രണ്ട് പുലികൾക്ക് നടുവിൽ വേലുമേന്തി നിൽക്കുന്ന ലാലേട്ടന്റെ പോസ്റ്റർ സോഷ്യൽ മീഡിയയിൽ പ്രത്യക്ഷപ്പെട്ടതോടെ വലിയ ആവേശത്തിലാണ് മോഹൻലാൽ ഫാൻസ്‌. മലയാളത്തിന്റ ആദ്യ 100 കോടി ക്ലബ്ബ് സിനിമ കൂടിയായ സിനിമയുടെ രണ്ടാം പതിപ്പ് എന്ന രീതിയിൽ പോസ്റ്റർ പ്രത്യക്ഷപ്പെട്ട് നിമിഷങ്ങൾക്കകം സോഷ്യൽ മീഡിയ പ്ലാറ്റുഫോമുകളിൽ വലിയ ചർച്ചയുമായി.കഥ എന്തായിരിക്കും, ലാലേട്ടന്റെ ലുക്കോ, മറ്റു കാസ്റ്റ് ആരൊക്കെയാവും തൂങ്ങിയ കാര്യങ്ങളിൽ വരെ ചർച്ചകൾക്കായി.

വൈശാഖ് സംവിധാനം ചെയ്ത ചിത്രം 100 കോടി ക്ലബ്ബ് അന്നേവരെ സംഭവിച്ചിട്ടില്ലാതിരുന്ന മലയാളം ഇന്ടസ്ട്രിയുടെ തലവര തിരുത്തിയ ഒന്നായിരുന്നു. മോഹൻലാൽ നിറഞ്ഞാടിയപ്പോൾ പ്രേക്ഷകർ സിനിമ ആഘോഷിക്കുകയായിരുന്നു.

എന്നാൽ ഇപ്പോൾ ചർച്ചകൾക്ക് വഴിവെച്ച പോസ്റ്റർ ഒരു ഫാൻ മേഡ് പോസ്റ്റർ മാത്രമാണ് എന്നതാണ് വസ്തുത. ഒറിജിനലിനെയും വെല്ലുന്ന തരത്തിലുള്ള ഈ പോസ്റ്റർ ഡിസൈനിങ്ങിനെ അഭിനന്ദിച്ചും ഒട്ടനവധി പേർ രം​ഗത്ത് വന്നിട്ടുണ്ട്. എന്തായാലും പുലിമുരുകൻ രണ്ടാം ഭാ​ഗത്തിനുള്ള സാധ്യത വളരെ കുറവാണ്.

കൽപ്പറ്റ: വയനാട്ടിലെ ചൂരൽമല ദുരന്തത്തിൽ എല്ലാം നഷ്ടപ്പെട്ടവരെ പുനരധിവസിപ്പിക്കാൻ സർക്കാരിന് മുന്നിലെ കടമ്പകൾ ഏറെയാണ്. പരിസ്ഥിതി ലോലമായി പ്രഖ്യാപിച്ച വില്ലേജുകളും, ജനസാന്ദ്രതയേറിയ നഗരങ്ങളും വന്യമൃഗശല്യവുമാണ് വെല്ലുവിളിയാകുന്നത്. ഉരുൾപൊട്ടലിനെ അതിജീവിച്ച വീട്ടുകാരെയും മാറ്റിത്താമസിപ്പിക്കേണ്ടി വരുമെന്നത് കൂടുതൽ വെല്ലുവിളിയാവുന്നു.

മുണ്ടക്കൈയും പുഞ്ചിരിമട്ടവുമൊന്നും ഇനിയില്ല, ചൂരൽ മല പകുതിയോളം ഒലിച്ചു പോയി. രണ്ട് ഗ്രാമങ്ങളെ പൂർണ അർത്ഥത്തിൽ പുനരധിവസിപ്പിക്കാൻ സർക്കാർ നേരിടേണ്ടി വരുന്നത് ചെറിയ വെല്ലുവിളികൾ അല്ല. മുഖ്യമന്ത്രി റീ ബിൽഡ് വയനാട് പ്രഖ്യാപിച്ചിട്ടുണ്ടെങ്കിലും ഇത് എങ്ങനെ സാധ്യമാവുമെന്നാണ് കാണേണ്ടത്. ആരെയും ജില്ലക്ക് പുറത്തേക്ക് പറിച്ചു നടില്ലെന്ന് സർക്കാർ ഉറപ്പ് നൽകുന്നുമുണ്ട്. എന്നാൽ ജില്ലക്കുള്ളിലാണെങ്കിലും പുനരധിവാസത്തിനുള്ള കടമ്പകൾ ഏറെയാണ്.

മഹാ ദുരന്തമേറ്റുവാങ്ങിയ വെള്ളരിമല വില്ലേജിൽ നിന്ന് മുണ്ടക്കൈക്കാരെയും ചൂരൽമലക്കാരെയുമെല്ലാം തൊട്ടടുത്ത വില്ലേജുകളിലേക്ക് മാറ്റി പാർപ്പിക്കാമെന്ന് കരുതിയാൽ ചുണ്ടേലും, പൊഴുതനയും, കുന്നത്തിടവകയും, അച്ചൂരാനവുമെല്ലാം പരിസ്ഥിതി ലോല പ്രദേശങ്ങളാണ്. മാനന്തവാടി ബത്തേരി താലൂക്കുകളിലും പരിസ്ഥിതി ലോല മേഖലകളുണ്ട്. കൽപ്പറ്റയടക്കം നഗരങ്ങൾക്ക് അടുത്തേക്ക് ഇത്രയധികം ആളുകളെ മാറ്റണമെങ്കിൽ അതിന് അനുയോജ്യമായ സ്ഥലം വേണം. ജനസാന്ദ്രത കൂടിയ ഇടങ്ങൾ അനിയോജ്യവുമാവില്ല. ദുരന്തബാധിതരെ ഗ്രൂപ്പുകളാക്കി പലയിടങ്ങളിൽ പാർപ്പിക്കേണ്ടി വരും. അപ്പോൾ വിഭവനം ചെയ്യുന്ന ടൗൺഷിപ്പ് മാതൃക പ്രവർത്തികമാവില്ല. വീട് പൂർണമായും നശിച്ചവർ മാത്രമല്ല. ദുരന്തമേഖലയിൽ വാസയോഗ്യമായ വീടുള്ളവർക്കും അങ്ങോട്ട് പോകാൻ താത്പര്യമില്ല. ഇവരെ കൂടി ഉൾപ്പെടുത്തിയാവണം പുനരധിവാസമെന്നതാണ് വസ്തുത. അതും യുദ്ധകാലാടിസ്ഥാനത്തിൽ ചെയ്തു നൽകുകയും വേണം. ഇതെല്ലാം കൂടി നോക്കുമ്പോൾ പുനരധിവാസം വലിയൊരു വെല്ലുവിളിയുമാണ്.

വ്യക്തി എന്ന രീതിയിൽ പലപ്പോഴും അഭിപ്രായ വ്യത്യാസം വച്ചുപുലർത്തുമ്പോഴും നടൻ എന്ന രീതിയിൽ മുഖ്യധാരാ സമൂഹത്തിന് ഒരിക്കലും ഒഴിവാക്കാൻ ഒഴിവാക്കാൻ കഴിയാത്ത ഒരു താരം ആയിരുന്നു ഷൈൻ ടോം ചാക്കോ. വ്യത്യസ്തമായ കഥാപാത്രങ്ങളിലൂടെയും തന്റേതായ സ്വാഭാവിക അഭിനയത്തിലൂടെയും സിനിമ മേഖലയിൽ ഇതിനോടകം ഷൈൻ ടോം ചാക്കോ തന്റേതായ ഇടം രേഖപ്പെടുത്തി കഴിഞ്ഞു.

ആദ്യകാലങ്ങളിൽ ഒന്നും നടന്റെ വ്യക്തി ജീവിതത്തെ കുറിച്ചുള്ള വിവരങ്ങൾ പുറത്തു വന്നിരുന്നില്ല. എന്നാൽ വിവാഹമോചിതനായ താരം മോഡലായ തനുജയുമായി പ്രണയത്തിലായി എന്ന് വിവരം വൈകാതെ പ്രചരിക്കുകയായിരുന്നു. നടൻ തന്നെ ഇത് വൈകാതെ സ്ഥിരീകരിക്കുകയും ഇരുവരുടെയും വിവാഹ നിശ്ചയവും നടന്നിരുന്നു. കാര്യങ്ങൾ ഇങ്ങനെയൊക്കെയാണെങ്കിലും ഇരുവരും വേർപിരിഞ്ഞു എന്ന തരത്തിലുള്ള വാർത്തയാണ് ഈ കഴിഞ്ഞ ദിവസങ്ങളിൽ പുറത്തു വന്നുകൊണ്ടിരുന്നത്. ബ്രേക്ക് അപ്പ് സ്ഥിതീകരിച്ച് ഇരുവരും വിശദീകരണവുമായി രംഗത്തെത്തുകയും ചെയ്തിരുന്നു.

തന്റെ കുടുംബത്തെയും തന്റെ മാതാവിന്റെ വാക്കുകളെയും അവഗണിച്ച് ഇറങ്ങിപ്പുറപ്പെട്ട തനിക്ക് ആരുമില്ലാതായി തുടങ്ങിയ ആരോപണങ്ങൾ ബ്രേക്കപ്പിനു പിന്നാലെ ലൈവിൽ എത്തിയ തനൂജ ഉന്നയിച്ചിരുന്നു. എന്നാൽ ഈ ആരോപണങ്ങളിലെല്ലാം മലക്കമറിയുന്ന കാഴ്ചയാണ് ഏറ്റവും ഒടുവിൽ പുറത്തുവരുന്നത്.

തന്റെ ലൈവ് വീഡിയോയിൽ പറഞ്ഞ ചില കാര്യങ്ങൾ തെറ്റിദ്ധരിച്ച് മാധ്യമങ്ങൾ മറ്റൊരു രീതിയിൽ പ്രചരിപ്പിച്ചതാണ്. ഷൈൻ ഒരു നല്ല മനുഷ്യനാണ് തനിക്ക് അദ്ദേഹം ഒരു ബുദ്ധിമുട്ടും ഉണ്ടാക്കിയിട്ടില്ലെന്നും ഒത്തുപോകാൻ പറ്റാത്തതുകൊണ്ടാണ് വേർപിരിഞ്ഞതെന്നും തനുജ ഏറ്റവും പുതിയ വീഡിയോയിൽ പറയുന്നു.

തങ്ങൾക്കിടയിൽ എന്താണ് സംഭവിച്ചതെന്ന് അറിയില്ലെന്നും രണ്ടുപേർ തമ്മിലുള്ള ബന്ധത്തിനിടയിൽ മൂന്നാമത് ഒരാൾ ഉണ്ടാകരുതെന്നും തനൂജ പറയുന്നു. നിലവിൽ താൻ ഷൈനിനെയും അദ്ദേഹം തന്നെയും മിസ്സ് ചെയ്യുന്നുണ്ടെന്നും എന്നാൽ ഒന്നരമാസമായി തമ്മിൽ യാതൊരുവിധ കോണ്ടാക്ടും ഇല്ലെന്നും തനൂജ പറയുന്നു. ഇത്തരത്തിൽ പ്രചരിക്കുന്ന വാർത്തകൾ കണ്ട് ഷൈനും കുടുംബവും തന്നെ തെറ്റിദ്ധരിക്കരുതെന്ന് ആഗ്രഹം ഉണ്ടെന്നും തനൂജ പറയുന്നു.

താൻ ഇടയ്ക്കിടെ ലൈവ് ചെയ്യുന്നതാണ് ഇത്തരത്തിൽ ഒരു ദിവസം ലൈവിൽ വന്നപ്പോൾ ബ്രേക്ക് അപ്പ് സംബന്ധിച്ച് പലതരം ക്വസ്റ്റ്യൻസ് വന്നെന്നും ഒടുവിൽ സഹികെട്ടാണ് അന്ന് മറുപടി പറഞ്ഞതെന്നും തനൂജ പറയുന്നു. എന്നാൽ പിന്നീട് അദ്ദേഹത്തിന് എതിരായാണ് ന്യൂസുകൾ വരുന്നത് കണ്ടതെന്നും തനൂജ ചൂണ്ടികാട്ടി.

ഷൈൻ ടോം ചാക്കോ നല്ല മനുഷ്യൻ ആണ്. അദ്ദേഹം തനിക്ക് ഒരു ബുദ്ധിമുട്ടും ഉണ്ടാക്കിയിട്ടില്ലെന്നും ഇടയിൽ അഡ്ജസ്റ്റ് ചെയ്യാൻ പറ്റാത്ത ചില കാര്യങ്ങൾ വന്നതുകൊണ്ടാണ് ബന്ധം വേർപിരിഞ്ഞതെന്നും അത്തരം കാര്യങ്ങൾ ലൈവിൽ വന്ന് പബ്ലിക് ആയിട്ട് പറയാൻ ബുദ്ധിമുട്ടുണ്ടെന്നും തനൂജ പറയുന്നു.

ഉമ്മ അന്നേ മുന്നറിയിപ്പ് തന്നു എന്ന തരത്തിലുള്ള തന്റെ പരാമർശം ഷൈൻ ടോം ചാക്കോയ്ക്ക് എതിരെ ആയിരുന്നില്ല എന്നും തനൂജ പുതിയ വീഡിയോയിൽ പറയുന്നു. അത് രണ്ടു സുഹൃത്തുക്കളെ കുറിച്ച് പറഞ്ഞതാണ്. എന്നാൽ ഇക്കാര്യം പലരും ഷൈൻ ടോം ചാക്കോയെ കുറിച്ചാണ് എന്ന് തെറ്റിദ്ധരിച്ച് വാർത്തകൾ പ്രചരിപ്പിക്കുകയാണ് എന്നും തനൂജ കുറ്റപ്പെടുത്തി.

തിരുവനന്തപുരം: വയനാട് ദുരന്തത്തിനിരയായ മാതാപിതാക്കള്‍ നഷ്ടപ്പെട്ട കുട്ടികളെ വളര്‍ത്താന്‍ അപേക്ഷ സ്വീകരിക്കുന്നുണ്ടെന്നും സ്വകാര്യ ആശുപത്രിയില്‍ നിന്ന് ഉള്‍പ്പെടെ കുട്ടികളെ നല്‍കുന്നുണ്ട് എന്ന് സോഷ്യല്‍ മീഡിയയിലൂടെയും അല്ലാതെയും വ്യാജ പ്രചരണം നടത്തുന്നവര്‍ക്കെതിരെ നിയമനടപടികള്‍ സ്വീകരിക്കാന്‍ ആരോഗ്യ വകുപ്പ് മന്ത്രി വീണാ ജോര്‍ജ് നിര്‍ദേശം നല്‍കി. വനിത ശിശു വികസന വകുപ്പ് ഡയറക്ടര്‍ ഹരിതാ വി കുമാര്‍ ഐഎഎസിനോട് ഇതുസംബന്ധിച്ച് പൊലീസില്‍ പരാതി നല്‍കാനും മന്ത്രി നിര്‍ദ്ദേശം നല്‍കി.

ഇങ്ങനെ പ്രചരിപ്പിക്കുന്നവരുടെ ഉദ്ദേശം, പ്രവര്‍ത്തനം, മറ്റു ബന്ധങ്ങള്‍ എന്നിവ സംബന്ധിച്ച് സമഗ്ര അന്വേഷണം നടത്തി നിയമപരമായ ശിക്ഷ ഉറപ്പാക്കുന്നതിന് നടപടികള്‍ സ്വീകരിക്കുന്നതാണെന്നും മന്ത്രി പറഞ്ഞു. ഉരുള്‍പൊട്ടലിന്റെ സാഹചര്യത്തില്‍ നടന്ന അവലോകന യോഗത്തില്‍ സംസാരിക്കുകയായിരുന്നു മന്ത്രി. ക്യാമ്പുകളില്‍ ചെക്ക്‌ലിസ്റ്റ് അനുസരിച്ചുള്ള പ്രവര്‍ത്തനങ്ങള്‍ ക്രോഡീകരിക്കണം. മാതാപിതാക്കളില്‍ ഒരാള്‍ നഷ്ടപ്പെട്ടവരുടെ കൂടി കണക്ക് എടുക്കാന്‍ മന്ത്രി നിര്‍ദേശം നല്‍കി. കുട്ടികള്‍ക്ക് വാക്‌സിനേഷനും ഉറപ്പാക്കിയിട്ടുണ്ട്. ഗര്‍ഭിണികള്‍ക്ക് ഗൈനക്കോളജിസ്റ്റിന്റെ സേവനം ലഭ്യമാക്കിയെന്നും മന്ത്രി അറിയിച്ചു. ആവശ്യമായവര്‍ക്ക് സ്‌കാനിംഗ് ഉള്‍പ്പെടെയുള്ള സൗകര്യമൊരുക്കി. ക്യാമ്പികളില്‍ പനിയുള്ളവരെ പ്രത്യേകം നിരീക്ഷിച്ചു വരുന്നു.

രക്ഷാപ്രവര്‍ത്തകര്‍ക്ക് പനിയോ മറ്റ് രോഗലക്ഷണങ്ങളോ കണ്ടാല്‍ പ്രോട്ടോകോള്‍ അനുസരിച്ച് പ്രവര്‍ത്തനങ്ങള്‍ നടത്തണം. ജീവിതശൈലീ രോഗങ്ങളുള്ളവര്‍ക്ക് മരുന്നുകള്‍ ലഭ്യമാക്കിയിട്ടുണ്ട്. 640 പേര്‍ക്ക് സൈക്കോസോഷ്യല്‍ പിന്തുണ നല്‍കി. കുട്ടികള്‍ക്കുള്ള മാനസിക പിന്തുണാ പരിപാടിയും ആരംഭിച്ചു.
മൃതദേഹങ്ങളും ശരീര ഭാഗങ്ങളും ശാസ്ത്രീയമായി തിരിച്ചറിയാനായി ഡിഎന്‍എ സാമ്പിള്‍ കളക്ഷന്‍ ആരംഭിച്ചു. 49 സാമ്പിളുകള്‍ ശേഖരിച്ചു. മാനസികാരോഗ്യ പ്രോട്ടോകോള്‍ പാലിച്ചാണ് സാമ്പിള്‍ ശേഖരിക്കുന്നത്. മൃതദേഹങ്ങള്‍ ആശുപത്രിയിലെത്തിക്കാനും തിരികെ കൊണ്ടുപോകാനുമായി 149 ആബുലന്‍സുകള്‍ സജ്ജമാണ്. മൃതദേഹങ്ങള്‍ സൂക്ഷിക്കാനായി 129 ഫ്രീസറുകള്‍ അധികമായുണ്ട്. 221 മൃതദേഹങ്ങളും 166 ശരീര ഭാഗങ്ങളുമാണ് ഇതുവരെ കിട്ടിയത്. ശരീര ഭാഗങ്ങളുള്‍പ്പെടെ 380 പോസ്റ്റുമോര്‍ട്ടങ്ങള്‍ നടത്തിയതായും മന്ത്രി വ്യക്തമാക്കി.

ആരോഗ്യ വകുപ്പ് അഡീഷണല്‍ ചീഫ് സെക്രട്ടറി, എന്‍.എച്ച്.എം. സ്റ്റേറ്റ് മിഷന്‍ ഡയറക്ടര്‍, ആരോഗ്യ വകുപ്പ് ഡയറക്ടര്‍, മെഡിക്കല്‍ വിദ്യാഭ്യാസ വകുപ്പ് ഡയറക്ടര്‍, അഡീഷണല്‍ ഡയറക്ടര്‍മാര്‍, കെ.എം.എസ്.സി.എല്‍. ജനറല്‍ മാനേജര്‍, സ്റ്റേറ്റ് മെഡിക്കല്‍ ബോര്‍ഡ് അംഗങ്ങള്‍, ജില്ലാ മെഡിക്കല്‍ ഓഫീസര്‍മാര്‍, സ്റ്റേറ്റ് പ്രോഗ്രാം മാനേജര്‍, ജില്ലാ പ്രോഗ്രാം മാനേജര്‍മാര്‍, ജില്ലാ സര്‍വൈലന്‍സ് ഓഫീസര്‍മാര്‍, ആശുപത്രി സൂപ്രണ്ടുമാര്‍ എന്നിവര്‍ പങ്കെടുത്തു.