പൊതുവേ മാംസാഹാര പ്രിയരായ മലയാളികൾക്ക് കഴിക്കാൻ ഏറ്റവും ഇഷ്ടം ചിക്കൻ വിഭവങ്ങളാണ്. അതുകൊണ്ട് തന്നെ ദിവസേന കോഴിയിറച്ചി ഭക്ഷണത്തിൽ ഉൾപ്പെടുത്തുന്നവർ ആകും നമ്മളിൽ ഭൂരിഭാഗവും. പച്ചക്കറികളെക്കാൾ പ്രോട്ടീനും, മറ്റ് പോഷകങ്ങളും ചിക്കനിൽ അടങ്ങിയിട്ടുണ്ട്. അതുകൊണ്ട് തന്നെ ഇത് കഴിക്കുന്നത് അതിവേഗം പോഷകങ്ങളുടെ അഭാവം പരിഹരിക്കാൻ സഹായിക്കും. എന്നാൽ കോഴിയിറച്ചി അമിതമായാൽ ഗുണത്തെക്കാളേറെ ദോഷമാണ് ഉണ്ടാകുക.

പണ്ട് കാലങ്ങളിൽ കറി വയ്‌ക്കാനായി വീടുകളിൽ നിന്നും വാങ്ങുന്ന നാടൻ കോഴികളൊയിരുന്നു ഉപയോഗിച്ചിരുന്നത് എങ്കിൽ, ഇന്ന് മറ്റ് സംസ്ഥാനങ്ങളിൽ നിന്നും കൊണ്ടുവരുന്ന ബ്രോയിലർ കോഴിയാണ് എല്ലാവർക്കും പ്രിയം. ബ്രോയിലർ കോഴികൾ വേഗത്തിൽ വളരുന്നതിനും തൂക്കം കൂടുന്നതിനും ഹോർമോണുകൾ കുത്തിവയ്‌ക്കാറുണ്ട് എന്ന കാര്യം ബഹുഭൂരിഭാഗം പേർക്കും അറിയാവുന്നതാണ്. അതിനാൽ ഇത്തരം ഇറച്ചി അമിതമായി കഴിച്ചാൽ നമ്മുടെ ശരീരത്തിലെ ഹോർമോണിലും വ്യതിയാനം ഉണ്ടാകും. ഇത് പൊണ്ണത്തടി, ആർത്തവ പ്രശ്‌നങ്ങൾ തുടങ്ങിയവയ്‌ക്ക് കാരണം ആയേക്കാം.

ദൈനംദിന കലോറി ഉപഭോഗത്തിൽ ഒരാൾക്ക് 10 മുതൽ 35 ശതമാനം വരെ പ്രോട്ടീൻ ഉണ്ടായിരിക്കണം. കോഴിയിറച്ചിൽ പ്രോട്ടീൻ അളവ് കൂടുതലാണ്. അതുകൊണ്ടുതന്നെ സ്ഥിരമായി ചിക്കൻ കഴിക്കുന്നത് ശരീരത്തിൽ പ്രോട്ടീനിന്റെ അളവ് വർദ്ധിക്കാൻ കാരണമാകും. ഇത് ശരീര ഭാരം വർദ്ധിക്കുന്നതിലേക്കും മറ്റ് പ്രശ്‌നങ്ങളിലേക്കും വഴിവയ്‌ക്കും.

ചിക്കൻ ദിവസേന കഴിക്കുന്നത് ശരീരത്തിലെ കൊഴുപ്പിന്റെ അളവ് വർദ്ധിക്കുന്നതിന് കാരണമാകുന്നു. ഇത് കൊളസ്‌ട്രോൾ, ഹൃദ്രോഗം എന്നിവയ്‌ക്ക് കാരണമാകും.

ശരീഭാരം അടിക്കടി വർദ്ധിക്കുന്നതും, കുറയുന്നതും ശരീരത്തിന് ദോഷമാണ്. അതിനാൽ ശരീരഭാരം മതിയായ രീതിയിൽ നിലനിർത്തണം. കോഴിയറിച്ച് ധാരാളമായി കഴിക്കുന്നവരിൽ ഇതിന് കഴിയാതെ വരും. പെട്ടെന്ന് ശരീര ഭാരം ഉയരാൻ ഇത് കഴിക്കുന്നത് കാരണമാകും. കറിവെച്ച് കഴിക്കുന്നതിനേക്കാൾ വറത്തും, പൊരിച്ചും ചിക്കൻ കഴിക്കാൻ ഇഷ്ടമുള്ളവരാണ് ഭൂരിഭാഗവും. ഇതും ശരീരത്തിന് ദോഷമാണ്.

അടുത്തിടെയായി ചിക്കനിൽ നിന്നും ഭക്ഷ്യവിഷബാധയേറ്റ നിരവധി സംഭവങ്ങളാണ് ഉണ്ടായിട്ടുള്ളത്. ഇതിൽ നിന്നും ഭക്ഷ്യവിഷബാധ ഏറ്റവും വേഗത്തിലേൽക്കാൻ സാദ്ധ്യതയുള്ള ഭക്ഷ്യവിഭവമാണ് ചിക്കൻ എന്ന് മനസ്സിലാക്കാം. ചിക്കൻ ശരിയായ പാകം ആക്കി വേണം കഴിക്കാൻ. അല്ലാത്ത പക്ഷം ഇതിലെ സാൽമൊണെല്ല എന്ന ദോഷകരമായ ബാക്ടീരിയ ശരീരത്തിൽ പ്രവേശിക്കുകയും, ഭക്ഷ്യവിഷബാധയ്‌ക്ക് കാരണമാകുകയും ചെയ്യുന്നു. പഴയ ചിക്കൻ കഴിക്കുന്നതും, ഇറച്ചി വീണ്ടും വീണ്ടും ചൂടാക്കുന്നതും ശരീരത്തിന് ഏറെ അപകടമാണ്.

ബ്രോയിലർ കോഴികളുടെ പ്രതിരോധ ശേഷി വർദ്ധിപ്പിക്കുന്നതിനായി ആന്റിബയോട്ടിക്കുകൾ കുത്തിവയ്‌ക്കാറുണ്ട്. ഇത് മനുഷ്യശരീരത്തിൽ എത്തുമ്പോൾ നമ്മുടെ പ്രതിരോധ ശേഷിയെ ബാധിക്കും.

കഴിഞ്ഞ ദിവസമാണ് ദേശീയ – സംസ്ഥാന ചലച്ചിത്ര പുരസ്കാരങ്ങൾ പ്രഖ്യാപിച്ചത്. മികച്ച നടനുള്ള ദേശീയ പുരസ്കാരം റിഷഭ് ഷെട്ടിക്കും മികച്ച നടനുള്ള സംസ്ഥാന പുരസ്കാരം ആടു ജീവിതത്തിലെ അസാധ്യ പ്രകടനത്തിന് പൃഥ്വിരാജിനേയും തേടിയെത്തിയിരുന്നു. ഇപ്പോഴിതാ പുരസ്‌ക്കാര നേട്ടത്തിൽ സന്തോഷമറിയിച്ച് രംഗത്തെത്തിയിരിക്കുകയാണ് കന്നഡ നടൻ റിഷഭ് ഷെട്ടി.

മമ്മൂട്ടിയെപോലുള്ള മഹാനടന്റെ മുൻപിൽ നിൽക്കാനുള്ള ശക്തി ഇല്ലെന്നും വാർത്താസമ്മേളനത്തിൽ ഔദ്യോഗികമായി പുരസ്കാരങ്ങൾ പ്രഖ്യാപിക്കുന്നതു വരെ അവാർഡ് കരസ്ഥമാക്കിയെന്ന കാര്യം താൻ വിശ്വസിച്ചിരുന്നില്ലെന്നും നടൻ വെളിപ്പെടുത്തി. മമ്മൂട്ടിയുമായി മത്സരിച്ചാണല്ലോ ദേശീയ പുരസ്കാരം സ്വന്തമാക്കിയതെന്ന മാധ്യമപ്രവർത്തകരുടെ ചോദ്യങ്ങത്തോട് ‘മികച്ച നടനായി തന്നെ തിരഞ്ഞെടുത്തതിന് ജൂറിക്ക് അവരുടേതായ കാരണങ്ങളുണ്ടാകും. മത്സരത്തിന് മമ്മൂട്ടിയുടെ സിനിമകൾ ഉണ്ടായിരുന്നോയെന്ന് അറിയില്ല. അദ്ദേഹത്തെപ്പോലുള്ള മഹാനടന്റെ മുൻപിൽ നിൽക്കാനുള്ള ശക്തി തനിക്ക് ഇല്ലെന്നും നടൻ പറഞ്ഞു.

“ജൂറിയുടെ മുൻപിലുള്ളത് ഏതൊക്കെ ചിത്രങ്ങളാണെന്ന് എനിക്ക് അറിയില്ല. മമ്മൂട്ടി സർ ഒരു ഇതിഹാസമാണ്. മമ്മൂട്ടിയെപ്പോലുള്ള ഇതിഹാസതാരങ്ങൾ മത്സരത്തിനുണ്ടായിരുന്നെങ്കിൽ ഞാൻ എന്നെത്തന്നെ വലിയ ഭാഗ്യവാനായി കാണുന്നു.”

“ഞാൻ ഇതു പ്രതീക്ഷിച്ചിരുന്നില്ല. പലരും എനിക്കാണ് അവാർഡെന്ന് പറഞ്ഞെങ്കിലും വാർത്താസമ്മേളനത്തിൽ ജൂറി അതു പ്രഖ്യാപിക്കുന്നതു വരെ ഞാൻ അക്കാര്യം വിശ്വസിച്ചില്ല. പുരസ്കാര വാർത്ത അറിഞ്ഞ് ആദ്യം എന്നെ അഭിനന്ദിക്കുന്നത് എന്റെ ഭാര്യയാണ്. കാന്താരയിലെ കഥാപാത്രത്തെ ജൂറി വിലയിരുത്തി അതു തിരഞ്ഞെടുത്തുവെന്ന് ഞാൻ വിശ്വസിക്കുന്നു ജൂറിക്ക് നന്ദി,” ഋഷഭ് ഷെട്ടി പറഞ്ഞു.

നടി രഞ്ജിനി ഹർജിയുമായി കോടതിയെ സമീപിച്ച സാഹചര്യത്തിൽ ജസ്റ്റിസ് ഹേമ കമ്മിറ്റി റിപ്പോർട്ട് ഇന്ന് പുറത്തുവിടില്ലെന്ന തീരുമാനം പുറത്തുവന്നിരുന്നു. മലയാള സിനിമയിലെ സ്ത്രീകൾ നേരിടുന്ന പ്രശ്നങ്ങൾ പഠിക്കാൻ നിയോഗിച്ചതാണ് ജസ്റ്റിസ് ഹേമ കമ്മിറ്റിയെ. തിങ്കളാഴ്ച കോടതിയിൽ കേസ് പരിഗണിച്ചതിന് ശേഷം തുടർ തീരുമാനമെടുക്കുമെന്നാണ് വിവരം. ഈ സാഹചര്യത്തിൽ വിഷയത്തിൽ പ്രതികരിച്ച് രംഗത്തെത്തിയിരിക്കുകയാണ് ഹർജിക്കാരിയായ നടി.

താൻ പ്രസ്തുത റിപ്പോര്‍ട്ട് പുറത്തുവിടുന്നതിന് എതിരല്ലെന്നും എന്നാൽ മൊഴി കൊടുത്ത ആളെന്ന നിലയിൽ അതിലെ വിശദാംശങ്ങൾ അറിയാൻ നിയമപരമായ അവകാശങ്ങളുണ്ടെന്നുമാണ് രഞ്ജിനിയുടെ വാദം. റിപ്പോർട്ട് പുറത്തുവിടുന്നത് മാറ്റിവച്ചതിനു രഞ്ജിനി മുഖ്യമന്ത്രിക്ക് നന്ദിയും പ്രകടിപ്പിച്ചു.

കമ്മിറ്റിക്ക് നൽകിയ മൊഴിയിൽ എന്താണ് പുറത്തു വിടുന്നത് എന്ന് അറിയാൻ തനിക്ക് നിയമപരമായ അവകാശമുണ്ട്. ഇക്കാര്യം വനിതാ കമ്മിഷൻ ഉറപ്പാക്കുമെന്നാണ് കരുതിയത്. എന്നാൽ അത് ചെയ്യുന്നതിൽ വനിതാ കമ്മിഷൻ പരാജയപ്പെട്ടു. ഈ സാഹചര്യത്തിലാണ് താൻ കോടതിയെ സമീപിച്ചതെന്നും രഞ്ജിനി പറഞ്ഞു.

മൊഴി കൊടുത്ത എല്ലാവർക്കും റിപ്പോർട്ടിന്റെ പകർപ്പ് കൊടുക്കണം. റിപ്പോർട്ട് പുറത്തു വരണമെന്നാണ് ഞാനും ആവശ്യപ്പെടുന്നത്. എന്നാൽ അതിൽ എന്താണ് പുറത്തുവിടുന്നത് എന്നത് അറിയണമെന്നു മാത്രം. വന്നിട്ട് ചിലർക്കെങ്കിലും പ്രശ്നമുണ്ടായാൽ ആര് ഉത്തരവാദിത്തമേറ്റെടുക്കും? ഒരുപാട് മനുഷ്യരുടെ അനുഭവങ്ങളാണ് ആ റിപ്പോർട്ടിലുള്ളത്. അത് അത്രത്തോളം സെൻസിറ്റീവാണ്. അതുകൊണ്ടു തന്നെ വനിത കമ്മിഷനായിരുന്നു റിപ്പോർട്ട് ആവശ്യപ്പെടേണ്ടിയിരുന്നത്. ആ സാഹചര്യത്തിൽ നിവൃത്തിയില്ലാതെയാണ് കോടതിയെ സമീപിച്ചതാണെന്നും നടി പറഞ്ഞു.

കഴിഞ്ഞ ദിവസമാണ് ദേശീയ – സംസ്ഥാന ചലച്ചിത്ര പുരസ്കാരങ്ങൾ പ്രഖ്യാപിച്ചത്. മികച്ച നടനുള്ള ദേശീയ പുരസ്കാരം റിഷഭ് ഷെട്ടിക്കും മികച്ച നടനുള്ള സംസ്ഥാന പുരസ്കാരം ആടു ജീവിതത്തിലെ അസാധ്യ പ്രകടനത്തിന് പൃഥ്വിരാജിനേയും തേടിയെത്തിയിരുന്നു.

ദേശീയ സംസ്ഥാന ചലച്ചിത്ര പുരസ്കാരങ്ങളുടെ പ്രഖ്യാപനത്തിന് തൊട്ടു മുന്നേ വരെ മലയാളികൾ അടക്കമുള്ള മിക്ക ആളുകളും ജേതാവായി പ്രതീക്ഷിച്ച ഒരു നടനായിരുന്നു മമ്മൂട്ടി. അവിസ്മരണീയവും വേറിട്ടു നിൽക്കുന്നതുമായ ഒത്തിരി കഥാപാത്രങ്ങൾ ഇക്കാലയളവിൽ മമ്മൂക്ക തന്മയത്വത്തോടെ വെള്ളിത്തിരയിൽ എത്തിച്ചിരുന്നു എന്ന അതിയായ ആത്മവിശ്വാസത്തിലായിരുന്നു മിക്ക ആരാധകരും. എന്നാൽ പ്രേക്ഷക വിലയിരുത്തലുകൾക്ക് വിപരീതമായി അവാർഡുകൾ പോയപ്പോൾ പലരും വലിയ നിരാശയിലായി. ഇതിനിടെ മെഗാസ്റ്റാർ തന്നെ സോഷ്യൽ മീഡിയ പേജുകളിൽ പങ്കുവച്ച പോസ്റ്റും പോസ്റ്റിന് താഴെ വരുന്ന ആരാധകരുടെ വികാരഭരിതമായ കമന്റുകളും ആണ് ഇപ്പോൾ ശ്രദ്ധ നേടുന്നത്.

‘ ദേശീയ സംസ്ഥാന ചലച്ചിത്ര പുരസ്കാരങ്ങൾ നേടിയ എല്ലാവർക്കും അഭിനന്ദനങ്ങൾ’ എന്നായിരുന്നു മമ്മൂക്ക പുരസ്കാര പ്രഖ്യാപനത്തിനുശേഷം കുറിച്ചത്. ഇതിനു താഴെ ”ഞങ്ങൾ മലയാളി പ്രേക്ഷകർ ഒരുപാട് ആഗ്രഹിച്ചു. അവാർഡ് മമ്മുക്ക തന്നെ കൊണ്ടുപോകും എന്ന്, യഥാർഥ അവാർഡ് പ്രേക്ഷകർ നൽകുന്ന പ്രോത്സാഹനവും തീയറ്ററിൽ ലഭിക്കുന്ന കൈയ്യടിയും ആണ്” എന്ന് ഒരാൾ കുറിച്ചപ്പോൾ ”മമ്മൂക്കക്കുള്ള അവാർഡ് ജന ഹൃദയങ്ങളിൽ ആണ് അതിനു മേലെ ഒരു അവാർഡില്ല” എന്നാണ് മറ്റൊരാൾ കുറിച്ചിരിക്കുന്നത്. ”മോഡി ആൻഡ് ടീംസ് കഴിഞ്ഞ വർഷം അവാർഡ് കൊടുത്തത് പുഷ്പയ്ക്ക്.. ഈ പ്രാവശ്യം കാന്താരാ.. ഈ അവാർഡിനേക്കാൾ നല്ലത് ഉജാല ഏഷ്യാനെറ്റ്‌ അവാർഡ് ആണ്” എന്ന തരത്തിൽ പ്രതിഷേധ സ്വരത്തിലും കമെന്റുകൾ കാണാം. എന്തായാലും മമ്മൂക്കയ്ക്ക് അവാർഡ് ലഭിക്കാത്തതിൽ വലിയ പ്രതിഷേധത്തിൽ ആണ് ആരധകർ എന്ന കാര്യത്തിൽ സംശയമില്ല.