കൊടുംകുറ്റവാളി ഗോവിന്ദച്ചാമി ജയിൽ ചാടിയതിൽ ജയിൽ ജീവനക്കാരുടെ മൊഴി പൊലീസ് ഇന്ന് രേഖപ്പെടുത്തും. ജയിലിൽ നിന്നും പുറത്ത് കടക്കാൻ ഗോവിന്ദച്ചാമിക്ക് ഏന്തെങ്കിലും സഹായം ലഭിച്ചോ എന്നതായിരിക്കും പ്രധാനമായും അന്വേഷിക്കുക. സഹതടവുകാരിൽ നിന്നും സഹായം ലഭിച്ചിട്ടുണ്ടോ എന്നതും അന്വേഷണ സംഘം പരിശോധിക്കും. സെൽ മുറിച്ച് പുറത്തെത്തിയ ശേഷം 3 മിനുട്ട് നേരം ജയിലിൻ്റെ വരാന്തയിൽ നിന്നത് സിസിടിവിയിൽ ദൃശ്യമായിട്ടും അറിഞ്ഞില്ലെന്ന ജയിലർമാരുടെ വാദവും പൊലീസിൻ്റെ അന്വേഷണ പരിധിയിൽ ഉൾപ്പെടും. ഇതിനിടെ ഗോവിന്ദച്ചാമി ജയിൽ ചാടിയ സംഭവത്തിൽ അന്വേഷണ റിപ്പോ‍ർട്ട് ഇന്ന് ജയിൽ മേധാവിയ്ക്ക് സമർപ്പിക്കും. ജയിൽ ഡിഐജി വി. ജയകുമാറിൻ്റെ അന്വേഷണ റിപ്പോർട്ടാണ് ജയിൽ മേധാവി ബൽറാം കുമാർ ഉപാധ്യായക്ക് ഇന്ന് സമർപ്പിക്കുക. റിപ്പോർട്ടിലെ വിവരങ്ങളുടെ അടിസ്ഥാനത്തിൽ കൂടുതൽ ഉദ്യോ​ഗസ്ഥർക്കെതിരെ നടപടിയുണ്ടാകാൻ സാധ്യതയുണ്ട്.

അതേസമയം നേരത്തെ പൊലീസ് കോടതിയിൽ നൽകിയ തടവ് ചാടൽ വകുപ്പ് മാത്രം ഉൾപ്പെടുത്തിയ എഫ്ഐആറിൽ പൊതു മുതൽ നശിപ്പിച്ച വകുപ്പ് കൂടെ ചേർക്കാൻ പൊലീസ് കോടതിയിൽ അപേക്ഷ നൽകിയിട്ടുണ്ട്. അന്വേഷണം ഒരു വശത്ത് പുരോഗമിക്കുമ്പോഴും മറുവശത്ത് സംശയങ്ങളും ദുരൂഹതകളും കുമിഞ്ഞ് കൂടുകയാണ്. പി വി അൻവർ ഗോവിന്ദച്ചാമിയുടെ ജയിൽചാട്ടം പുനരാവിഷ്ക്കരിച്ച് ഉന്നയിച്ച ചോദ്യങ്ങളിൽ പലതും പൊതുജനങ്ങളുടെ ആ സംശയങ്ങൾ വർധിപ്പിക്കുകയാണ്.

ഗോവിന്ദച്ചാമിയുടെ ജയിൽ ചാട്ടത്തിലെ അവിശ്വസനീയത ഇപ്പോഴും തുടരുകയാണ്. സിസിടിവി ദൃശ്യങ്ങൾ ഉൾപ്പെടെ ഒരുപാട് കാര്യങ്ങൾ പുറത്തുവന്നെങ്കിലും ജയിൽ ചാട്ടത്തിലെ ദുരൂഹത മാറിയിട്ടില്ല. ഒരു കൈ മാത്രം ഉപയോഗിച്ച് ഗോവിന്ദച്ചാമി നടത്തിയത് അമാനുഷിക ജയിൽ ചാട്ടമാണെന്നാണ് ചൂണ്ടിക്കാണിക്കപ്പെടുന്നത്. ജയിൽ ചാടിയ ശേഷം മാത്രാണ് ​ഗോവിന്ദച്ചാമി നടത്തിയ പത്തുമാസത്തെ തയ്യാറെടുപ്പ് പുറത്ത് അറിഞ്ഞതെന്ന ജയിൽ അധികൃതരുടെ വാദമാണ് ഏറ്റവും ദുരൂഹമാകുന്നത്. ഒരു കൈക്ക് മാത്രം സ്വാധീനമുള്ള ഒരാൾ നടത്തിയത് അസാധാരണമായ ജയിൽ ചാട്ടമാണെന്നാണ് പൊതുവെ വിലയിരുത്തപ്പെടുന്നത്. സെല്ലിൽ നിന്നും കമ്പി മുറിച്ച് പുറത്തു കടക്കുന്ന സിസിടിവി ദൃശ്യങ്ങൾ പുറത്തുവന്നെങ്കിലും ജയിൽ ചാട്ടവുമായി ബന്ധപ്പെട്ട് ഉയരുന്ന സംശയങ്ങൾക്ക് അത് മറുപടി ആകുന്നില്ല.

മാസങ്ങൾ എടുത്ത് സെല്ലിലെ കമ്പികൾ ​ഗോവിന്ദച്ചാമി അറുത്തത് ജയിലർമാർ ആരും അറിഞ്ഞില്ല എന്നത് തന്നെയാണ് ഏറ്റവും ദുരൂഹമാകുന്നത്. ജയിൽ ചാടും മുമ്പ് വേണ്ട ആയുധങ്ങൾ സംഘടിപ്പിച്ചതും അത് സൂക്ഷിച്ചതും ആരുടെയും കണ്ണിൽ പെട്ടില്ല എന്നതിലും ദുരൂഹതയുണ്ട്. സെല്ലിൽ നിന്നും പുറത്തു കടക്കുന്നത് മൂന്ന് മിനുട്ടോളം സിസിടിവിയിൽ വ്യക്തമായി പതിഞ്ഞിട്ടും സിസിടിവി മോണിറ്റർ ചെയ്യുന്ന ഉദ്യോഗസ്ഥൻ അറിഞ്ഞതേയില്ലെന്ന് പറയുന്നതിലും ദുരൂഹതയുണ്ട്. പുറത്തു കടന്ന ഗോവിന്ദച്ചാമി മണിക്കൂറുകൾ ജയിൽ വളപ്പിനകത്ത് തന്നെ ചിലവഴിച്ചിട്ടും ആരും കണ്ടില്ല എന്നതും സംശയാസ്പദമാണ്. ഒറ്റക്കൈ മാത്രമുള്ള ​ഗോവിന്ദച്ചാമി ബാരലുകൾ മൂന്നെണ്ണം മതിൽനരികിൽ എത്തിച്ചെന്നതും മുകളിൽ കയറി മതിലിൽ തുണി കുടുക്കി കെട്ടുകൾ ഉണ്ടാക്കി ചാടാൻ പാകത്തിൽ തയ്യാറാക്കി എന്നതിലും അവിശ്വസനീയതയുണ്ട്. അങ്ങനെയാണ് സംഭവിച്ചതെന്ന് ജയിൽ അധികൃതർ വാദിക്കുമ്പോൾ ​ഗോവിന്ദച്ചാമി അമാനുഷികനാണോ എന്ന ചോദ്യവും ഉയരുന്നുണ്ട്. ​നിലവിൽ പുറത്ത് വന്നിരിക്കുന്ന പുറത്തുവന്ന തെളിവുകൾ, മൊഴികൾ, ദൃശ്യങ്ങൾ, ചിത്രങ്ങൾ എന്നിവ അധികൃതരുടെ ചില വാദങ്ങളെ ശരിവെയ്ക്കുന്നുണ്ട്. എന്നാൽ ഇതിൽ പലതും ദുരൂഹത ഇരട്ടിപ്പിക്കുന്നതാണ് എന്നതാണ് ജയിൽ അധികൃതരെയും ഉദ്യോ​ഗസ്ഥരെയും ​ഗോവിന്ദച്ചാമിയുടെ ജയിൽ ചാട്ടത്തിൽ പ്രതിക്കൂട്ടിലാക്കുന്നത് എന്നാണ് ചൂണ്ടിക്കാണിക്കപ്പെടുന്നത്.

ജയിൽമാറ്റം ആഗ്രഹിച്ചിരുന്നെന്നും പരോൾ കിട്ടാത്തതിൽ വിഷമം ഉണ്ടായിരുന്നെന്നും ഗോവിന്ദച്ചാമി പൊലീസിന് നൽകിയ മൊഴിയിൽ പറഞ്ഞിരുന്നു. 2017 മുതൽ ജയിൽ ചാടാൻ തീരുമാനിച്ചിരുന്നു. പലതവണ സെല്ലുകൾ മാറ്റിയതുകൊണ്ട് ഒരുക്കിയ പദ്ധതി നീണ്ടു. 10 മാസം മുൻപ് സെല്ലിലെ അഴി മുറിച്ചുതുടങ്ങി. ഏഴ് കമ്പികളാണ് മുറിച്ചുമാറ്റിയത്. ഓരോന്നും മുറിച്ചുമാറ്റുമ്പോൾ നൂൽ കൊണ്ട് കെട്ടിവെക്കും. രാത്രി കാലങ്ങളിൽ കമ്പി മുറിക്കും. പകൽ കിടന്നുറങ്ങുമെന്നും മൊഴി നൽകിയിട്ടുണ്ട്.

സുരക്ഷാ ഉദ്യോഗസ്ഥർ ശ്രദ്ധിക്കുന്നുണ്ടോ എന്നറിയാൻ പാത്രം കൊണ്ട് കൊട്ടി നോക്കും. ഇല്ലെന്ന് മനസിലായാൽ കമ്പി മുറിക്കാൻ തുടങ്ങും. ജയിൽ വളപ്പിൽ നിന്ന് ലഭിച്ച ആക്രിയാണ് കമ്പി മുറിക്കാൻ ഉപയോഗിച്ചത്. കൂടുതൽ ശബ്ദം പുറത്തുവരാതിരിക്കാൻ തുണി ചേർത്തുപിടിച്ചായിരുന്നു മുറിച്ചത്. അതിനിടെ തടി കുറയ്ക്കാനായി ഭക്ഷണക്രമീകരണവും നടത്തിയെന്നാണ് ഗോവിന്ദച്ചാമി മൊഴി നൽകിയിരുന്നു. ജയിൽ ചാടിയ ശേഷം തമിഴ്നാട്ടിൽ എത്തി മാധ്യമങ്ങളെ ഉപയോ​ഗിച്ച് നിരപരാധിയെന്ന് വരുത്തുകയായിരുന്നു ​ഗോവിന്ദച്ചാമിയുടെ ലക്ഷ്യമെന്നും ​ഗോവിന്ദച്ചാമി വെളിപ്പെടുത്തിയിരുന്നു. തമിഴ്നാട്ടുകാരനായ തന്നെ ചെയ്യാത്ത കുറ്റത്തിന് ജയിലിൽ ഇട്ടിരിക്കുന്നുവെന്ന് പ്രചരിപ്പിക്കുകയായിരുന്നു ഉദ്ദേശ്യമെന്നും ഗോവിന്ദച്ചാമി വെളിപ്പെടുത്തിയിരുന്നു.

ഉപ്പും മുളകിലൂടെ കുടുംബ പ്രേക്ഷകരുടെ പ്രിയങ്കരിയായി മാറിയ താരമാണ് നിഷ സാരം​ഗ്. ഉപ്പും മുളകിന് പുറമെ സിനിമകളിലൂടെയും നടി പ്രേക്ഷകർക്ക് മുൻപിലെത്താറുണ്ട്. ചില വിവാദങ്ങളെ തുടർന്ന് ഉപ്പും മുളകിൽ നിന്നും കുറച്ചുനാളുകളായി വിട്ടുനിൽക്കുകയാണ് നടി. ഇതേ കുറിച്ച് പലതരത്തിലുളള ​ഗോസിപ്പുകളാണ് സോഷ്യൽ മീഡിയയിൽ വരുന്നത്. ഉപ്പും മുളകിൽ നിന്നും മാറിയതിന് ശേഷം ജീവിതത്തിൽ നേരിട്ട ചില പ്രതിസന്ധികൾ തുറന്നുപറഞ്ഞിരിക്കുകയാണ് നിഷാ സാരംഗ്. സീരിയലിൽ നിന്ന് മാറിനിന്നതിനു ശേഷം ഒരു മാസത്തോളം താൻ ആശുപത്രിയിൽ ആയിരുന്നുവെന്ന് നടി പറയുന്നു. ഈ സമയങ്ങളിൽ ഉറങ്ങാൻ പോലും പറ്റാത്ത അവസ്ഥയായിരുന്നു എന്നും അതുകഴിഞ്ഞ് ഡിപ്രഷനിലേക്കു വരെ പോയെന്നും ഒരു യൂടൂബ് ചാനലിന് നൽകിയ അഭിമുഖത്തിൽ നിഷാ സാരംഗ് പറഞ്ഞു.

“ഉപ്പും മുളകിൽ നിന്നും പോന്നതിനു ശേഷം ഒരു മാസം ആശുപത്രിയിൽ അഡ്മിറ്റായിരുന്നു. ചെയ്യാനുള്ള സിനിമകൾ ചെയ്തതിനു ശേഷമാണ് ആശുപത്രിയിൽ അഡ്മിറ്റായത്. കാരണം, അതിനുശേഷം ബെഡ് റെസ്റ്റും വേണമായിരുന്നു. പ്രാഥമിക കാര്യങ്ങൾ നിർവഹിക്കാൻ മാത്രമെ പറ്റുമായിരുന്നുള്ളു. കുറച്ച് കോംപ്ലിക്കേറ്റഡ് ആയിരുന്നു. ഉറങ്ങാൻ പോലും പറ്റാത്ത അവസ്ഥയായിരുന്നു. അതുകഴിഞ്ഞ് ഡിപ്രഷനിലേക്കു വരെ പോയി. ഒന്നൊന്നര മാസത്തോളം കൗൺസിലിങും മറ്റുമായിരുന്നു. കഴിഞ്ഞ ദിവസം ഒരു യുട്യൂബർ എന്നെ കുറിച്ച് പറയുന്നത് കേട്ടു, ഇവർക്ക് വല്ല പാത്രം കഴുകിയോ ഹോട്ടലോ മറ്റോ ഇട്ട് ജീവിച്ചൂടെയെന്ന്. ഒരു വഴി അടഞ്ഞാൽ പല വഴികൾ വേറെ തുറന്ന് കിട്ടും. അതുകൊണ്ട് തന്നെ യുട്യൂബർമാർ ഇങ്ങനെയൊക്കെ പറയുന്നത് കേൾക്കുമ്പോൾ സത്യത്തിൽ ചിരിയാണ് വരുന്നത്”, നടി പറഞ്ഞു.

ലൂസിഫര്‍ ഫ്രാഞ്ചൈസിയിലെ വരാനിരിക്കുന്ന മൂന്നാം ചിത്രത്തെക്കുറിച്ച് സംവിധായകനായ പൃഥ്വിരാജ് പറയാത്തത് അദ്ദേഹത്തിന്‍റെ വാക്കുകളായി പ്രചരിപ്പിക്കുന്നുവെന്ന വിമര്‍ശനവുമായി താരത്തിന്‍റെ ഒഫിഷ്യല്‍ ഫാന്‍സ് ഗ്രൂപ്പ് ആയ പൊഫാക്ഷ്യോ (Poffactio). പൃഥ്വിരാജിന്‍റേതെന്ന പേരില്‍ തെറ്റായ കാര്യങ്ങളാണ് ചില മാധ്യമങ്ങള്‍ റിപ്പോര്‍ട്ട് ചെയ്യുന്നതെന്നും അദ്ദേഹം നല്‍കിയിട്ടുള്ള പുതിയ അഭിമുഖങ്ങളില്‍ പറയാത്ത കാര്യങ്ങളാണ് മാധ്യമങ്ങളില്‍ നിറയുന്നതെന്നും പൊഫാക്ഷ്യോ വിമര്‍ശിക്കുന്നു. ചില മാധ്യമ വാര്‍ത്തകളുടെ സോഷ്യല്‍ മീഡിയ ഷെയറുകളുടെ സ്ക്രീന്‍ ഷോട്ടിനൊപ്പമാണ് പൊഫാക്ഷ്യോയുടെ വിമര്‍ശനം.

ലൂസിഫര്‍ ഫ്രാഞ്ചൈസിയിലെ മൂന്നാം ചിത്രം ഇന്ത്യയിലെ ഏറ്റവും ചെലവേറിയ ചിത്രമായിരിക്കുമെന്നും അണ്ടര്‍ വാട്ടര്‍ ആക്ഷന്‍ സീക്വന്‍സുകളടക്കം ഉള്ള ചിത്രമായിരിക്കുമെന്നും പൃഥ്വിരാജ് പറഞ്ഞതായി ചില മാധ്യമങ്ങള്‍ റിപ്പോര്‍ട്ട് ചെയ്തിരുന്നു. താന്‍ പ്രധാന കഥാപാത്രങ്ങളിലൊന്നിനെ അവതരിപ്പിച്ച പുതിയ ഹിന്ദി ചിത്രം സര്‍സമീനിന്‍റെ പ്രൊമോഷന്‍റെ ഭാ​ഗമായി ഉത്തരേന്ത്യന്‍ മാധ്യമങ്ങള്‍ക്ക് നല്‍കിയ അഭിമുഖങ്ങളില്‍ പൃഥ്വിരാജ് പറഞ്ഞ കാര്യങ്ങള്‍ എന്ന രീതിയിലാണ് ഈ വാര്‍ത്തകള്‍ റിപ്പോര്‍ട്ട് ചെയ്യപ്പെട്ടത്. എന്നാല്‍ പ്രസ്തുത അഭിമുഖങ്ങളില്‍ പൃഥ്വിരാജ് ഇങ്ങനെ പറഞ്ഞിട്ടില്ലെന്ന് പൊഫാക്ഷ്യോ അറിയിക്കുന്നു. “പൃഥ്വിരാജിന് എതിരായ വിദ്വേഷ പ്രചരണത്തിന്‍റെ ഭാ​ഗമായി സോഷ്യല്‍ മീഡിയയിലെ ഒരു വ്യാജ ഐഡിയില്‍ നിന്ന് ആരംഭിച്ചതാണ് അദ്ദേഹത്തിന്‍റെ പേരില്‍ എല്‍ 3 നെക്കുറിച്ചുള്ള വ്യാജ പ്രചരണം”. തെറ്റായ വാര്‍ത്തകള്‍ പ്രസിദ്ധീകരിച്ചിട്ടുള്ളവര്‍ അത് പുനപരിശോധിക്കണമെന്നും തിരുത്തണമെന്നും പൊഫാക്ഷ്യോ അഭ്യര്‍ഥിക്കുന്നു.

ജീവിതത്തിലുണ്ടായ ചില കാര്യങ്ങൾ തുറന്നുപറഞ്ഞപ്പോൾ പലരും ഭ്രാന്തിയെന്ന് വിളിച്ചെന്ന് നടി ലെന. തന്റെ ആത്മകഥയായ ദി ബയോഗ്രഫി ഒഫ് ഗോഡിലൂടെയാണ് ലെന വിഷാദത്തെക്കുറിച്ച് പല വെളിപ്പെടുത്തലുകളും നടത്തിയത്. അന്നുമുതൽക്കേ ലെനയെ വിമർശിച്ച് നിരവധിയാളുകളും രംഗത്തെത്തിയിരുന്നു. ഇപ്പോഴിതാ അന്നത്തെ ട്രോളുകൾ തനിക്ക് ഗുണം ചെയ്തെന്ന് തുറന്നുപറഞ്ഞിരിക്കുകയാണ് താരം. ഒരു അഭിമുഖത്തിനിടയിലാണ് ലെന ഇക്കാര്യങ്ങൾ വ്യക്തമാക്കിയത്.

‘വിഷാദം ഒരു രോഗമല്ലെന്നാണ് ആദ്യം എല്ലാവരും അറിയേണ്ടത്. എനിക്ക് വിഷാദമാണെന്ന് ആദ്യമേ മനസിലായിരുന്നു. ഞാൻ ക്ലിനിക്കൽ സൈക്കോളജി പഠിച്ച വ്യക്തിയായതുകൊണ്ട് വിഷാദത്തിന്റെ അവസ്ഥ മനസിലാകും. എനിക്ക് സംഭവിച്ചത് ആൾക്കാരെ അറിയിക്കേണ്ട ആവശ്യമുണ്ട്. ഇപ്പോൾ ചെറുപ്പക്കാർക്കാണ് കൂടുതലും വിഷാദം വരുന്നത്. ഇതൊരു വീർപ്പുമുട്ടലാണ്. നമുക്ക് ഒന്നിനോടും താൽപര്യം തോന്നാത്ത അവസ്ഥയാണ്. ഞാൻ കടന്നുപോയ സംഘർഷങ്ങൾ എഴുതിയിട്ടുണ്ട്.

ജീവിതം പഠിപ്പിച്ച കാര്യങ്ങളാണ് ഞാൻ എഴുതുന്നത്. ഞാനെഴുതിയ പുസ്തകം പലയാളുകളും ഒ​റ്റത്തവണയായിട്ടാണ് വായിച്ചത്. ഞാൻ പറയുന്ന കാര്യങ്ങൾ ആളുകൾ ശ്രദ്ധിക്കുന്നതുതന്നെ വലിയ കാര്യമാണ്.ഇനിയും പുസ്തകം എഴുതും. കഴിഞ്ഞ വർഷം എനിക്ക് ഭ്രാന്താണെന്ന് പറഞ്ഞവർ പലരും ഇപ്പോൾ എന്നെ പ്രശംസിക്കുകയാണ്. ട്രോളൻമാർ ഉളളതുകൊണ്ടാണ് എന്റെ പുസ്തകം എല്ലാവരും അറിഞ്ഞത് അവർക്കാണ് ആദ്യം നന്ദി പറയുന്നത്. എന്റെ അന്നത്തെ വൈറൽ വീഡിയോ ഭർത്താവ് കാണാനിടയായിരുന്നു. അതോടെ ജീവിതം മാറിമറിഞ്ഞു’- ലെന പറഞ്ഞു

കെജിഎഫ്, സലാർ എന്നീ ചിത്രങ്ങൾക്കുശേഷം പ്രശാന്ത് നീൽ സംവിധാനം ചെയ്യുന്ന ‘ഡ്രാഗണി’ൽ ടൊവിനോ തോമസും ബിജു മേനോനും പ്രധാന വേഷങ്ങളിലെത്തുന്നു. ബ്രഹ്മാണ്ഡ സിനിമയിൽ ജൂനിയർ എൻടിആർ ആണ് നായകനായി എത്തുന്നത്. ‘സർസമീൻ’ സിനിമയുടെ പ്രമോഷന്റെ ഭാഗമായി നയൻദീപ് രക്ഷിത് എന്ന യൂട്യൂബ് ചാനലിൽ സംസാരിക്കുന്നതിനിടെയാണ് പൃഥ്വി ഇക്കാര്യം െവളിപ്പെടുത്തിയത്.

‘‘ഡ്രാഗന്റെ കാര്യം പറയുകയാണെങ്കിൽ എനിക്ക് അറിയാം ടൊവിനോ അതിൽ ഒരു പ്രധാന റോളിലെത്തുന്നുണ്ട്. അതുപോലെ ബിജു മേനോനും ഒരു വേഷം ചെയ്യുന്നു. ഈ നടൻമാർ അവർ അർഹിക്കുന്ന ബഹുമാനം നൽകിക്കൊണ്ടുള്ള റോൾ പ്രശാന്ത് ആ ചിത്രത്തിൽ നൽകുമെന്ന് എനിക്ക് അറിയാം,’’ പൃഥ്വിരാജ് പറയുന്നു.

‘NTRNEEL’ എന്നായിരുന്നു പ്രശാന്ത് നീൽ-ജൂനിയർ എൻടിആർ ചിത്രത്തിന് ആദ്യം താത്ക്കാലിക പേരിട്ടിരുന്നത്. പിന്നീട് പേര് ‘ഡ്രാഗൺ’ എന്നാണെന്നുള്ള അഭ്യൂഹങ്ങൾ പരന്നു. പ്രദീപ് രംഗനാഥൻ നായകാനെത്തി സൂപ്പർഹിറ്റായ ‘ഡ്രാഗൺ’ എന്ന തമിഴ് ചിത്രമെത്തിയതോടെ മറ്റൊരു ടൈറ്റിൽ നോക്കുന്നതായി റിപ്പോർട്ടുകൾ വന്നിരുന്നു. എന്നാലിപ്പോൾ പൃഥ്വിരാജ് ഈ ചിത്രത്തെ ‘ഡ്രാഗൺ’ എന്ന് വിശേഷിപ്പിച്ചതോടെ അത് തന്നെയായിരിക്കും പ്രശാന്ത് നീൽ ചിത്രത്തിന്റെ ടൈറ്റിൽ എന്ന് ഉറപ്പിക്കുകയാണ് ആരാധകർ.

സ്വപ്നം പോലെ സങ്കല്‍പ്പങ്ങള്‍ക്കും യാഥാർഥ്യങ്ങള്‍ക്കും അപ്പുറത്ത് നില്‍ക്കുന്ന സ്ത്രീ രൂപം അതായിരുന്നു പ്രശസ്ത നടി ശ്രീദേവി. ഇക്കാരണം കൊണ്ടാകാം ആരാധക ലോകം താരത്തെ ആലങ്കാരിമായി സ്വപ്നസുന്ദരി എന്നായിരുന്നു മുൻകാലങ്ങളിൽ വിളിച്ചിരുന്നത്. മലയാളത്തിലെ ബ്ലാക്ക് ആന്‍ഡ് വൈറ്റ് സിനിമകളില്‍ തുടങ്ങി ബോളിവുഡ് ബിഗ്ബജറ്റ് സിനിമകളിൽ വരെ എത്തിനിന്ന സൗന്ദര്യ സാന്നിധ്യം. മലയാളം, തമിഴ്, തെലുങ്ക്, ഹിന്ദി… എന്നുതുടങ്ങി മിക്ക ഭാഷകളിലും ഒരു പോലെ തിളങ്ങി നിന്ന നടി ഒരു സമയത്ത് ഭ്രാന്തമായ ഒരു തരം വികാരം തന്നെയായിരുന്നു. ഇപ്പോഴിതാ നടിയുമായി ബന്ധപ്പെടുത്തി സംവിധായകന്‍ രാം ഗോപാല്‍ വര്‍മയ്‌ക്കെതിരേ ഗുരുതര ആരോപണവുമായി സംവിധായകന്‍ പങ്കജ് പരാശര്‍.

രാം ഗോപാല്‍ വര്‍മ ശരീരഭാരം കുറയ്ക്കാനായി ശ്രീദേവിയെ നിരന്തരം നിര്‍ബന്ധിച്ചതിന്റെ ഫലമായി അവർ ഡയറ്റ് തുടങ്ങിയെന്നും പിന്നാലെ രക്തസമ്മര്‍ദ്ദം കുറഞ്ഞ് ബോധംകെട്ടുവീണുവെന്നും വീഴ്ചയിൽ സാരമായ പരിക്കേറ്റെന്നുമാണ് പങ്കജ് പറഞ്ഞത്. തന്റെ ‘മേരി ബിവി കാ ജവാബ് നഹിന്‍’ എന്ന ചിത്രം പ്രദര്‍ശനത്തിനെത്താന്‍ വൈകിയതിന്റെ കാരണം വിശദീകരിക്കുകയായിരുന്നു അദ്ദേഹം.

പങ്കജ് പരാശറിന്റെ വാക്കുകൾ

‘സിനിമ നന്നായി മുന്നോട്ട് പോവുകയായിരുന്നു. പക്ഷേ എന്റെ സുഹൃത്ത് രാം ഗോപാല്‍ വര്‍മ, ഞാന്‍ അദ്ദേഹത്തെ അതിന് കുറ്റപ്പെടുത്തും. അദ്ദേഹം ശ്രീദേവിയോട് ശരീരഭാരം കുറയ്ക്കാന്‍ ആവശ്യപ്പെട്ടുകൊണ്ടേയിരുന്നു. അവര്‍ ഒരു ക്രാഷ് ഡയറ്റ് തുടങ്ങി. തുടര്‍ന്ന് അവര്‍ ഉപ്പ് കഴിക്കുന്നത് നിര്‍ത്തി, രക്തസമ്മര്‍ദ്ദം കുറഞ്ഞ് ബോധംകെട്ടുവീണു. ബോധംകെട്ട് മേശയില്‍ ഇടിച്ചുവീണ അവര്‍ 20 മിനിറ്റോളം അബോധാവസ്ഥയിലായിരുന്നു. അവര്‍ക്ക് ഒരു പല്ല് നഷ്ടപ്പെട്ടു. ഞങ്ങളുടെ ഒരു ഷെഡ്യൂള്‍ ഷൂട്ടിങ് മുടങ്ങി’- പങ്കജ് പറഞ്ഞു.

‘മുഖത്ത് പരിക്കേറ്റതിനാല്‍ ശ്രീദേവിക്ക് ഒരു ഇടവേള എടുക്കേണ്ടിവന്നു. സിനിമയുടെ ഷെഡ്യൂള്‍ പാതിവഴിയില്‍ ഉപേക്ഷിച്ചു. സിനിമയുടെ ഗതി തന്നെ തെറ്റി. പണം മുടക്കിയയാള്‍ പിന്മാറി, നിര്‍മാതാവ് മരിച്ചു. ഇക്കാരണങ്ങള്‍കൊണ്ട് ഞാന്‍ ആ സിനിമ ഉപേക്ഷിച്ചു’- അദ്ദേഹം കൂട്ടിച്ചേര്‍ത്തു.

മലയാളത്തിന്റെ വാനമ്പാടിയും മലയാളികളുടെ സ്വകാര്യ അഹങ്കാരവുമായ കെ എസ് ചിത്രയ്ക്ക് ഇന്ന് 62-ാം പിറന്നാളാണ്. നിറഞ്ഞ ചിരിയോടെ മാത്രം എവിടെയും പ്രത്യക്ഷപ്പെടുന്ന താരത്തിനെ മലയാളികൾക്കും തെന്നിന്ത്യക്കാർക്കും മാത്രമല്ല പ്രിയം. വിവിധ ഇന്ത്യന്‍ ഭാഷകളിലായി 25,000 ല്‍ അധികം ഗാനങ്ങള്‍ ആലപിച്ചിട്ടുള്ള താരത്തിന് ഭാഷ, ദൂരങ്ങൾക്കപ്പുറം ചേർത്തുപിടിക്കുന്ന ഒത്തിരി ആരാധകർ ഇന്ത്യയിലുടനീളമുണ്ട്. സൗമ്യവും നിഷ്കളങ്കവുമായ സമീപനത്തോടെ ടെലിവിഷൻ സംഗീത മത്സര പരിപാടികളിലൂടെയും മറ്റും സജീവമായ പ്രിയ ഗായിക ഇന്നിപ്പോൾ മലയാളികളുടെ ദൈനംദിന ജീവിതത്തിന്റെ പോലും ഭാഗമാണ്. അക്ഷരാർത്ഥത്തിൽ തെല്ലും ആർക്കും വിരോധമില്ലാത്ത സ്വഭാവവും ആരെയും സ്വര മാധുര്യം കൊണ്ട് അലിച്ചില്ലാതാക്കുന്ന ശബ്ദവുമാണ് ചിത്ര.

ഇപ്പോഴിതാ 2004ൽ പുറത്തിറങ്ങിയ ഓട്ടോഗ്രാഫ് എന്ന സിനിമയിലെ ‘ഒവ്വൊരു പൂക്കളുമേ’ എന്ന പാട്ടിനെക്കുറിച്ച് സംസാരിക്കുകയാണ് കെ എസ് ചിത്ര. പാട്ടിന് 2004ൽ മികച്ച ഗായികയ്ക്കുള്ള ദേശീയ പുരസ്‌കാരം ചിത്രയെ തേടിയെത്തിയിരുന്നു. ഒരുപാട് പ്രചോദനം നൽകുന്ന പാട്ടാണ് ‘ഒവ്വൊരു പൂക്കളുമേ’എന്നും ആ പാട്ട് കേട്ടിട്ട് ആത്മഹത്യയിൽ നിന്ന് പുറത്തുവന്നതായി ഒരുപാട് പേർ പറഞ്ഞിട്ടുണ്ടെന്നുമാണ് ചിത്ര പറഞ്ഞത്.

ആ പാട്ടുമായി ബന്ധപ്പെട്ട് ജീവിതത്തിൽ മറക്കാനാവാത്ത ഒരനുഭവം ഉണ്ടായി. ചെന്നൈയിൽ ഡൗൺ സിൻഡ്രോം അസോസിയേഷൻ ഒഫ് സൗത്ത് ഇന്ത്യയുടെ കീഴിൽ ഒരു സ്‌കൂൾ പ്രവർത്തിക്കുന്നുണ്ട്. സ്‌കൂളിലെ പരിപാടികളിൽ പങ്കെടുക്കാറുണ്ട്. അവിടെ ഈ പാടുന്നതിനിടെ അമ്മമാർ ഭയങ്കര കരച്ചിലായിരുന്നു. അതുകണ്ട് എനിക്ക് വലിയ നെഞ്ചുവേദന തോന്നി. നിയന്ത്രിക്കാനാവാത്ത അവസ്ഥയിലായിരുന്നു. എങ്ങനെയെങ്കിലും പാട്ട് അവസാനിച്ചാൽ മതിയെന്ന് തോന്നിഎന്നും ചിത്ര പറയുന്നു.

‘പറവ’ എന്ന ചിത്രത്തിലൂടെ ശ്രദ്ധേയരായ അമല്‍ ഷാ, ഗോവിന്ദ് പൈ എന്നിവരെ കേന്ദ്ര കഥാപാത്രങ്ങളാക്കി സുധേഷ് കഥയെഴുതി സംവിധാനം ചെയ്യുന്ന ചിത്രമാണ് ‘ചങ്ങായി’. ചിത്രം ഓഗസ്റ്റ് 1ന് പ്രദര്‍ശനത്തിനെത്തും. മികച്ച നവാഗത നടിക്കുള്ള ഫിലിം ക്രിട്ടിക്‌സ് അവാര്‍ഡ് നേടിയ ശ്രീലക്ഷ്മിയാണ് നായിക. ഭഗത് മാനുവല്‍, ജാഫര്‍ ഇടുക്കി, സന്തോഷ് കീഴാറ്റൂര്‍, ശിവജി ഗുരുവായൂര്‍, കോട്ടയം പ്രദീപ്, വിനോദ് കോവൂര്‍, വിജയന്‍ കാരന്തൂര്‍, സുശീല്‍ കുമാര്‍, ശ്രീജിത്ത് കൈവേലി, സിദ്ദിഖ് കൊടിയത്തൂര്‍, വിജയന്‍ വി നായര്‍, മഞ്ജു പത്രോസ്, അനു ജോസഫ് എന്നിവരാണ് ‘ചങ്ങായി’യിലെ മറ്റു പ്രധാന അഭിനേതാക്കള്‍.

ഐവ ഫിലിംസിന്റെ ബാനറില്‍ വാണിശ്രീ നിര്‍മ്മിക്കുന്ന ‘ചങ്ങായി’യുടെ ഛായാഗ്രഹണം പ്രശാന്ത് പ്രണവം നിര്‍വ്വഹിക്കുന്നു. ‘തായ് നിലം’ എന്ന തമിഴ് ചിത്രത്തിലൂടെ നിരവധി ദേശീയ, അന്തര്‍ദേശീയ പുരസ്‌കാരങ്ങള്‍ വാങ്ങിക്കൂട്ടിയ ഛായാഗ്രാഹകനാണ് പ്രശാന്ത് പ്രണവം. സൗദിയിലെ മലയാളി എഴുത്തുകാരി ഷഹീറ നസീര്‍ ഗാനരചന നിർവ്വഹിച്ചിരിക്കുന്നു. സംഗീതം മോഹൻ സിത്താര, എഡിറ്റര്‍ സനല്‍ അനിരുദ്ധന്‍, പ്രൊഡക്ഷന്‍ കണ്‍ട്രോളര്‍ പ്രേംകുമാര്‍ പറമ്പത്ത്, കല സഹജന്‍ മൗവ്വേരി, മേക്കപ്പ് ഷനീജ് ശില്‍പം, വസ്ത്രാലങ്കാരം ബാലന്‍ പുതുക്കുടി, സ്റ്റില്‍സ് ഷമി മാഹി, ചീഫ് അസോസിയേറ്റ് ഡയറക്ടര്‍ ജയേന്ദ്ര വര്‍മ്മ, അസോസിയേറ്റ് ഡയറക്ടര്‍ രാധേഷ് അശോക്, അസിസ്റ്റന്റ് ഡയറക്ടര്‍ അമല്‍ദേവ്, പ്രൊഡക്ഷന്‍ ഡിസൈനര്‍ സുഗുണേഷ് കുറ്റിയില്‍, പോസ്റ്റര്‍ ഡിസൈന്‍ മനോജ് ഡിസൈന്‍, പിആര്‍ഒ എ എസ് ദിനേശ്.

ഗോവിന്ദച്ചാമിയുടെ ജയിൽച്ചാട്ടം പുനരാവിഷ്കരിച്ച് തൃണമൂൽ കോൺഗ്രസ് നേതാവ് പി.വി. അൻവർ. ഒറ്റക്കൈ ഉപയോഗിച്ച് ഒരാൾക്ക് കണ്ണൂർ സെൻട്രൽ ജയിലിന്റെ മതിൽ ചാടിക്കടക്കാൻ സാധിക്കില്ലെന്ന് സ്ഥാപിക്കാൻ വേണ്ടിയായിരുന്നു പി.വി. അൻവറിന്റെ ജയിൽച്ചാട്ട പുനരാവിഷ്കാരം. ജയിൽച്ചാട്ടത്തിന് ഗോവിന്ദച്ചാമിക്ക് ജയിൽ ഉദ്യോഗസ്ഥരുടെ ഭാഗത്ത് നിന്ന് സഹായം ലഭിച്ചിരിക്കാമെന്നും പി.വി. അൻവർ ആരോപിച്ചു.

ജയിൽ അഴിക്ക് സമാനമായ കമ്പി കാണിച്ച്, അത് ആക്സോ ബ്ലെയിഡ് ഉപയോഗിച്ച് മുറിക്കാൻ ശ്രമിച്ചു. എന്നാൽ ഈ കമ്പി നൂറ് ആക്സോ ബ്ലെയിഡ് ഉപയോഗിച്ചാലും മുറിക്കാൻ സാധിക്കില്ലെന്ന് അദ്ദേഹം തുടക്കത്തിൽ പറഞ്ഞുവെച്ചു. തുടർന്ന് മൂന്ന് ഡ്രമ്മുകൾ മതിലിനോട് ചേർത്ത് വെച്ചു. ഗോവിന്ദച്ചാമി ഡ്രമ്മുകളുപയോഗിച്ചാണ് മതിൽ ചാടിക്കടന്നത് എന്ന ജയിൽ ഉദ്യോഗസ്ഥരുടെ വാദത്തെ ഖണ്ഡിക്കാനായിരുന്നു അൻവറിന്റെ ശ്രമം.പി.വി. അൻവറിന്റെ തന്നെ സ്വകാര്യ ഭൂമിയിൽ വെച്ചായിരുന്നു ജയിൽച്ചാട്ട പുനരാവിഷ്കരണം.

പിവിസി പൈപ്പ് മുറിക്കാനാണ് ആക്സോ ബ്ലെയ്ഡ് ഉപയോഗിക്കുന്നത്. ഇതുകൊണ്ടാണ് ഒന്നര ഇഞ്ച് വണ്ണമുള്ള ജയിലഴി മുറിച്ചുവെന്ന് പറഞ്ഞാണ്‌ കേരളത്തിലെ മൂന്നരക്കോടി ജനങ്ങളെ പറ്റിക്കുന്നത്. ഉപ്പ് വെച്ച ശേഷം തുണി മറച്ച് കെട്ടിവെച്ചുവെന്ന് പറയുന്നു. ഇത്രയും ദിവസം തുണി കെട്ടിവെച്ചപ്പോൾ ജയിൽ ഉദ്യോഗസ്ഥരുടെ ശ്രദ്ധയിൽപെട്ടില്ലേ എന്നും അദ്ദേഹം ചോദിച്ചു.

7.8 മീറ്റർ ഉയരത്തിലെ മതിൽ ചാടിക്കടക്കാൻ വെള്ളത്തിന് വെച്ച മൂന്ന് ഡ്രമ്മുകൾ ഉപയോഗിച്ചുവെന്നാണ് പറയുന്നത്. അത് മനുഷ്യസാധ്യമല്ല. ഹെലികോപ്റ്ററിൽ പോയി ഇറങ്ങി നിൽക്കേണ്ടി വരും. രണ്ടു കൈ ഇല്ലാത്ത ഒരാൾ ഡ്രമ്മിൽ നിന്ന് തുണിയിൽ ചാടിപ്പിടിച്ചത് എങ്ങനെയെന്നും അദ്ദേഹം ചോദിച്ചു. ജയിലിൽ നിന്ന് രക്ഷപ്പെട്ടു പോകാനാണ് ഒരാൾ ജയിൽ ചാടുന്നത്. എന്നാൽ രാവിലെ വരെ ജയിൽ ചുറ്റുഭാഗത്ത് തന്നെ ഗോവിന്ദച്ചാമി നിൽക്കുകയായിരുന്നു. എന്തുകൊണ്ട് ട്രെയിനിലോ ലോറിയിലോ കയറി രക്ഷപ്പെട്ടില്ല? എന്നും അദ്ദേഹം ചോദിച്ചു. ഗോവിന്ദച്ചാമി ജയിൽച്ചാടിയിട്ടില്ല എന്നും ചാടിയ ഗോവിന്ദച്ചാമിയുടെ പിന്നിൽ എന്താണെന്ന് പ്രത്യേകം അന്വേഷിക്കണമെന്നും പി.വി. അൻവർ പറഞ്ഞു. പോലീസ് ഇക്കാര്യം വ്യക്തമാക്കണമെന്നും അൻവർ ആവശ്യപ്പെട്ടു.

അശ്വതി: കാര്യതടസങ്ങൾ നീങ്ങും. കർമ്മരംഗത്ത് അംഗീകാരം, ഉദ്യോഗക്കയറ്റം എന്നിവയുണ്ടാകും. സന്താനങ്ങളുടെ ഉന്നതിയിൽ സംതൃപ്തി അനുഭവപ്പെടും. കലാസാഹിത്യാദികളിൽ ഏർപ്പെട്ടിരിക്കുന്നവർക്ക് ഉന്നതിയും ശുഭപ്രതീക്ഷയുമുണ്ടാകും. ഭാഗ്യദിനം തിങ്കൾ
ഭരണി: വിനോദയാത്ര പുറപ്പെടുന്നവർക്ക് അനുകൂലഫലം. സന്താനങ്ങളുടെ വിവാഹ കാര്യങ്ങൾക്ക് തീരുമാനമുണ്ടാകും. വസ്തുസംബന്ധമായ കേസുകളിൽ അനുകൂല വിധിയുണ്ടാകും. പാഴ്‌ചെലവുകൾ വർദ്ധിക്കും. കഴിവുകൾക്ക് അംഗീകാരം ലഭിക്കും. ഭാഗ്യദിനം വെള്ളി
കാർത്തിക: ഔദ്യോഗിക പദവിയിൽ ഉയർച്ചയുണ്ടാകും. പാഠ്യേതര വിഷയങ്ങളിൽ കൂടുതൽ ശോഭിക്കും. പുതിയ സംരംഭങ്ങൾക്ക് അനുകൂല സമയമല്ല. ഏർപ്പെടുന്ന കാര്യങ്ങളിൽ വിജയിക്കും. സ്വത്തുക്കൾ സമ്പാദിക്കും. ഭാഗ്യദിനം ബുധൻ
രോഹിണി: പൊതുവെ സ്തംഭനാവസ്ഥ മാറി ഏർപ്പെടുന്ന കാര്യങ്ങളിൽ വിജയിക്കും. എല്ലാ കാര്യങ്ങളിലും വളരെ ശ്രദ്ധ ചെലുത്തേണ്ട സമയമാണ്. പൂർത്തിയാക്കാതെ കിടക്കുന്ന പ്രവർത്തനങ്ങളിലൂടെ നേട്ടമുണ്ടാകും. ഭാഗ്യദിനം ചൊവ്വ

മകയിരം: വ്യാപാരം പൂർവാധികം അഭിവൃദ്ധിപ്പെടും. യാത്രകൾ വേണ്ടത്ര സുഖകരമാവില്ല. പ്രവർത്തനരംഗത്ത് ഊർജ്ജസ്വലതയും ധീരതയും പ്രകടിപ്പിക്കും. സർക്കാരിൽ നിന്ന് ലഭിക്കേണ്ട ആനുകൂല്യങ്ങൾ ലഭിക്കും. ഏജൻസി ഏർപ്പാടുകളിൽ നിന്ന് വരുമാനം വർദ്ധിക്കും. ഭാഗ്യദിനം വ്യാഴം
തിരുവാതിര: യന്ത്രങ്ങളുമായി ബന്ധപ്പെട്ട പ്രവർത്തനങ്ങൾ വിജയമുണ്ടാക്കും. വ്യാപാരരംഗത്ത് വേണ്ടത്ര പുരോഗതി ഉണ്ടാകില്ല ബഹുജനരംഗത്ത് പുതിയപദവിയും ഉദ്യോഗത്തിൽ പ്രമോഷനുമുണ്ടാകും. മനസിന് ആനന്ദം നൽകുന്ന പുതിയ അനുഭവങ്ങളുണ്ടാകും. ഭാഗ്യദിനം ശനി
പുണർതം: അധികാരത്തിൽ നിന്ന് സ്ഥാനമൊഴിയേണ്ടിവരും. ബന്ധുക്കളിൽ നിന്ന് സഹായം ലഭിക്കും. വിദ്യാർത്ഥികൾക്ക് പരീക്ഷാദികളിൽ വിജയമുണ്ടാകും. ഉദ്യോഗസ്ഥർക്ക് സന്ദർഭം അനുകൂലം. കൃഷിയിൽ നിന്ന് ആദായം ലഭിക്കും. ഭാഗ്യദിനം വ്യാഴം

പൂയം: കായികരംഗങ്ങളിൽ പ്രവർത്തിക്കുന്നവർക്ക് അനുകൂല ഫലങ്ങളുണ്ടാകും . ഉന്നത വ്യക്തികളുമായി ബന്ധപ്പെടാനും അവരിൽ നിന്ന് സഹായം ലഭിക്കാനുമിടവരും. ഭൂമിയിൽ നിന്നുള്ള ആദായം കുറയും. പിതാവിന്റെ സ്വത്ത് അനുഭവയോഗ്യമാകും. ഭാഗ്യദിനം വെള്ളി

ആയില്യം: സ്ഥാനമാനാദികൾ ലഭിക്കും. കഴിവുകൾക്ക് അംഗീകാരം ലഭിക്കും. ഗൃഹത്തിൽ നിന്ന് വിട്ടു നിൽക്കേണ്ടിവരും. സാമ്പത്തിക നില മെച്ചപ്പെടും. ഗൃഹോപകരണങ്ങൾ വാങ്ങും. പുതിയ വ്യാപാരത്തെപ്പറ്റി സുഹൃത്തുക്കളുമായി ചർച്ച ചെയ്യും. ഭാഗ്യദിനം തിങ്കൾ
മകം: ഭൂമിയോ വീടോ വാങ്ങും. അവനവൻ ഏർപ്പെടുന്ന കാര്യങ്ങളിൽ വിജയിക്കും. കൂട്ടുകച്ചവടത്തിൽ നിന്നും ആദായം ലഭിക്കും. അനാവശ്യകാര്യങ്ങളിൽ ചെന്നുപെടാതെ സൂക്ഷിക്കണം. ഭാര്യയുമായി പിണക്കങ്ങൾ പരിഹരിക്കും. ഭാഗ്യദിനം ശനി
പൂരം: സന്താനങ്ങളുടെ ഉന്നമനത്തിന് വേണ്ടിയുള്ള പരിശ്രമങ്ങൾ വിജയിക്കും. മനസിൽ പുതിയ പദ്ധതി വിഭാവനം ചെയ്യും. വ്യവഹാരാദികളിൽ ദീർഘ കാലമുണ്ടാകുന്നതാണ്. ഏതു കാര്യവും ചെയ്യുമ്പോൾ വളരെ ആലോചിക്കണം. ഭാഗ്യദിനം ചൊവ്വ
ഉത്രം: പുതിയ കച്ചവടം തുടങ്ങുവാൻ സാദ്ധ്യത കാണുന്നുണ്ട്. കുടുംബത്തിൽ ആഹ്ലാദം നിറഞ്ഞുനിൽക്കും. ഉദ്യോഗത്തിൽ സ്വല്പം മെച്ചം പ്രതീക്ഷിക്കാം. പരീക്ഷാദികളിൽ വിജയമുണ്ടാകും. കൊടുക്കൽ വാങ്ങലുകൾ അനുകൂലമായി ഭവിക്കും. ഭാഗ്യദിനം വ്യാഴം

അത്തം: മതാനുഷ്ഠാനങ്ങളിലും ക്ഷേത്രദർശനത്തിലും ചില പ്രത്യേക താല്പര്യം പ്രദർശിപ്പിക്കും. സഹായികളിൽ നിന്ന് എല്ലാവിധ ആനുകൂല്യങ്ങളും പ്രതീക്ഷിക്കാം. വിദ്യാഭ്യാസ രംഗത്ത് പുരോഗതിയുണ്ടാകും. ദൂരയാത്രകൾ പ്രയോജനകരമാകും. ഭാഗ്യദിനം വെള്ളി
ചിത്തിര: പരസ്യങ്ങൾ, കരാറുകൾ തുടങ്ങിയവയിലൂടെ ആദായം പ്രതീക്ഷിക്കാം. ഉല്ലാസയാത്രകളോ തീർത്ഥാടനമോ നടത്താൻ പരിപാടിയിടും. യുവജനങ്ങളുടെ വിവാഹകാര്യത്തിൽ തീരുമാനമാകും. വിദേശയാത്ര എന്ന ആഗ്രഹം സാധിക്കും. ഭാഗ്യദിനം ബുധൻ
ചോതി: സങ്കീർണ്ണമായ പ്രശ്നങ്ങൾക്ക് മാധ്യസ്ഥം വഹിക്കേണ്ടതായി വരും. ഉത്തരവാദിത്തപ്പെട്ട ജോലി ഏറ്റെടുക്കേണ്ടിവരും. ഗൃഹത്തിൽ ബന്ധുസമാഗമവും കുടുംബസൗഖ്യവമുണ്ടാകും. നല്ല വ്യക്തികളുമായി ബന്ധം സ്ഥാപിക്കും. വിദ്യാഭ്യാസരംഗത്ത് പുരോഗതി. ഭാഗ്യദിനം തിങ്കൾ
വിശാഖം: ഉത്തരവാദിത്തത്തോടെ കാര്യങ്ങൾ നിർവ്വഹിക്കും. സന്തോഷപ്രദമായ അനുഭവങ്ങളുണ്ടാകും. സന്താനങ്ങളുടെ അഭിവൃദ്ധിക്കുവേണ്ടി യത്നിക്കും. പൂർവ്വിക സ്വത്ത് അധീനതയിൽ വന്നു ചേരും. അന്യദേശവുമായി ബന്ധപ്പെട്ട ബിസിനസിൽ അഭിവൃദ്ധിയുണ്ടാകും. ഭാഗ്യദിനം ശനി

അനിഴം: പുതിയ വാഹനങ്ങൾ വാങ്ങുകയോ, ഉള്ളതിൽ നിന്ന് കൂടുതൽ വരുമാനമുണ്ടാവുകയോ ചെയ്യും. മേലധികാരികളിൽ നിന്ന് ആനുകൂല്യങ്ങൾ ലഭിക്കും. ബന്ധുക്കൾ മുഖേന സാമ്പത്തിക നേട്ടമുണ്ടാകും.ഭൂമിയോ മറ്റ് വിലപിടിപ്പുള്ള വസ്തുക്കളോ അധീനതയിൽ വന്നു ചേരും. ഭാഗ്യദിനം ചൊവ്വ
തൃക്കേട്ട: ഉന്നതരായ വ്യക്തികളിൽ നിന്ന് സഹായ സഹകരണങ്ങളുണ്ടാകും. ഉദ്യോഗത്തിൽ തടസപ്പെട്ടുകിടക്കുന്ന പ്രമോഷൻ ശരിപ്പെടും. സന്താനങ്ങൾക്ക് വിദ്യയിൽ വിജയമുണ്ടാകും. ദൂരദേശത്തുള്ളവരിൽ നിന്ന് അനുകൂലമായ വാർത്തകൾ കേൾക്കാനിടവരും. ഭാഗ്യദിനം വ്യാഴം
മൂലം: എല്ലാ പ്രവർത്തനങ്ങളിലും ആത്മവിശ്വാസം വർദ്ധിക്കും. വിദ്യാർത്ഥികൾ മെച്ചമായ പരീക്ഷാവിജയം നേടും. ടെസ്റ്റുകളിലും ഇന്റർവ്യൂകളിലും വിജയിക്കും. ഭൂമി വാങ്ങണമെന്നുള്ളവർക്ക് അതിനവസരമുണ്ടാകും. വീട്ടിൽ പൂജാദികാര്യങ്ങൾ നടക്കാനിടയുണ്ട്. ഭാഗ്യദിനം വെള്ളി
പൂരാടം: തിരഞ്ഞെടുപ്പുകളിലും മറ്റും വിജയം കൈവരിക്കും. ഊഹകച്ചവടത്തിലും പന്തയങ്ങളിലും മത്സരപരീക്ഷകളിലും വിജയിക്കും. വിദ്യാഭ്യാസ സ്ഥാപനങ്ങളുമായി ബന്ധപ്പെടേണ്ടതായി വരും. സംഘടനാ തലത്തിൽ പ്രവർത്തിക്കുന്നവർക്ക് ഏറ്റവും അനുകൂല സമയം. ഭാഗ്യദിനം വെള്ളി

ഉത്രാടം: വിദേശയാത്രയ്ക്ക് ശ്രമങ്ങൾ വിജയിക്കും. കരുതലോടെ പ്രവർത്തിച്ചില്ലെങ്കിൽ കൂട്ടുകച്ചവടത്തിൽ നഷ്ടമുണ്ടാകും. മംഗളകർമ്മങ്ങൾക്കായി ബന്ധുക്കളും സുഹൃത്തുക്കളുമായി ഒത്തു ചേരും. കടം കൊടുത്ത സംഖ്യ പലിശ സഹിതം തിരിച്ചു കിട്ടും. ഭാഗ്യദിനം ചൊവ്വ
തിരുവോണം: ജോലിയിൽ നിന്നും വാണിജ്യവ്യവസായാദികളിൽ നിന്നും വരുമാനമുണ്ടാകും. ശത്രുക്കളുടെ ഗൂഢപ്രവർത്തനങ്ങളെ പരാജയപ്പെടുത്തും. വിദ്യാഭ്യാസരംഗത്ത് പുരോഗതിയുണ്ടാകും. ബന്ധുജനങ്ങളിൽ നിന്നും സഹായം പ്രതീക്ഷിക്കാം.ഭാഗ്യദിനം വ്യാഴം
അവിട്ടം: കുടുംബപരമായി ഉണ്ടായിരുന്ന പ്രശ്നങ്ങൾ തീരും. ഉദ്യോഗത്തിൽ പ്രമോഷൻ ലഭിക്കും. കലാകാരന്മാർക്ക് അനുകൂല സമയം . സർക്കാർ നടപടികളിൽ നിന്ന് പ്രതികൂലമായ അനുഭവങ്ങളുണ്ടാകും. ഉത്സവാദികാര്യങ്ങൾക്ക് വേണ്ടി ധനം ചെലവഴിക്കും. ഭാഗ്യദിനം തിങ്കൾ
ചതയം: സർവീസിൽ സ്ഥീരീകരണത്തിന് കാലതാമസം നേരിടും. ആദായകരമല്ലാത്ത സ്ഥാപനങ്ങൾ ഏറ്റെടുത്ത് ലാഭകരമായി നടത്താനുള്ള ശ്രമിക്കും. വിദ്യാർത്ഥികൾ മെച്ചപ്പെട്ട പരീക്ഷാവിജയം നേടും. ഇലക്‌ട്രോണിക്സ് വിഷയങ്ങൾ പഠിക്കും. ഭാഗ്യദിനം ശനി

പൂരുരുട്ടാതി: ബിസിനസിൽ അഭിവൃദ്ധിയുണ്ടാകും. ചെറുയാത്രകൾ ആവശ്യമായി വരും. കൃഷി അഭിവൃദ്ധിപ്പെടുത്തുന്നതിനായി കഠിനാദ്ധ്വാനം വേണ്ടിവരും. മാനസിക അസ്വസ്ഥതകൾ അനുഭവപ്പെടും. പഴയ വീട് മോടിപിടിപ്പിക്കും. ഭാഗ്യദിനം ബുധൻ
ഉത്രട്ടാതി: ഉയർന്ന ഉദ്യോഗസ്ഥന്മാർ ഉദാരതയോടെ പെരുമാറും. വ്യക്തിപരമായ അന്തസ്സും പദവിയും വർദ്ധിക്കും. സഹോദരങ്ങൾക്ക് ശ്രേയസ് വർദ്ധിക്കും. ആരാധനാലയങ്ങളോ പൊതുസ്ഥാപനങ്ങളോ നവീകരിക്കുന്നതിൽ സഹകരിക്കും. ഭാഗ്യദിനം ചൊവ്വ
രേവതി: എല്ലാ പ്രവൃത്തികളിലും നിയന്ത്രണവും മിതത്വവും പുലർത്തിയേക്കും. ഭൂമി വാങ്ങാനുദ്ദേശിക്കുന്നവർക്ക് അത് സാധിക്കും. ആരോഗ്യപരമായി ചില പ്രശ്നങ്ങളുണ്ടാകും. ഗൃഹോപകരണങ്ങൾ വാങ്ങും. സിനിമാനിർമ്മാതാക്കൾക്ക് ലാഭമുണ്ടാകും. ഭാഗ്യദിനം ഞായർ