മുടികൊഴിച്ചിൽ മിക്ക സ്ത്രീകളുടെയും പെൺകുട്ടികളുടെയും ഒരിക്കലും പരിഹാരം കണ്ടെത്താനാകാത്ത പ്രശ്‌നമായി മാറാറുണ്ട്. സോഷ്യൽ മീഡിയയിൽ സൗന്ദര്യം വർധിപ്പിക്കാനായി ഒത്തിരി നുറുങ്ങുവിദ്യകൾ കാണാറുണ്ട്. എന്നാൽ മുടി കൊഴിച്ചിലിന്റെ കാര്യത്തിൽ പെൺകുട്ടികൾ പെട്ടന്ന് ഫലംകിട്ടുന്ന പൊടിക്കൈകൾ പരീക്ഷിച്ച് മടുത്തവരാണ്. എന്നാൽ വീട്ടുമുറ്റത്ത് നിൽക്കുന്ന കറിവേപ്പില മതി ഇതിനുള്ള പരിഹാരമെന്നാണ് ആരോഗ്യ വിദഗ്ധർ പറയുന്നത്.

കറിവേപ്പില നമ്മുടെ വിഭവങ്ങളിലെ ഒഴിച്ചുകൂടാനാകാത്ത ചേരുവയാണ്. എന്നാൽ കറികളിൽ കറിവേപ്പില കണ്ടാൽ അതെടുത്ത് മാറ്റിയ ശേഷം കഴിക്കുന്നവരാണ് ഒട്ടുമിക്കവരും. ഈ ശീലം മാറ്റിയാൽ മുടികൊഴിച്ചിലിനുള്ള പരിഹാരമാവുമെന്നാണ് വിദഗ്ധരുടെ കണ്ടെത്തൽ. കറികളിൽ ചേർത്ത് കറിവേപ്പിലയുടെ ഗുണങ്ങൾ കളയേണ്ട ആവശ്യമില്ല. ഇത് പച്ചയ്‌ക്ക് ചവച്ചരച്ച് കഴിക്കുന്നതാണ് ഏറ്റവും ഉത്തമം.

കറിവേപ്പില പച്ചയ്‌ക്ക് കഴിക്കുമ്പോൾ പൂർണ്ണമായ പോഷക ഗുണങ്ങളും ബയോ ആക്ടീവ് സംയുക്തങ്ങളും ശരീരത്തിന് ലഭ്യമാകും. കറിവേപ്പിലയിൽ വിറ്റാമിൻ എ, ബി, സി, ഡി തുടങ്ങിയ അവശ്യ പോഷകങ്ങളും കാൽസ്യം, ഇരുമ്പ്, ഫോസ്ഫറസ് തുടങ്ങിയ ചില ധാതുക്കളും അടങ്ങിയിട്ടുണ്ട്. മുടി വളർച്ചയെ പ്രോത്സാഹിപ്പിക്കാനും സഹായിക്കുന്ന വിറ്റാമിനുകളും ധാതുക്കളും ഇവയിൽ ധാരാളമുണ്ട്. ബീറ്റാ കരോട്ടിൻ, പ്രോട്ടീൻ തുടങ്ങിയ സംയുക്തങ്ങൾ മുടി കൊഴിയുന്നത് കുറയ്‌ക്കുകയും തിളക്കം വർദ്ധിപ്പിക്കുകയും ചെയ്യും.

പച്ച കറിവേപ്പില ചവച്ചുകഴിക്കുന്നത് മുടിയുടെ ആരോഗ്യം മെച്ചപ്പെടുത്തും. കറിവേപ്പിലയിൽ അടങ്ങിയിരിക്കുന്ന ബീറ്റാ കരോട്ടിൻ സെബം ഉൽപ്പാദിപ്പിക്കുന്നതിന് സഹായിക്കും. തലയോട്ടിയുടെയും ആരോഗ്യത്തിന് ഇത് ഗുണം ചെയ്യും. കറിവേപ്പിലയിലെ ആൻ്റിഓക്‌സിഡൻ്റുകൾ ഫ്രീ റാഡിക്കലുകൾ മൂലമുണ്ടാകുന്ന കേടുപാടുകളിൽ നിന്ന് രോമകൂപങ്ങളെ സംരക്ഷിക്കാൻ സഹായിക്കുകയും മുടി കൊഴിച്ചിലും പൊട്ടലും കുറയ്‌ക്കുകയും ചെയ്യും.

കറിവേപ്പില ചവയ്‌ക്കുന്നത് തലയോട്ടിയിലെ രക്തചംക്രമണം മെച്ചപ്പെടുത്തുമെന്നും അതുവഴി രോമകൂപങ്ങളിലേക്കുള്ള പോഷക വിതരണം വർദ്ധിപ്പിക്കുകായും ചെയ്യും. കറിവേപ്പിലയിൽ സമൃദ്ധമായ ആൻ്റിഓക്‌സിഡൻ്റ് അടങ്ങിയിട്ടുള്ളതിനാൽ, മുടിയുടെ അകാല നരയ്‌ക്ക് കാരണമായേക്കാവുന്ന ഓക്‌സിഡേറ്റീവ് കേടുപാടുകൾ കുറയ്‌ക്കാൻ അവ സഹായിക്കും. അടുക്കളത്തോട്ടങ്ങളിൽ വളർത്തുന്ന കറിവേപ്പിലകളാണ് ഇത്തരത്തിൽ പച്ചയ്‌ക്ക് കഴിക്കാൻ ഉത്തമം. കടകളിൽ നിന്നും വാങ്ങുന്ന ഇലകളിൽ കീടനാശിനിയുടെ സാന്നിധ്യം ഉണ്ടാകും. അതിനാൽ ചെറുചൂടുവെള്ളത്തിൽ കഴുകിയ ശേഷമേ ഇത് കഴിക്കാവൂ.

കഴിഞ്ഞ കുറച്ച് നാളുകളായി മലയാള സിനിമാസ്വാദകർ ഒന്നടങ്കം കാത്തിരിക്കുന്ന സിനിമയാണ് എമ്പുരാൻ. ലൂസിഫർ എന്ന സൂപ്പർ ഹിറ്റ് ചിത്രത്തിന്റെ രണ്ടാം ഭാ​ഗവും പൃഥ്വിരാജ്- മോഹൻലാൽ കോമ്പോ വീണ്ടും ഒന്നിക്കുന്നതുമൊക്കെയാണ് അതിന് കാരണം. നാളുകൾ നീണ്ടുനിന്ന അഭ്യൂഹങ്ങൾക്കും ഊഹാപോഹങ്ങൾക്കും ഒടുവിൽ മാർച്ച് 27ന് സിനിമ തിയറ്ററുകളിൽ എത്തും. വലിയ താരനിര തന്നെ അണിനിരക്കുന്ന ചിത്രത്തിലെ വിദേശ അഭിനേതാക്കൾ ആരൊക്കെയാകുമെന്നാണ് ഇപ്പോൾ പ്രേക്ഷകർ ആകാംഷയോടെ ഉറ്റു നോക്കുന്നത്. ഇപ്പോൾ സിനിമയുമായി ചേർത്ത് ഹോളിവുഡ് സിനിമകളിലൂടെ ശ്രദ്ധേയനായ റിക്ക് യൂണിന്റെ പേരും സമൂഹ മാധ്യമങ്ങളിൽ ഉയർന്നു കേൾക്കുകയാണ്.

റിക്കിന്റെ വിക്കിപീഡിയ പേജിൽ കാണുന്ന സിനിമകളുടെ ലിസ്റ്റിൽ എമ്പുരാന്റെ പേരും ചേർത്തിരിക്കുന്നതായി കാണാം. ഇത് സമൂഹ മാധ്യമങ്ങളിലൂടെ പ്രചരിക്കുകയും ചെയ്യുന്നുണ്ട്.

ഇതിന് പിന്നാലെ സമൂഹ മാധ്യമങ്ങളിൽ ഒരു തിയറി പ്രചരിക്കുന്നുണ്ട്. എമ്പുരാന്റെ റിലീസ് തീയതി അറിയിച്ചുകൊണ്ടുള്ള പോസ്റ്ററിൽ പുറം തിരിഞ്ഞു നിൽക്കുന്ന ഒരു കഥാപാത്രത്തെ കാണിച്ചിരുന്നു. ഇത് ആരായിരിക്കും എന്നതിൽ വലിയ ചർച്ചകളുമുണ്ടായി. റിക്ക് യൂൺ സിനിമയുടെ ഭാഗമാകുമെന്ന അഭ്യൂഹങ്ങൾക്ക് പിന്നാലെ തീ തുപ്പുന്ന ചുവന്ന ഡ്രാഗൺ ചിത്രം പതിപ്പിച്ച വസ്ത്രം ധരിച്ച് നിൽക്കുന്ന കഥാപാത്രത്തെ റിക്കായിരിക്കും അവതരിപ്പിക്കുക എന്ന തരത്തിലാണ് തിയറി പ്രചരിക്കുന്നത്.

ലോകപ്രശ്‌സതമായ ക്രിമിനൽ ഗ്യാങായ യാക്കൂസ ഗ്യാങ് ആയിരിക്കും അബ്‌റാം ഖുറേഷിയുടെ എതിരാളിയായി എത്തുകയെന്നും സോഷ്യൽ മീഡിയയിൽ ചിലർ പറയുന്നുണ്ട്. തീ തുപ്പുന്ന ചുവന്ന ഡ്രാഗൺ യാക്കൂസ ഗ്യാങിന്റെ ഉയർന്ന തലത്തിലുള്ളവർ ധരിക്കുന്ന ചിഹ്നമാണ്. ഈ ഗ്യാങ്ങിന്റെ തലവനായാകും റിക്ക് എത്തുക എന്നും തിയറികളുണ്ട്.

കൊറിയൻ പശ്ചാത്തലമുള്ള ഹോളിവുഡ് നടനാണ് റിക്ക് യൂൺ. ഫാസ്റ്റ് ആൻഡ് ഫ്യൂരിയസ്, ഡൈ അനദർ ഡേ, നിൻജ അസാസിൻ, ഒളിമ്പസ് ഹാസ് ഫോളൻ തുടങ്ങിയ സിനിമകളിൽ റിക്ക് ശ്രദ്ധേയമായ കഥാപാത്രങ്ങളെ അവതരിപ്പിച്ചിട്ടുണ്ട്.

മലയാള സിനിമയ്ക്ക് സുവർണ കാലഘട്ടം ആയിരുന്നു 2024. ഇറങ്ങിയ ഭൂരിഭാ​ഗം സിനിമകളും കോടി ക്ലബ്ബുകളിൽ ഇടം നേടുക മാത്രമല്ല മികച്ച ക്വാളിറ്റി കണ്ടന്റുകളും തന്നിരുന്നു. അക്കൂട്ടത്തിലൊരു സിനിമയാണ് പ്രേമലു. സച്ചിന്റെയും റീനുവിന്റെയും പ്രണയം പറഞ്ഞ സിനിമയ്ക്ക് ലഭിച്ചത് ചെറുതല്ലാത്ത സ്വീകാര്യത ആയിരുന്നു. കേരളം കടന്നും ​ഗംഭീര പ്രേ​ക്ഷക പ്രശംസ നേടാനും പ്രേമലുവിന് സാധിച്ചു. നിലവിൽ രണ്ടാം ഭാ​ഗം അണിയറയിൽ ഒരുങ്ങുകയാണ്.

ഇപ്പോഴിതാ പ്രേമലു റി റിലീസിന് ഒരുങ്ങുന്നുവെന്ന അപ്ഡേറ്റാണ് അണിയറക്കാർ പങ്കിട്ടിരിക്കുന്നത്. പ്രേമലു റിലീസ് ചെയ്ത് ഒരു വർഷം പിന്നിടുന്നതിന്റെ പശ്ചാത്തലത്തിലാണ് റി റിലീസ്. ഇന്ന് മുതൽ ബാംഗ്ലൂർ, ചെന്നൈ, കേരളം എന്നിവിടങ്ങളിലെ പിവിആർ സ്ക്രീനുകളിലാണ് ചിത്രത്തിന്റെ സ്പെഷ്യൽ സ്ക്രീനിം​ഗ്. പതിനാല് തിയറ്ററുകളിലാണ് പ്രദർശനം. 

2024 ഫെബ്രുവരി 9ന് തിയറ്ററുകളില്‍ എത്തിയ ചിത്രമാണ് പ്രേമലു. കേരളത്തില്‍ ഏറെ ശ്രദ്ധിക്കപ്പെട്ട ചിത്രം തെലുങ്കിലും തമിഴിലും ഗംഭീര പ്രശംസകള്‍  ഏറ്റുവാങ്ങി. ഒപ്പം കളക്ഷനും. ​ഗിരീഷ് എഡി സംവിധാനം ചെയ്ത ചിത്രം ആദ്യ ദിനം മുതല്‍ തന്നെ മൗത്ത് പബ്ലിസിറ്റിയും നേടിയിരുന്നു. ഒന്നാം ദിനം 90 ലക്ഷം രൂപ കളക്ട് ചെയ്ത ചിത്രത്തിന്‍റെ തേരോട്ടം തുടങ്ങിയത് രണ്ടാം ദിനം മുതലായിരുന്നു. പിന്നീട് ഇങ്ങോട്ട് കേരളത്തിന് അകത്തും പുറത്തും മികച്ച കളക്ഷന്‍ നേടിയ പ്രേമലു 135.9 കോടി നേടി. ഫൈനല്‍ ബോക്സ് ഓഫീസ് കളക്ഷനാണിത്.