നടുറോഡിൽ കത്തിയുമായി പരാക്രമം നടത്തി യുവാവ്. പാലാരിവട്ടം സംസ്കാര ജംഗ്ഷനിൽ ഇന്നലെ രാത്രി 12.15 ഓടെയാണ് സംഭവം. നടുറോഡിൽ കത്തിയുമായി പരാക്രമം കാണിക്കുന്ന യുവാവിനെ നാട്ടുകാരുടെ പരാതിയെ തുടർന്നാണ് പോലീസ് കസ്റ്റഡിയിൽ എടുക്കാൻ ശ്രമിച്ചത്. ഇതോടെ യുവാവും വനിതാ സുഹൃത്തും പോലീസിന് നേരെ ആക്രമണം നടത്തുകയായിരുന്നു.

പോലീസ് വാഹനത്തിന്റെ ചില്ലുകൾ ഇവർ അടിച്ചു തകർത്തു. സംഭവത്തിൽ പാലാരിവട്ടം സ്വദേശിയായ പ്രവീൺ, സുഹൃത്ത് കോഴിക്കോട് സ്വദേശി റസ്ലി എന്നിവരെ പോലീസ് കസ്റ്റഡിയിലെടുത്തു. ഇരുവരും കഞ്ചാവ് കേസുകളിൽ അടക്കം പ്രതിയാണെന്ന് പോലീസ് അറിയിച്ചു.

ആരോ​ഗ്യത്തിന് ഏറ്റവും​ ​ഉത്തമമായ പച്ചക്കറിയാണ് വെണ്ടയ്‌ക്ക. ധാരാളം വിറ്റാമിനുകൾ അടങ്ങിയിട്ടുള്ള പച്ചക്കറിയാണിത്. ലേഡീസ് ഫിംഗർ അല്ലെങ്കിൽ ഗംബോ എന്നറിയപ്പെടുന്ന വെണ്ടയ്‌ക്കയിൽ ഒരുപാട് ​ഗുണങ്ങളുണ്ട്. ധാരാളം നാരുകളും വിറ്റാമിൻ എ,സി, പൊട്ടാസ്യം, മഗ്നീഷ്യം തുടങ്ങിയ ധാതുക്കളും അടങ്ങിയിട്ടുണ്ട്. ദഹനത്തിനും ചർമകാന്തിക്കും ഇവ ശീലമാക്കുന്നത് അത്യുത്തമമാണ്. വേണ്ടയ്‌ക്കയുടെ ഉപയോ​​ഗങ്ങൾ എന്തൊക്കെയെന്ന് നോക്കാം…

ദഹനത്തിന് സഹായകം

​​ദഹനത്തിന് ഏറ്റവും അനുയോജ്യമാണ് വെണ്ടയ്‌ക്ക. ഇത് ദഹനപ്രക്രിയ സുഖപ്രദമായി നടക്കാനും മലബന്ധം തടയാനും ഇവ സഹായിക്കുന്നു. കുടലിന്റെ ആരോ​ഗ്യത്തിനും വെണ്ടയ്‌ക്ക ഉത്തമമാണ്.

കൊളസ്ട്രോളിന്റെ അളവ് കുറയ്‌ക്കുന്നു

ദിവസേന കഴിക്കുന്ന ആ​ഹാരത്തിൽ വെണ്ടയ്‌ക്ക ഉൾപ്പെടുത്തുന്നത് ഒട്ടനവധി ​ആരോഗ്യ ​ഗുണങ്ങൾ പ്രദാനം ചെയ്യുന്നു. ധാതുക്കളും വിറ്റാമിനുകളും നിറഞ്ഞ വെണ്ടയ്‌ക്ക കഴിക്കുന്നത് കൊളസ്ട്രോളിന്റെ അളവ് കുറയ്‌ക്കാനും സ​ഹായകമാണ്.

രക്തത്തിലെ പഞ്ചസാരയുടെ അളവ് നിയന്ത്രിക്കുന്നു

പോളിഫെനോൾ, ഫൈബർ തുടങ്ങിയ ധാതുക്കൾ ധാരാളം വെണ്ടയ്‌ക്കയിൽ അടങ്ങിയിട്ടുണ്ട്. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു. പ്രമേഹം വരാനുള്ള സാധ്യത കുറയ്‌ക്കാനും ഇത് സഹായകമാണ്.

രോഗപ്രതിരോധ ശേഷി വർദ്ധിപ്പിക്കുന്നു

വിറ്റാമിനുകൾ ധാരാളം അടങ്ങിയിട്ടുള്ള വെണ്ടയ്‌ക്ക ദിവസവും കഴിക്കുന്നത് രോ​ഗപ്രതിരോധ ശേഷി വർദ്ധിപ്പിക്കുകയും അണുബാധ അകറ്റുകയും ചെയ്യും.

എല്ലുകളുടെ ആരോഗ്യം നിലനിർത്തുന്നു

വെണ്ടയ്‌ക്കയിൽ വിറ്റാമിൻ സി, കാൽസ്യം, മഗ്നീഷ്യം എന്നിവ അടങ്ങിയിട്ടുള്ളതിനാൽ ഇത് എല്ലുകളുടെ ആരോ​ഗ്യം നിലനിൽത്താനും ആരോ​ഗ്യം മെച്ചപ്പെടുത്താനും സഹായിക്കുന്നു.

ചർമ്മത്തിന്റെ ആരോ​ഗ്യം

ചർമ്മത്തിന്റെ ആരോ​ഗ്യം സംരക്ഷിക്കുന്നതിന് വെണ്ടയ്‌ക്ക സഹായകമാണ്. വിറ്റാമിൻ എ, വിറ്റിമാൻ സി എന്നിവ ചർമ്മകാന്തി നിലനിർത്തുന്നതിന് ഉത്തമമാണ്. കൂടാതെ തൊലിപ്പുറത്ത് വരുന്ന ചെറിയ പാടുകളിൽ നിന്നും അലർജിയിൽ നിന്നുമൊക്കെ സംരക്ഷിക്കും. അകാല വാർദ്ധക്യത്തിനും ചർമത്തിലുണ്ടാകുന്ന ചുളിവുകൾ ഇല്ലാതാക്കാനും വെണ്ടയ്‌ക്ക സ​ഹായിക്കുന്നു.

സോഷ്യൽമീഡിയ താരങ്ങളായ റോബിൻ രാധാകൃഷ്ണന്റെയും ആരതി പൊടിയുടെയും വിവാഹാഘോഷങ്ങൾക്ക് തുടക്കമായി. വരുന്ന 16-ന് ​ഗുരുവായൂർ ക്ഷേത്രത്തിൽ വച്ചാണ് ഇരുവരുടെയും വിവാഹം നടക്കുന്നത്. ഏറെ നാളത്തെ പ്രണയത്തിനൊടുവിലാണ് ഇരുവരും വിവാഹിതരാകുന്നത്.

വിവാഹാഘോഷങ്ങളുടെ ചിത്രങ്ങൾ റോബിൻ ഇൻസ്റ്റ​ഗ്രാമിൽ പങ്കുവച്ചിട്ടുണ്ട്. എന്നാൽ ചിത്രങ്ങൾ പുറത്തുവന്നതിന് പിന്നാലെ ഇരുവരുടെയും വിവാഹം കഴിഞ്ഞു എന്ന തരത്തിലുള്ള വാർത്തകളും സോഷ്യൽമീഡിയയിൽ നിറഞ്ഞിരുന്നു.

ലൈറ്റ് ലാവൻഡർ നിറത്തിലുള്ള ലഹങ്കയാണ് ആരതി ധരിച്ചിരിക്കുന്നത്. വെള്ള നിറത്തിലുള്ള കുർത്തയാണ് റോബിന്റെ വേഷം. രണ്ട് വർഷത്തിന് മുമ്പായിരുന്നു റോബിന്റെയും ആരതിയുടെയും വിവാഹനിശ്ചയം കഴിഞ്ഞത്.

ദിവസങ്ങൾ നീണ്ട വിവാഹാഘോഷമാണ് സംഘടിപ്പിച്ചിരിക്കുന്നത്. ഹൽദി ചടങ്ങുകളോടെയായിരുന്നു ആഘോഷങ്ങളുടെ തുടക്കം. വിവാഹചടങ്ങുകളും ആഘോഷങ്ങളും തനിക്ക് തന്നെ ഒരു സർപ്രൈസാണെന്നും മറ്റുള്ളവരാണ് അതൊക്കെ പ്ലാൻ ചെയ്യുന്നതെന്നും റോബിൻ പറഞ്ഞു. വിവാഹത്തിന് ശേഷം രണ്ട് വർഷം നീണ്ടുനിൽക്കുന്ന ഹണിമൂണാണ് പ്ലാൻ ചെയ്തിരിക്കുന്നതെന്നും റോബിൻ നേരത്തെ പറഞ്ഞിരുന്നു.

ടി.പി കേസ് പ്രതികൾക്ക് വാരിക്കോരി പരോൾ നൽകി പിണറായി സർക്കാർ. മൂന്ന് പ്രതികൾക്ക് ആയിരത്തിലധികം ദിവസം പരോൾ നൽകി. തിരുവഞ്ചൂർ രാധാകൃഷന്റെ ചോദ്യത്തിന് മറുപടി നൽകുകയായിരുന്നു മുഖ്യമന്ത്രി.

ഒന്നാം പിണറയി സർക്കാരിന്റെ കാലം മുതൽ ഇതുവരെയുള്ള കണക്കാണ് മുഖ്യമന്ത്രി നിയമസഭയിൽ രേഖാമൂലം നൽകിയത്. കെ.സി രാമചന്ദ്രൻ, ട്രൗസർ മനോജ്, അണ്ണൻ സിജിത് എന്നിവർക്കാണ് ആയിരത്തിലധികം ദിവസം പരോൾ ലഭിച്ചത്. ആറ് പേർക്ക് 500 ദിവസത്തിലധികം പരോൾ ലഭിച്ചു. കൊടിസുനിക്ക് കിട്ടിയത് 60 ദിവസം. അതോടോപ്പം, കേസിലെ ചില പ്രതികൾക്ക് ശിക്ഷ ഇളവ് നൽകി മോചിപ്പിക്കാനുള്ള സർക്കാരിന്റെ നീക്കം അടുത്തിടെ പുറത്ത് വന്നിരുന്നു.

അതേസമയം, പരോൾ അനുവദിച്ചതിനെതിരെ കോടതിയെ സമീപിക്കുമെന്ന് കെ.കെ.രമ എംഎൽഎ. പ്രതികൾക്ക് സിപിഎമ്മും സർക്കാരും വഴിവിട്ട സഹായം ചെയ്യുന്നു. പ്രതികൾ ജയിലിൽ കഴിഞ്ഞതിനെക്കാൾ കാലം പുറത്തുകഴിഞ്ഞു. കേസുമായി ബന്ധപ്പെട്ട് താൻ ചോദിച്ച ചോദ്യങ്ങൾക്ക് ഇതുവരെ സർക്കാർ മറുപടി നൽകിയിട്ടില്ലെന്നും കെ.കെ.രമ മീഡിയവണിനോട് പറഞ്ഞു.

സമയ് റെയ്‌നയുടെ ഇന്ത്യാസ് ഗോട്ട് ലാറ്റന്‍റില്‍ നടത്തി അശ്ലീല പരാമര്‍ശത്താല്‍ യൂട്യൂബർ രൺവീർ അലഹബാദിയ വലിയ കുരുക്കിലാണ് പെട്ടിരിക്കുന്നത്. യൂട്യൂബര്‍ക്കെതിരെ എഫ്ഐആര്‍ റജിസ്ട്രര്‍ ചെയ്യപ്പെട്ടതിന് പിന്നാലെ ഇദ്ദേഹത്തിന്‍റെ കാമുകി നിക്കി ശർമ്മ  വേർപിരിഞ്ഞതായി റിപ്പോർട്ട് ചെയ്യപ്പെട്ടിട്ടുണ്ട്. ഇരുവരും തങ്ങളുടെ ബന്ധം സ്ഥിരീകരിച്ചിട്ടില്ലെങ്കിലും, അവർ വളരെക്കാലമായി ഡേറ്റിംഗിലാണെന്നാണ് അഭ്യൂഹങ്ങള്‍.

സോഷ്യൽ മീഡിയ പ്ലാറ്റ്‌ഫോമായ ഇൻസ്റ്റാഗ്രാമിൽ രൺവീറും നിക്കിയും പരസ്പരം അൺഫോളോ ചെയ്തതായി ബോളിവുഡ് ഷാദിസിന്‍റെ റിപ്പോർട്ട് പറയുന്നു. ഇതോടെയാണ് ഇവര്‍ പിരിഞ്ഞതായി വാര്‍ത്തകള്‍ വരുന്നത്. എന്നിരുന്നാലും, തന്‍റെ വ്യക്തിജീവിതത്തെക്കുറിച്ചുള്ള അഭ്യൂഹങ്ങളെക്കുറിച്ച് രൺവീർ ഇതുവരെ ഒരു പ്രസ്താവനയും നടത്തിയിട്ടില്ല. 

“നിങ്ങളുടെ ശരീരം ഭക്ഷണം നിരസിച്ചേക്കാം, ചിലപ്പോള്‍ ഊര്‍ജ്ജം നിരസിച്ചേക്കാം. നിങ്ങളുടെ ശരീരം ചില സ്ഥലങ്ങളെയോ ആളുകളെയോ വസ്തുക്കളെയോ നിരസിക്കാൻ തുടങ്ങിയാൽ, അത് ശ്രദ്ധിക്കണം” എന്ന നിക്കിയുടെ പുതിയ ഇന്‍സ്റ്റ സ്റ്റാറ്റസും ഇരുവരും തമ്മിലുള്ള ബന്ധത്തിന്‍റെ സൂചന നല്‍കുന്നു എന്നാണ് ചില ദേശീയ മാധ്യമങ്ങളില്‍ വന്ന വാര്‍ത്ത

സമയ് റെയ്നയുടെ ഷോയില്‍ അടുത്തിടെ നടത്തിയ പരാമർശങ്ങളാണ്  ബിയർബൈസെപ്‌സ് എന്ന് അറിയപ്പെടുന്ന രൺവീറിന്  തിരിച്ചടിയായത്.  ഷോയിലെ ഒരു മത്സരാർത്ഥിയോട് അസഭ്യമായ ചോദ്യം ചോദിച്ചതാണ് ഇപ്പോള്‍ വിവാദമായത്. 

അതേ സമയം പോഡ്‌കാസ്റ്റർ രൺവീർ അലഹബാദിയ, കൊമേഡിയന്‍ സമയ് റെയ്‌ന എന്നിവര്‍ക്കെതിരെ മഹാരാഷ്ട്ര സൈബർ പോലീസ് കേസെടുത്തിട്ടുണ്ട്. അസാം പൊലീസ് തിങ്കളാഴ്ച ഫയല്‍ ചെയ്ത എഫ്ഐആറിന് പുറമേയാണ് ഇത്. 

ഇൻഫർമേഷൻ ടെക്‌നോളജി ആക്ടിൻ്റെ സെക്ഷൻ 67 ഉൾപ്പെടെയുള്ള വകുപ്പുകൾ ചേര്‍ത്താണ് കേസ് എടുത്തിരിക്കുന്നത് എന്നാണ് ഒരു മുതിർന്ന ഉദ്യോഗസ്ഥൻ ദി ഇന്ത്യൻ എക്‌സ്പ്രസിനോട് സ്ഥിരീകരിച്ചത്. അലഹബാദിയ, റെയ്‌ന എന്നിവരെ പ്രതി ചേര്‍ത്ത് കേസ് എടുത്തതായി അസം മുഖ്യമന്ത്രി ഹിമന്ത ബിശ്വ ശർമ്മ സോഷ്യൽ മീഡിയയിൽ അറിയിച്ചിരുന്നു.

മഹാരാഷ്ട്ര വനിതാ കമ്മീഷൻ ചെയർപേഴ്‌സൺ രൂപാലി ചകാങ്കർ ഷോയുടെ പേരില്‍ പരാതി ലഭിച്ചതായും സംപ്രേക്ഷണം നിർത്തിവയ്ക്കാൻ പോലീസ് വകുപ്പിന് നിർദ്ദേശം നല്‍കിയതായും അറിയിച്ചിരുന്നു. അതേ സമയം വിവാദ എപ്പിസോഡ് യൂട്യൂബില്‍ നിന്നും നീക്കം ചെയ്തിട്ടുണ്ട്.