ഫേസ്ബുക്ക് പോസ്റ്റിലൂടെ സിനിമാജീവിതത്തിലെ നിർണായകമായ വിശേഷം പങ്കുവച്ച് നടൻ നിവിൻ പോളി. ഇന്ത്യയിലെ ആദ്യത്തെ മൾട്ടിവേഴ്സ് സൂപ്പർ ഹീറോ ചിത്രത്തിന്റെ ഭാഗമാകാൻ പോകുന്നതിന്റെ സന്തോഷമാണ് താരം പങ്കുവച്ചിരിക്കുന്നത്. യുവസംവിധായകൻ ആദിത്യൻ ചന്ദ്രശേഖറിന്റെ പുതിയ ചിത്രമാണ് മൾട്ടിവേഴ്സ് മന്മദൻ. ചിത്രത്തിന്റെ അണിയറ പ്രവർത്തകർക്ക് താരം ആശംസകളും നേർന്നിട്ടുണ്ട്. ഇതോടെ നിവിൻ പോളിയുടെ ഉഗ്രൻ തിരിച്ചുവരവിനായി കാത്തിരിക്കുകയാണ് ആരാധകർ.

കഴിഞ്ഞ വർഷം തീയേറ്ററുകളിലെത്തിയ മലയാളി ഫ്രം ഇന്ത്യ എന്ന ചിത്രത്തിലായിരുന്നു നിവിൻ പോളി അവസാനമായി അഭിനയിച്ചത്. ചിത്രത്തിന് പ്രതീക്ഷിച്ച വിജയം ഉണ്ടാക്കാൻ സാധിച്ചിരുന്നില്ല. റാം സംവിധാനം ചെയ്യുന്ന ‘ഏഴ് കടൽ ഏഴ് മലൈ’ ആണ് ഇനി പുറത്തിറങ്ങാനുള്ള ഒരു നിവിൻ പോളി ചിത്രം. സൂരിയും അഞ്ജലിയും പ്രധാന വേഷങ്ങളിൽ എത്തുന്ന സിനിമയിൽ നിവിൻ പോളിയുടെ ഇതുവരെ കാണാത്ത തരത്തിലുള്ള വ്യത്യസ്തമായ വേഷമാണ് എന്നാണ് ട്രെയ്‌ലർ നൽകുന്ന സൂചന.

ഇതിനിടയിൽ താരത്തിന്റെ പുതിയ ലുക്ക് ഏറ്റെടുത്തിരിക്കുകയാണ് ആരാധകർ. കഴിഞ്ഞ ദിവസം നിവിൻ പോളി പങ്കുവച്ച പുതിയ ലുക്കിലുളള ചിത്രങ്ങൾ സോഷ്യൽ മീഡിയയിൽ വൈറലാണ്. കറുത്ത പാന്റും വെള്ള ടി-ഷർട്ടിന് മുകളിൽ തവിട്ടുനിറത്തിലുള്ള ജാക്കറ്റും വെള്ള ഷൂസും സൺഗ്ലാസും ധരിച്ച് ഗ്രാൻഡ് ലുക്കിലാണ് നിവിൻ പോളി. വിന്റേജ് നിവിൻ പോളി ലുക്കിലാണ് താരം. പോസ്റ്റിന് മികച്ച രീതിയിലുളള പ്രതികരണങ്ങളാണ് ലഭിച്ചുകൊണ്ടിരിക്കുന്നത്. നീ വാ തലൈവ, പെട്ടെന്ന് വന്നവർ പോകും, പക്ഷേ ലെജൻഡുകൾ തിരിച്ചുവരും, ഒറ്റയ്ക്ക് വഴിവെട്ടി വന്നവനാടാ അങ്ങനെ നീളുന്നു കമന്റുകൾ.

എമ്പുരാന്റെ പ്രമോഷൻ തിരക്കിലാണ് പൃഥ്വിരാജ്. അതിനിടെ മുടങ്ങിയപ്പോയ ഒരു ചിത്രത്തെ കുറിച്ച് പൃഥ്വിരാജ് വെളിപ്പെടുത്തിയതും ആരാധകര്‍ ചര്‍ച്ചയാക്കുകയാണ്. അമല്‍ നീരദിന്റെ സംവിധാനത്തിലുള്ള ഒരു ചിത്രമാണ് ഉപേക്ഷിച്ചത് എന്ന് നടൻ പൃഥ്വിരാജ് വ്യക്തമാക്കുന്നു. അരിവാള്‍ ചുറ്റിക നക്ഷത്രം എന്ന ചിത്രമായിരുന്നു അത്. പല കാരണങ്ങളാല്‍ മുടങ്ങിയപ്പോയ ചിത്രമാണ്. തനിക്ക് ഒരുപാട് ഇഷ്‍ടം തോന്നിയ ഒരു പ്രമേയമായിരുന്നു അത്. എന്നാല്‍ മറ്റ് ചില സിനിമകളില്‍ ആ കഥാ പശ്ചാത്തലം ഉണ്ടായതിനാല്‍ ഇനിയത് സംഭവിച്ചേക്കില്ല. താനും മമ്മൂക്കയും ഒന്നിക്കേണ്ടിയിരുന്ന ഒരു സിനിമയാണ് അതെന്നും വ്യക്തമാക്കുന്നു നടൻ പൃഥ്വിരാജ്.

അതേസമയം ലൂസിഫറിന്റെ രണ്ടാം ഭാഗായി എത്തുന്ന എമ്പുരാൻ മാര്‍ച്ച് 27ന് റിലീസാകും. ചിത്രത്തിനായി വലിയ പ്രതീക്ഷയിലാണ് മലയാളികൾ അടക്കമുള്ള സിനിമാ പ്രേമികൾ. സ്റ്റീഫൻ നെടുമ്പള്ളിയെന്ന ഖുറേഷി അബ്രമായി ചിത്രത്തില്‍ മോഹൻലാല്‍ എത്തിയപ്പോള്‍ ആഗോള ബോക്സ് ഓഫീസില്‍ 150 കോടി രൂപയില്‍ അധികം ബിസിനസ് നേടി ലൂസിഫര്‍ തിളങ്ങിയിരുന്നു. ലൂസിഫറിലെ സ്റ്റീഫൻ നെടുമ്പള്ളിക്കായിരിക്കില്ല രണ്ടാം ഭാഗമായ എമ്പുരാനില്‍ പ്രാധാന്യം എന്ന് റിപ്പോര്‍ട്ടുണ്ട്. ഖുറേഷി അബ്രഹാമിന്റെ പിന്നാലെ സഞ്ചരിക്കുന്ന കഥയായിരിക്കും എമ്പുരാന്റെയെന്നാണ് അപ്‍ഡേറ്റുകളില്‍ നിന്ന് മനസിലാകുന്നത്..

ചെയ്ത സിനിമകൾ മിക്കതും ഹിറ്റായി മാറിയ നടിയാണ് നിഖില വിമൽ. കുറിക്ക് കൊള്ളുന്ന മറുപടികൾ കൊണ്ടും ഉറച്ച നിലപാടുകൾ കൊണ്ടും നടി എന്നും ശ്രദ്ധേയ ആവാറുണ്ട്. തനിക്കുനേരെ വരുന്ന ചോദ്യങ്ങൾക്ക് നിഖില കൊടുക്കുന്ന കലക്കൻ മറുപടികൾ പലപ്പോഴും സോഷ്യൽ മീഡിയയിൽ വാർത്തകളാകാറുമുണ്ട്. ഈ കാരണത്താൽ യുവാക്കൾക്കിടയിൽ ലേഡി പൃഥ്വിരാജ്, തഗ്ഗ് റാണി തുടങ്ങിയ വിളിപ്പേരുകളും നിഖിലയ്ക്ക് ചാർത്തികിട്ടിയിട്ടുണ്ട്.

ഇപ്പോഴിതാ മറ്റുള്ളവർ വിചാരിക്കുന്നത്ര സുഖമുള്ള ജീവിതമൊന്നുമല്ല തന്റേതെന്നും അമ്മ ഇപ്പോഴും ജോലിക്കൊക്കെ പോകുന്ന ആളാണെന്നും തുറന്നു പറയുകയാണ് തരാം. അതുപോലെ തന്റെ പേഴ്സണൽ സ്‌പേസ് തനിക്ക് ഏറെ പ്രധാനപ്പെട്ടതാണെന്നും സിനിമയ്ക്ക് പോകുകയോ, വീട്ടിലേക്കുള്ള സാധനങ്ങൾ വാങ്ങാൻ പോകുകയോ ഒക്കെ ചെയ്യുമ്പോൾ ഫോട്ടോ വന്ന് ചോദിച്ചാൽ ചിലപ്പോൾ താൻ സമ്മതിക്കില്ലെന്നും താരം പറയുന്നു.

‘ഞാനൊക്കെ മിഡിൽ ക്ലാസ് ആണ്. എന്റെ അമ്മ ഇപ്പോഴും ജോലിക്കൊക്കെ പോകുന്നുണ്ട്. നിങ്ങൾ വിചാരിക്കുന്നത്ര സുഖമുള്ള ജീവിതമൊന്നുമല്ല. അഞ്ച് ദിവസത്തിൽ കൂടുതൽ വീട്ടിൽ നിന്നാൽ ആൾക്കാർ വിചാരിക്കുക നമ്മൾ ഫീൽഡ് ഔട്ടായെന്നാണ്. ആരെങ്കിലും ഇങ്ങനെ പറഞ്ഞെന്ന് പറയുമ്പോൾ ഞാൻ അമ്മയോട് പറയും, അമ്മേ നിങ്ങൾക്ക് സന്തോഷമുള്ളപ്പോൾ ആരും വന്ന് ചോദിച്ചില്ലല്ലോ എന്ന്. നിങ്ങളുടെ സന്തോഷത്തിൽ പങ്കുചേരുന്നെന്ന് ആരും പറഞ്ഞില്ലല്ലോ. ബുദ്ധിമുട്ടുവരുമ്പോഴാണ് ആളുകൾ വന്ന് ഉറപ്പിക്കുക. നമ്മുടെ വീട്ടിൽ കറണ്ട് ഇല്ല അപ്പുറത്തെ വീട്ടിലും ഇല്ലല്ലോ എന്ന് പറയില്ലേ അതുപോലെ. പൊതുവെ നമ്മുടെ നാട്ടുകാരൊക്കെ അടിപൊളിയാണ്. അവരുടെ ഒരു നിഷ്‌കളങ്കതയും ഉണ്ട് അതിൽ. പൊതുവെ സിനിമയിൽ നിന്നുള്ളവരെ കണ്ടാൽ എന്താ ചോദിക്കുകയെന്ന് അവർക്കറിയില്ല.’- നിഖില വ്യക്തമാക്കി.

ആന്റണി പെരുമ്പാവൂരിനെ മുന്നിൽ നിറുത്തി ചില താരങ്ങൾ കളിക്കുന്നതാണ് ഇപ്പോഴത്തെ പ്രശ്നങ്ങൾക്ക് കാരണമെന്ന് ജി. സുരേഷ് കുമാർ. ഫേസ്ബുക്ക് പോസ്‌റ്റിന് പിന്നിൽ ആന്റണിയാണെന്ന് വിശ്വസിക്കുന്നില്ല. ആന്റണിക്ക് അതു പറയാനുള്ള ഒരു ആംപിയറുമില്ല. പ്രൊഡ്യൂസേഴ്‌സ് അസോസിയേഷനെതിരെ പറയുന്ന ആളല്ല ആന്റണി പെരുമ്പാവൂരെന്ന് സുരേഷ് കുമാർ പറഞ്ഞു.

”ആന്റണിയുടെ പിന്നിൽ നിന്ന് ചിലർ കളിക്കുകയാണ്. ചില താരങ്ങളാണത്. അവർ മുന്നിൽ വരട്ടെ, അപ്പോൾ സംസാരിക്കാം. അവർ എന്തിനാണ് പിന്നിൽ ഒളിച്ചു നിൽക്കുന്നത്. അവരെയൊക്കെ ബാധിക്കുന്നത് തന്നെയാണ് കാരണം. പുറത്തു നിന്ന് ഇൻവസ്‌റ്റേഴ്‌സിനെ കൊണ്ടുവന്നാണ് ഇവരൊക്കെ സിനിമ ചെയ്യുന്നത്. സത്യം പറഞ്ഞാൽ അതൊക്കെ പൊളിയും.

നൂറ കോടി കളക്‌ട് ചെയ‌്ത ഒരു സിനിമ ഇവർ കാണിച്ചു തരട്ടെ. സർക്കാരിന് കിട്ടുന്ന കാശ് കൂടി നമ്മുടെ അക്കൗണ്ടിൽ എഴുതാൻ സാധിക്കില്ല. താരങ്ങളെ പേടിച്ച് മിണ്ടാതിരിക്കാൻ കഴിയില്ല. ഞങ്ങളുടെ സംഘടന ഒരിക്കലും ‘അമ്മ’യ‌്ക്കെതിരെയല്ല. മോഹൻലാൽ പ്രസിഡന്റ് ആയിരുന്ന സമയത്താണ് ഞങ്ങൾക്ക് വേണ്ടി ഷോ ചെയ‌്തു തന്നത്. ചില സൂപ്പർ താരങ്ങൾ ചെയ്യുന്ന രീതികൾ മാറ്റണമെന്നേ ഞങ്ങൾക്ക് പറയാനുള്ളൂ.

താരങ്ങൾ പ്രതിഫലം വാങ്ങുമ്പോൾ അതിന്റെ നാലിൽ ഒന്നെങ്കിലും അതിന്റെ പ്രൊഡ്യൂസറിന് കിട്ടണ്ടേ? വിരോധം കൊണ്ടിരുന്നിട്ട് കാര്യമില്ല. ഒടിടിയിൽ നിന്ന് കിട്ടിക്കൊണ്ടിരുന്ന കളക്ഷൻ ഇടിഞ്ഞു”. പേയ്‌മെന്റ് കിട്ടുന്നത് തന്നെ മാസങ്ങൾ കൊണ്ടാണ്. അവർ പറയുന്നതിനനുസരിച്ച് സിനിമ മാറ്റി വയ‌്ക്കേണ്ട അവസ്ഥയാണെന്ന് സുരേഷ് കുമാർ പറഞ്ഞു.

ഒരുകാലത്ത് മിനി സ്ക്രീൻ പ്രേക്ഷരുടെ പ്രിയ ജോഡ‍ിയായിരുന്ന ജിഷിനും മുൻഭാര്യ വരദയും. ഏറെക്കാലത്തെ പ്രണയത്തിനൊടുവിൽ വിവാഹിതരായ ഇരുവരും മൂന്നു വർഷം മുൻപ് വിവാഹ​മോചിതരാവുകയായിരുന്നു. വിവാഹമോചനത്തിന് പിന്നാലെ കടുത്ത വിഷാദത്തിലേക്ക് താൻ വീണ് പോയെന്നും പിന്നീട് കഞ്ചാവിലും രാസലഹരിയിലും അടിമപ്പെട്ടെന്നുമൊക്കെ ഈ ഇടയ്ക്ക് ജിഷിൻ തന്നെ വെളിപ്പെടുത്തിയിരുന്നു.

തന്റെ കരിയറിനെ തന്നെ ബാധിച്ച ഈ പ്രതിസന്ധിയിൽ നിന്നും തന്നെ ജീവിതത്തിലേക്ക് തിരികെ കൊണ്ടുവന്നത് നടി അമേയയാണെന്നും എന്നാൽ തങ്ങൾ തമ്മിൽ ഒരു പ്രണയബന്ധം അല്ലഎന്നും അന്ന്ജിഷിൻ പറഞ്ഞിരുന്നു.ഇപ്പോഴിതാ പ്രണയദിനത്തിൽ തങ്ങൾ പരസ്പരം ‘യെസ്’ പറഞ്ഞെന്ന സന്തോഷവാർത്ത ആരാധകരോട് പങ്കുവെച്ചിരിക്കുകയാണ് ഇരുവരും.

‘എനിക്ക് ജിഷിൻ ചേട്ടനെ ആദ്യം ഇഷ്ടമല്ലായിരുന്നു. കേട്ടറിവുകൾ വെച്ച് ഒരുപാട് ഇഷ്ടക്കേടുകൾ ഉണ്ടായിരുന്നു. പരിചയപ്പെട്ടപ്പോൾ ചേട്ടൻ തന്നെ പറഞ്ഞു താൻ അങ്ങനെ തന്നെ ആണെന്ന്. അത് എനിക്കൊരു പ്ലസ് പോയിന്റ് ആയിട്ടാണ് തോന്നിയത്. ഒരു ഫ്രണ്ടായി കൂടെ നിന്നപ്പോള്‍ചെയ്തിട്ടുള്ള എല്ലാ കാര്യങ്ങളും അദ്ദേഹം തുറന്നു പറഞ്ഞു. അതൊരു പോസിറ്റീവ് ആയിട്ടാണ് ഞാന്‍ കണ്ടത്. തുറന്ന സംസാരത്തിലൂടെ മാത്രമേ ആളെ മനസിലാക്കാന്‍ പറ്റുകയുള്ളൂ. ആളുടെ നെഗറ്റീവ് സൈഡ് എനിക്ക് ആദ്യം മനസിലായി. പിന്നെയാണ് പോസിറ്റീവ് സൈഡ് മനസിലാക്കുന്നത്. ബെസ്റ്റ് ഫ്രണ്ട് എന്താണോ ചെയ്യുന്നത്, അതേ ഞാനും ചെയ്തുള്ളൂ. അദ്ദേഹത്തെ എങ്ങനെ മാറ്റിയെന്ന് പലരും ചോദിക്കാറുണ്ട്. എന്നാല്‍ ഞാനൊരു മാറ്റവും വരുത്തിയില്ല. അദ്ദേഹത്തിനുള്ള പോസിറ്റീവ് കാണിച്ചു കൊടുക്കുകയേ ചെയ്തുള്ളു”, അമേയ അഭിമുഖത്തിൽ പറഞ്ഞു. ജിഷിൻ എന്ന വ്യക്തിയെ മനസിലാക്കാൻ വളരെ പ്രയാസമാണെന്നും മനസിലാക്കിയാൽ ആൾ ഓകെ ആണെന്നും അമേയ പറയുന്നു.

മികച്ച വില്ലൻ വേഷങ്ങളിലൂടെ മലയാളികൾക്ക് സുപരിചിതനായ നടനാണ് സുധീർ സുകുമാരൻ. ബോഡിബിൽഡർ കൂടിയായ സുധീർ ഒരു ക്യാൻസർ അതിജീവിതനാണെന്ന് ഒരുപക്ഷേ പലർക്കും അറിയില്ലായിരുന്നു. ഈയടുത്ത് ഒരു ക്യാൻസർ ദിന പരിപാടിയിൽ പങ്കെടുത്ത് സംസാരിക്കാതെ തന്നെ അർബുദത്തിലേക്ക് നയിച്ച കാരണത്തെക്കുറിച്ച് താര പ്രകടിപ്പിച്ച സംശയമാണ് ഇപ്പോൾ ചർച്ചയാകുന്നത്.

തനിക്ക് ക്യാൻസർ വരാനുള്ള കാരണത്തെക്കുറിച്ച് ഒരുപാട് ആലോചിച്ചിരുന്നു എന്നും ഇത് ഒടുവിൽ ചെന്നെത്തിയത് അൽഫാമിൽ ആണെന്നും ആണ് താരം പറഞ്ഞത്. അതിൽ തന്നെ അൽഫാമിന്റെ കരിഞ്ഞ ഭാഗമാണ് തനിക്ക് ഏറെ ഇഷ്ടമെന്നും അതുകൊണ്ടുതന്നെ പലപ്പോഴും ഇത് തുടരെ വാങ്ങി കഴിക്കുന്ന കൂട്ടത്തിൽ ആയിരുന്നു താൻ എന്നും സുധീർ പറയുന്നു. ആ സമയം പച്ചക്കറിയൊന്നും കഴിക്കാറുമുണ്ടായിരുന്നില്ല എന്നും അദ്ദേഹം കൂട്ടി ചേർത്തു.

താരത്തിന് മലാശയ കാൻസറാണ് പിടിപെട്ടത്. രക്തസ്രാവമുണ്ടായപ്പോൾ പൈൽസാണെന്ന് കരുതി കൂടുതൽ പരി​ഗണന നൽകിയില്ല. പിന്നീട് നടൻ മമ്മൂട്ടിയും മസിലിന്റെ ബലക്ഷയം ചൂണ്ടിക്കാട്ടിയെങ്കിലും തമാശയെന്ന് പറഞ്ഞ്, കാര്യമാക്കിയില്ല. ഒരു തെലുങ്ക് സിനിമയുടെ ഷൂട്ടിം​ഗിനിടെയാണ് കാര്യങ്ങൾ വഷളായത്. ഷൂട്ടിം​ഗിനിടെ രക്തസ്രാവമുണ്ടായി, പിന്നീട് ഇത് ​ഗുരുതരമായി. ഡോക്ടറുടെ നിർദേശത്തിൽ കൂടുതൽ പരിശോധനകൾക്ക് വിധേയനായപ്പോഴാണ് കാൻസർ കണ്ടെത്തിയത്. തുടർന്ന് അടിയന്തരമായി ശസ്ത്രക്രിയ നടത്തി. ഒരു മാസത്തിന് പിന്നാലെ വീണ്ടും ഷൂട്ടിം​ഗിലേക്ക്. ആക്ഷൻ സീനിനിടെ പലതവണ തുന്നലിൽ നിന്ന് രക്തം വാർന്നുവെന്നും അദ്ദേഹം പറഞ്ഞു.