തെന്നിന്ത്യൻ സിനിമ പ്രേമികൾ വളരെയധികം ആഘോഷിച്ച ഒരു താര ജോഡി ആയിരുന്നു സാമന്തയും നാഗ ചൈതന്യയും. ഒന്നായി ചേരാൻ വിധിക്കപ്പെട്ടവർ എന്ന് പലരും പൊതുവേ വിലയിരുത്തിയിരുന്ന ഈ ജോഡി പക്ഷേ വെറും മൂന്ന് വർഷത്തെ ദാമ്പത്യത്തിനു ശേഷം വേർപിരിയുകയായിരുന്നു.

സാമന്തയുമായി വേർപിരിഞ്ഞ ശേഷം നടൻ നാഗചൈതന്യ നടി ശോഭിത ദുലിപാലയുമായി ബന്ധത്തിലാണെന്ന് വാർത്തകൾ നേരത്തെ വന്നിരുന്നു. ഇതു സംബന്ധിച്ച ചോദ്യങ്ങളിൽ നിന്ന് ഇരുവരും തെന്നി മാറുകയായിരുന്നു അന്നത്തെ പതിവ്. എന്നാൽ ഇരുവരുടെയും ബന്ധത്തെ സംബന്ധിച്ച് ആരാധകർ ഉന്നയിച്ച ചോദ്യങ്ങൾ എല്ലാം ശരിവയ്ക്കുന്ന തരത്തിൽ കുടുംബത്തിന്റെ പിന്തുണയോടെ ഇരുവരുടെയും വിവാഹനിശ്ചയം കഴിഞ്ഞദിവസം നടന്ന കാഴ്ചയാണ് പിന്നെ പ്രേക്ഷകർ കണ്ടത്.

സാമന്തയുമായുള്ള നാഗ ചൈതന്യയുടെ വിവാഹ തകർച്ചയിൽ കാരണം ശോഭിതയാണെന്നടക്കമുള്ള ഗോസിപ്പുകൾ എന്റർടൈൻമെന്റ് മേഖലയിൽ ഇപ്പോൾ നിറയുകയാണ്. ഈ അവസരത്തിലാണ് നാഗയും സാമന്തയുമായുള്ള വേർപിരിയലിന് തൊട്ടുമുൻപ് തന്നോട് പങ്കുവെച്ചത് എന്ന തരത്തിലുള്ള നിർമ്മാതാവിന്റെ വെളിപ്പെടുത്തലാണ് ചർച്ചയാകുന്നത്.

2023-ൽ സാമന്ത അഭിനയിച്ച “ശാകുന്തളം” എന്ന ചിത്രം സംവിധാനം ചെയ്തത് ഗുണശേഖറാണ്. അദ്ദേഹത്തിന്‍റെ മകൾ നീലിമ ഗുണ ചിത്രത്തിന്‍റെ സഹനിർമ്മാതാവായിരുന്നു. 2021-ൽ, സാമന്തയുടെ വിവാഹമോചനത്തിന് ഏതാനും മാസങ്ങൾക്കുമുമ്പാണ് ശാകുന്തളം പ്രൊജക്ടിനായി ഇവര്‍ സാമന്തയെ സമീപിച്ചത്. കഥ ചർച്ച ചെയ്യുന്നതിനായി നീലിമ സാമന്തയെ നേരിട്ട് കണ്ടു. സാമന്തയ്ക്ക് കഥ ഇഷ്ടമായതോടെ ചിത്രം ചെയ്യാന്‍ സമ്മതിക്കുകയായിരുന്നു.

എന്നാൽ ജൂലൈയ്ക്കും ഓഗസ്റ്റ് അവസാനത്തിനും ഇടയിൽ ചിത്രത്തിന്‍റെ ചിത്രീകരണം പൂര്‍ത്തിയാക്കണം എന്നാണ് സാമന്ത അഭ്യർത്ഥിച്ചത്. അതിനു ശേഷം തനിക്ക് ഭർത്താവിനൊപ്പം സമയം ചിലവഴിക്കണമെന്നും കുട്ടികളുണ്ടായി ജീവിതത്തിൽ സെറ്റിലാകണം എന്നും സാമന്ത പറഞ്ഞതായി നീലിമ ഒരു യൂട്യൂബ് അഭിമുഖത്തില്‍ പറഞ്ഞു. മൂന്ന് മാസത്തിനുള്ളിൽ തന്നെ സാമന്തയുടെ സിനിമയിലെ ഭാഗങ്ങള്‍ പൂര്‍ത്തിയാക്കി.

എന്നാല്‍ ഡൈവോഴ്സിനെക്കുറിച്ച് ഒരു സൂചനയും നല്‍കാതിരുന്ന കുടുംബത്തിനൊപ്പം നില്‍ക്കാന്‍ ആഗ്രഹിച്ച സാമന്തയുടെ വിവാഹമോചന വാര്‍ത്തയാണ് പിന്നീട് അറിഞ്ഞത്. അവസാന നിമിഷം വരെ ഈ ബന്ധത്തിനായി സാമന്ത നിന്നിരുന്നു എന്നാണ് തനിക്ക് തോന്നുന്നത് എന്നുമാണ് നീലിമ പറഞ്ഞത്.

നടി സാമന്തയുമായി വേർപിരിഞ്ഞ ശേഷം നടൻ നാഗ ചൈതന്യ മറ്റു വല്ല ബന്ധത്തിലുമാണോ എന്ന് സോഷ്യൽ മീഡിയ വളരെയധികം കാലമായി കാര്യമായി തിരയാറുണ്ട്. നടി ശോഭിത ധൂലിപാലയുമായി നാഗ ചൈതന്യ പ്രണയത്തിലാണ് എന്ന വാർത്ത പുറത്തുവന്നതോടെ സാമന്തയുമായി ബന്ധപ്പെടുത്തി ഇത് വലിയ ചർച്ചകൾക്കും വഴി വെച്ചിരുന്നു. സാമന്തയുമായി നടൻ പിരിയാനുള്ള കാരണം ശോഭിതയാകാം എന്ന തരത്തിൽ വലിയ കുറ്റപ്പെടുത്തലും നടി ഏറ്റുവാങ്ങിയിരുന്നു.

എന്നാൽ തങ്ങളുടെ പ്രണയത്തെക്കുറിച്ച് ഇരുവരും കാര്യമായ സ്ഥിരീകരണങ്ങൾ ഒന്നും തന്നെ നടത്തിയിരുന്നില്ല. ഇങ്ങനെ ഇരിക്കുമ്പോഴാണ് ഏറ്റവും ഒടുവിൽ ഇരുവരും വിവാഹനിശ്ചയം നടത്തി എന്ന വാർത്ത നാഗ ചൈതന്യയുടെ പിതാവും നടനുമായ നാഗാർജുനയുടെ സോഷ്യൽ മീഡിയ പേജിലൂടെ പുറംലോകം അറിയുന്നത്. എന്നാൽ നാഗ ചൈതന്യയുടെ രണ്ടാം വിവാഹമോ, സാമന്തക്കും നാഗക്കുമിടയിൽ ശോഭിത വന്നതാണോ ഇരുവരുടെ വിവാഹ മോചനത്തിന് കാരണം എന്നതൊന്നുമല്ല ഇപ്പോൾ ചർച്ച വിഷയം. നാഗാർജുനയ്ക്ക് ശോഭിതയെ മരുമകളായി ലഭിക്കും മുൻപ് അദ്ദേഹം പറഞ്ഞ വാക്കുകളാണ് ഇപ്പോൾ തിരിച്ചടിയായി വന്നിരിക്കുന്നത്. വർഷങ്ങൾക്കു മുൻപുള്ള ഒരു വീഡിയോ ആണ് ഇത്തരത്തിൽ നടൻ വിനയായി വന്നിരിക്കുന്നത്.

“ശരി ശോഭിത ധൂലിപാല… സിനിമയില്‍ അവള്‍ ഗംഭീരമായിരുന്നു. ശരിക്കും ഞാന്‍ ഉദ്ദേശിച്ചത്, ഇങ്ങനെയല്ല പറയേണ്ടത്. സിനിമയിൽ ശോഭിത ഹോട്ടായിരുന്നു. അവളിൽ നിന്നും ഒരു ആകര്‍ഷണം ഉണ്ടായി എന്നാണ് ഞാൻ ഉദ്ദേശിക്കുന്നത്” നാഗാർജുനയുടെ അഭിപ്രായത്തിന് ശേഷം ചിരിച്ച് കൈയടിച്ച് അദിവിയും മറ്റ് ചിത്രത്തിന്‍റെ അണിയറക്കാരെയും വീഡിയോയില്‍ കാണാം.

സംഭവം എന്തായാലും വളരെ മോശമായ രീതിയിൽ നാഗാർജുന ക്കെതിരെ പ്രചരിക്കുകയാണിപ്പോൾ. ഒരു മുതിർന്ന നടൻ എന്ന രീതിയിൽ ഒരിക്കൽ ഉപയോഗിച്ചുകൂടാത്ത വാക്കുകൾ എന്നാണ് പലരും കമന്റുകളായി വിഷയത്തിൽ അഭിപ്രായം രേഖപ്പെടുത്തുന്നത്. അതേസമയം നടന് പിന്തുണയുമായും ആളുകൾ എത്തുന്നുണ്ട്. അന്ന് ശോഭിത നാഗാർജുനയുടെ മരുമകൾ ആയിരുന്നില്ല. വെറും അഭിനയത്രി മാത്രമായിരുന്നു. അന്ന് നടത്തിയ ഒരു പ്രശംസ ഇത്തരത്തിൽ മോശമായി വ്യാഖ്യാനിക്കുന്നത് ശരിയല്ല എന്നുമാണ് നാഗാർജുനയെ പിന്തുണച്ചു കൊണ്ടുള്ള കമന്റുകൾ.

കുറച്ചധികം ദിവസമായി ഓൺലൈൻ മീഡിയകളും വിവിധ സോഷ്യൽ മീഡിയ പ്ലാറ്റുഫോമുകളും പറഞ്ഞു പരത്തുന്ന ഒരു കാര്യമാണ് ഐശ്വര്യ റായിയും അഭിഷേക് ബച്ചനും വേർപിരിഞ്ഞെന്ന തരത്തിലുള്ള വാർത്തകൾ. ഇതിൽ പ്രതികരിച്ച് ഒടുവിൽ അഭിഷേക് തന്നെ രംഗത്ത് വന്നെന്ന തരത്തിലുള്ള വീഡിയോ പിന്നാലെ ശ്രദ്ധ നേടിയിരുന്നു. ഇത് ദേശീയ മാധ്യമങ്ങൾ ഉൾപ്പടെ വാർത്തയാക്കുകയും ചെയ്തിരുന്നു.

ഐശ്വര്യയുമായുള്ള വേർപിരിയൽ വാർത്തയോട് ‘എനിക്ക് അതിനെക്കുറിച്ച് ഒന്നും പറയാനില്ല. നിങ്ങൾ എല്ലാ കാര്യങ്ങളും ഊതിപ്പെരുപ്പിച്ചു. അത് തീർത്തും സങ്കടകരമാണ്. നിങ്ങൾ എന്തിനാണ് ഇങ്ങനെ ചെയ്യുന്നത് എന്ന് എനിക്ക് അറിയാം. നിങ്ങൾക്ക് കുറച്ച് കഥകൾ ഫയൽ ചെയ്യണം. അതാണ് ആവശ്യം. സാരമില്ല, ഞങ്ങൾ സെലിബ്രിറ്റികളാണല്ലോ. എന്തായാലും ക്ഷമിക്കുക, ഞാൻ ഇപ്പോഴും വിവാഹിതനാണ്,’ എന്ന് പറയുന്ന അഭിഷേക് ബച്ചന്റെ വീഡിയോ ആയിരുന്നു ഇത്. തന്റെ വിവാഹ മോതിരവും അഭിഷേക് ഉയർത്തികാട്ടുന്നതും വീഡിയോയിൽ കാണാം.

എന്നാൽ പ്രചരിക്കുന്ന ഈ വീഡിയോ എട്ട് വർഷം മുമ്പേയുള്ളതാണെന്നാണ് വാസ്തവം. കാര്യം പഴയതാണെന്നറിഞ്ഞതോടെ വീണ്ടും വിവാഹ മോചന വാർത്തകളെ കുറിച്ചുള്ള ചർച്ചകൾ സജീവമാക്കിയിരിക്കുകയാണ് നെറ്റിസൺസ്.

ഫഹദിനെ കെട്ടിപ്പിടിച്ച് ചുംബനം ഏറ്റുവാങ്ങി ലാലേട്ടൻ! മോഹൻലാലിന്റെയും ഫഹദ് ഫാസിലിന്റെയും ഇങ്ങനെയൊരു സ്നേഹ ചിത്രം പുറത്ത് വന്നതിന്റെ പിന്നാലെ ആഘോഷത്തിലും കൺഫ്യൂഷനിലുമാണ് ആരാധകർ. മോഹൻലാലിന്റെ ഒഫീഷ്യൽ പേജിലൂടെ എടാ മോനെ ഐ ലവ് യു എന്ന ക്യാപ്ഷൻ ഇന്നലെയാണ് ഫഹദുമൊത്തുള്ള ക്യൂട്ട് ചിത്രം പുറത്ത് വന്നത്. ചിത്രം പുറത്തുവന്നു നിമിഷങ്ങൾക്കുള്ളിൽ തന്നെ സംഗതി വൈറലായി. പോസ്റ്റിനു താഴെ കമന്റുകൾ വന്നു നിറയാൻ തുടങ്ങി.

2013ൽ റിലീസ് ചെയ്ത റെഡ് വൈൻ എന്ന ചിത്രത്തിലൂടെയാണ് മോഹൻലാലും ഫഹദ് ഫാസിലും ആദ്യമായും അവസാനമായും ഒന്നിച്ച് അഭിനയിച്ചത്. ആ ഹിറ്റ് കോംബോ വീണ്ടും ആവർത്തിക്കുകയാണോ ?, പൃഥ്വിരാജ് സംവിധാനം ചെയ്ത് മോഹൻലാൽ പ്രധാന കഥാപാത്രത്തിൽ എത്തുന്ന എംമ്പുരാനിൽ ഇനി ഫഹദ് ആണോ വില്ലൻ? വാസ്കോ രംഗണ്ണയെ മീറ്റ് ചെയ്യുമ്പോൾ, നിങ്ങൾക്ക് ഒന്നിച്ചു കൂടെ തുടങ്ങി നിരവധി കമന്റുകളാണ് പോസ്റ്റിനടിയിൽ വന്നു കൂടുന്നത്. മോഹൻലാൽ ഫഫ കോംബോ ആരാധകർ വല്ലാതെ പ്രതീക്ഷിക്കുന്നുണ്ട് എന്ന് കമന്റുകളിൽ നിന്നും വ്യക്തം.