തിരുവനന്തപുരം: സംസ്ഥാനത്തെ സ്ത്രീകൾക്കായി സർക്കാർ പ്രഖ്യാപിച്ച സൗജന്യ ബസ് യാത്രാ പദ്ധതി ഇന്ന് മുതൽ പ്രാബല്യത്തിൽ വന്നു. കെഎസ്ആർടിസിയുടെ 3,125 സാധാരണ സർവീസുകളിലാണ് പദ്ധതി ആദ്യഘട്ടമായി നടപ്പാക്കുന്നത്.പദ്ധതിയുടെ ഭാഗമായി സ്ത്രീകൾക്ക് ടിക്കറ്റ് നിരക്ക് നൽകാതെ യാത്ര ചെയ്യാം. സാധാരണയായി അനുവദിക്കുന്ന 15 കിലോ വരെ ലഗേജ് സൗകര്യവും തുടരും. യാത്രക്കാർക്ക് എളുപ്പത്തിൽ തിരിച്ചറിയുന്നതിനായി പദ്ധതിയിൽ ഉൾപ്പെടുത്തിയ ബസുകളിൽ പ്രത്യേക അടയാളങ്ങൾ പ്രദർശിപ്പിച്ചിട്ടുണ്ടെന്ന് അധികൃതർ അറിയിച്ചു.
സ്ത്രീകളുടെ യാത്രാചെലവ് കുറയ്ക്കുകയും വിദ്യാഭ്യാസം, തൊഴിൽ, ആരോഗ്യ സേവനങ്ങൾ തുടങ്ങിയ ആവശ്യങ്ങൾക്കായി കൂടുതൽ സൗകര്യപ്രദമായി യാത്ര ചെയ്യാൻ സഹായിക്കുകയും ചെയ്യുന്നതാണ് പദ്ധതിയുടെ പ്രധാന ലക്ഷ്യം. സംസ്ഥാനത്തുടനീളമുള്ള ലക്ഷക്കണക്കിന് വനിതകൾക്ക് ഈ പദ്ധതി ഗുണകരമാകുമെന്നാണ് വിലയിരുത്തൽ.സൗജന്യ യാത്രാ പദ്ധതിയിലൂടെ പൊതുഗതാഗത ഉപയോഗം വർധിക്കുമെന്നും സ്ത്രീകളുടെ സാമൂഹിക-സാമ്പത്തിക പങ്കാളിത്തത്തിന് ഇത് കൂടുതൽ പ്രോത്സാഹനം നൽകുമെന്നും സർക്കാർ പ്രതീക്ഷിക്കുന്നു
