ലഹരി മരുന്ന് കേസില്‍ നടൻ ഷൈൻ ടോം ചാക്കോയെ കോടതി വെറുതെ വിട്ടു. എറണാകുളം അഡിഷണല്‍ സെഷൻസ് കോടതിയാണ് ഷൈൻ ഉള്‍‌പ്പടെയുള്ള മുഴുവൻ പ്രതികളെയും വെറുതെ വിട്ടത്.

2015 ജനുവരി 30ന് ആയിരുന്നു കേസിന് ആസ്‍‌പദമായ സംഭവം നടന്നത്. കടവന്ത്രയിലെ ഫ്ളാറ്റില്‍ മൂന്നാം പ്രതി ഷൈനും നാല് യുവതികളും ചേര്‍ന്ന് കൊക്കൈന്‍ ഉപയോഗിച്ച് സ്മോക് പാര്‍ടി നടത്തി എന്നതായിരുന്നു കേസ്. പ്രതികള്‍ക്കായി അഡ്വ രാമന്‍ പിള്ളൈ, കെ ആര്‍ വിനോദ് , ടി ഡി റോബിന്‍, പി.ജെ പോള്‍സണ്‍, മുഹമ്മദ് സബ തുടങ്ങിയവര്‍ ഹാജരായി. പ്രോസിക്യൂഷന് വേണ്ടി ജോര്‍ജ് ജോസഫും ഹാജരായി.

കാബേജ് കുടുംബത്തിൽ പെടുന്ന ബ്രോക്കോളിയും കോളിഫ്ലവറുമൊക്കെ ഇപ്പോൾ പരിചിതമാണ്. അൽപം വിലയേറിയതിനാൽ തന്നെ ബ്രോക്കോളിയെ പതിവായി ഭക്ഷണത്തിൽ ഉൾപ്പെടുത്താറില്ല. കോളിഫ്ലവറിന്റെ കാര്യം അങ്ങനെയല്ല. കറി വച്ചും മൊരിച്ചൊക്കെ കഴിക്കുന്ന പതിവുണ്ട്. ഇവ രണ്ടും ശരീരഭാരം നിയന്ത്രിക്കാൻ സഹായിക്കുമെന്നാണ് പഠനങ്ങൾ പറയുന്നത്. എന്നാൽ ഇവയിലേതാണ് കൂടുതൽ മെച്ചം എന്ന് ചിന്തിച്ചിട്ടുണ്ടോ? ഉത്തരമിവിടുണ്ട്..

പോഷകസമ്പന്നമാണ് ബ്രോക്കോളി. വിറ്റാമിനുകളും ധാതുക്കളും ഏറെ അടങ്ങിയിട്ടുണ്ട്. ബ്രോക്കോളി കഴിക്കുന്നത് സ്തനങ്ങൾ, വൻകുടൽ, പ്രോസ്റ്റേറ്റ്, ശ്വാസകോശം എന്നിവയെ ബാധിക്കുന്ന അർബുദ സാധ്യത കുറയ്‌ക്കുമെന്ന് പഠനങ്ങൾ പറയുന്നു. ഇതിലെ ആൻ്റി ഓക്സിഡൻ്റുകൾ വീക്കം കുറയ്‌ക്കുന്നു. നാരുകൾ ദഹനം മെച്ചപ്പെടുത്തുന്നു. കുടലിന്റെ ആരോ​ഗ്യത്തിനും ഇത് നല്ലതാണ്.

വിറ്റാമിൻ സിയുടെയും ആൻ്റി ഓക്സിഡൻ്റുകളുടെയും കലവറ തന്നെയാണ് കോളിഫ്ലവറും. സൾഫോറാഫെയ്ൻ എന്ന സസ്യ സംയുക്തത്തിന്റെ സാന്നിധ്യം ഹൃദയത്തിന് ​ഗുണം ചെയ്യുന്നു. ഇതിലെ പൊട്ടാസ്യം രക്തസമ്മർദ്ദത്തെ നിയന്ത്രിക്കുന്നു. നാരുകൾ ദഹനത്തിനും കുടലിനും നല്ലതാണ്.

ബ്രോക്കോളിയോ കോളിഫ്ലവറോ? ഏതാണ് മെച്ചം?

രണ്ട് പോഷക സമ്പന്നമാണെങ്കിലും കണ്ണിന്റെ ആരോ​ഗ്യത്തിന് ബ്രോക്കോളിയാണ് നല്ലത്. കോളിഫ്ലവറിനേക്കാൾ വിറ്റാമിനുകളും ഇതിലടങ്ങിയിട്ടുണ്ട്. പ്രധാനമായും വിറ്റാമിൻ കെയും വിറ്റാമിൻ സിയും. നാരുകളും ഇതിലാണ് കൂടുതൽ. ശരീരത്തിന് ആവശ്യമായ നല്ല കൊഴുപ്പ് നൽ‌കാനും ബ്രോക്കോളിക്ക് കഴിയുന്നു.

ശരീരഭാരം കുറയ്‌ക്കാൻ ഏതാണ് നല്ലത്?

രണ്ട് ശരീരഭാരം കുറയ്‌ക്കാൻ മികച്ച ഓപ്ഷനുകളാണ്. എന്നിരുന്നാലും ഒരൽപം കൂടുതൽ നാരുകൾ ഉള്ളത് ബ്രോക്കോളിയിലാണ്. വിശപ്പിനെ നിയന്ത്രിക്കാനും വയർ നിറഞ്ഞത് പോലെ തോന്നിക്കാനും ബ്രോക്കോളിക്ക് സാധിക്കും. കോളിഫ്ലവറിനെ അപേക്ഷിച്ച് കൂടുതൽ വിറ്റാമിൻ സിയും പ്രോട്ടീനുമുള്ളത് ബ്രോക്കോളിയിലാണ്.

എന്നാൽ ബ്രോക്കോളിയെ അപേക്ഷിച്ച് കലോറി കുറവ് കോളിഫ്ലവറിലാണ്. കോളിഫ്ലവർ റൈസായും ബ്രോക്കോളി സൂപ്പിൽ ചേർത്തൊക്കെ കഴിക്കാവുന്നതാണ്.

നടി പാർവതി നായർ വിവാഹിതയായി. ഹൈദരാബാദ് സ്വദേശിയും ബിസിനസുകാരനുമായ ആശ്രിതാണ് പാർവതിയുടെ വരൻ. ഏറെ നാളത്തെ പ്രണയത്തിനൊടുവിലാണ് ഇരുവരും വിവാഹിതരായത്. അടുത്ത സുഹൃത്തുക്കളുടെയും ബന്ധുക്കളുടെയും സാന്നിധ്യത്തിലായിരുന്നു വിവാഹം.വിവാഹചിത്രങ്ങൾ പാർവതി ഇൻസ്റ്റഗ്രാമിൽ പങ്കുവച്ചു. ചെന്നൈയിലെ ഒരു ക്ലബിൽ വച്ചാണ് ഇരുവരും കണ്ടുമുട്ടിയത്. പിന്നീട് പ്രണയത്തിലായി.

അടുത്തിടെയായിരുന്നു പാർവതിയുടെും കിരണിന്റെയും വിവാഹനിശ്ചയം നടന്നത്. തന്റെ പ്രണയത്തെ കുറിച്ചും വിവാ​ഹത്തെ കുറിച്ചും പാർവതി സോഷ്യൽമീഡിയയിലൂടെ പറഞ്ഞിരുന്നു.

വിവാഹം കഴിക്കുക എന്ന ഉദ്ദേശത്തോടെയാണ് ഡേറ്റിം​ഗ് തുടങ്ങിയതെന്നും ആശ്രിതിന് സിനിമാ മേഖലയുമായി ഒരു ബന്ധവുമില്ലെന്നും പാർവതി പറഞ്ഞു. ഒരു പാർട്ടിയിൽ വച്ചാണ് ആശ്രിതിനെ ഞാൻ കാണുന്നത്.

തികച്ചും യാദൃച്ഛികമായൊരു കണ്ടുമുട്ടൽ. ഞങ്ങൾ ഒരുപാട് സംസാരിച്ചു. കൂടുതൽ അടുത്തറിയാൻ ഞങ്ങൾക്ക് ഒരുപാട് നാളുകളെടുത്തെന്നും താരം പറഞ്ഞു

പോപ്പിൻസ് എന്ന ചിത്രത്തിലൂടെയാണ് പാർവതി സിനിമിയിലേക്ക് എത്തിയത്. ജയിംസ് ആൻഡ് ആലീസ്, നീരാളി, ഉത്തമ വില്ലൻ,നിമിർ, ​ഗോട്ട്, യക്ഷി, നീ കൊ ഞാ ചാ തുടങ്ങിയ ഒട്ടനവധി ചിത്രങ്ങളിൽ പാർവതി അനുഭവിച്ചിട്ടുണ്ട്.

വിവാദ പരാമർശത്തെ തുടർന്ന് യൂട്യൂബർക്ക് നഷ്ടമായത് 2 മില്യൺ സബ്സ്ക്രൈബേഴ്സിനെ. ഇന്ത്യയിലെ പ്രമുഖ യൂട്യൂബറായ രൺവീർ അലഹബാദിയയുടെ ബീർ ബൈസെപ്സ് (Beer Biceps) എന്ന യൂട്യൂബ് ചാനലിലെ സബ്സ്ക്രൈബേഴ്സാണ് ചാനൽ ബഹിഷ്കരിച്ചത്. അടുത്തിടെ പുറത്തുവന്ന വീഡിയോയിൽ രൺവീർ അലഹബാദിയ നടത്തിയ അശ്ലീല പരാമർശം വിവാദമായതോടെയാണ് സംഭവം.

സമയ് റൈന എന്ന കൊമേഡിയൻ നടത്തിയ India’s Got Latent എന്ന ആക്ഷേപഹാസ്യ ഷോയിൽ പങ്കെടുത്ത് സംസാരിക്കുന്നതിനിടെയായിരുന്നു വിവാദ പരാമർശം. മാതാപിതാക്കൾ ശാരീരകബന്ധത്തിലേർപ്പെടുന്നത് സംബന്ധിച്ച് രൺവീർ നടത്തിയ പരമാർശം തീർത്തും അശ്ലീലവും ആക്ഷേപകരവുമായിരുന്നു. ഇതോടെ താരത്തിനെതിരെ വൻ വിമർശനമുയർന്നു. തുടർന്ന് രൺവീർ മാപ്പ് ചോദിക്കുകയും ചെയ്തു.

ജനുവരി 31ന് രൺവീറിന്റെ യൂട്യൂബ് ചാനലായ Beer Bicepsന് 10.5 മില്യൺ സബ്സ്ക്രൈബേഴ്സാണുണ്ടായിരുന്നത്. എന്നാൽ വിവാദമായതോടെ പലരും അൺ-സബ്സ്ക്രൈബ് ചെയ്യാൻ തുടങ്ങി. ഫെബ്രുവരി 10 ആകുമ്പോഴേക്കും എണ്ണം 8.1 മില്യണായി ഇടിഞ്ഞു. അതായത് 2 മില്യണിലധികം പേരാണ് രൺവീറിന്റെ ചാനൽ ബഹിഷ്കരിച്ചത്.

പ്രേക്ഷകര്‍ ആകാംക്ഷയോടെ കാത്തിരിക്കുന്ന ചിത്രമാണ് തരുണ്‍ മൂര്‍ത്തി സംവിധാനം ചെയ്യുന്ന ചിത്രം തുടരും. ചിത്രത്തിന്റെ റിലീസ് മേയ്‍ലാണെന്നാണ് അനൗദ്യോഗിക റിപ്പോര്‍ട്ടുകള്‍. നിരവധി ഫാൻസ് ഷോകൾ ഉറപ്പുള്ള ചിത്രത്തിന്റെ ഒടിടി റൈറ്റ്സ് ഹോട്‍സ്റ്റാറിനാണ് എന്നും റിപ്പോര്‍ട്ടുണ്ട്.
വൻ തുകയ്‍ക്കാണ് ഹോട്‍സ്റ്റാര്‍ ചിത്രത്തിന്റെ ഒടിടി റൈറ്റ്‍സ് നേടിയിരിക്കുന്നത് എന്നുമാണ് റിപ്പോര്‍ട്ട്.

മോഹന്‍ലാലും ശോഭനയും 20 വര്‍ഷങ്ങള്‍ക്ക് ശേഷം ഒന്നിക്കുന്ന ചിത്രം കൂടിയാണ് തുടരും. 2004 ല്‍ ജോഷി സംവിധാനം ചെയ്ത ‘മാമ്പഴക്കാല’ത്തിലാണ് ഇരുവരും അവസാനമായി ജോഡികളായത്. 2009 ല്‍ റിലീസ് ചെയ്ത സാഗര്‍ ഏലിയാസ് ജാക്കി എന്ന ചിത്രത്തില്‍ ഇരുവരും ഒരുമിച്ചഭിനയിച്ചിരുന്നു എന്നാൽ ജോഡികൾ ആയിരുന്നില്ല.

അതേസമയം തുടരുമിലെ പ്രമേയത്തിലെ ഓരോ രംഗത്തെ കുറിച്ചും വലിയ കൗതുകമായിരുന്നു മോഹൻലാലിന് ഉണ്ടായിരുന്നത് എന്ന് സംവിധായകൻ തരുണ്‍ മൂര്‍ത്തി വ്യക്തമാക്കിയിരുന്നു. കഥ കേട്ടപ്പോള്‍ ലാലേട്ടൻ ആവേശഭരിതനായെന്നാണ് അദ്ദേഹം പറഞ്ഞ.

അതേസമയം ചിത്രത്തിലെ മോഹൻലാലിന്റെ ലുക്കുകൾ വൻ ശ്രദ്ധയാകര്‍ഷിിച്ചിരുന്നു. രജപുത്ര നിര്‍മിക്കുന്ന ചിത്രത്തിൽ പത്തനംതിട്ട ജില്ലയിലെ റാന്നിയിലെ ഒരു സാധാരണക്കാരനായാണ് ലാലേട്ടൻ എത്തുന്നത്. സംവിധായകൻ തരുണ്‍ മൂര്‍ത്തിയും സുനിലും ചേര്‍ന്നാണ് തിരക്കഥ എഴുതിയിരിക്കുന്നത്.

സംവിധായകൻ സനൽകുമാർ ശശിധരനെതിരായ പരാതിയിൽ കോടതിയിൽ രഹസ്യമൊഴി നൽകി നടി. ഭീഷണി നേരിടുന്നതായും നടി നൽകിയ മൊഴിയിൽ വ്യക്തമാക്കുന്നു. ആലുവ ജുഡീഷ്യൽ മജിസ്ട്രേറ്റ് കോടതിയിലാണ് നടി രഹസ്യമൊഴി നൽകിയിരിക്കുന്നത്. സമൂഹമാധ്യമങ്ങളിലൂടെ അപമാനിച്ചെന്നാണ് നടിയുടെ പരാതി.

അതേ സമയം, സമൂഹമാധ്യമങ്ങളിലൂടെ അപമാനിച്ചെന്ന പ്രമുഖ നടിയുടെ പരാതിയിൽ സനൽകുമാർ ശശിധരനെതിരെ പൊലീസ് ലുക്ക് ഔട്ട് സർക്കുലർ ഇറക്കിയിരുന്നു. കൊച്ചി സിറ്റി പൊലീസ് ആണ് ലുക്കൗട്ട് സർക്കുലർ ഇറക്കിയത്. സനൽകുമാർ ശശിധരൻ അമേരിക്കയിലെന്നാണ് വിവരം. ഭാരതീയ ന്യായ സംഹിത പ്രകാരം 78, ഐടി ആക്ട് 67 എന്നിവ ചുമത്തിയാണ് എളമക്കര പൊലീസ് കേസ് എടുത്തിരിക്കുന്നത്.

സനല്‍ കുമാറിന്‍റെ വിദേശയാത്രകളുടെ വിശദാംശങ്ങള്‍ ആവശ്യപ്പെട്ട് പൊലീസ് ഇമിഗ്രേഷന്‍ വിഭാഗത്തിന് കത്ത് നല്‍കിയിരുന്നു. സനല്‍ കുമാര്‍ അമേരിക്കയിലാണെന്ന പൊലീസിന്‍റെ അനുമാനം സ്ഥിരീകരിക്കാനാണ് ഇമിഗ്രേഷന്‍ വിഭാഗത്തില്‍ നിന്ന് വിവരങ്ങള്‍ ആരാഞ്ഞത്.

പരാതിക്കാരിയായ നടിയുടെ മൊഴിയും പൊലീസ് രേഖപ്പെടുത്തി. പരാതിയില്‍ ഉറച്ചു നില്‍ക്കുകയാണ് നടി വ്യക്തമാക്കിയിരുന്നു. 2022 ല്‍ ഇതേ നടിയുടെ പരാതിയില്‍ സനല്‍കുമാര്‍ ശശിധരനെതിരെ കേസെടുത്തിരുന്നു. ഈ കേസ് നിലനില്‍ക്കെ തന്നെയാണ് വീണ്ടും സമാനമായ രീതിയില്‍ സനല്‍കുമാര്‍ ശല്യം തുടര്‍ന്നതെന്നും നടി പൊലീസിനോട് പറഞ്ഞു.