ഇന്ത്യന്‍ സിനിമയില്‍ സമീപകാലത്ത് കാന്താര: ചാപ്റ്റര്‍ വണ്ണിനോളം കാത്തിരിപ്പ് ഉയര്‍ത്തി എത്തിയ മറ്റൊരു ചിത്രമില്ല. ഭാഷാഭേദമന്യെ ഈ ചിത്രത്തിന്മേലുള്ള പ്രേക്ഷക പ്രതീക്ഷകള്‍ വ്യക്തമാക്കുന്നതായിരുന്നു ചിത്രത്തിന് ലഭിച്ച അഡ്വാന്‍സ് ബുക്കിംഗ്. പ്രതീക്ഷയുടെ അമിതഭാരവുമായെത്തിയ ചിത്രം ഭൂരിഭാഗം പ്രേക്ഷകരുടെയും ആഗ്രഹങ്ങള്‍ക്കൊത്ത് ഉയര്‍ന്നപ്പോള്‍ ബോക്സ് ഓഫീസില്‍ റെക്കോര്‍ഡ് കിലുക്കമാണ്. റിലീസ് ദിനം മുതല്‍ ഇന്നുവരെ അതില്‍ മാറ്റമേതുമില്ല. ഇപ്പോഴിതാ ഏറ്റവും പുതിയ ഒഫിഷ്യല്‍ കളക്ഷന്‍ കണക്കുകള്‍ പുറത്തുവിട്ടിരിക്കുകയാണ് ചിത്രത്തിന്‍റെ നിര്‍മ്മാതാക്കളായ ഹൊംബാലെ ഫിലിംസ്. രണ്ട് ആഴ്ചത്തെ ആഗോള ബോക്സ് ഓഫീസ് കളക്ഷനാണ് നിര്‍മ്മാതാക്കള്‍ പുറത്തുവിട്ടിരിക്കുന്നത്.

ഒക്ടോബര്‍ 2 ന് തിയറ്ററുകളില്‍ എത്തിയ ചിത്രമാണ് ഇത്. ഒക്ടോബര്‍ 15 വരെയുള്ള കണക്ക് അനുസരിച്ച് ആഗോള ബോക്സ് ഓഫീസില്‍ നിന്ന് ചിത്രം നേടിയിരിക്കുന്നത് 717.50 കോടി ആണെന്നാണ് ഹൊംബാലെ ഫിലിംസ് അറിയിച്ചിരിക്കുന്നത്. 125 കോടി ബജറ്റില്‍ ഒരുങ്ങിയ ചിത്രമാണിത്. ഏത് നിര്‍മ്മാതാവും ആഗ്രഹിക്കുന്ന ബോക്സ് ഓഫീസ് സംഖ്യകളിലാണ് ഇതിനകം തന്നെ ചിത്രം. പ്രതിദിന ആവറേജ് നോക്കുമ്പോള്‍ത്തന്നെ 50 കോടിക്ക് മുകളിലാണ് (51.25 കോടി). ദീപാവലി റിലീസുകള്‍ മൂന്നാം വാരാന്ത്യ കളക്ഷനെ ബാധിക്കുമോ എന്നറിയാനുള്ള കാത്തിരിപ്പിലാണ് ട്രേഡ് അനലിസ്റ്റുകള്‍. എന്നാല്‍ ഇത്ര വലിയ ഹൈപ്പുമായി ഒരു ചിത്രവും ദീപാവലിക്ക് എത്തിയിട്ടില്ല എന്നത് ശ്രദ്ധേയമാണ്.

ഇന്ത്യന്‍ സിനിമയില്‍ ഈ വര്‍ഷത്തെ രണ്ടാമത്തെ ഏറ്റവും വലിയ ബോക്സ് ഓഫീസ് കളക്ഷനില്‍ കാന്താര ചാപ്റ്റര്‍ 1 നേരത്തേ എത്തിയിരുന്നു. ബോളിവുഡ് ചിത്രം ഛാവയാണ് ലിസ്റ്റില്‍ ഒന്നാമത്. 808 കോടിയാണ് ഛാവയുടെ ലൈഫ് ടൈം ആഗോള ഗ്രോസ്. ഇപ്പോഴത്തെ പോക്കുവച്ച് കാന്താര അതിനെ മറികടക്കുമെന്നത് ഏറെക്കുറെ ഉറപ്പാണ്. കന്നഡ ഒറിജിനലിന് പുറമെ മറ്റ് നാല് ഭാഷകളിലും ചിത്രം തിയറ്ററുകളില്‍ എത്തിയിരുന്നു. റിലീസ് ചെയ്യപ്പെട്ട എല്ലാ ഭാഷകളിലും എല്ലാ മാര്‍ക്കറ്റുകളിലും ഒരേപോലെ സ്വീകാര്യത നേടുക എന്ന അപൂര്‍വ്വതയുടേത് കൂടിയാണ് ഈ വിജയം. പ്രമുഖ ട്രാക്കര്‍മാരായ സാക്നില്‍കിന്‍റെ കണക്ക് പ്രകാരം ചിത്രത്തിന്‍റെ കന്നഡ പതിപ്പ് മാത്രം ഇന്ത്യയില്‍ നിന്ന് നേടിയ നെറ്റ് കളക്ഷന്‍ 155.7 കോടി വരും. ഈ വര്‍ഷം വിജയങ്ങള്‍ കുറവായിരുന്ന കന്നഡ സിനിമയെ സംബന്ധിച്ച് വലിയ കുതിപ്പാണ് കാന്താര ചാപ്റ്റര്‍ 1 പകര്‍ന്നിരിക്കുന്നത്.

മദ്യപിച്ച് വാഹനമോടിക്കുന്നവരെ മോട്ടോര്‍ വാഹന വകുപ്പ് വാഹനപരിശോധനയില്‍ കുടുക്കുമെന്ന് എല്ലാവര്‍ക്കുമറിയാം. എന്നാല്‍ രാത്രി മദ്യപിച്ച് കെട്ടിറങ്ങിയെന്നുകരുതി രാവിലെ വണ്ടിയോടിച്ചാല്‍ കുടുങ്ങുമോ?. സംശയമേ വേണ്ട, കുടുങ്ങിയതു തന്നെ. അങ്ങനെ വാഹനമോടിച്ച് എംവിഡി പിടിച്ചാല്‍ ഡ്രൈവിങ് ലൈസന്‍സ് പോകുമെന്ന് ഉറപ്പാണ്.

മാത്രമല്ല ഒരു ദിവസത്തെ ക്ലാസിനും ഇരിക്കേണ്ടിവരും. ഇത്തരം നിയമലംഘനങ്ങൾ ഉൾപ്പെടെയുള്ള കേസുകളാൽ കൊച്ചിയില്‍ 1121 പേരുടെ ഡ്രൈവിങ് ലൈസന്‍സുകളാണ് ആർടിഒ റദ്ദാക്കിയത്. സമാന കേസുകളുടെ എണ്ണം കൂടിയതോടെ എറണാകുളം ആര്‍ടിഒ കെ ആര്‍ സുരേഷ്, ജോയിന്റ് ആര്‍ടിഒ സിഡി അരുണ്‍ എന്നിവരുടെ നേതൃത്വത്തില്‍ ഹിയറിങ് നടപടികള്‍ വേഗത്തിലാക്കിയാണ് ലൈസന്‍സ് റദ്ദാക്കുന്നത്.

രക്തത്തില്‍ മദ്യത്തിന്റെ അളവ് അന്‍പത് മില്ലിക്ക് മുകളില്‍ കൂടിയാല്‍ ലൈസന്‍സ് സസ്പെന്‍ഡ് ചെയ്യുമെന്ന് അധികൃതര്‍ വ്യക്തമാക്കിയിട്ടുണ്ട്. ഈ വര്‍ഷം ജനുവരി മുതല്‍ സെപ്റ്റംബര്‍ വരെ മദ്യപിച്ച് വാഹനമോടിച്ചതിന്റെ പേരില്‍ 437 പേര്‍ക്കാണ് ലൈസന്‍സ് പോയത്. ബസ് ഡ്രൈവര്‍മാര്‍, ലോറി ഡ്രൈവര്‍മാര്‍, കാര്‍ ഡ്രൈവര്‍മാര്‍ തുടങ്ങിയവരാണ് ഇതില്‍ കൂടുതലും.

നടൻ ദുൽഖർ സൽമാന്റെ കാർ വിട്ടു നൽകും. 20 ശതമാനം ബാങ്ക് ഗ്യാരണ്ടിയിലാണ് ലാൻഡ് റോവർ ഡിഫെൻഡർ വിട്ടു നൽകുന്നത്. കസ്റ്റംസ് അഡീഷണൽ കമ്മീഷണറുടെതാണ് ഉത്തരവ്. വാഹനം കേരളത്തിന്‌ പുറത്തേക്ക് കൊണ്ട് പോകരുതെന്നും എപ്പോൾ വിളിപ്പിച്ചാലും വാഹനം ഹാജരാക്കണമെന്നും നിർദേശം നൽകിയിട്ടുണ്ട്. അതേസമയം, ദുൽഖറിനൊപ്പം റോബിൻ എന്നയാളുടെ വാഹനം കൂടി വിട്ടു നൽകുമെന്ന് കസ്റ്റംസ് അറിയിച്ചു.

ഓപ്പറേഷൻ നുംഖോറിന്റെ ഭാഗമായി കസ്റ്റംസ് പിടിച്ചെടുത്ത ലാൻഡ് റോവർ വിട്ടുകിട്ടണം എന്നാവശ്യപ്പെട്ട് നേരത്തെ ദുല്‍ഖര്‍ സല്‍മാന്‍ ഹൈക്കോടതിയെ സമീപിച്ചിരുന്നു. ദുൽഖറിന്റെ അപേക്ഷയിൽ പത്ത് ദിവസത്തിനകം കസ്റ്റംസ് തീരുമാനമെടുക്കണമെന്ന് ഹൈക്കോടതി ഉത്തരവിട്ടിരുന്നു. വിശദമായ വാദം കേട്ട കോടതി കസ്റ്റംസ് അഡീഷണർ കമ്മീഷണർ ദുൽഖറിന്‍റെ ആവശ്യം പരിഗണിക്കണമെന്ന് ഇടക്കാല ഉത്തരവിടുകയായിരുന്നു. ഇതിന്‍റെ അടിസ്ഥാനത്തിലാണ് ലാന്‍ഡ് റോവര്‍ വിട്ടുകിട്ടാൻ ദുല്‍ഖര്‍ അപേക്ഷ നല്‍കിയത്.  

ഭൂട്ടാനില്‍ നിന്ന് കടത്തി ഇന്ത്യയിലെത്തിച്ച കൂടുതല്‍ വാഹനങ്ങള്‍ പിടിച്ചെടുക്കാനുള്ള തീവ്രശ്രമത്തിലാണ് കസ്റ്റംസ്. അന്വേഷണം തുടങ്ങി ഒരു മാസം പിന്നിടുമ്പോഴും ആദ്യ ഘട്ടത്തില്‍ കണ്ടെത്തിയ 39 വാഹനങ്ങള്‍ക്കപ്പുറം കൂടുതലായൊന്നും കണ്ടെത്താൻ കഴിഞ്ഞിട്ടില്ല. കേസില്‍ ഷൈൻ മോട്ടോഴ്സ് ഉടമകള്‍ കോയമ്പത്തൂരിലെ ഇടനില സംഘമാണെന്ന് ഇ ഡി കണ്ടെത്തിയിരുന്നു. ഫോറൻസിക് പരിശോധനയ്ക്കായി നല്‍കിയ രേഖകളുടെയും ഇലക്ട്രോണിക് തെളിവുകളുടെയും വിവരങ്ങള്‍ക്കായി കാത്തിരിക്കുകയാണ് ഇ.ഡി. 

പിറന്നാൾദിനത്തിൽ ആശംസകൾ അറിയിച്ചവർക്ക് നന്ദി രേഖപ്പെടുത്തി നടൻ പൃഥ്വിരാജ്. സ്നേഹത്തിനും പിന്തുണയ്ക്കും നന്ദിയെന്നാണ് നടൻ സോഷ്യൽ മീഡിയയിൽ കുറിച്ചത്. ഒപ്പം ഒരു സ്റ്റൈലിഷ് ഫോട്ടോയും പങ്കുവെച്ചിരിക്കുന്നു. ഷാനി ഷാക്കി പകർത്തിയ ഫോട്ടോ ആയതിനാൽ അദ്ദേഹത്തിനും ആരാധകരുടെ പ്രശംസ ലഭിച്ചു. ബൈക്കിൽ സൺഗ്ലാസും വെച്ച് ഇരിക്കുന്ന ഒരു കിടിലൻ ചിത്രമാണ് പൃഥ്വിരാജ് പങ്കുവെച്ചത്. ഇപ്പോൾ ആരാധകരും പ്രേക്ഷകരും ഈ ഫോട്ടോ ഏറ്റെടുത്തിരിക്കുകയാണ്.

നിരവധി പേരാണ് പൃഥ്വിരാജിന് ആശംസകളുമായി ഇന്നലെ എത്തിയത്. മലയാളത്തിൽ നിന്ന് മാത്രമല്ല അന്യഭാഷയിൽ നിന്നുള്ള താരങ്ങൾ അടക്കം നടന് ആശംസയുമായി എത്തി. സലാർ സിനിമയുടെ സംവിധായകൻ പ്രശാന്ത് നീൽ, പ്രഭാസ് എന്നിവരുടെ ആശംസകൾ വളരെ സ്പെഷ്യൽ ആയിരുന്നു. ഇന്നലെ തന്നെ ഷൂട്ടിംഗ് സെറ്റിൽ വെച്ച് പൃഥ്വിരാജ് കേക്ക് മുറിച്ച് ആഘോഷിച്ചിരുന്നു.

പ്രണവ് മോഹൻലാലിനെ നായകനാക്കി രാഹുൽ സദാശിവൻ രചനയും സംവിധാനവും നിർവഹിച്ച ഡീയസ് ഈറേ’ എന്ന ഹൊറർ ത്രില്ലർ ചിത്രത്തിന്റെ പുതിയ പോസ്റ്റർ പുറത്ത്. എ സർട്ടിഫിക്കറ്റ് ലഭിച്ച ചിത്രം ഒക് ടോബർ ർ 31ന് ലോകവ്യാപകമായി റിലീസ് ചെയ്യും.ക്രോധത്തിന്റെ ദിനം എന്ന അർത്ഥം വരുന്ന ‘ദി ഡേ ഓഫ് റാത്ത്’ എന്നാണ് ടാഗ് ലൈൻ.

ചക്രവർത്തി രാമചന്ദ്ര, എസ്. ശശികാന്ത് എന്നിവർ ചേർന്ന് നൈറ്റ് ഷിഫ്റ്റ് സ്റ്റുഡിയോസ്, വൈ നോട്ട് സ്റ്റുഡിയോസ് എന്നീ ബാനറിലാണ് നിർമ്മാണം. വമ്പൻ പ്രേക്ഷക- നിരൂപക പ്രശംസ നേടിയ ‘ഭ്രമയുഗം’ എന്ന മമ്മൂട്ടി ചിത്രത്തിന്റെ വിജയത്തിന് ശേഷം, രാഹുൽ സദാശിവൻ- നൈറ്റ് ഷിഫ്റ്റ് സ്റ്റുഡിയോസ് ടീം ഒന്നിക്കുന്ന ചിത്രം കൂടിയാണ് ‘ഡീയസ് ഈറേ’. ബ്ലാക്ക് ആൻഡ് വൈറ്റ് ഫോർമാറ്റിൽ ഒരുക്കിയ ഹൊറർ ത്രില്ലർ ഭ്രമയുഗത്തിന് ശേഷം, ഹൊറർ ത്രില്ലർ എന്ന സിനിമാ വിഭാഗത്തിന്റെ സാദ്ധ്യതകൾ ഇനിയും കൂടുതലായി ഉപയോഗിക്കുന്ന ചിത്രമായാണ് ‘ഡീയസ് ഈറേ’ ഒരുക്കുന്നത്.
ഛായാഗ്രഹണം: ഷെഹ്‌നാദ് ജലാൽ , കലാസംവിധാനം: ജ്യോതിഷ് ശങ്കർ, സംഗീത സംവിധായകൻ: ക്രിസ്റ്റോ സേവ്യർ, എഡിറ്റർ: ഷഫീക്ക് മുഹമ്മദ് അലി, പി.ആർ.ഒ: ശബരി

ജീവിതത്തിലെ പുതിയൊരു ഘട്ടത്തിലേക്ക് കടന്നിരിക്കുകയാണ് നടി അര്‍ച്ചന കവി. താരം വിവാഹിതയായിരിക്കുകയാണ്. റിക്ക് വര്‍ഗീസ് ആണ് വരന്‍. വിവാഹ വാര്‍ത്ത പുറത്തു വന്നതിന് പിന്നാലെ താരത്തിന് ആശംസകളുമായി എത്തുകയാണ് ആരാധകരും സിനിമാ ലോകവും. നീണ്ടൊരു ഇടവേളയ്ക്ക് ഈയ്യടുത്ത് ഐഡന്റിറ്റി എന്ന ചിത്രത്തിലൂടെയാണ് അര്‍ച്ചന കവി ബിഗ് സ്‌ക്രീനിലേക്ക് തിരികെ വരുന്നത്.

ഡേറ്റിങ് ആപ്പിലൂടെയാണ് അര്‍ച്ചന കവി റിക്കിനെ പരിചയപ്പെടുന്നത്. ടൈം പാസിന് തുടങ്ങിയത് പ്രണയത്തിലേക്കും വിവാഹത്തിലേക്കും എത്തുകയായിരുന്നു.റിക്കിനെ പരിചയപ്പെടും മുമ്പ് താന്‍ മറ്റൊരാളുമായി അടുപ്പത്തിലായിരുന്നുവെന്നാണ് ഒരു യുട്യൂബ് ചാനലിന് നല്‍കിയ അഭിമുഖത്തില്‍ അര്‍ച്ചന പറയുന്നത്. ആ ബന്ധം എന്തുകൊണ്ട് തകര്‍ന്നുവെന്നും അര്‍ച്ചന പറയുന്നുണ്ട്.

”ഇതിന് തൊട്ടുമുമ്പ് ഞാന്‍ ഒരാളെ പരിചയപ്പെട്ടിരുന്നു. വളരെ നല്ല പയ്യനായിരുന്നു. നന്നായി പോവുകയായിരുന്നു. മാതാപിതാക്കളെ പരിചയപ്പെടുന്ന ഘട്ടമെത്തി. എന്നോട് അവന്റെ പാരന്റ്‌സിനെ കാണാന്‍ പറഞ്ഞു. അവര്‍ എന്നെ ഒറ്റയ്ക്ക് കാണണമെന്നാണ് പറഞ്ഞത്. അതിനാല്‍ ഞാന്‍ ഒറ്റയ്ക്ക് പോയി. അവര്‍ എന്നോട് വളരെ മോശമായാണ് പെരുമാറിയത്. സൗന്ദര്യമല്ലാതെ, എന്റെ സാരി തരാന്‍ മാത്രം നിന്നിലൊന്നുമില്ലെന്ന് പറഞ്ഞു. ഞങ്ങള്‍ വളരെ കുലീനരായ കുടുംബമാണ്. ഞങ്ങളുടെ കുടുംബവും നിങ്ങളുടെ കുടുംബവും വ്യത്യസ്തമാണ് എന്ന് പറഞ്ഞു. ഞാന്‍ അതൊക്കെ ഡീല്‍ ചെയ്തു. പെണ്‍കുട്ടികളെ പഠിപ്പിച്ചിരിക്കുന്നത് സഹിക്കാനാണല്ലോ. ഒരു പ്രശ്‌നമുണ്ടായാല്‍ നമ്മള്‍ ഉടനെ പരിഹാരം കണ്ടെത്തുന്നയാളാകും” അര്‍ച്ചന പറയുന്നു.

”റിക്കിനോട് ഞാന്‍ ഇതൊന്നും പറഞ്ഞിരുന്നില്ല. നീ എന്റെ മാതാപിതാക്കളെ ഡീല്‍ ചെയ്യണ്ട. എന്റെ മാതാപിതാക്കള്‍ എന്റെ ഉത്തരവാദിത്തമാണ്, ഞാന്‍ ഡീല്‍ ചെയ്യാം എന്നാണ് റിക്ക് പറഞ്ഞത്. അവന്‍ നേരത്തെ വിവാഹിതനായിരുന്നില്ല. അറിയാമല്ലോ നമ്മുടെ സമൂഹം എങ്ങനെയാണെന്ന്. എന്റേത് രണ്ടാം കെട്ടാണല്ലോ. പക്ഷെ അവന്റെ പാരന്റ്‌സ് വളരെ സ്വീറ്റ് ആയ വ്യക്തികളാണ്.” എന്നാണ് താരം പറയുന്നു.

”ഞാനൊരു ഫാമിലി പേഴ്‌സണ്‍ ആണ്. കുടുംബവും ഞാനും വളരെ ക്ലോസ് ആണ്. സ്വാഭാവികമായും എന്റെ പങ്കാളിയുടെ മാതാപിതാക്കളുമായും ഞാന്‍ അങ്ങനെയായിരിക്കും. റിക്കിന്റെ അച്ഛന്‍ ഭയങ്കര സ്വീറ്റ് ആണ്. വളരെ നല്ല വ്യക്തികളാണ് അവനെ വളര്‍ത്തിയത്. എന്തുകൊണ്ട് റിക്ക് ഇങ്ങനെയായി എന്ന് ചോദിച്ചാല്‍ അത് വേറൊന്നും കൊണ്ടല്ല, വളരെ നല്ല രണ്ട് വ്യക്തികളാണ് അവനെ വളര്‍ത്തിയത്. റിക്കിന്റെ അമ്മ എനിക്ക് സുഹൃത്താണ്” എന്നും അര്‍ച്ചന പറയുന്നു.

മലയാളത്തിലെ മിക്ക മുതിർന്ന താരങ്ങളുടെയും മക്കളെ മലയാളികൾക്ക് അറിയാം. സോഷ്യൽ മീഡിയയും മറ്റും അരങ്ങു വാഴുന്ന ഈ കാലത്ത് അത് വളരെ എളുപ്പമാണല്ലോ! എന്നാൽ മാതാപിതാക്കളുടെ പേരിലല്ലാതെ തന്റേതായ വ്യക്തിത്വത്തിന്റെ പേരിൽ എത്ര പേർ പ്രശസ്തരാണ് എന്നത് ചോദ്യചിഹ്നമാണ്. ഇവിടെയാണ് നടകൃഷ്ണകുമാറിന്റെ ഭാര്യയും മക്കളും അടങ്ങുന്ന കുടുംബം പ്രസക്തമാകുന്നത്.

കൃഷ്ണകുമാറിന്റെ നാല് പെൺമക്കളിൽ മൂത്ത ആളായ അഹാന കൃഷ്ണകുമാറിനെ മലയാളികൾക്ക് നന്നായി അറിയാം. മലയാളത്തിലെ പ്രധാനപ്പെട്ട യുവനടിമാരിൽ ഒരാളാണിപ്പോൾ അഹാന. ഇപ്പോഴിതാ പണം സമ്പാദിക്കാൻ പുതിയ ഐഡിയയുമായി എത്തിയിരിക്കുകയാണ് അഹാന കൃഷ്ണ. അത് വേറൊന്നുമല്ല, തൻറെ ഇൻസ്റ്റഗ്രാം പേജിൽ സബ്സ്‌ക്രിപ്ഷൻ കൊണ്ടുവന്നിരിക്കുകയാണ് താരം. ഒരു മാസത്തെ സബ്‌സ്‌ക്രിപ്ഷന് 299രൂപയാണ്. ഇതുവരെ 137 പേർ നടിയുടെ പേജ് സബ്‌സ്‌ക്രൈബ് ചെയ്‌തിട്ടുണ്ട്.

അധികം വൈകാതെ അഹാനയുടെ വിവാഹമുണ്ടാകുമെന്നാണ് സൂചന. സബ്‌സ്‌ക്രിപ്‌ഷൻ എടുത്തവർക്ക് മാത്രമായിരിക്കുമോ വിവാഹ ചിത്രങ്ങളും വീഡിയോയും കാണാൻ പറ്റുകയെന്ന ചോദ്യം ആരാധകരിൽ നിന്ന് ഉയരുന്നുണ്ട്. അഹാനയ്ക്ക് ഇൻസ്റ്റഗ്രാമിൽ 30 ലക്ഷത്തിലധികം ഫോളോവേഴ്സാണ് ഉള്ളത്.

ലാൽജോസ് സംവിധാനം ചെയ്ത നീലത്താമര എന്ന ചിത്രത്തിലൂടെ മലയാളികളു‌ടെ പ്രിയങ്കരിയായി മാറിയ നടി അർച്ചന കവി വിവാഹിതയായി. റിക്ക് വർഗീസ് ആണ് വരൻ. അർച്ചനയുടെ രണ്ടാം വിവാഹമാണിത്. നേരത്തെ ഇൻസ്റ്റാഗ്രാമിൽ പങ്കുവച്ച സ്റ്റോറിയിൽ വിവാഹിതയാകുന്നുവെന്ന് താരം സൂചന നൽകിയിരുന്നു.

ധന്യ വർമ്മയുടെ അഭിമുഖത്തിൽ തന്റെ വരനെക്കുറിച്ച് അർച്ചന കവി വെളിപ്പെടുത്തിയിട്ടുണ്ട്. ‘കണ്ണൂരിൽ എന്റെ വീടിന്റെ നിർമാണം നടക്കുകയായിരുന്നു. അവിടെ ഒന്നും ചെയ്യാനില്ലായിരുന്നു. ആ സമയത്ത് ഇടയ്ക്ക് ഡേറ്റിംഗ് ആപ്പ് നോക്കും. വെറുതെ ഒരു ടൈം പാസിന് സംസാരിക്കാം എന്ന രീതിയിലായിരുന്നു ആപ്പ് നോക്കിയത്. എന്നാൽ ഞങ്ങൾ പെട്ടെന്ന് കണക്‌ടായി. എങ്ങനെയായിരിക്കും ഒരുമിച്ചുള്ള ജീവിതം എന്നായിരുന്നു സംസാരിച്ചത്. ഞാനെന്റെ എല്ലാ ട്രോമകളും പങ്കുവച്ചു. ഒരു മകളെ രാജകുമാരിയെ പോലെ പരിഗണിക്കണമെന്ന് പറഞ്ഞ ഒരേയൊരു പുരുഷൻ റിക്ക് ആണ്. എന്നോട് വളരെ നന്നായി പെരുമാറി. മറ്റൊരാളും എന്നോടിങ്ങനെ പെരുമാറിയിട്ടില്ല.

മുൻപ് ഒരാളുമായി അടുത്തിരുന്നു. അയാൾ അയാളുടെ മാതാപിതാക്കളെ കാണാൻ പറഞ്ഞു. അവർ വളരെ മോശമായാണ് എന്നോട് സംസാരിച്ചത്. എന്നാൽ എന്റെ മാതാപിതാക്കളെ നീ ഡീൽ ചെയ്യേണ്ട എന്നാണ് റിക്ക് എന്നോട് പറഞ്ഞത്. തന്റെ മാതാപിതാക്കൾ തന്റെ ഉത്തരവാദിത്തമാണെന്നും അദ്ദേഹം പറഞ്ഞു. റിക്കിന്റെ മാതാപിതാക്കൾ വളരെ നല്ലവരാണ്. റിക്കിന്റേത് ആദ്യ വിവാഹമാണ്’- എന്നാണ് അഭിമുഖത്തിൽ നടി പറഞ്ഞത്.