട്ടി ഭേദമന്യേ പ്രവർത്തകരും പിന്തുണച്ചു. എനിക്കുണ്ടായ പ്രശ്നങ്ങൾ സിനിമയിൽ നിന്ന് വന്നതല്ല. ഞാനൊരു സെലിബ്രി​റ്റിയാണ്. സമൂഹത്തിൽ നിന്നാണ് ഈ പ്രശ്നങ്ങൾ ഉണ്ടായിരിക്കുന്നത്.ഡിപ്രഷന്റെ ഗുളിക വരെ കഴിക്കേണ്ട അവസ്ഥ ഉണ്ടായി. പല അഭിമുഖങ്ങളിലും ഞാൻ സന്തോഷവതിയാണ് പ്രശ്നമൊന്നുമില്ലെന്ന് പറയുമ്പോഴും മാനസികമായി ഇതെല്ലാം ബാധിക്കുകയായിരുന്നു.

ബോബി ചെമ്മണ്ണൂർ അധിക്ഷേപിച്ച വിഷയം വന്നപ്പോൾ കേസ് കൊടുക്കാനല്ല ഞാൻ ആദ്യം ശ്രമിച്ചത്. ആ പ്രശ്നത്തെ ആദ്യം മനസിലാക്കി അത് വീണ്ടും ഉണ്ടാകാതിരിക്കാൻ ശ്രമിച്ചു. എന്നിട്ടും അവസ്ഥ സമാനമായിരുന്നു. ഇതോടെയാണ് പരാതിയുമായി മുന്നോട്ട് പോയത്. പൊതുവേദിയിൽ വച്ച് അദ്ദേഹം എന്നെ അപമാനിച്ചു. അപ്പോൾ എനിക്ക് പ്രതികരിക്കാൻ കഴിയാത്ത അവസ്ഥയായിരുന്നു. ആ പരിപാടിക്ക് ശേഷം ഞാൻ ബന്ധപ്പെട്ട ആളുകളോട് പരാതിപ്പെട്ടിരുന്നു.ഞാൻ ഒരുപാട് ഉദ്ഘാടന പരിപാടികളിൽ പങ്കെടുത്തിട്ടുണ്ട്. ഒരു പക്ഷെ അതായിരിക്കാം എല്ലാ പ്രശ്നങ്ങളുടെയും തുടക്കത്തിന് കാരണം. ആളുകൾ കാണുമ്പോൾ ഞാൻ ചിരിച്ച മുഖമായി നിൽക്കുകയായിരുന്നു. ഞാൻ കൊടുത്തത് ലൈംഗികാധിക്ഷേപ പരാതിയാണ്. പക്ഷെ ചിലർ അത് വസ്ത്രത്തിന്റെ വിഷയമാക്കി മനോഹരമാക്കി ഒതുക്കി തീർത്തു.നല്ല വസ്ത്രം ഇടുന്നവരും പലതും അനുഭവിക്കുന്നുണ്ട്. എനിക്ക് യോജിക്കുന്ന വസ്ത്രങ്ങളാണ് ധരിച്ചിട്ടുളളത്. അതിൽ ഒരു ആത്മപരിശോധനയും നടത്തേണ്ടി വന്നിട്ടില്ല’- ഹണി റോസ് പറഞ്ഞു.

മലയാള സിനിമയുടെ ഗതിമാറ്റിയ ചിത്രം എന്ന് പലപ്പോഴും എടുത്തു പറയുന്ന ചിത്രമാണ് നൂറ് കോടി ക്ളബിൽ കയറിയ വൈശാഖ് ചിത്രം പുലി മുരുകൻ. 2016ൽ പുറത്തിറങ്ങിയ ഈ ഹിറ്റ് മോഹൻലാൽ ചിത്രത്തിന്റെ രണ്ടാം ഭാഗം എന്നുവരും എന്ന് തിരയാത്ത സിനിമ പ്രേമികൾ കുറവായിരിക്കും. ഇപ്പോഴിതാ ചിത്രം നൂറ് കോടി ക്ളബിൽ കയറിയ സിനിമയാണെങ്കിലും അതിന്റെ കടം ഇതുവരെ വീട്ടിയിട്ടില്ലെന്നും പറയുകയാണ് മുൻ ഡിജിപി ടൊമിൻ ജെ തച്ചങ്കരി. കെഎഫ്സിയുടെ മാനേജിംഗ് ഡയറക്‌ടർ ആയിരുന്ന സമയത്ത് ഇക്കാര്യം വ്യക്തമായി അറിയാമായിരുന്നെന്നും, സിനിമയുടെ പ്രൊഡ്യൂസർ കാണിച്ച കണക്കുകൾ പ്രചരിപ്പിച്ചതിൽ നിന്ന് ഏറെ വിഭിന്നമായിരുന്നെന്ന് തച്ചങ്കരി പറയുന്നു.

കേരളത്തിലെ പല നിർമ്മാതാക്കളും സാമ്പത്തികമായി മുന്നിൽ നിൽക്കുന്നവരല്ല.പ്രധാനമായും നാലോ അഞ്ചോ പേരാണ് ഫിനാൻസ് ചെയ്യുന്നത്. മലയാളത്തിലെ പ്രമുഖ നടന്മാരുമായും പ്രൊഡ്യൂസർമാരുമായെല്ലാം തനിക്ക് അടുത്ത സൗഹൃദമുണ്ടെന്നും പല നിർമ്മാതാക്കളും സാമ്പത്തികമായി മുന്നിൽ നിൽക്കുന്നവരല്ല എന്നും തച്ചങ്കരി പറയുന്നു. ഞാൻ കേരള ഫിനാൻഷ്യൽ കോർപ്പറേഷന്റെ എംടിയായിരുന്ന സമയത്ത് സിനിമയ‌്ക്ക് പണം നൽകിയിരുന്നു. പുലിമുരുകന് അടക്കം പണം നൽകിയത് 7-8 ശതമാനം പലിശയ‌്ക്കാണ്. എന്നാൽ സ്വകാര്യ ഫിനാൻസുകാർ 24 ശതമാനമൊക്കെയാണ് പലിശയായി ഈടാക്കുന്നത്.

പത്ത് കോടി ബഡ്‌ജറ്റിന്റെ സിനിമ നിർമ്മിക്കാൻ വരുന്നയാളുടെ കൈയിൽ ഒരു കോടിയേ കാണൂ. ബാക്കിയെല്ലാം ഇത്തരത്തിൽ പലിശയ‌്ക്കും ഒടിടി വഴിയമൊക്കെ സംഭരിക്കുന്നതാണ്. താരങ്ങൾ ഒന്ന് മനസിലാക്കേണ്ടത്, എഐയുടെ ആവിർഭാവം ഭാവിയിൽ അവരെ വലിയ രീതിയിൽ ബാധിക്കുമെന്നതാണ്.പുലിമുരുകൻ എത്ര ഹിറ്റായെന്നാണ് എല്ലാവരും പറഞ്ഞത്. അതിന് കെഎഫ്‌സിയിൽ നിന്ന് എടുത്ത ലോൺ ഇതുവരെ അടച്ചിട്ടില്ല. പ്രൊഡ്യൂസറോട് ചോദിച്ചപ്പോൾ ഈ പറയുന്ന പോലെയൊന്നുമല്ല കാര്യങ്ങൾ എന്നാണ് വെളിപ്പെടുത്തിയത്. അദ്ദേഹത്തിന്റെ കാര്യം ബുദ്ധിമുട്ടിലാണ്. അദ്ദേഹം ആ സമയത്ത് കാണിച്ച ഫിഗർ അല്ല നമ്മുടെ അടുത്ത് വന്നപ്പോൾ കാണിച്ചത്.

താര സംഘടനയായ അമ്മയുടെ ഭാരവാഹി ജയൻ ചേർത്തല നടത്തിയ വാർത്ത സമ്മേളനത്തിനെതിരെ നിർമാതാക്കളുടെ സംഘടന രംഗത്ത്. നിരുപാധികം മാപ്പ് പറഞ്ഞില്ലെങ്കില്‍ ജയൻ ചേർത്തലക്കെതിരെ മാനനഷ്ടപരാതിയുമായി മുന്നോട്ടു പോകുമെന്ന്പ്രൊഡ്യൂസേഴ്സ് അസോസിയേഷൻ അറിയിക്കുന്നത്. നേരത്തെ സിനിമ രംഗത്തെ തര്‍ക്കത്തില്‍ പ്രൊഡ്യൂസേഴ്സ് അസോസിയേഷനെതിരെയും അതിന്‍റെ ഭാരവാഹി നിര്‍മ്മാതാവ് സുരേഷ് കുമാറിനെതിരെ ജയന്‍ ചേര്‍ത്തല പ്രതികരിച്ചിരുന്നു.

കഴിഞ്ഞ ഫെബ്രുവരി 14ന് നടത്തിയ വാര്‍ത്ത സമ്മേളനത്തിലാണ് ജയന്‍ ചേര്‍ത്തല നിര്‍മ്മാതാക്കളുടെ സംഘടനയ്ക്കെതിരെ രംഗത്ത് എത്തിയത്. നിര്‍മ്മാതാക്കളുടെ സംഘടന ജയന്‍ ചേര്‍ത്തലയ്ക്ക് വക്കീല്‍ നോട്ടീസ് അയച്ചിരിക്കുകയാണ്. നിര്‍മ്മാതാക്കളുടെ സംഘടന കടക്കെണിയിലായപ്പോള്‍ താര സംഘടന അമ്മയില്‍ നിന്നും പണം ചോദിച്ചുവെന്ന ആരോപണത്തിലാണ് വക്കീല്‍ നോട്ടീസ് അയച്ചിരിക്കുന്നത്.

വിവിധ ഷോകളിലൂടെ അമ്മ ഒരു കോടിയോളം രൂപ പ്രൊഡ്യൂസേര്‍സ് അസോസിയേഷന്‍ നല്‍കിയെന്ന് ജയന്‍ ചേര്‍ത്തല പറഞ്ഞിരുന്നു. നിര്‍മ്മാതാക്കളുടെ സംഘടനയെ പല കാലത്ത് സഹായിച്ച അമ്മയിലെ അംഗങ്ങള്‍ക്കെതിരെ നിര്‍മ്മാതാക്കള്‍ അമിത പ്രതിഫലം എന്ന് പറഞ്ഞ് വരുന്നത് ശരിയല്ലെന്നാണ് ജയന്‍ ചേര്‍ത്തല പറഞ്ഞത്.

എന്നാല്‍ അമ്മയും നിര്‍‍മ്മാതാക്കളും നടത്തിയ ഷോ വ്യക്തമായ കരാറിന്‍റെ അടിസ്ഥാനത്തിലാണെന്നും. അതിലെ വരുമാനം പങ്കിടാന്‍ കരാര്‍ ഉണ്ടായിരുന്നെന്നും, ഇത് അമ്മയുടെ സഹായം അല്ലായിരുന്നുവെന്നുമാണ് നിര്‍മ്മാതാക്കളുടെ സംഘടന വക്കീല്‍ നോട്ടീസില്‍ പറയുന്നത്. ഇത്തരം ഒരു ഷോയ്ക്ക് മോഹന്‍ലാല്‍ സ്വന്തം കാശ് മുടക്കി ടിക്കറ്റ് എടുത്ത് ഗള്‍ഫിലേക്ക് വന്നുവെന്ന ജയന്‍ ചേര്‍ത്തലയുടെ പ്രസ്താവനയും തെറ്റാണ് എന്നാണ് നിര്‍മ്മാതാക്കള്‍ പറയുന്നത്.

മലയാള താരങ്ങളെല്ലാം തന്നെ പ്രേക്ഷകർക്ക് വളരെ പ്രിയപ്പെട്ടവരാണ്. വെള്ളിത്തിരയിലെ അഭിനേതാവിനപ്പുറം ഏറ്റവും അടുത്ത അയൽക്കാരനെ പോലെയോ സുഹൃത്തിനെ പോലെയോ നാട്ടുകാരനെ പോലെയോ സിനിമാ താരങ്ങളെ പ്രേക്ഷകർ സ്നേഹിക്കാൻ ശ്രമിക്കാറുണ്ട്. സിനിമയിൽ മെഗാസ്റ്റാറും സൂപ്പർസ്റ്റാറും യൂത്ത് സ്റ്റാറും ഒക്കെയുണ്ട്. സിനിമകളുടെ തുടർച്ചയായ വിജയങ്ങൾ കൊണ്ടും ഓരോ ചിത്രങ്ങൾ കഴിയുന്തോറും മാറ്റുകൂടുന്ന അഭിനവ് കൊണ്ടും ഒന്നിനൊന്ന് മികച്ചവരാണ് മലയാളത്തിലെ താരങ്ങൾ ഓരോരുത്തരും. എന്നാൽ സിനിമയിൽ നമ്മളെ വേറിട്ട കഥാപാത്രങ്ങളിലൂടെ വിസ്മയിപ്പിക്കുന്ന താരങ്ങളുടെ യഥാർത്ഥ ജീവിതത്തിലെ വിദ്യാഭ്യാസ യോഗ്യതയെക്കുറിച്ച് നിങ്ങൾ എന്നെങ്കിലും ചിന്തിച്ചു നോക്കിയിട്ടുണ്ടോ?

മലയാളികളുടെ പ്രിയപ്പെട്ട നടൻ ജഗദീഷ് ഇപ്പോൾ കരിയറിലെ സെക്കൻഡ് ഇന്നിങ്സിൽ ആണ്. ഒന്നിനോടൊന്ന് ചേർത്ത് വയ്ക്കാൻ കഴിയാത്ത അത്ര വ്യത്യസ്തവും ശ്രദ്ധേയവുമായ കഥാപാത്രങ്ങളിലൂടെ താരം തന്റെ കസേര സിനിമയിൽ എന്നെന്നേക്കുമായി ഉറപ്പിച്ചിരിക്കുകയാണ്. ജഗദീഷ് ഒരു എം കോം ബിരുദധാരിയും കേരള സർവകലാശാലയിലെ ഒന്നാം റാങ്ക് കാരനുമാണ്. മറ്റൊരു നടനായ അനൂപ് മേനോൻ തിരുവനന്തപുരം ലോ കോളേജിൽ തന്നെ ബിരുദാനന്ദ ബിരുദാനന്തര പഠനം പൂർത്തിയാക്കി ഒന്നാം റാങ്ക് നേടിയെടുത്താണ് പുറത്തു കടന്നത്. ഇന്ദ്രജിത്ത് സുകുമാരൻ തമിഴ്നാട്ടിൽ നിന്നും ബിടെക് പഠനം പൂർത്തിയാക്കി. നടൻ സുരാജ് വെഞ്ഞാറമൂട് ആകട്ടെ ഐടിഐയിൽ നിന്നും തന്റെ മെക്കാനിക്കൽ ഡിപ്ലോമ കോഴ്സും പൂർത്തിയാക്കിയിട്ടുണ്ട്.

ഇപ്പോഴത്തെ ചലച്ചിത്ര അക്കാദമി ചെയർമാൻ പ്രേംകുമാർ ഒന്നാം റാങ്കോടെ നാടകത്തിൽ ബിരുദം നേടിയ ആളാണ്. താരത്തിന് സൈക്കോളജിയിലും ബിരുദമുണ്ട്. ബികോം ബിരുദമാണ് ലാലേട്ടന്റെ യോഗ്യത എങ്കിൽ സിനിമയിൽ എത്തുമ്പോൾ മെഗാസ്റ്റാർ മമ്മൂക്ക ഒരു വക്കിൽ ഉദ്യോഗസ്ഥനായിരുന്നു. തന്റെ ആദ്യചിത്രമായ നന്ദനം പൃഥ്വിരാജ് അഭിനയിക്കുന്നത് ഓസ്ട്രേലിയയിലെ ടാസ്മാനിയ യൂണിവേഴ്സിറ്റിയിൽ നിന്നും ഐടി ബിരുദം സ്വന്തമാക്കുന്നതിനിടെയാണ്. അതേസമയം സുരേഷ് ഗോപി ഇംഗ്ലീഷ് സാഹിത്യത്തിലും ജയറാം കാലടി ശ്രീശങ്കര കോളേജിൽ നിന്നും ഇക്കണോമിക്സിലും ബിരുദം നേടിയിട്ടുണ്ട്

കഴിഞ്ഞ കുറച്ച് നാളുകളായി മലയാള സിനിമാസ്വാദകർ ഒന്നടങ്കം കാത്തിരിക്കുന്ന സിനിമയാണ് എമ്പുരാൻ. ലൂസിഫർ എന്ന സൂപ്പർ ഹിറ്റ് ചിത്രത്തിന്റെ രണ്ടാം ഭാ​ഗവും പൃഥ്വിരാജ്- മോഹൻലാൽ കോമ്പോ വീണ്ടും ഒന്നിക്കുന്നതുമൊക്കെയാണ് അതിന് കാരണം. നാളുകൾ നീണ്ടുനിന്ന അഭ്യൂഹങ്ങൾക്കും ഊഹാപോഹങ്ങൾക്കും ഒടുവിൽ മാർച്ച് 27ന് സിനിമ തിയറ്ററുകളിൽ എത്തും. എന്നാൽ ഇതിനിടയിൽ പോസ്റ്റ് പ്രൊഡക്ഷൻ പൂർത്തിയാകാത്ത എമ്പുരാന്റെ ബജറ്റ് നിർമാതാവ് ജി സുരേഷ്‌കുമാർ പത്രസമ്മേളനത്തിൽ ഊഹിച്ച് പറഞ്ഞത് നിർമാതാവ് ആന്റണി പെരുമ്പാവൂരിലെ ചൊടിപ്പിച്ചിരുന്നു. ഇപ്പോഴിതാ സമാനമായി നിര്‍മാതാവ് സന്തോഷ് ടി കുരുവിള എമ്പുരാന്റെ ബജറ്റിനെ കുറിച്ച് സൂചിപ്പിച്ചതാണ്‌ ചര്‍ച്ചയായിരിക്കുകയാണ്.

ആന്റണി പെരുമ്പാവൂരിന് എമ്പുരാനില്‍ പ്രതീക്ഷയുണ്ടെന്ന് പറയുന്നു നിര്‍മാതാവ് സന്തോഷ് ടി കുരുവിള ഊഹിക്കുന്നു. പ്രതിഫലമടക്കം ബജറ്റ് 140- 150 കോടിക്ക് മുകളില്‍ പോകും. ഞാൻ എമ്പുരാന്റെ സെറ്റില്‍ പോയിട്ടുണ്ട്. പൃഥ്വിരാജ് അപാര സംവിധായകൻ ആണ്. അദ്ദേഹത്തിന് അദ്ദേഹത്തിന്റെ സിനിമ പെര്‍ഫക്റ്റാകണം. അതിന് പിന്തുണയുമായി ആന്റണി പെരുമ്പാവൂരുണ്ടെനും പറയുന്നു നിര്‍മാതാവ് സന്തോഷ് ടി കുരുവിള.