ഭാവനയ്‌ക്കെതിരെ നടത്തിയ വിവാദ പരാമര്‍ശത്തില്‍ വിശദീകരണവുമായി താര സംഘടനയായ എ എം എം എയുടെ ജനറല്‍ സെക്രട്ടറി ഇടവേള ബാബു. അമ്മ മുമ്ബ് നിര്‍മ്മിച്ച മള്‍ട്ടിസ്റ്റാര്‍ ചിത്രം ട്വന്റി 20യില്‍ ഭാവനയുടെ കഥാപാത്രം മരിച്ചുപോയില്ലേ എന്നാണ് താന്‍ ഉദ്ദേശിച്ചതെന്ന് ഇടവേള ബാബു പറഞ്ഞു. നടി പാര്‍വതിയുടെ രാജി കിട്ടിയിട്ടില്ലെന്നും ഇടവേള ബാബു റിപ്പോര്‍ട്ടര്‍ ടിവിയോട് പറഞ്ഞു.

ഭാവന സംഘടനയില്‍ അംഗമല്ലാത്തതിനാല്‍ അമ്മ നിര്‍മ്മിക്കുന്ന സിനിമയില്‍ അവര്‍ ഉണ്ടാകില്ലെന്നും മരിച്ചുപോയവര്‍ തിരിച്ചുവരാത്തത് പോലെയാണ് ഇതെന്നുമാണ് ഇന്നലെ ഇടവേള ബാബു പറഞ്ഞത്. അമ്മ നിര്‍മ്മിക്കുന്ന അടുത്ത സിനിമയില്‍ ഭാവനയ്ക്ക് റോളുണ്ടാകുമോ എന്ന ചോദ്യത്തോട് പ്രതികരിക്കവേയാണ് ഇടവേള ബാബു ഇക്കാര്യം പറഞ്ഞത്.

ഇടവേള ബാബുവിന്റെ പരാമര്‍ശം വെറുപ്പുളവാക്കുന്നതും ലജ്ജാകരവുമാണെന്നും എ എം എം എ എന്ന സംഘടനയ്ക്ക് ഒരു മാറ്റവും പ്രതീക്ഷിക്കാന്‍ കഴിയാത്തതിനാല്‍ രാജി വയ്ക്കുകയാണെന്നും നടി പാര്വതി തിരുവോത്ത് ഫേസ്ബുക്ക് പോസ്റ്റില്‍ അറിയിച്ചിരുന്നു. ഇതിന് പിന്നാലെയാണ് പാര്‍വതിയുടെ രാജി കിട്ടിയിട്ടില്ലെന്ന് ഇടവേള ബാബു പ്രതികരിച്ചത്.

തമിഴ്നാട് മുൻ മുഖ്യമന്ത്രി ജയലളിതയുടെ ജീവിതം ആസ്പദമാക്കിയുള്ള ‘തലൈവി’എന്ന ചിത്രത്തിൻറെ ഷൂട്ടിംഗ് ഒരിടവേളയ്ക്ക് ശേഷം വീണ്ടും ആരംഭിച്ചിരുന്നു. കോവിഡ് പശ്ചാത്തലത്തിലുള്ള ഇടവേളയ്ക്ക് ശേഷം ഈയടുത്താണ് ചിത്രീകരണം പുനഃരാരംഭിച്ചത്. തമിഴ്നാട്ടുകാരുടെ ‘അമ്മ’ ജയലളിതയ്ക്ക് അരങ്ങിൽ ജീവൻ പകരുന്നത് ബോളിവുഡ് താരം കങ്കണ റണൗത്താണ്. താൻ വളരെയെറേ പ്രതീക്ഷയോടെ കാത്തിരിക്കുന്ന ചിത്രമാണിത് കങ്കണ പലതവണ ആവർത്തിച്ച് പറഞ്ഞിട്ടുമുണ്ട്.

ചിത്രത്തിൻറെ ഷൂട്ടിംഗ് ആരംഭിച്ചത് മുതൽ തന്നെ ഇതുമായി ബന്ധപ്പെട്ട ഓരോവിവരങ്ങളും കങ്കണ തന്നെ ആരാധകരുമായി പങ്കു വയ്ക്കുകയും ചെയ്തിരുന്നു. കോവിഡ് നിയന്ത്രണങ്ങൾ നീങ്ങി ചിത്രീകരണം ആരംഭിക്കാൻ പോകുന്ന വിവരവും ഇത്തരത്തിൽ അറിയിച്ചിരുന്നു. ഇപ്പോൾ ചിത്രത്തിൻറെ അടുത്ത ഷെഡ്യൂളും പൂർത്തിയായെന്ന സന്തോഷം പങ്കിട്ടെത്തിയിരിക്കുകയാണ് താരം. ലൊക്കോഷനിൽ നിന്നുള്ള ചിത്രങ്ങൾക്കൊപ്പമാണ് വിവരം അറിയിച്ചിരിക്കുന്നത്. ഒറ്റനോട്ടത്തിൽ ജയലളിത എന്നു തന്നെ തോന്നിപ്പോകുന്ന സമാനതകളാണ് ചിത്രത്തിൽ കങ്കണയ്ക്കുള്ളത്.

‘ജയ അമ്മയുടെ അനുഗ്രഹത്തോടെ തലൈവി-ദി റവല്യൂഷണറി ലീഡറിൻറെ ഒരു ഷെഡ്യൂൾ കൂടി പൂർത്തിയായി. കൊറോണയ്ക്ക് ശേഷം പല കാര്യങ്ങളിലും മാറ്റം വന്നെങ്കിലും ആക്ഷനും കട്ടിനും ഇടയ്ക്കുള്ള കാര്യങ്ങളിൽ മാത്രം മാറ്റമൊന്നുമുണ്ടായിട്ടില്ല’ ടീമഗംങ്ങൾക്ക് നന്ദി അറിയിച്ച് കങ്കണ ട്വിറ്ററിൽ കുറിച്ചു.

കണ്ണൂർ: കുവൈത്തിൽ കടലിൽ കുളിക്കുന്നതിനിടെ കണ്ണൂർ സ്വദേശിയായ വിദ്യാർത്ഥി മുങ്ങിമരിച്ചു. കണ്ണൂർ സ്വദേശി ഇംതിയാസിന്റെയും നസീമയുടെയും മകൻ മുഹമ്മദ് ഇർഫാൻ (14) ആണ് മരിച്ചത്.വെള്ളിയാഴ്ച വൈകുന്നേരം മഹബൂലയി ബീച്ചിൽ സുഹൃത്തുക്കൾക്കൊപ്പം കുളിക്കുന്നതിനിടെയായിരുന്നു അപകടം.

കോസ്റ്റ് ഗാർഡിന്റെ നേതൃത്വത്തിൽ തെരച്ചിൽ നടത്തിയെങ്കിലും രക്ഷിക്കാനായില്ല. മംഗഫ് ഇന്ത്യ ഇന്റർനാഷണൽ സ്‌കൂൾ ഒമ്പതാം ക്ലാസ് വിദ്യാർത്ഥിയായിരുന്നു. സഹോദരങ്ങൾ: ഇംറാൻ അലി, ഇഹ്സാൻ, ഇസ്ന, അർഷ്.