രാജ്യത്തെ കുട്ടികൾ മുതൽ മുതിർന്ന പൗരന്മാർ വരെയുള്ള എല്ലാവർക്കും ആധാർ കാർഡ് യുണീക്ക് ഐഡൻ്റിഫിക്കേഷൻ അതോറിറ്റി ഓഫ് ഇന്ത്യ നൽകുന്നുണ്ട്. തിരിച്ചറിയൽ രേഖയായി വർത്തിക്കുന്ന ആധാർ കാർഡ് പതിനെട്ടു വയസ്സിനു മുകളിലുള്ള മുതിർന്നവർക്കും അഞ്ച് വയസ്സുവരെയുള്ള കുട്ടികൾക്കും അഞ്ച് മുതൽ പതിനെട്ട് വയസ്സ് വരെയുള്ള കുട്ടികൾക്കും ലഭിക്കണമെങ്കിൽ വ്യത്യസ്ത ഫോമുകൾ ഉപയോഗിക്കുമെന്ന് 2023 ഫെബ്രുവരിയിൽ യുഐഡിഎഐ അറിയിച്ചിട്ടുണ്ട്.

കുട്ടികൾക്കുള്ള ആധാർ അപ്ഡേറ്റ് ചെയ്യുന്നതിനുള്ള നിരക്കുകൾ അറിയാം

വിരലടയാളം, ഐറിസ്, ഫോട്ടോ തുടങ്ങിയ ഡാറ്റകൾ 5 മുതൽ 7 വയസ്സ് വരെ ഒരു തവണ എൻറോൾ ചെയ്‌ത ബയോമെട്രിക്‌സിൻ്റെ അപ്‌ഡേറ്റ് സൗജന്യവും പിന്നീട് ചെയ്യുന്നതിനെല്ലാം 100 ​​രൂപയാണ് ചാർജ്

എന്താണ് ഡെമോഗ്രാഫിക് അപ്ഡേറ്റ്

എൻറോൾ ചെയ്ത പേര്, ലിംഗം, ജനനത്തീയതി, വിലാസം, മൊബൈൽ നമ്പർ അല്ലെങ്കിൽ ഇമെയിൽ വിലാസം എന്നിവ അപ്‌ഡേറ്റ് ചെയ്യണം. കാരണം, ഏറ്റവും പുതിയ വിവരങ്ങളാണ് ഇവയിൽ നൽകേണ്ടത്.

യുഐഡിഎഐ വെബ്‌സൈറ്റ് അനുസരിച്ച്, “5 വയസ്സിന് താഴെയുള്ള കുട്ടികൾക്ക് ബയോമെട്രിക്‌സ് എടുക്കേണ്ട ആവശ്യമില്ല. മാതാപിതാക്കളുടെ യുഐഡിയുമായി ബന്ധിപ്പിച്ചിട്ടുള്ള ജനസംഖ്യാ വിവരങ്ങളുടെയും മുഖചിത്രത്തിൻ്റെയും അടിസ്ഥാനത്തിലാണ് അവരുടെ യുഐഡി പ്രോസസ്സ് ചെയ്യുന്നത്. കുട്ടികൾക്ക് അഞ്ച് വയസ്സും പതിനഞ്ച് വയസും തികയുമ്പോൾ അവരുടെ പത്ത് വിരലുകളുടെയും ഐറിസിൻ്റെയും മുഖചിത്രത്തിൻ്റെയും ബയോമെട്രിക്‌സ് അപ്‌ഡേറ്റ് ചെയ്യേണ്ടതുണ്ട്.

കുട്ടികളുടെ ആധാർ കാർഡ് ഓൺലൈനിൽ അപ്‌ഡേറ്റ് ചെയ്യുന്നത് എങ്ങനെയെന്ന് അറിയാം

ഘട്ടം 1: യുഐഡിഎഐ വെബ്‌സൈറ്റ് തുറക്കുക.

ഘട്ടം 2: ആധാർ കാർഡ് രജിസ്ട്രേഷൻ എന്ന ഓപ്ഷനിൽ ക്ലിക്ക് ചെയ്യുക

ഘട്ടം 3: കുട്ടിയുടെ പേര്, മാതാപിതാക്കളുടെ മൊബൈൽ നമ്പർ, മാതാപിതാക്കളുടെ ഇമെയിൽ ഐഡി, വീടിൻ്റെ വിലാസം, പ്രദേശം, സംസ്ഥാനം തുടങ്ങിയ വിശദാംശങ്ങൾ പൂരിപ്പിക്കുക:

സ്റ്റെപ്പ് 4: ഫിക്സ് അപ്പോയിൻ്റ്മെൻ്റിൽ ക്ലിക്ക് ചെയ്യുക

ഘട്ടം 5: ഏറ്റവും അടുത്തുള്ള എൻറോൾമെൻ്റ് സെൻ്റർ തിരഞ്ഞെടുത്ത് ഒരു അപ്പോയിൻ്റ്മെൻ്റ് ഷെഡ്യൂൾ ചെയ്യുക

ഘട്ടം 6: സെന്ററിൽ എത്തുമ്പോൾ ഇനിപ്പറയുന്ന രേഖകൾ കൊണ്ടുവരിക:

• റഫറൻസ് നമ്പർ
• ഫോമിൻ്റെ പ്രിൻ്റൗട്ട്
• ഐഡൻ്റിറ്റി പ്രൂഫ്
• വിലാസ തെളിവ്
• കുട്ടിയുമായുള്ള ബന്ധത്തിൻ്റെ തെളിവ്
• ജനനത്തീയതി

കുട്ടിക്ക് അഞ്ച് വയസ്സോ അതിൽ കൂടുതലോ പ്രായമുണ്ടെങ്കിൽ, പത്ത് വിരലുകളുടെ ബയോമെട്രിക്സ്, മുഖചിത്രം, ഐറിസ് സ്കാൻ തുടങ്ങിയ ബയോമെട്രിക് വിശദാംശങ്ങളും നൽകണം..

ന്യൂഡൽഹി: കൊൽക്കത്തയിൽ യുവ വനിതാ ഡോക്ടറുടെ പീഡനക്കൊലയിൽ ബംഗാൾ പൊലീസിനെതിരെ വിമർശനവുമായി സുപ്രിംകോടതി. കൊലപാതകമാണെന്നു വ്യക്തമായിട്ടും ആശുപത്രി അധികൃതരും പൊലീസും എന്തു ചെയ്യുകയായിരുന്നുവെന്ന് സുപ്രിംകോടതി ചോദിച്ചു. ആരോഗ്യ പ്രവർത്തകരുടെ സുരക്ഷയ്ക്കായി ദേശീയ പ്രോട്ടോക്കോൾ വേണം. ഇതുമായി ബന്ധപ്പെട്ട നിർദേശങ്ങൾക്കായി ദേശീയ ദൗത്യസേന രൂപീകരിച്ചതായും ചീഫ് ജസ്റ്റിസ് ഡി.വൈ ചന്ദ്രചൂഢ് അധ്യക്ഷനായ സുപ്രിംകോടതി ബെഞ്ച് അറിയിച്ചു. സംഭവത്തില്‍ സ്വമേധയാ എടുത്ത കേസ് പരിഗണിക്കുകയായിരുന്നു കോടതി.

”യുവതിയുടെ മൃതദേഹം സംസ്‌കാരത്തിനു കൈമാറി മൂന്നു മണിക്കൂറും കഴിഞ്ഞാണ് സംഭവത്തിൽ എഫ്.ഐ.ആർ രജിസ്റ്റർ ചെയ്തത്. മെഡിക്കൽ കോളജിലെ പ്രിൻസിപ്പലും പൊലീസും അതുവരെ എന്തെടുക്കുകയായിരുന്നു? ഗുരുതരമായൊരു കുറ്റകൃത്യമാണു നടന്നത്. സംഭവം നടക്കുന്നത് ആശുപത്രിയിലും. ഈ സമയത്ത് ഇവരെല്ലാം എന്തു ചെയ്യുകയായിരുന്നു?”-കോടതി ചോദിച്ചു.

ക്രിമിനലുകളെ ആശുപത്രിയിൽ കടക്കാൻ അനുവദിക്കുകയല്ലേ അധികൃതര്‍ ചെയ്തതെന്നും കോടതി കുറ്റപ്പെടുത്തി. കൊലപാതകമാണു നടന്നതെന്ന് പോസ്റ്റ്‌മോർട്ടം റിപ്പോർട്ട് വ്യക്തമാക്കിയിരുന്നു. എന്നാൽ, രാത്രി 11.45നാണ് എഫ്.ഐ.ആർ രജിസ്റ്റർ ചെയ്തത്. അതുവരെയും ആശുപത്രി അധികൃതർ എന്തെടുക്കുകയായിരുന്നു? അസ്വാഭാവിക മരണം രജിസ്റ്റര്‍ ചെയ്തതിനെ എഫ്.ഐ.ആർ എന്ന് അവകാശപ്പെടാനാകില്ലെന്നും കോടതി പറഞ്ഞു. ഇതുവരെ കേസന്വേഷണവുമായി ബന്ധപ്പെട്ട സ്ഥിതിവിവരണ റിപ്പോര്‍ട്ട് സമര്‍പ്പിക്കാന്‍ കോടതി നിര്‍ദേശിച്ചിട്ടുണ്ട്. വ്യാഴാഴ്ചയ്ക്കകം റിപ്പോര്‍ട്ട് നല്‍കാനാണ് ആവശ്യപ്പെട്ടിരിക്കുന്നത്.

ഡോക്ടർമാരുടെ സുരക്ഷ ഉറപ്പാക്കാൻ കോടതി ഉണ്ടാകുമെന്ന് ചീഫ് ജസ്റ്റിസ് വ്യക്തമാക്കി. ആരോഗ്യ പ്രവര്‍ത്തകരുടെ സുരക്ഷ ഉറപ്പാക്കാനായി ദേശീയ ടാസ്ക് ഫോഴ്സും കോടതി പ്രഖ്യാപിച്ചു. മെഡിക്കൽ രംഗത്തെ 10 പേരെ ഉൾപ്പെടുത്തിയുള്ള സമിതിക്ക് നാവികസേന മെഡിക്കൽ ഡയരക്ടർ നേതൃത്വം നൽകും. ഡൽഹി എയിംസ് ഡയരക്ടറും സംഘത്തിലുണ്ട്. രാജ്യവ്യാപകമായി പാലിക്കേണ്ട സുരക്ഷാ ക്രമീകരണങ്ങളെക്കുറിച്ച് ശിപാർശ നൽകാൻ നിർദേശമുണ്ട്. ആശുപത്രികളിൽ ജീവനക്കാർക്ക് പ്രത്യേക വിശ്രമമുറികൾ ഏര്‍പ്പെടുത്താനും ആവശ്യപ്പെട്ടിട്ടുണ്ട്. എല്ലാ ആശുപത്രികളിലും ആഭ്യന്തര സമിതി രൂപീകരിക്കണമെന്നും കോടതി അറിയിച്ചു.

ആരോഗ്യപ്രവര്‍ത്തകരുടെ സുരക്ഷയ്ക്കായി സുപ്രിംകോടതി മുന്നോട്ടുവച്ച നിര്‍ദേശങ്ങള്‍

1. അത്യാഹിത വിഭാഗത്തില്‍ അധികസുരക്ഷ ഒരുക്കണം
2. ആയുധങ്ങളുമായി അകത്തു കടക്കുന്നത് തടയാൻ ബാഗേജ് സ്ക്രീനിങ് നടത്തണം
3. രോഗികളല്ലാത്തവരെ പരിധിക്കപ്പുറം അനുവദിക്കരുത്
4. ജനക്കൂട്ടം നിയന്ത്രിക്കാന്‍ സുരക്ഷാസംവിധാനം വേണം
5. ഡോക്ടർമാർക്കും നഴ്സുമാർക്കും വിശ്രമമുറികള്‍ ഒരുക്കണം
6. ബയോമെട്രിക്സ് തിരിച്ചറിയല്‍ സംവിധാനങ്ങള്‍ സജ്ജീകരിക്കണം
7. എല്ലായിടത്തും സി.സി.ടി.വി സ്ഥാപിക്കണം, വെളിച്ചം വേണം
8. മെഡിക്കൽ പ്രൊഫഷനുകൾക്ക് രാത്രി 10 മുതൽ രാവിലെ 6 വരെ ഗതാഗത സൗകര്യമൊരുക്കണം
9. പ്രതിസന്ധികള്‍ മറികടക്കാന്‍ ശിൽപശാലകൾ നടത്തണം
10. സ്ഥാപനങ്ങളിലെ സുരക്ഷ മൂന്നുമാസം കൂടുമ്പോള്‍ ഓഡിറ്റ് ചെയ്യണം
11. ആരോഗ്യപ്രവര്‍ത്തകരുടെ അടിയന്തര ആവശ്യങ്ങൾക്കായി ഹെൽപ്‍ലൈൻ നമ്പർ വേണം
12. എല്ലാ ആശുപത്രികളിലും ആഭ്യന്തര സമിതി രൂപീകരിക്കണം

നാനിയും നസ്രിയയും പ്രധാന കഥാപാത്രങ്ങളായ ചിത്രമാണ് അണ്ടേ സുന്ദരാനികി. സംവിധാനം നിര്‍വഹിച്ചത് വിവേക അത്രേയയാണ്. അണ്ടേ സുന്ദരാനികി വലിയ വിജയമായിരുന്നില്ല. എന്തുകൊണ്ടാണ് അണ്ടേ സുന്ദരാനികി പരാജയപ്പെട്ടതെന്ന് പറയുകയാണ് നാനി.

സിനിമ പരാജയപ്പെടാൻ പ്രധാന കാരണം താൻ ആണെന്ന് നടൻ നാനി വ്യക്തമാക്കുന്നു. വിവേകിനോടും ഞാൻ ഇക്കാര്യം പറഞ്ഞിട്ടുണ്ട്. സിനിമാ പ്രേമി എന്ന നിലയില്‍ കഥയില്‍ ഞാൻ ആവേശഭരിതനായി. പക്ഷേ ഒരു നടൻ എന്ന നിലയിന്റെ തന്റെ ഇമേജ് ഞാൻ മറക്കുകയും ചെയ്‍തു. ആ ആശയം എന്നിലെ ഒരു സിനിമാ ആസ്വാദകൻ ഇഷ്‍ടപ്പെട്ടു. അത് സമ്മതിക്കുകയും ചെയ്യുകയായിരുന്നു. എന്നാല്‍ പ്രേക്ഷകര്‍ കണ്ടത് താര സിനിമയായിട്ട് ആയിരുന്നു. കഥാപാത്രങ്ങളെ കാണാൻ പ്രേക്ഷകര്‍ തയ്യാറായില്ല. എന്നാല്‍ പരാജയമായെങ്കിലും അണ്ടേ സുന്ദരാനികി സിനിമ ചെയ്‍തതില്‍ അഭിമാനിക്കുന്നുവെന്നും നാനി വ്യക്തമാക്കുന്നു.

ചെറിയ തമാശകളുള്ള എന്റെ ഓരോ സിനിമയും വൻ വിജയങ്ങളായിട്ടുണ്ട്. ഒരുപാട് ആളുകള്‍ അത് പ്രതീക്ഷിച്ചിരുന്നു. പക്ഷേ ഇവിടെ കൂടുതല്‍ നാടകീയമായിരുന്നു. കോമഡി പിന്നിലേക്ക് മാറി. തെറ്റായ ഒരു തെരഞ്ഞെടുപ്പായിരുന്നു അത്. താരത്തിന്റെ ആവശ്യം അതിനില്ലായിരുന്നു. സിനിമ എല്ലാവരും അഭിനന്ദിക്കേണ്ട ഒന്നാണെന്നും പറയുന്നു നാനി.

മലപ്പുറം: ഹേമ കമ്മിറ്റി റിപ്പോർട്ടിലെ പ്രസിദ്ധീകരിക്കാത്ത ഭാഗം പുറത്തുവിടാൻ കോടതി അനുമതി വേണമെന്ന് മുൻ സാംസ്‌കാരിക മന്ത്രി എ.കെ ബാലൻ. പ്രസിദ്ധീകരിക്കാത്ത ഭാഗം പുറത്തുവന്നാൽ നടപടികളിലേക്കു കടക്കാം. റിപ്പോര്‍ട്ട് പുറത്തുവിടാൻ തുടക്കം മുതലേ തടസമുണ്ടായിരുന്നുവെന്നും കേസെടുക്കണമെങ്കില്‍ പരാതി വേണമെന്നും ബാലൻ പറഞ്ഞു.

മലപ്പുറത്ത് മാധ്യമങ്ങളോട് സംസാരിക്കുകയായിരുന്നു സി.പി.എം നേതാവ്. മൊഴികൾ പ്രസിദ്ധീകരിക്കരുതെന്ന നിലപാടാണ് ഒരു ഡബ്ല്യൂ.സി.സി അംഗവും സ്വീകരിച്ചത്. ഇത് ഒരുകാരണവശാലും വെളിപ്പെടുത്തില്ലെന്ന് മൊഴി നൽകിയവർക്ക് ഹേമ കമ്മിറ്റി ഉറപ്പുനൽകുകയും ചെയ്തിട്ടുണ്ട്. 400 പേജുകൾ മൊഴികളായും രേഖകളായുമുണ്ട്. ഇതു മുഴുവൻ കമ്മിറ്റി സർക്കാരിന് നൽകിയിട്ടില്ല. വ്യക്തിപരമായ പരാതിയായി സർക്കാരിന് മുന്നിൽ ഒന്നും ലഭിച്ചിട്ടില്ലെന്നും ബാലൻ പറഞ്ഞു.

”മുൻപുള്ള അടൂർ കമ്മിറ്റിയുടെ റിപ്പോർട്ടിന്റെ അടിസ്ഥാനത്തിൽ സർക്കാർ നടപടികൾ ആരംഭിച്ചിരുന്നു. കോവിഡിന്റെ പശ്ചാത്തലത്തിൽ തുടർനടപടികൾ ഉണ്ടായില്ല. ഒരു വ്യവസായത്തെ ഇല്ലാതാക്കാനാകില്ല. ഹേമ കമ്മിറ്റി റിപ്പോർട്ടിൽ സർക്കാർ അവധാനതയോടെ ഇടപെടും. പുറത്തുവിടാൻ പാടില്ലെന്ന കാര്യങ്ങൾ ഉള്ളതുകൊണ്ടാണ് നടപടി വൈകിയത്. സ്വമേധയാ കേസെടുത്താൽ എഫ്.ഐ.ആർ ഇടണം. അതിനു പരാതിയുണ്ടാവണം. ആകാശത്തുനിന്ന് എഫ്.ഐ.ആര്‍ ഇടാനാകില്ല. അതിനു വ്യക്തിപരമായ പരാതി വേണം. സർക്കാരിനു മുന്നിൽ റിപ്പോർട്ടിന്റെ രത്‌നച്ചുരുക്കമേയുള്ളൂ. ആരു പറഞ്ഞു, ആർക്കെതിരെ പറഞ്ഞുവെന്നൊന്നും റിപ്പോർട്ടിലില്ല.”

നിർഭയമായി മൊഴിനൽകാമെന്ന് കമ്മിഷൻ ഉറപ്പുനൽകിയതാണ്. മൊഴിനൽകുന്നവരുടെ പേരുകൾ പറയില്ലെന്ന് കമ്മിഷൻ ഉറപ്പുനൽകി. റിപ്പോർട്ടിലെ പ്രസിദ്ധീകരിക്കാത്ത ഭാഗം പുറത്തുവിടാൻ കോടതി അനുമതി വേണം. പ്രസിദ്ധീകരിക്കാത്ത ഭാഗം വന്നാൽ നടപടികളിലേക്ക് കടക്കാമെന്നും എ.കെ ബാലൻ വ്യക്തമാക്കി.

ഹേമ കമ്മിറ്റി റിപ്പോർട്ടിൽ നിയമ നടപടിക്കും ശുപാർശ. സ്ത്രീത്വത്തെ അപമാനിച്ചതിന് ആരോപണ വിധേയർക്കെതിരെ കേസ് എടുക്കാമെന്നാണ് റിപ്പോർട്ടിലെ ശുപാർശ. ഐപിസി 354 പ്രകാരം കേസ് എടുക്കാമെന്ന പരാമർശം സ്വകാര്യത കണക്കിലെടുത്ത് പുറത്ത് വിടാതിരുന്ന ഭാഗത്താണുളളത്. വിദേശ ഷോകളുടെ പേരിലും നടികൾക്ക് നേരെ ലൈംഗിക ചൂഷണമുണ്ടായെന്നും ഹേമാ കമ്മിറ്റിക്ക് മുന്നാകെ നടികൾ മൊഴി നൽകിയിട്ടുണ്ട്.

മലയാള സിനിമയിൽ സ്ത്രീകൾ അതിക്രൂരമായി ലൈംഗിക ചൂഷണത്തിനും വിവേചനത്തിനും ഇരയാകുന്നതിന്റെ നടുക്കുന്ന വിവരങ്ങളാണ് പുറത്ത് വന്ന ഹേമ കമ്മിറ്റി റിപ്പോർട്ടിലുളളത്. മലയാള സിനിമ അടക്കി വാഴുന്നത് ക്രിമിനലുകളും വൻകിട മാഫിയകളുമാണ്. അവസരം കിട്ടാനും സിനിമയിൽ നില നിന്നു പോകാനും ലൈംഗിക താത്പര്യങ്ങൾക്ക് സ്ത്രീകൾ വഴങ്ങേണ്ടി വരുന്നു. ചൂഷകരെ സംരക്ഷിക്കാൻ മലയാള സിനിമയിൽ പവർ ടീം ഉണ്ടെന്നും റിപ്പോർട്ടിൽ പറയുന്നു.

സഹകരിക്കുന്നവരെ തൽപരകക്ഷികളിലേക്ക് എത്തിക്കാൻ പ്രൊഡക്ഷൻ കൺട്രോൾമാർ വഴി വാട്സ്ആപ്പ് ഗ്രൂപ്പുകളുണ്ട്. ആര് അഭിനയിക്കണം, ആര് നിലനിൽക്കണമെന്ന്ഈ ഇടനിലക്കാർ തീരുമാനിക്കണം. അവസരം കിട്ടാൻ ഒന്നോ ഒന്നിലധികം പേരുമാരുമായോ വിട്ടുവീഴ്ച ചെയ്യേണ്ടിവരും. സഹകരിക്കുന്നവർ ഗുഡ് വുമൺ, എതിർത്താൽ ബാഡ് വുമൺ എന്ന ലേബലിടും. അഡ്ജസ്മെന്റും കോംപ്രമൈസും സിനിമാ ഫീൽഡിൽ പതിവ് വാക്കുകളാണ്. ഒറ്റയ്ക്ക് ഹോട്ടൽമുറിയിൽ കഴിയാൻ പോലും ഭയമാണെന്ന് സ്ത്രീകൾ ഹേമ കമ്മറ്റിക്ക് മുന്നാകെ പറഞ്ഞു. രാത്രിയായാൽ വാതിലിൽ മുട്ടുന്നത് പതിവാണ്. തുറന്നില്ലെങ്കിൽ ഇടി വാതിൽ തകർത്ത് അകത്തേക്ക് കയറും.

ലൊക്കേഷനിൽ മാത്രമല്ല സിനിമാരംഗങ്ങളിലും ലൈംഗിക ഷൂഷണമുണ്ടാകുന്നു. നഗ്ന ദൃശ്യങ്ങൾ നിർബന്ധിപ്പിച്ച് പകർത്തും. ഒഴിവാക്കാൻ ആവശ്യപ്പെട്ടാൽ സഹകരിക്കാൻ പറയും. മോശമായി പെരുമാറിയ നടന്റെ ഭാര്യയായി അയാളെ ആലംഗിനം ചെയ്യുന്ന ഷോട്ട് 17 റീ ടേക്ക് വരെ എടുക്കേണ്ടി വന്ന ദുരനുഭവം വരെ മൊഴി നൽകിയവർക്കുണ്ട്. ആരോട് പരാതിപ്പെട്ടിട്ടും കാര്യമില്ല. ഐസിസി കമ്മറ്റികൾ നോക്കുകുത്തികളാണ്. ജീവഭയം കൊണ്ട് പൊലീസിനെ സമീപിക്കില്ല.സമീപിച്ചാൽ വിലക്കേർപ്പെടുത്തുമെന്നും മൊഴിയിലുണ്ട്.